Connect with us

Headline

खुशीको मातले सधै थच्चारिने गरेको बंगलादेशी क्रिकेट

wesportz

Published

on

एक साताभन्दा कम समय अघि बंगलादेशले आफ्नो टेस्ट इतिहासकै सबैभन्दा ठूलो जित हात पार्यो । अघिल्लो साइकलको वल्र्ड टेस्ट च्याम्पियनसिप बिजेता न्युजिल्याण्डलाई बंगलादेशले उसकै घरमा घुँडा टेकायो ।

बंगलादेशको जित किन पनि उत्कृष्ट रह्यो भने न्युजिल्याण्ड भ्रमणमा बँगाली टिम उसका दुई प्रमुख खेलाडी शकिब अल हसन र तमिम इक्बालको अनुपस्थितिमा खेलिरहेको छ ।

मात्र ११ टेस्ट कान्छा इबादोत हुसैनले दोश्रो इनिङ्गसमा ६ विकेटको सनसनीपूर्ण प्रदर्शन गरेपछि बंगलादेश इतिहासमै पहिलो पटक न्युजिल्याण्डलाई उसकै घरमा क्रिकेटको कुनै पनि संरचनामा हराउन सफल भयो ।

खेलकुदमा कुनै पनि टोलीमा कुनै पनि ऐतिहासिक उपलब्धिले उच्च आत्मबिश्वास भर्ने गर्छ । नयाँ युग प्रवेश गरेको मानिन्छ ।

तर बँगलादेश यसको ठ्याक्कै उल्टो छ ।

न्युजिल्याण्डबिरुद्धको ऐतिहासिक जितको एक साता नबित्दै बंगलादेशले मँगलवार दोश्रो टेस्टमा लज्जास्पद हार व्यहोर्यो । यसको कारक बने न्युजिल्याण्डका कप्तान टम लाथम । केन विलियम्सनको स्थानमा नेतृत्व सम्हालेका लाथमले २ सय ५२ रन जोडेपछि न्युजिल्याण्डले आफ्नो पहिलो इनिङ्गसमा ५ सय २१ रनको बिशाल योगफल खडा गर्यो ।

दोश्रो टेस्टमा कुनै पनि समय न्युजिल्याण्डले बंगलादेशलाई खेलमा फर्कने अवसर नै दिएन

ट्रेन्ट बाउल्टले पाँच विकेट लिएपछि बँगलादेश पहिलो इनिङ्गसमा दोश्रो दिन १ सय २६ रनमै सिमित भयो । फलो अन गराएको न्युजिल्याण्डबिरुद्ध बंगलादेश दोश्रो इनिङ्गसमा २ सय ७८ रनमा रोकियो र तीन दिन भित्रै एक इनिङ्गस र १ सय १७ रनले पराजित भयो ।

माउन्ट माउनगुनाईमा भएको पहिलो टेस्टको पहिलो इनिङ्गसमा न्युजिल्याण्डले बनाएको ३ सय २८ रनको जवाफमा ब्याट्स्म्यानहरुको संयुक्त योगदानमा बंगलादेशले ४ सय २८ रन बनाएको थियो । र इबोदोतको उत्कृष्ट बलिँगमा न्युजिल्याण्ड १ सय ६९ रनमा समेटिए पछि बंगलादेशको जितको आधार खडा भएको थियो ।

क्राइस्टचर्चको ब्याटिँग पिचमै बंगलादेशले पहिलो इनिङ्गसको प्रदर्शनलाई दोहोर्याउन सकेन । एक पटक फेरि ठूलो उपलब्धि लगत्तै बंगलादेश धरातलमा फर्किएको छ ।

धेरैले भन्छन् बंगलादेशले आफ्नो खुशीयालीलाई थाम्नै सक्दैन । उ एउटा फुर्के टिम हो । क्षण भरमै बंगलादेश आफ्नो उत्ताउलोपनले चकनाचुर हुन्छ । र त्यो लगातार हुँदै पनि आएको छ ।

