Connect with us

Headline

उच्च फर्ममा हुँदा हुँदै अन्तर्राष्ट्रिय क्रिकेटबाट सन्यास लिने खेलाडीहरु  

Published

on

सन्यास लिने भन्ने विषय कुनै पनि खेलाडीको लागि सहज हुँदैन । लामो समय सम्म दिनचर्या बनेको खेलकुदबाट सन्यास लिनका लागि धेरै खेलाडीले लामो समय लगाउने गर्दछन् ।

कतिपय खेलाडीहरू राम्रो फर्ममा नहुँदा नहुँदै पनि लामो समय सम्म खेल्ने इच्छा राख्छन् भने कति यस्ता खेलाडीहरू यस्ता पनि छन् जो उच्च फर्ममा हुँदाहुँदै पनि सन्यासको घोषणा गर्दछन् । यसै हप्ता मात्र दुई खेलाडीले सन्यासको घोषणा गरे । न्युजिल्यान्डका मध्यक्रमका ब्याटर तथा पुर्व कप्तान २९ वर्षीय रस टेलरले घरेलु समरको अन्त्यसँगै टेस्ट र एकदिवसीयबाट सन्यास लिने घोषणा गरे ।

त्यस्तै दक्षिण अफ्रिकाका पुर्व कप्तान क्विन्टन डि ककले अचानक टेस्टबाट सन्यासको घोषणा गरे । भारतसँगको पहिलो टेस्ट पछि २९ वर्षीय विकेट किपर ब्याटर डि ककले टेस्टबाट सन्यास  लिए पनि दक्षिण अफ्रिकाको लागि एकदिवसीय र ट्वान्टी ट्वान्टी भने खेल्ने जनाएका छन् । उनले अचानक सन्यासको घोषणा गर्दा धेरैलाई आश्चर्यचकित पार्यो ।

यसै सम्बन्धमा हामी यस्तै खेलाडीहरूको चर्चा गर्दैछौँ जसले उच्च फर्ममा हुँदा हुँदै पनि सन्यासको घोषणा गरे ।

६. ब्रेन्डन म्याककुल्लम 

पूर्व कप्तान तथा विकेट किपर ब्याट्सम्यान न्युजिल्याण्डले पाएका उत्कृष्ट खेलाडी मध्य एक हुन् । म्याककुल्लमकै कप्तानीमा न्युजिल्याण्डले सन् २०१५ मा अस्ट्रेलिया र न्युजिल्याण्डमा संयुक्त रुपमा आयोजना भएको विश्वकपमा फाइनल सम्मको यात्रा तय गर्यो । तर न्युजिल्याण्ड फाइनलमा अस्ट्रेलियासँग सात विकेटले पराजित हुन पुग्यो ।

राम्रो प्रदर्शन गर्दा गर्दै पनि म्याककुल्लमले सन् २०१६ मा अन्तर्राष्ट्रिय क्रिकेटबाट सन्यासको घोषणा गरे । जब उनले सन्यासको घोषणा गरे प्राय क्रिकेट समर्थकहरू स्तब्ध भए ।

म्याककुल्लमले आफ्नो अन्तिम टेस्टमा विश्व किर्तिमान नै कायम गर्न पुगे । अस्ट्रेलिया विरुद्धको खेलमा उनले मात्र ५४ बलमा शतक पुरा गरे । जुन टेस्ट क्रिकेटमा बनेको सबैभन्दा तीब्र शतक हो । उक्त खेलमा उनले ७९ बलमा एक सय ४५ रनको पारी खेले । त्यस्तै उनले त्यस खेलमा सात छक्का प्रहार गर्दै एक सय छ छक्काको साथमा टेस्टमा सर्वाधिक छक्का प्रहार गर्ने किर्तिमान आफ्नो नाममा लेखाए ।

म्याककुल्लम भन्दा पहिले उक्त किर्तिमान अस्ट्रेलियाका विकेट किपर ब्याट्सम्यान एडम गिलक्रिस्टको नाममा रहेको थियो । गिलक्रिस्टले ९६ खेलमा एक सय छक्का प्रहार गरेका थिए ।

उनले अन्तर्राष्ट्रिय क्रिकेटबाट सन्यास लिए पनि बिभिन्न देशमा आयोजना हुने फ्रेन्चाइज लिग भने खेल्ने गरेका छन् ।

