साग भलिबलः अन्तिम समयमा चुक्यो महिला टोली

आफ्नो भलिबल इतिहासमा अहिलेसम्मकै उत्कृष्ट प्रदर्शन गरेको नेपाली महिला टोली दक्षिण एसियाली खेलकुदको स्वर्ण पदकका लागि भएको खेलमा भारतबिरुद्ध भने चुक्न पुगेको छ ।

दशरथ रँगशालामा निकै नै रोमाञ्चक फाइनलमा नेपाल ३–२ ले पराजित भयो । यद्दपी नेपाली टोलीले आफ्नो भलिबल इतिहासमै पहिलो पटक भारतलाई सेटमा पराजित भने गर्न सफल भयो ।

पहिलो सेट १७–२५ ले सुम्पिएको नेपाली टोलीले दोश्रो सेटमा राम्रो पुनरागमन गर्दै २५–२३ ले आफ्नो पक्षमा पा¥यो । तेश्रो सेटमा २५–२१ ले बिजयी भएपछि नेपाली दर्शक निकै उत्साहित बनेका थिए । त्यसपछि खेलमा भारतले खेलमा पुनरागमन ग¥यो ।

भारतले चौथो सेट २५–२० ले जित्यो भने अन्तिम सेट १५–६ ले जित्दै आफ्नो नाममा स्वर्ण पदक लेखायो । नेपालले फाइनल प्रवेशपछि पहिलो पटक दक्षिण एसियाली खेलकुद इतिहासमा भलिबलमा रजत पदक जितेको हो ।