लेख
महिला विश्वकप : बंगलादेश माथि सहज जित निकाल्दा भारतको सेमिफाइनल सम्भावना जीवितै
Published
2 years agoon
By
wesportzबंगलादेश माथि ११० रनको फराकिलो जित हात पार्दा भारतले न्युजिल्यान्डमा जारी महिला विश्वकपको सेमिफाइनल पुग्ने सम्भावना जीवितै राखेको छ ।
६ खेल खेलेको भारतको यो तेश्रो जित हो । तीन जित र तीन हारको सामना गरेको भारत ६ अंक सहित अंक तालिकाको तेश्रो स्थानमा उक्लिएको छ । ६ खेलमा नै साबिक विजेता वेस्ट इन्डिजको पनि ६ अंक रहे पनि नेट रन रेटका आधारमा भारत भन्दा पछाडि रहेको छ ।
पाँच खेल खेलेको बंगलादेशले आजको खेलमा पराजित हुँदा उसको सेमिफाइनल यात्रा लगभग समाप्त भएको छ । पाँच खेलमा बंगलादेशले एक जित मात्र दर्ता गर्न सफल भएको छ भने बाँकी चार खेलमा हारको सामना गरेको थियो ।
खेलमा टस जितेर पहिले ब्याटिङ गरेको भारतले पुरै ५० ओभर खेल्दै सात विकेट गुमाएर २२९ रनको मध्यम योगफल बनायो भने जबाफी ब्याटिङ गरेको बंगलादेशले ४० दशमलब तीन ओभरमा आफ्ना सबै विकेट गुमाएर ११९ रन मात्र जोड्न सक्यो ।
भारतको जितमा खेलको प्लेयर अफ द म्याच घोषित यास्तिका भाटियाले ८० बलको सामना गर्दै दुई चौकाको मद्दतमा सर्वाधिक ५० रनको पारी खेलिन् भने बलिङ तर्फ स्नेहा राणाले १० ओभरमा दुई मेडन सहित ३० रन दिएर सर्वाधिक चार विकेट हात पारिन् ।
भारतको लागि ब्याटिङमा भाटिया बाहेक ओपनरद्वय स्मृती मन्धना र शफाली बर्माले क्रमश ५१ बलमा ३० र ४२ बलमा ४२ रन, पुजा वस्त्रकरले अविजित ३०, स्नेहा राणालले २७ तथा विकेट किपर ऋचा घोषले २६ रनको योगदान दिँदा कप्तान मिथाली राज गोल्डेन डकआउट हुन पुगे ।
बंगलादेशकी ऋतू मोनीले तीन विकेट हात पार्दा नहिदा अख्तरले पनि आफ्नो नाममा दुई विकेट दर्ता गरिन् ।
ब्याटिङमा बंगलादेशको तर्फबाट सलमा खातुनले ३२, लता मंडलले २४ तथा मुर्शीदा खातुनले १९ रनको पारी खेले पनि फराकिलो हारबाट जोगाउन सकेनन् ।
भारतको तर्फबाट बलिङमा स्नेहा बाहेक पुजा वस्त्राकर र झुलन गोस्वामीले समान २-२ विकेट हात पार्दा राजेश्वरी गायकवाड र पुनम यादवले पनि समान १-१ विकेट आफ्नो नाममा दर्ता गराए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
नेपालले घरेलु टोली केन्या विरुद्धको तेश्रो ट्वान्टी ट्वान्टी खेलमा चार विकेटको कीर्तिमानी जित हात पारेको छ । जितसँगै नेपालले चार खेलको शृंखलामा २-१ को अग्रता पनि लिन सफल भएको छ ।
केन्याले दिएको १५७ रनको लक्ष्य १९ दशमलब तीन ओभर खेल्दै ६ बिकटको नोक्सानीमा लक्ष्य पार गर्यो । नेपालले केन्या पुरा गरेको १५७ रनको सबैभन्दा लक्ष्य हो । यस अघि नेपालले सन् २०१९ मा सिंगापुर विरुद्ध १५२ रनको लक्ष्य पुरा गरेको थियो ।
नेपालको जितमा पूर्व कप्तान ज्ञानेन्द्र मल्लले सर्वाधिक ४६ रनको पारी खेले भने आजको खेलमा नेपालको तर्फबाट ट्वान्टी ट्वान्टीमा डेब्यु गरेका विकेट किपर तथा ओपनर अर्जुन साउदले ३१ बलमा ३५ रनको योगदान दिए । त्यस बाहेक रोहित कुमार पौडेलले २९, पवन सर्राफले २० तथा आदिल अन्सारी १६ रनको पारी खेले ।
यस अघि खेलमा टस जितेर पहिले ब्याटिङ गरेको केन्याले २० ओभरमा मात्र दुई विकेट गुमाएर १५६ रनको विशाल योगफल खडा गर्यो ।
ओपनरद्वय सुकदिप सिंह आठ तथा कोलिन्स ओबुया १४ रनमा आउट हुँदा केन्या ६ ओभरमा २९ रनको अवस्थामा रहेको थियो । तर त्यस पछि ब्याटिङमा आएका विकेट किपर इरफान करिम र रकिप पटेलले तेश्रो विकेटका लागि ८४ बलमा अविजित १२७ रनको साझेदारी गर्दै केन्यालाई विशाल योगफल सम्म पुर्याए ।
