नेपाली राष्ट्रिय फुटबल टोलीका पुर्व कप्तान अनिल गुरुङले यस संस्करणको शहिद स्मारक ए डिभिजन लिग ब्रिगेड ब्वाइज क्लब (बीबीसी) बाट खेल्ने भएका छन् ।
गत संस्करणको लिगमा थ्री स्टारबाट खेलेका अनिलले यस पटक बीबीसीबाट खेल्न लागेका हुन् । क्लबले आज एक कार्यक्रमको आयोजना गर्दै अनिललाई नै कप्तानीको जिम्मा पनि दिएको छ । अनिलले २०६२ सालमा लिगको शुरुवात पनि बीबीसीबाट नै गरेका थिए ।
नेपाली राष्ट्रिय टोलीबाट सन्यास लिईसकेका अनिल घरेलु खेल जीवनको पनि उत्तरार्दमा छन् ।