नेपाली राष्ट्रिय क्रिकेट टोलीका युवा लेग स्पिनर सन्दिप लामिछाने डिसेम्बर एक तारिखबाट नेपालले आयोजना गर्ने १३औं दक्षिण एसियाली खेलकुद साग नखेल्ने भएका छन् ।
पछिल्लो समय बिश्वमा हुने विभिन्न फ़्रेन्चाइज लिगमा ब्यस्त भएका सन्दिपले आँखाको शालयक्रिया गरेका कारण सागमा सहभागिता जनाउन नसक्ने भएका हुन् । आँखामा समस्या देखिए पछि उनले डाक्टरहरुको सल्लाहमा आँखाको शालयक्रिया गरेका हुन् । सन्दिपले करिब चार हफ्ता बिश्राम गर्न पर्ने छ । यस अघि अबुधबीमा आयोजना भएको टि१० लिगमा सहभागित जनाउनका लागि सन्दिपले बंगलादेशमा सम्पन्न एसीसी इमर्जिंग टिम्स एशिया कपमा पनि सहभागिता जनाएका थिएनन् ।
सन्दिपले सहभागिता जनाउन नसक्ने भए पछि उनको स्थानमा यु१९ टोलीका कप्तान रोहित कुमार पौडेललाई साग टोलीमा समावेस गरिएको छ । रोहित एसीसी इमर्जिंग टिम्स एशिया कपको टोलीमा समावेस भएता पनि साग टोलीको अन्तिम १५ मा पर्न असफल रहेका थिए ।
साग अन्तर्गत पुरष क्रिकेटको आफ्नो पहिलो खेलमा नेपालले श्रीलंकाको सामना गर्नेछ । नेपालले आफ्नो दोश्रो खेल डिसेम्बर पाँचमा भुटानसँग, तेश्रो खेल त्यसको भोलिपल्ट माल्दिभ्ससँग खेल्ने छ भने समुह चरणको चौंथो तथा अन्तिम लिग खेलमा बंगलादेशसँग भिड्ने छ ।
यस प्रतियोगिता पाकिस्तान र भारतले सहभागिता नजनाउने भएका छन् । भारत र पाकिस्तानको सहभागिता नहुने भए पछि प्रतियोगितामा आयोजक नेपाल सहित भुटान, माल्दिभ्स, श्रीलंका र बंगलादेश सहित कुल पाँच राष्ट्रको सहभागिता रहने छ । प्रतियोगितामा सबै टोलीले एक अर्कामा एक एक खेल खेल्ने छन् भने पहिलो र दोश्रो हुनेले स्वर्ण पदकका लागि भिड्ने छन् भने तेश्रो तथा चौथों हुने टोली तेश्रो स्थानका लागि भिड्ने छन् ।
ज्ञानेन्द्र मल्ल कप्तान रहेको दक्षिण एसियाली खेलकुदका नेपाली टोलीमा दिपेन्द्र सिँह ऐरि उपकप्तान रहेका छन् । नेपालको अन्य खेलाडीहरुमा पारस खड्का, करण केसी, सन्दिप लामिछाने, सोमपाल कामी, बिनोद भण्डारी, अविनाश बोहोरा, सुशन भारी श्रेष्ठ, कुशल भुर्तेल, सन्दिप जोरा, आरिफ शेख, रशिद खान, पवन शर्राफ र ललित नारायण राजबंशी रहेका छन् ।
टियु क्रिकेट मैदानमा हुने खेलको फाइनल १० तारिखमा हुनेछ ।