५. ग्लेन मेग्रा 

ग्लेन मेग्रा मात्र यस्ता बलर हुन् जसले आफ्नो उच्च फर्म हुँदाहुँदै पनि अन्तर्राष्ट्रिय क्रिकेटबाट सन्यासको घोषणा गरे । मेग्रा टेस्टमा सर्वाधिक विकेट लिने खेलाडीको सूचीको पाँचौँ स्थानमा तथा एकदिवसीयमा सातौँ स्थानमा रहेका छन् ।

मेग्राले सन् २००७ मा अस्ट्रेलियालाई विश्वकप दिलाउन मुख्य भूमिका खेले र त्यस लगत्तै सन्यासको घोषणा गरे । उनले अस्ट्रेलियालाई विश्वकप दिलाउने क्रममा कुल २७ विकेट लिँदै सर्वाधिक विकेट लिने खेलाडी सुचीमा पहिलो नम्बरमा पनि रहेका थिए ।

विश्वकप भन्दा एक महिना अघि मात्र भएको एसेज शृङ्खलामा अस्ट्रेलियाले इङ्ग्ल्यान्डलाई पाँच शून्यले शृङ्खला हवाईटवास गर्दा मेग्राले २१ विकेट हात पारे । उनले आफ्नो अन्तिम टेस्टको अन्तिम बलमा विकेट पनि हात पारेका थिए ।

मेग्राले सन्यास पछि पनि सन् २००८ को इन्डियन प्रिमिएर लिगमा दिल्ली क्यापिटल्सबाट खेलेका थिए ।

४. सौरभ गांगुली 

हालका भारतीय क्रिकेट बोर्ड (बिसीसीआई) का अध्यक्ष तथा भारतीय क्रिकेट टोलीका पूर्व कप्तान शौरभ गांगुलीले पनि आफू राम्रो फर्ममा हुँदाहुँदै पनि अन्तर्राष्ट्रिय क्रिकेटबाट सन्यास लिने घोषणा गरे ।

गांगुलीले सन् २००७ को नोभेम्बरमा अन्तर्राष्ट्रिय क्रिकेटबाट सन्यासको घोषणा गरे । उनले सन्यास घोषणा गरेको वर्ष एकदिवसीय खेलमा ४४ दशमलब दुई आठको औसतमा एक हजार दुई सय ४० रन बनाउनुको साथसाथै १२ अर्धशतक पनि प्रहार गरे ।

गांगुलीको भरतीय क्रिकेट टोलीका प्रशिक्षक ग्रेग च्यापलसँग राम्रो सम्बन्ध थिएन । दुई बीचको विवादका कारण गांगुलीले कप्तानी मात्र गुमाएनन् टोलीमा पनि स्थान बनाउन असमर्थ रहे । पछि फेरी टोलीमा फर्किएका गांगुलीलाई च्यापेलले सन् २००७ को विश्वकपमा स्थान दिएनन् । त्यस पछि गांगुली निलो जर्सीमा कहिले पनि देखा परेनन् ।

गांगुलीले टेस्ट भने अर्को एक बर्ष खेले । उनले सन् २००७ मा तीन शतक र चार अर्धशतक प्रहार गर्दै ६१ दशमलब चार चारको औषतमा एक हजार एक सय छ रन बनाएका थिए भने २००८ मा १३ टेस्ट खेल्दै एक शतक र पाँच अर्धशतक बनाएका थिए ।

३. माइकल क्लार्क 

अस्ट्रेलिया टोलीका पूर्व कप्तान हुन् माइकल क्लार्क । क्लार्कको कप्तानीमा अस्ट्रेलियाले न्युजिल्याण्डलाई सात विकेटले पराजित गर्दै विश्वकपको उपाधि चुमेको थियो । विश्वकप अघि घाइते भएका क्लार्क अन्तिम समयमा मात्र फिट भएका थिए । अस्ट्रेलियालाई उपाधि दिलाउने क्रममा उनले ७२ बलमा ७४ रनको पारी खेलेका थिए । उनले पहेंलो जर्सी लगाएर त्यस पछि कुनै पनि खेल खेलेनन् ।

क्लार्कले त्यस पछि अस्ट्रेलियाको लागि टेस्ट खेलेका थिए । तर एसेजमा इंग्ल्यान्डसँग नमिठो हारको सामना गरे पछि टेस्टबाट पनि सन्यास लिन पुगे ।

२. कुमार संगाकारा 

विश्व क्रिकेटले पाएको एक उत्कृष्ट ब्याट्सम्यान मध्य एक हुन् श्रीलंकाका पूर्व कप्तान कुमार संगाकारा ।

