१३ औं दक्षिण एसियाली खेलकुद पुरुष फुटबलको फाइनल सकिए लगत्तै नेपाली राष्ट्रिय तथा घरेलु फुटबलरहरुको नेपाली निलो टोलीले शुक्रबार जापानी टोलीसँग खेल्न गइरहेको छ ।
खेल दशरथ रँगशालामा दिउसो तीन बजेदेखि शुरु हुनेछ । अखिल नेपाल फुट्बल संघ (एन्फा) को निमन्त्रणामा नेपाल आएको जापानी टोलीले मैत्रीपूर्ण खेल खेल्न गइरहेको हो ।
यसअघि जापानी टोलीले दक्षिण एसियाली खेलकुदको स्वर्ण पदक बिजेता नेपाली अण्डर २३ टिमसँग खेल्ने भनिएपनि धेरै खेलाडीहरु फिट नदेखिएपछि नेपाल निलो सँग खेल हुन गइरहेको हो ।
नेपाली टोलीमा को–को हुनेछन् खुलाइएको भने छैन । जापान फुट्बल लिग अन्तर्गतका अण्डर–२२ का खेलाडी समेटिएको जापानी टोलीले शुक्रबार नेपाल निलो र आइतबार शहिद स्मारक ए डिभिजन लिग बिजेता मनाङ मस्र्याङ्दी क्लबसँग खेल्ने छ ।
जापान फुटबल लिग चौथो बरियताको जापानइज लिग हो । जापान फुट्बल संघले नेपालको फुटबल स्तर उन्नतीको लागि टिम पठाएकोमा अफु निकै खुशी रहेको एन्फा महासचिव इन्द्रमान तुलाधरले बिहिबार आयोजित पत्रकार सम्मेलनमा जानकारी दिए ।
