साग पुरष क्रिकेटमा नेपालको पहिलो खेल श्रीलंकासँग

नेपालमा आयोजना हुने १३औं दक्षिण एसियाली खेलकुद (साग) अन्तर्गत पुरष क्रिकेटको आफ्नो पहिलो खेलमा नेपालले श्रीलंकाको सामना गर्ने भएको छ । सार्वजनिक खेल तालिका अनुसार तीन डिसेम्बरमा नेपालले आफ्नो पहिलो खेल खेल्न लागेको हो ।

यस प्रतियोगिता पाकिस्तान र भारतले सहभागिता नजनाउने भएका छन् । भारत र पाकिस्तानको सहभागिता नहुने भए पछि प्रतियोगितामा आयोजक नेपाल सहित भुटान, माल्दिभ्स, श्रीलंका र बंगलादेश सहित कुल पाँच राष्ट्रको सहभागिता रहने छ । प्रतियोगितामा सबै टोलीले एक अर्कामा एक एक खेल खेल्ने छन् भने पहिलो र दोश्रो हुनेले स्वर्ण पदकका लागि भिड्ने छन् भने तेश्रो तथा चौथों हुने टोली तेश्रो स्थानका लागि भिड्ने छन् ।

नेपालले आफ्नो दोश्रो खेल डिसेम्बर पाँचमा भुटानसँग, तेश्रो खेल त्यसको भोलिपल्ट माल्दिभ्ससँग खेल्ने छ भने समुह चरणको चौंथो तथा अन्तिम लिग खेलमा बंगलादेशसँग भिड्ने छ ।

ज्ञानेन्द्र मल्ल कप्तान रहेको दक्षिण एसियाली खेलकुदका नेपाली टोलीमा दिपेन्द्र सिँह ऐरि उपकप्तान रहेका छन् । नेपालको अन्य खेलाडीहरुमा पारस खड्का, करण केसी, सन्दिप लामिछाने, सोमपाल कामी, बिनोद भण्डारी, अविनाश बोहोरा, सुशन भारी श्रेष्ठ, कुशल भुर्तेल, सन्दिप जोरा, आरिफ शेख, रशिद खान, पवन शर्राफ र ललित नारायण राजबंशी रहेका छन् ।

टियु क्रिकेट मैदानमा हुने खेलको फाइनल १० तारिखमा हुनेछ ।