संगाकाराले सन् २०१४ मा श्रीलंकालाई ट्वान्टी ट्वान्टी विश्वकप दिलाउन प्रमुख भूमिका खेले । तर त्यस लगत्तै उनले ट्वान्टी ट्वान्टीबाट सन्यास लिए ।

त्यस्तै सन् २०१५ मा आयोजना भएको एकदिवसीय विश्वकप क्रिकेटमा एक पछि अर्को किर्तिमान कायम गरेका उनले विश्वकप लगत्तै एकदिवसीय क्रिकेटबाट पनि सन्यास लिए । उनले उक्त विश्वकपमा एक सय आठ दशमलब दुईको औषतमा कुल पाँच सय ४१ रन प्रहार गरे । त्यस्तै उनले लगातार चार खेलमा शतक प्रहार गरे । तर उनको टोली क्वाटर फाइनलमा भारतसँग पराजित हुँदै विश्वकपबाट बाहिरियो भने संगाकाराले पनि अन्तिम खेल खेले ।

उनले त्यस लगत्तै भारत विरुद्धको टेस्ट शृङ्खला पछि टेस्टबाट पनि सन्यासको घोषणा गरे । संगाकाराले अन्तर्राष्ट्रिय क्रिकेटबाट सन्यास लिए पछि इंग्ल्यान्डको काउन्टी क्रिकेट खेले जसमा पनि उनले उत्कृष्ट प्रदर्शन गरे ।

१. एबी डी भिलियर्स

अझै पनि क्रिकेट समर्थकहरू दक्षिण अफ्रिकाका कप्तान एबी डी भिलियर्सले गरेको अन्तर्राष्ट्रिय क्रिकेटको सन्यासबाट घोषणाका बारेमा सोच्दा स्तब्ध हुन्छन् । टेस्ट, एकदिवसीय र ट्वान्टी ट्वान्टी क्रिकेट सबैमा राम्रो प्रदर्शन गर्दागर्दैको अवस्थामा उनले अचानक सन् २०१८ मा सन्यासको घोषणा गरे ।

उनले आफ्नो सन्यासको घोषणा गरेको बर्ष एकदिवसीयमा ५२ दशमलब एक आठको औसतमा, पाँच अर्धशतक र दुई शतक प्रहार गर्दै आठ सय ३५ रन बनाए । त्यस्तै उनले एकदिवसीयमा आफ्नो सर्वाधिक रन, १७६ रन बंगलादेश बिरुद्ध बनाउन सफल भएका थिए । उक्त वर्ष टेस्टमा उनले सात अर्धशतक र एक शतक पनि प्रहार गरेका थिए ।

उनले सन् २०१९ को विश्वकपमा आफ्नो सन्यास फिर्ता लिँदै दक्षिण अफ्रिकी टोलीबाट खेल्ने इच्छा ब्यक्त गरेको हल्ला पनि आएको थियो । त्यस्तै उनले यसै बर्ष युएईमा आयोजना भएको ट्वान्टी ट्वान्टी विश्वकपमा पनि खेल्ने इच्छा जनाएको भन्दै चर्चा चलेको थियो । तर पछि उनले आफ्नो सन्यास फिर्ता नलिने जनाए ।

Headline

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Published

on

मुम्बई इन्डियनले १५ औँ संस्करणको इन्डियन प्रिमियर लिग (आईपीएल) को अन्तिम लिग खेलमा दिल्ली क्यापिटल्स माथि पाँच विकेटको सहज जित निकाल्दा रोयल च्यालेन्जर्स बेंगलोरको भाग्य चम्किएको छ । प्लेअफमा प्रवेश पाउनका लागि आफ्नो अन्तिम लिग खेलमा मुम्बई माथि जित निकाल्नै पर्ने समीकरण रहे पनि हारको सामना गर्दा दिल्लीको प्लेअफ खेल्ने सपना चकनाचुर भएको छ । दिल्लीले हार्दा भाग्य चम्किएको बेंगलोर अंक तालिकामा चौथो स्थान हात पार्दै प्लेअफको यात्रा तय गर्यो ।

गुजरात टाइटान्स २० अंक सहित पहिलो, राजस्थान रोयल्स र लखनउ सुपर जायन्ट्सको समान १८-१८ अंक रहे पनि नेट रन रेटका आधारमा राजस्थान दोश्रोर लखनउ तेश्रो तथा १६ अंक सहित बेंगलोर चौथो हुँदै प्लेअफको टिकट काट्न सफल भएका छन् ।  

दिल्लीले दिएको १६० रनको मध्यम लक्ष्य मुम्बईले १९ दशमलब एक ओभर खेल्दै पाँच विकेट गुमाएर जित दर्ता गरायो । 

