Headline
अफ्रिका कप अफ नेसन्समा हेर्न लायक ६ खेलाडी
Published
2 years agoon
By
wesportzअफ्रिकी महादेशको सबैभन्दा ठूलो प्रतियोगिता अफ्रिका कप अफ नेसन्स आइतबारदेखि क्यामरुनमा शुरु हुन गइरहेको छ । सेनेगलले अहिलेसम्म एक पटक पनि उपाधि जित्न नसकेपनि फिफा बरियतामा अफ्रिकाको शिर्ष टोली रहेको कारण उसलाई दाबेदारको रुपमा नै हेरिएको छ ।
तर यहाँ अफ्रिका कप अफ नेसन्सको यो संस्करणमा हेर्न लायक ६ खेलाडीको कुरा हुन गइरहेको छ ।
एरिक म्याक्सिम चुपो–मोटिङ्ग (बायर्न म्युनिख, क्यामरुन)
दुई सुपरस्टार नेमार र किलियन एमबाप्पेको ब्याक अफको रुपमा दुई बर्ष पेरिस सेन्ट जर्माइनमा रहँदा चुपो–मोटिङ्ग नगन्य जस्तै थिए । तर २०२० मा बायर्न म्युनिख आए यता ४४ खेलमा १७ गोल गर्दै उनी उत्कृष्ट खेलाडीको रुपमा बाहिर आइसकेका छन् ।
६ फिट दुई इन्च अग्ला ३२ बर्षिय चुपो–मोटिङ्ग जर्मनीमा जन्मिएका हुन् र इंगलिस प्रिमियर लिग क्लब स्टोक सिटी जानु अघि उनले बुन्डेसलिगामै ह्यामबर्ग र साल्केका लागि खेलेका थिए ।
आफ्नो बुवाको कारण क्यामरुनबाट खेल्न योग्य उनले २०१० र २०१४ को बिश्वकपमा सहभागिता जनाए भने २०१५ र २०१९ मा कप्तानी समेत गरेका थिए । ग्याबोनमा क्यामरुनले २०१७ को उपाधि जित्दा भने उनले साल्केसँगै रहने निर्णय गरेका थिए ।
क्यामरुनले छैटौं पटक उपाधि जित्ने लक्ष्य राख्दा चुपो–मोटिङ्ग टोलीका सबैभन्दा ठूलो नाम हुन् ।
सादियो माने (लिभरपुल, सेनेगल)
बरियतामा शिर्ष स्थानमा रहेको सेनेगलका मुख्य खेलाडी लिभरपुल फर्वार्ड सादियो माने हुन् । २०१९ को बालोन डि ओरमा पनि चौथो स्थान आगटेका पुर्व अफ्रिकी बर्ष फुटबलर माने उच्च लयमा छन् । क्लबका लागि १० गोल गरिसकेका मानेको अनुपस्थिति लिभरपुललाई खड्कने तय नै छ ।
तर अहिले मानेले लिभरपुलभन्दा सेनेगलकै बारे बढी सोच्ने छन् । २०१९ को फाइनलमा अल्जेरियासँग पराजित सेनेगललाई उनी पहिलो पटक अफ्रिका कप अफ नेसन्सको उपाधि जिताउन चाहन्छन् । एक समयको निकै सानो टोली मानिएको सेनेगल दुई पटकको उपबिजेता हो भने बिश्वकपमा पनि क्वार्टर–फाइनलसम्म खेलिसकेको छ ।
असरफ हकिमी (पिएसजी, मोरक्को)
रियल म्याड्रिड, बोरुसिया डर्टमण्ड र इन्टर मिलानका लागि खेलिसकेका हकिमी २३ बर्षको उमेरमै पिएसजीमा ठूलो खेलाडीहरुको उपस्थितिकाबीच बिशेष प्रभाव जमाइरहेका छन् । उनलाई अहिले संसारकै उत्कृष्ट एट्याकिङ्ग फुल ब्याकको रुपमा लिइने गरिन्छ । त्यसैले उपाधिको अर्को प्रबल दाबेदार मोरक्कोको टिममा उनी हेर्न लायक खेलाडी हुन् ।
गत जुलाईमा ७१ मिलियन डलरमा पिएसजी पुगेका हकिमी सैद्धान्तिक रुपमा डिफेन्डर रहेपनि व्यहारिक रुपमा दायाँ भागबाट रचनात्मक भुमिकाका साथ आक्रमण गर्ने गर्छन् ।