केन्याको तर्फबाट रकिपले ४३ बल खेल्दै समान ५-५ चौका र छक्का प्रहार गर्दै अविजित ७३ रनको पारी खेले भने इरफानले पनि अविजित रहँदै ४७ बलमा ५५ रनको योगदान दिए ।
नेपालको तर्फबाट आदिल अन्सारी र सोमपाल कामीले समान १-१ विकेट लिए भने अन्य बलरहरु महँगो साबित हुँदै विकेट बिहिन रहन पुगे ।आदिलले एक ओभरमा चार रन खर्चिए भने सोमपालले तीन ओभरमा १६ रन मात्र दिए । नेपालका अन्य बलरहरुमा कप्तान सन्दिप लामिछानेले चार ओभरमा ४२ रन खर्चंदा दिपेन्द्र सिंह ऐरीले तीन ओभरमा ३१ तथा करण केसीले तीन ओभरमा २० रन दिन पुगे ।
लेख
साफ च्याम्पियनसिपका लागि तीन नयाँ खेलाडी समेट्दै टोली घोषणा
Published
2 years agoon
August 28, 2022By
wesportzयही भदाै २१ देखि असाेज ३ गते सम्म घरेलु मैदानमा आयाेजना हुने छैटौँ साफ महिला च्याम्पियनसिपका लागि नेपाली टाेली घाेषणा भएकाे छ । मुख्य प्रशिक्षक कुमार थापाले शनिवार २३ सदस्यीय टाृली घाेषणा गरेकाे एन्फाले जनाएकाे छ ।
उमेर समूहबाट आएका तीन नयाँ अनुहार समिक्षा घिमिरे, दिपा शाही र अमिशा कार्कीले पहिलाे पटक सिनियर टिममा स्थान बनाएका छन् । यस्तै फरवार्ड रेखा पाैडेलले पनि कमब्याक गरेका छन् ।
समूह बी मा रहेकाे नेपालले भुटानसँग उद्घाटन खेल खेल्नेछ । नेपाल रहेकाे समूह बी तीन टिम मात्र छ । नेपालले श्रीलंकासँग भदाै २८ गते खेल्नेछ । समूह ए मा साविक विजेता भारत, बंगलादेश, पाकिस्तान र माल्दिभ्स छन् । दुवै समूहकाे शीर्ष दुई टोली सेमिफाइनलमा प्रवेश गर्नेछन् ।
फिफाले दुई हप्ता पछि नै भारतीय फुटबलमाथि लगाएकाे निलम्बन फुकूवा गरेपछि भारतकाे सहभागिता पनि निश्चित भएकाे छ ।
नेपाली टिमः
गोलकिपरः एन्जिला तुम्बाप्पे सुब्बा, अन्जना रानामगर, उषा नाथ
रक्षकः हिराकुमारी भुजेत, अमृता जैसी, गीता राना, पुनम जर्गामगर, निशा थोकर, समिक्षा घिमिरे, विमला विक
मिडफिल्डरः विमला चौधरी, मन्जलीकुमारी योन्जन, प्रिती राई, सरु लिम्बु, दीपा राई, दीपा शाही, इन्दिरा राई, अनिता बस्नेत, अनिता केसी
फरवार्डः अमिषा कार्की, रेखा पौडेल, सावित्रा भन्डारी, रश्मीकुमारी घिसिङ
लेख
नेपाल टी२० लिग : खेलाडी दर्ता सुरु, चार मापदण्ड तय
Published
2 years agoon
August 28, 2022By
wesportzनेपाल क्रिकेट संघ (क्यान) ले असोज ८ देखि कात्तिक ५ गतेसम्म हुने नेपाल टी२० का लागि खेलाडी दर्ता सुरु गरेको छ । क्यानले शनिवार सामाजिक सञ्जालमार्फत चार मापदण्डसहित खेलाडी दर्ता सुरु भएको जनाएको छ ।
नेपाल टी२० लिगका लागि खेलाडीको विभिन्न तीन क्याटेगोरी तय गरिएको छ । क्याटेगोरी ए का खेलाडीले १५ लाख, क्याटेगोरी बी का खेलाडीले १० लाख र क्याटेगोरी सी का खेलाडीले ५ लाख पाउनेछन् ।
दर्ता गर्न चाहने खेलाडीका लागि चार मापदण्ड क्यानले तयार गरेको छ । लिगका लागि यही अगष्ट ३१ गतेसम्म दर्ता गर्नुपर्ने समयसीमा राखिएको छ । नेपाल टि-२० लिगको अधिकारिक वेबसाइटमा गएर खेलाडीहरुले फारम भर्न पर्नेछ र लिंक यस प्रकार रहेको छ — https://nepalt20.com/player-registration/
यस्ता छन् चार मापदण्ड
– खेलाडीले सन् २०१८ देखि नियमित रुपमा राष्ट्रिय खेलकुद, प्रधानमन्त्री कप तथा मेयर कप खेलेको हुनुपर्ने र औसत भन्दा राम्रो प्रदर्शन गरेको हुनुपर्ने ।
– सन् २०१८ देखि नेपालको यू-१९ टिमका लागि अन्तर्राष्ट्रिय प्रतियोगिता तथा शृंखलाहरुमा नेपालको लागि खेलेको हुनुपर्ने ।
– सन् २०१८ देखि सिनियर टोलीका लागि अन्तर्राष्ट्रिय प्रतियोगिता तथा सिरिज खेलेका खेलाडीलाई प्राथमिकता दिइने ।
– सन् २०१८ देखि विभिन्न फ्रेन्चाइज लिगमा नियमित खेलेका खेलाडीलाई प्राथमिकता दिइने ।