मुम्बईका ओपनर तथा कप्तान रोहित शर्मा १३ बल खेल्दै मात्र दुई रन बनाएर आउट हुँदा खराब सुरुवात गरे पनि अर्का ओपनर इशान किशनले ३५ बलमा ४८ तथा डेवाल्ड ब्रेविसले ३३ बलमा ३७ रनको पारी खेल्दै पारी सम्हाले । उनीहरुले ५१ रनको साझेदारी गर्दै आफ्नो टोलीलाई जित तर्फ लगे पनि उनीहरुको विकेटको पतन पछि मुम्बई १४ दशमलब तीन ओभरमा ९५ रनको अवस्थामा खुम्चिन पुग्यो ।   

अन्तिम ३३ बलमा मुम्बईलाई ६४ रन आवश्यक रहेको अवस्थामा टिम डेविड र तिलक वर्माले २० बलमा ५० रन प्रहार गर्दै मुम्बईको जित सुनिश्चित गरे । डेविड ११ बल खेल्दै दुई चौका र चार छक्का सहित ३४ रन बनाएर आउट भए पनि वर्माले १७ बलमा अविजित २१ तथा रमनदिप सिंहले ६ बलमा १३ रन प्रहार गर्दा दिल्लीको प्लेअफको सपना तुहियो ।

दिल्लीका एनरिच नोर्किएशार्दुल ठाकुरले समान २-२ तथा कुलदिप यादवले एक विकेट निकाले पनि आफ्नो टोलीलाई जित दिलाउन पर्याप्त रहेन । 

खेलमा टस हारेर पहिले ब्याटिङ गरेको दिल्लीले २० ओभरमा सात विकेट गुमाएर १५९ रनको मध्यम योगफल मात्र बनाउन सक्यो ।

दिल्लीको तर्फको रोवमन पावेलले सर्वाधिक ४३ रन बनाए भने कप्तान ऋषभ पन्तले ३९ तथा ओपनर पृथ्वी शले पनि २४ रनको पारी खेले । दिल्लीका ओपनर डेविड वार्नर पाँच तथा तेश्रो नम्बरमा ब्याटिङ गर्न आएका मिचेल मार्श गोल्डेन डकआउट भए । त्यस बाहेक सरफराज खान १०, शार्दुल ठाकुर चार रनमा पेभेलियन फर्कँदा अक्सर पटेलले १९ रनको योगदान दिए ।

मुम्बईका जस्प्रित बुम्राले सर्वाधिक तीन तथा रमनदिप सिंहले दुई विकेट हात पार्दा ड्यानियल साम्स र मायंक मार्कंडेले पनि समान १-१ विकेट आफ्नो नाममा दर्ता गराए ।     

Continue Reading

Headline

शृंखला गुमाएको नेपालको अन्तिम खेलमा शानदार जित 

Published

on

यस अघि नै शृंखला गुमाइसकेको नेपालले युगान्डा विरुद्ध लगातार दोश्रो जित हात पारेको छ । सुरुवाती तीन खेलमा हारको सामना गर्दा शृंखला गुमाएको नेपालले पाँचौं तथा अन्तिम खेलमा ३३ रनको जित निकाल्दा पाँच खेलको शृंखला ३-२ ले गुमाएको हो ।

नेपालले दिएको १२४ रनको लक्ष्य दिएर ब्याटिङमा आएको युगान्डाले पुरै २० ओभर खेल्दै ६ विकेट गुमाएर ९० रन मात्र बनाउन सक्यो ।  

युगान्डाका रिटा मुसमालीले सर्वाधिक २६, ओपनर केविन अविनोले १५, शाकिरा सादिकले अविजित १३ तथा जानेट एमबाबाजीले १० रन प्रहार गरे पनि जितका लागि पर्याप्त भएन । 

नेपालको जितमा इन्दु वर्मा र सिता राना मगरले समान २-२ विकेट हात पार्दा अस्मिना कर्माचार्य र हिरनमायी रोयले समान १-१ विकेट आफ्नो नाममा दर्ता गरे । समान ४-४ ओभर बलिङ गरेका इन्दुले १२, सिता राना मगरले १५ तथा रोयले १७ रन खर्चिए ।  

यस अघि खेलमा टस हारेर पहिले ब्याटिङ गरेको नेपालले पुरै २० ओभर खेल्दै ६ विकेट गुमाएर १२३ रनको विशाल योगफल बनायो ।

