सक्षमले दिलाए नेपाललाई साग इतिहासमा एक सयौं स्वर्ण

सक्षम कार्कीले नेपालको लागि दक्षिण एसियाली खेलकुदमा ऐतिहासिक एक सयौं स्वर्ण पदक जितेका छन् ।

तेक्वान्दोका लागि दिनको दोश्रो स्वर्ण जित्ने क्रममा सक्षमले पुरुष ८७ केजी माथिको तौल समुहमा बाजी मारे । उनले फाइनलमा पाकिस्तानका वकार अलि शाहलाई २७–९ को फराकिलो अन्तरले पराजित गरेका हुन् ।

सेमिफाइनलमा श्रीलंकाका सिया बालापितियागेलाई हराएका थिए । जारी १३ औं दक्षिण एसियाली खेलकुदमा नेपालले २९ स्वर्ण जितिसकेको छ । १२ औं सागमा मात्र तीन स्वर्ण जितको नेपालको नाममा यसअघि ७१ स्वणं रहेको थियो ।

तेक्वान्दोमै नेपालका लागि महिला ६२ केजी मुनि सँगिता बस्यालले बुधबार स्वर्ण पदक जितेकी थिइन् । नेपालले आज साइक्लिङ्गमा पनि दुई स्वर्ण जितिसकेको छ भने अर्को एक–एक स्वर्ण कराते र उसुमा जितेको थियो ।

सागमा स्वर्ण जित्ने अहिलेसम्मका खेलाडी र टिमहरुः

१३ औं दक्षिण एसियायली खेलकुद

१.कराते (एकल काता) – मण्डेकाजी श्रेष्ठ

२.कराते (टिम काता, पुरुष ) – मण्डेकाजी श्रेष्ठ, महसुस तामाङ, प्रविण मानन्धर

३.कराते (टिम काता ,महिला)– निर्मला तामाङ, संगिता मगर, सरु कार्की

४.कराते (५५ केजी) – लक्ष्मण तामाङ

५.कराते(८४ केजीमाथि)–विप्लवलाल श्रेष्ठ

६.कराते (४५ केजी मुनी)– कुसुम खड्का

७.कराते (५० केजी मूनि) अनु अधिकारी

८.कराते (६७ केजी) नवीन रसाइली

९.कराते (६८ केजी)– सुनिता महर्जन

१०. कराते (६८ केजी)– अनुपमा मगर

११.तेक्वान्दो पुम्से (२३–२९ वर्ष ) – कमल श्रेष्ठ

१२.तेक्वान्दो पुम्से ( १७ –२३ वर्ष )– सिना मादेन लिम्बु

१३.तेक्वान्दो पुम्से (२३ –२९ वर्ष ) – पार्वती गुरुङ

१४.तेक्वान्दो पुम्से (२९ वर्ष माथि ) – आयशा शाक्य

१५.तेक्वान्दो पुम्से (२९ वर्ष माथि ) आयशा शाक्य र सञ्जिकुमार पाण्डे

१६.पुम्से महिला टिम (१७–२३ वर्ष) – निशा दर्नाल, स्वस्तिका तामाङ र सन्जिला तिमल्सिना

१७.पुम्से महिला टिम (२३–२९ वर्ष) – निता गुरुङ, प्रशंसा क्षेत्री र शुसिला राई

१८. तेक्वान्दो (४६ केजी मुनि)– काजल श्रेष्ठ

१९. तेक्वान्दो (६८ केजी मुनि) – वीरबहादुर महरा

२०.ट्रायथलन – सोनी गुरुङ

२१.डुवाथोलन – हिमाल टमाटा

२२. उसु (थाउलो) – विजय सिन्जाली

२३. उसु (थाउलो) – सुस्मिता तामाङ

२४. उसु (थाउलो)– दीपक हमाल

२५.एथलेटिक्स (१० हजार मिटर)– सन्तोषी श्रेष्ठ

२६. साइक्लिङ (डाउनहिल) – राजेश मगर

२७. साइक्लिङ (डाउनहिल) – निश्मा श्रेष्ठ

२८. सँगिता बस्याल (तेक्वान्दो)
२९. सक्षम कार्की (तेक्वान्दो)