यसको सटिक उदाहरण २०१६ को ट्वान्टी ट्वान्टी बिश्वकपमा भारतबिरुद्धको सुपर १० को खेल हो । १ सय ४७ रनको लक्ष्य पछ्याउन मैदान उत्रेको बंगलादेश जितको संघारमा थियो । सेमिफाइनल हातबाट फुत्सिकेपनि बंगलादेशसँग भारतलाई नकआउट गर्ने अवसर थियो ।

अन्तिम ओभरमा १० रन बचाउन आए हार्दिक पाण्ड्या । बंगलादेशले पहिलो तीन बलमा ९ रन बटुल्यो । मस्फिकुर रहिमले तेश्रो बलमा दोश्रो चौका प्रहार गर्दा खेल जितिसके जसरी खुशीयाली मनाए । त्यसपछि बंगलादेश आफ्नो उत्ताउलोपनको शिकार बन्यो ।

जितका लागि मात्र दुई रन चाहिएको अवस्थामा मुस्फिकुर र टिकेर खेलेका महमदुल्लाहले बाउण्डरीका साथ जित्ने चक्करमा लगातार विकेट फाले । अन्तिम बलमा कप्तान महेन्द्र सिँह धोनीले मुस्तफिजुर रहमानलाई रनआउट गरे । बंगलादेश एक रनले पराजित भयो ।

२०१६ को ट्वान्टी ट्वान्टी बिश्वकपको अन्तिम ओभरमा एक बलमै समर्थकको हाउ–भाउ परिवर्तन भएको थियो

बंगलादेश क्रिकेटको सबैभन्दा ठूलो ट्रेजडी आफ्नै देशमा भएको २०१२ को एसिया कप हो । भारत र श्रीलंकालाई पराजित गर्दै बंगलादेश पहिलो पटक एसिया कपको फाइनल पुगेको थियो ।

भारतबिरुद्धको जित उसको लागि निकै अविस्मरणीय थियो । सचिन तेन्दुल्करले १ सय १४ रन बनाएपछि भारतले २ सय ८९ रनको बिशाल योगफल खडा गरेको थियो । तर शिर्ष ६ मध्ये पाँच जनाले उत्कृष्ट ब्याटिँग गरेपछि बंगलादेशले उक्त योगफल पछ्याउदै भारतबिरुद्ध सर्वाधिक ठूलो रन पछ्याएको किर्तिमान कायम गरेको थियो ।

फाइनलमा बंगलादेशले पाकिस्तानलाई २ सय ३४ रनमै रोक्यो । सकिबले ६८ रन बनाउदै मिडल अर्डर सम्हालेपछि बंगलादेश जित नजिक पुगिसकेको थियो । उसलाई आइजाज चिमाको अन्तिम ओभरमा मात्र ९ रन चाहिएको थियो ।

तर अन्तिम ओभरमा चिमाले एक विकेट लिदै मात्र ६ रन दिएपछि बंगलादेश मात्र दुई रनले ऐतिहासिक उपाधिबाट चुक्यो ।

अर्को झड्का बंगलादेशलाई २०१८ मा श्रीलंकामा भएको निदाहास ट्रफिमा लाग्यो । श्रीलंकालाई पराजित गर्दा फाइनल पुगेपछि खुशी थाम्न नसकेर बंगलादेशी खेलाडीहरुले निकै आक्रमक तवरले ‘नागिन डान्स’ देखाउदा बिपक्षीको अपमान गरेको भन्दै निकै ओलोचन खेप्यो ।

फाइनलमा अन्तिम दुई ओभर पुग्दासम्म बंगलादेश जित्ने अवस्थामा पुगिसकेको थियो । पहिलो पटक दुई ठूलो टिमको उपस्थितिमा त्रिकोणात्मक श्रृंखला जित्न लागिरहेको भन्दै बंगाली समर्थकहरु खुशीयाली मनाउन शुरु गरिसकेका थिए । बंगलादेशी खेलाडीहरु पनि बिश्वस्त नै थिए । त्यसपछि दिनेश कार्तिक नाम गरेको आधीँ आयो ।

