नेपाली राष्ट्रिय भलिबल टोलीका प्रशिक्षक जगदिश भट्टले घरेलु मैदानमा शुरु भएको १३औं दक्षिण एसियाली खेलकुद (साग) को महिला भलिबलको मुख्य लक्ष्य स्वर्ण पदक भएको जनाएका छन् ।
खेल पछि पत्रकारहरुसँग कुरा गर्दै भट्टले घरेलु मैदान र घरेलु दर्शकहरु माझ स्वर्ण पदक जीत्ने लक्ष्य रहेको जनाएका हुन् । भट्टको नै प्रशिक्षणमा नेपाली महिला टोलीले हालै बंगलादेश सम्पन्न एभिसि सेन्ट्रल जोन महिला भलिबल च्याम्पियनसिपको उपाधि चुमेको थियो ।
दशरथ रँगशालास्थित कभर्ड हलमा भएको खेलमा नेपालले बङ्गलादेशलाई सोझो सेटमा पराजित गरेको हो । पहिलो दुई सेट २५–९, २५–९ ले जित्दै २–० को अग्रता लिएपछि बङ्गलादेश नेपाल सामु निरिह साबित भएको थियो । तेश्रो सेटमा पनि नेपाल २५–११ ले बिजयी भएको थियो ।