१३ औं दक्षिण एसियाली खेलकुद (साग) अन्तर्गत श्रीलंकासँगको खेलको अन्त्य तिर सम्हाल्लिन नसक्दा नेपाल बराबरी खेल्न बाध्य भएको छ ।
खेलको ९० मिनेट सम्म १-० को अग्रता लिएको नेपाल दोश्रो हाफको इन्जुरी समयमा गोल खाँदा १-१ को बराबरी खेल्यो र श्रीलंकासँग अंक पनि बाँड्यो । खेलको ९१औं मिनेटमा नेपाली टोलीले गरेको फलका कारण फ्रि-किक पाएको श्रीलंकाले त्यसको सदुपयोग गर्दै गोल गर्यो र एक अंक जोड्न सफल भयो ।
नेपालले आफ्नो पहिलो खेलमा भुटानलाई ४-० को फराकिलो अन्तरले पराजित गरेको थियो । आजको खेल पछि नेपालको दुई खेलमा चार अंक रहेको छ भने समान खेलमा भुटानको तीन अंक छ । माल्दिभ्स र श्रीलंकाको २-२ तथा बंगलादेशको एक अंक रहेको छ ।