न्युजिल्याण्ड भ्रमणमा सकिब नहुँदा पनि बंगलादेश पछि परेको थियो

३४ रन चाहिएको अवस्थामा मैदान आएका कार्तिकले १९ औं ओभरमा रुबेल हुसैनलाई २२ रन ठोकिदिए । बंगलादेश मनोबैज्ञानिक रुपमै पछि पर्यो । अन्तिम ओभरमा १२ रन कुनै गाह्रो कुरै भएन । कार्तिकले नै बिजयी छक्का प्रहार गरे । बंगलादेश स्तब्ध बन्यो ।

अगष्ट, २०१७ मा बंगलादेशले आफ्नो इतिहासमै पहिलो अष्ट्रेलियालाई टेस्ट श्रृंखलामा पराजित गरेको थियो । त्यस क्रममा ड्रेसिँग रुममा खुशीयाली मनाउने क्रममा बंगलादेशी खेलाडीहरुले संयुक्त रुपमा ब्याट ठोकेको भिडियो भाइरल बन्यो ।

बंगलादेशी खेलाडीहरुले खुशीमा मात्तिएर क्रिकेट सामग्रीको इज्जत नगरेको भन्दै खुबै आलोचना भयो ।

यो घटना अघि इंगल्याण्डमा जुन, २०१७ मा भएको च्याम्पियन्स ट्रफि मै बंगलादेश कसरी आफूलाई सम्हाल्नै नसक्ने टोली हो भनेर साबित भइसकेको थियो ।

इंगल्याण्डसँग लिग चरणको पहिलो खेलमा ३ सय ५ रन बनाउदा बनाउदै ८ विकेटले पराजित भएपछि अष्ट्रेलियाबिरुद्धको खेल बर्षाले रद्द हुँदा बँगलादेश न्युजिल्याण्डलाई स्तब्ध पार्दै पहिलो पटक सेमिफाइनल पुगेको थियो ।

सेमिफाइलमा उसको सामना भारतसँग भयो । न्युजिल्याण्डबिरुद्ध २ सय ६८ रन पछ्याउदा सकिब र महमदुल्लाहले शतक प्रहार गर्दै दोहोरो शतकीय साझेदारी गरेपछि बंगलादेशी खेलाडीहरुको भुइमा खुट्टा थिएन । समर्थकहरु पनि अब भारतलाई हराउने भन्दै आक्रमक हुन थालिसकेका थिए ।

बँगलादेशले सेमिफाइनलमा पहिलो ब्याटिँग गर्दै २ सय ६४ रन बनायो । तर खेल ४० ओभरमै हार्न पुग्यो । रोहित शर्माले १ सय २३ र बिराट कोहलीले ९६ रन बनाएपछि बंगलादेश अवाक रह्यो ।

 

Headline

सनसनीपूर्ण जित निकाल्दा दक्षिण अफ्रिकाको क्लिन स्विप 

wesportz

Published

on

सातौँ नम्बरमा ब्याटिङ गर्न आएका दिपक चाहरले आक्रामक पारी खेल्दै भारतलाई जित नजिक पुर्याए पनि तेश्रो तथा अन्तिम एकदिवसीय खेलमा चार रनको सनसनीपूर्ण जित निकाल्दा दक्षिण अफ्रिकाले शृंखला माथि क्लिन स्विप गरेको छ ।

पहिलो एकदिवसीय खेलमा ३१ रनको जित दर्ता गराएको दक्षिण अफ्रिकाले दोश्रो खेलमा भारतलाई सात विकेटले पाखा लगाएको थियो । आजको जितसँगै दक्षिण अफ्रिकाले तीन खेलको शृंखला ३-० ले आफ्नो पक्ष्यमा पारेको हो । 

खेलमा टस हारेर पहिले ब्याटिङ गरेको दक्षिण अफ्रिकाले विकेट किपर तथा ओपनर क्विन्टन डि ककको शतकको मद्दतमा ४९ दशमलब पाँच ओभर खेल्दै आफ्ना सबै विकेट गुमाएर २८७ रन बनायो भने पूर्व कप्तान विराट कोहली, शिखर धवन र चाहरको अर्धशतकको बाबजुद भारतले ४९ दशमलब दुई ओभर खेल्दै आफ्ना सबै विकेट गुमाएर २८३ रन मात्र बनाउन सक्यो ।