मोरक्कन परिवारबाट म्याड्रिडमा जन्मिएका हकिमी जम्मा १८ बर्षका थिए जब उनले देशको लागि डेब्यु गोल गरे ।
मोहम्मद सलाह (लिभरपुल, इजिप्ट)
नोभेम्बरको बालोन डि ओर अवर्डामा मोहम्मद सलाह सातौं स्थानमा आँउदा धेरैले यो निर्णयको मजाक उडाएका थिए । २९ बर्षिय सलाहभन्दा उत्कृष्ट खेलाडी हाल संसारमा छैनन् भन्ने चर्चा अहिले हरेक कोणबाट जायज सुनिन्छ । उनले गत सिजनको शुरुवादेखि अहिलेसम्म ५४ गोल गरिसकेका छन् ।
एक महिना बाहिरिदा लिभरपुलका व्यवस्थापक योर्गन क्लोपलाई उनको र मानेको अनुपस्थिति खड्किनेछ तर सहला १० करोड इजिप्सियनहरुको आशा र सपनालाई आफ्नो काँधमा बोकेर अघि बढ्नेछन् । किर्तिमानी आठौं पटक उपाधि जित्ने अभियानमा धेरै जसो घरेलु फुटबलमै अभ्यस्त खेलाडी समेटेर बनाइउको इजिप्टको टोलीमा सलाहनै मुख्य र ठूलो नाम हुन् ।
२०१७ को फाइनलमा सलाहको टोली फाइनलमा क्यामरुनमा पराजित भएको थियो भने २०१९ मा आयोजक रहेपनि इजिप्ट अन्तिम १६ मा दक्षिण अफ्रिकासँग हार्न पुगेको थियो ।
रियाद माह्रेज (म्यानचेस्टर सिटी, अल्जेरिया)
अर्का अफ्रिकी बर्ष फुटबलर रियद माह्रेजले २०१९ मा अल्जेरियालाई उपाधिसम्म डोर्याएका थिए । मोरक्कोको उपाधि रक्षा अभियानमा माह्रेज प्रमुख खेलाडीको रुपमा रहने छन् ।
इंगलिस प्रिमियर लिगको रन अवे लिडर म्यानेस्टर सिटीका लागि उच्च फर्ममा रहेका उनले २५ खेलमा १३ गोल गरिसकेका छन् । पेरिसमा जन्मिएका हाल ३० बर्षका माह्रेज आफ्नो बुवाको कारण अल्जेरियाबाट खेल्न योग्य भएका हुन् ।
माह्रेजले २०१४ को बिश्वकपको ठ्याक्कै अघि अल्जेरियाका लागि अन्तर्राष्ट्रिय डेब्यु गरेका थिए । त्यसको केही महिना अघि मात्र उनी लेस्टर प्रिमियर लिग क्लब लेस्टर सिटी पुगेका थिए । बिश्व फुटबलमा सनसनी मच्चाउदै लेस्टरले २०१५ को प्रिमियर लिग उपाधि जित्दा उनी प्रमुख खेलाडी थिए ।
सेबाष्चियन हालर (आयक्स, आइभोरी कोस्ट)
अग्लो कदका २७ बर्षिय सेबाष्चियन हालर यो सिजनको युएफा च्याम्पियन्स लिगका स्टार स्ट्राइकर हुन् । समुह चरणमा उनले डच च्याम्पियन आयाक्सका लागि ६ खेलमा १० गोल गरिसकेका छन् । २०१७ मा पोर्चुगिज सुपरस्टार क्रिष्चियानो रोनाल्डोपछि च्याम्पियन्स लिग इतिहासको समुह चरणका सबै ६ खेलमा गोल गर्ने उनी मात्र दोश्रो खेलाडी हुन् ।
यो सिजन २२ गोल गरिसकेका हालर इंगल्याण्डमा निराशाजनक बसाईलाई अन्त्य गर्दै गत जनवरीमा वेष्ट ह्याम युनाइटेडबाट २७ दशमलव ५ मिलियन डलरमा डच लिग फर्किएका थिए ।
पेरिसमा जन्मिएर हुर्किएका उनले फ्रान्सको अण्डर–२१ टोलीका लागि पनि खेलेका थिए । तर २६ बर्षको उमेरमा राष्ट्रिय टोलीमा डेब्यु गर्ने मौका पाएपछि उनले आफ्नो आमाको देश आइभोरी कोस्ट रोजे ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।