१३ औं दक्षिण एसियाली खेलकुदका दोहोरो स्वर्ण पदक बिजेता मण्डे काजी श्रेष्ठलाई मध्यपुर थिमी नगरपालिकाले साढे पाँच लाख नगद सहित सम्मान गरेको छ ।
शनिबार भएको एक कार्यक्रममा थिमी नगर प्रमुख मदन सुन्दर श्रेष्ठले नगद ५ लाख ५५ हजार ५ सय ५५ रुपैया प्रदान गरेको थियो । यसअघि मण्डेलाई नगर परिक्रमा पनि गरिएको थियो । मण्डेसँगै उनका दक्षिण एसियाली खेलकुदका प्रशिक्षक गङ्गा राम महर्जन र बाल्यकालका प्रशिक्षक सजन श्रेष्ठलाई पनि सम्मान गरिएको थियो ।
मण्डेले सागमा नेपाललाई पहिलो स्वर्ण जिताएका थिए । त्यही दिन उनले टिम कातामा पनि स्वर्ण पदक हात पारेका थिए । उनलाई नेपाल सरकारले पनि घोषणा १४ लाख दिने घोषणा गरिसकेको छ । श्रेष्ठले मण्डेका लागि उनले अहिलेसम्म प्राप्त गरेको पदक र सम्मान पत्र राख्नका लागि एउटा बक्स पनि बनाइदिने बताएका छन् ।