२२३ रनमा सात विकेट गुमाएर फराकिलो हार तर्फ लम्केको भारतको लागि चाहरले जस्प्रित बुम्रासँग मिलेर आठौं विकेटका लागि ३० बलमा ५५ रनको साझेदारी गर्दै जितको आशा जगाए । तर ३४ बल खेल्दै पाँच चौका र दुई छक्का सहित ५४ रन बनाएका चाहर लुंगी एनगिदीको शिकार बन्दा भारतको ह्वाइटवासबाट बच्ने सपना पनि चकनाचुर हुन पुग्यो ।

भारतका कप्तान केएल राहुल नौ रनमा आउट भए पनि कोहली र धवनले दोश्रो विकेटका लागि ९८ रनको साझेदारी गर्दै भारतको पारी सम्हाले । धवन ६१ रन बनाएर आउट भए भने विकेट किपर ब्याटर ऋषभ पन्त गोल्डेन डकआउट हुन पुगे ।

भारतको लागि सर्वाधिक ६५ रन बनाएका विराट तथा श्रेयस ऐयर २६ र सुर्यकुमार यादव ३९ रनमा आउट हुँदा भारत फराकिलो हार नजिक पुगेको थियो ।

दक्षिण अफ्रिकाको जितमा लुंगी एनगिदीएन्डिले फेहुक्वायोले समान ३-३ तथा ड्वेन प्रिटोरियसले दुई विकेट हात पारे ।        

ओपनर यानेमन मलान एक, कप्तान तेम्बा बवुमा आठ र एडन मरक्रम १५ रनमा आउट हुँदा खराब सुरुवात गरेको दक्षिण अफ्रिकाको लागि डि ककले शतकीय पारी खेल्दै पारी सम्हाले । १३० बल खेल्दै १२ चौका र दुई छक्का सहित १२४ रनको पारी खेलेका डि ककले पाँचौं नम्बरमा ब्याटिङ गर्न आएका रासी भान डर डुस्सेनसँग मिलेर चौथो विकेटका लागि १४४ रनको साझेदारी गरे ।

डुस्सेन ५९ बलमा ५२ रन बनाउँदै आउट  ।  त्यस्तै डेविड मिलरले ३९ तथा ड्वेन प्रिटोरियसले २० रन बनाए भने अन्यले दोहोरो अंकमा रन बनाउन सकेनन् । 

भारतका प्रशिद कृष्णाले सर्वाधिक तीन विकेट हात पार्दा दिपक चाहर र जस्प्रित बुम्राले समान २-२ विकेट आफ्नो नाममा दर्ता गराए ।

@wesportz Watch full video on our YouTube. #viral #viralvideo #foryou #nepalicricket #bibekyadav ♬ original sound – Addicted to rash😍❤️

 

Continue Reading

Headline

डि ककको शतकमा भारतलाई विशाल लक्ष्य 

wesportz

Published

on

ओपनर तथा विकेट किपर क्विन्टन डि ककले एकदिवसीयमा १७ औ शतक प्रहार गरे पछि घरेलु टोली दक्षिण अफ्रिकाले भारतलाई तेश्रो तथा अन्तिम एकदिवसीय खेल जित्नका लागि २८८ रनको विशाल लक्ष्य दिएको छ ।

खेलमा टस हारेर पहिले ब्याटिङ गरेको दक्षिण अफ्रिकाले अन्तिम १६ बलमा चार विकेट गुमाउँदा ४९ दशमलब पाँच ओभर खेल्दै आफ्ना सबै विकेट गुमाएर २८७ रन बनायो ।   

ओपनर यानेमन मलान एक, कप्तान तेम्बा बवुमा आठ र एडन मरक्रम १५ रनमा आउट हुँदा खराब सुरुवात गरेको दक्षिण अफ्रिकाको लागि डि ककले शतकीय पारी खेल्दै पारी सम्हाले । १३० बल खेल्दै १२ चौका र दुई छक्का सहित १२४ रनको पारी खेलेका डि ककले पाँचौं नम्बरमा ब्याटिङ गर्न आएका रासी भान डर डुस्सेनसँग मिलेर चौथो विकेटका लागि १४४ रनको साझेदारी गरे ।

डुस्सेन ५९ बलमा ५२ रन बनाउँदै आउट  ।  त्यस्तै डेविड मिलरले ३९ तथा ड्वेन प्रिटोरियसले २० रन बनाए भने अन्यले दोहोरो अंकमा रन बनाउन सकेनन् । 

भारतका प्रशिद कृष्णाले सर्वाधिक तीन विकेट हात पार्दा दिपक चाहर र जस्प्रित बुम्राले समान २-२ विकेट आफ्नो नाममा दर्ता गराए ।

तीन खेलको शृंखलामा दक्षिण २-० ले अघि रहेको छ । आजको खेलमा जित निकाल्न सकेको खण्डमा दक्षिण अफ्रिकाले शृंखला माथि क्लिन स्विप गर्नेछ ।  

 

Continue Reading

Headline

पुलिसलाई हराउदै मनाङ आहा–रारा गोल्डकपको सेमिफाइनलमा

wesportz

Published

on

ओलावाले ओलादिपो अफिज नेपाल पुलिसको खराब डिफेन्डिँगको फाइदा उठाउन सफल भएपछि मनाङ मस्र्याङ्गदी क्लब आहा–रारा गोल्डकपको सेमिफाइनलमा प्रवेश गरेको छ ।

पोखरा रँगशालामा ओलावाले दुवै गोलमा संलग्न हँुदा मनाङ पुलिसलाई २–० ले हराउन सफल भयो । पुलिस हिमालयन शेर्पा क्लबलाई टाई ब्रेकरमा हराउदै क्वार्टर–फानल पुगेको हो भने मनाङ सोझै अन्तिम ८ का लागि ड्र भएको थियो ।

पहिलो हाफमा दुवै टोली गोल गर्न असफल भएपछि मनाङ दोश्रोमा हावी हुन पुग्यो । यसमा पुलिसको खराब प्रदर्शनले नै मनाङलाई सघाएको थियो ।

६४ औं मिनेटमा अजित भण्डारीले खराब डिफेन्डिङ्ग गर्दा मनाङले खेलमा अग्रता लियो । पुलिसको बक्समा रुपेश केसीले दवाब बनाउदा अजितले बललाई मनाङ फर्वार्ड ओलावालेलाई दिन पुगे । ओलावालेले रुपेशकै लागि बल निकाल्दा उनले भलिमार्फत सुन्दर गोल गरे ।

८३ औं मिनेटमा जुमानु राईले गोल गर्ने सुनौलो अवसर गुमाए । रवि पासवानको क्रसमा बक्स भित्र रहेका जुमानुलले आफैलाई असहज स्थिति पुर्याउन पुगेपछि अन्त्यमा फितलो प्रहार गर्दै अवसर खेल फालेका थिए ।

लगत्तै मनाङ्गले अग्रता दोब्बर बनाउने मौका गुमायो । ओलावालले तिब्र रन बनाउदै बक्स भित्र निकालेको क्रसमा अशोक थापा मगरले गरेको प्रहारलाई पुलिसका गोलकिपर सन्जिव श्रैष्ठले रोकेका थिए । तर ८८ औं मिनेटमा ओलावालेले मनाङको जित सुनिश्चित बनाए ।

यसपटक फेरि पुलिसको खराब प्रदर्शन यसको कारक बन्यो । ओलावालेले भालो सिलवाललाई मिडफिल्डमा डिसपोजेस गर्दै राम्रो ड्रिब्लिँगका साथ पुलिसको बक्स नजिक पुग्न सफल भए । अजित र भोलाको दवाबका बीच नियन्त्रण नगुमाएका ओलावालले गोलकिपर सन्जिव अगाडी बसेको अवस्थामा बक्स बाहिर बाटै गोल गरेका थिए ।

Continue Reading
Headline1 hour ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline6 hours ago

डि ककको शतकमा भारतलाई विशाल लक्ष्य 

Headline8 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline14 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline2 days ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!