नेपालको तर्फबाट कीर्तिमानी अर्धशतक बनाउनबाट एक रनले चुकेकी ज्योति पाण्डेले सर्वाधिक ४९ रन बनाइन् । अर्धशतक बनाउनका लागि सर्ट सिंगल लिने प्रयासमा रन आउट भएकी पाण्डेले ६१ बल खेल्दै तीन चौका प्रहार गरिन् । उनी घरेलु मैदानमा ट्वान्टी ट्वान्टी अन्तर्राष्ट्रिय खेलमा अर्धशतक बनाउने पहिलो खेलाडी बन्ने किर्तिमानबाट चुकेकी हुन् ।

ज्योति बाहेक नेपालको तर्फबाट कबिता जोशीले दुई चौका र एक छक्का सहित अविजित १८, ओपनर सिता राना मगरले १७ तथा अप्सरी बेगमले ११ रनको पारी खेले । त्यस बाहेक इन्दु वर्मा आठ रनमा आउट हुँदा कप्तान रुबिना क्षेत्री र डली भट्ट रनको खाता पनि नखोली रन आउट हुन पुगे ।

युगान्डाको तर्फबाट कोन्सी अवेकोफिओना कुलुमेले समान १-१ विकेट हात पारे । 

Continue Reading

Headline

टियुमा पहिलो जित हात पार्दा नेपाल क्लिन स्विप हुनबाट बच्यो  

Published

on

टियु क्रिकेट मैदानमा नेपाली राष्ट्रिय महिला टोलीले पहिलो जित दर्ता गराएको छ । युगान्डा विरुद्धको शृंखला अन्तर्गत चौथो खेलमा नेपालले १५ रनको जित हात पारेको हो । पाँच खेलको शृंखलामा ३-० ले पछि पर्दै शृंखला गुमाइसकेको नेपालले चौथो खेल जित्दै शृंखला ३-१ को अवस्था पुर्याएको छ भने क्लिन स्विप हुनबाट पनि बचेको छ ।   

खेलमा टस जितेर पहिले ब्याटिङ गरेको नेपालले १७ दशमलब पाँच ओभरमा खेल्दै आफ्ना सबै विकेट गुमाएर ९७ रन जोड्न सके पनि युगान्डाले पुरै १८ ओभर खेल्दै आठ विकेट गुमाएर ८२ रन मात्र बनाउन सक्यो । ढिला गरेर सुरु हुँदा खेल १८ ओभर प्रति टोलीमा घटाइएको थियो ।

युगान्डालाई रोक्ने क्रममा आजको खेलमा नेपालको लागि डेब्यु गरेकी हिरनमयी रोयले सर्वाधिक दुई विकेट हात पारिन् भने अस्मिना कर्माचार्य, रुबिना क्षेत्री र कविता कुँवरले समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित रोयले तीन ओभरमा ११ रन खर्चिन् । त्यस्तै अस्मिनाले दुई ओभरमा ६ रन दिँदा रुबिनाले चार ओभरमा १६ तथा कविताले तीन ओभरमा १७ रन खर्चिन पुगे ।     

 यस अघि नेपालको लागि विकेट किपर तथा ओपनर ज्योति पाण्डेले १३ बलमा सर्वाधिक १७, बिन्दु रावलले १६ तथा सिता राना मगरले ११ रनको पारी खेले भने अन्य कुनै पनि ब्याटरले दोहोरो अंकमा रन निकाल्न सकेनन् ।

नेपालका अन्य ब्याटरमा डली भट्ट, कविता कुँवर र अस्मिना कर्माचार्यले समान ६-६ रन जोडे भने, अप्सरी बेगमले चार, सरिता मगरले दुई, रुबिना क्षेत्री र इन्दु वर्माले १-१ रन भन्दा निकाल्न सकेनन् ।

 युगान्डाकी जानेट एमबाबाजीले सर्वाधिक २१ रन जोडिन् भने अन्यले उल्लेख्य योगदान दिन सकेनन् । यस अघि कोन्सी अवेकोले तीन तथा साराह अकिटेङले दुई विकेट निकाल्दा नेपाल सामान्य योगफलमा नै रोकिएको थियो ।   


  

Continue Reading
Headline16 hours ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline23 hours ago

शृंखला गुमाएको नेपालको अन्तिम खेलमा शानदार जित 

Headline2 days ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline3 days ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline3 days ago

रोहितलाई उपकप्तानको जिम्मेवारी 

Headline3 days ago

घरेलु मैदानमा खेलेको पहिलो शृंखला नै गुमायो नेपालले  

Headline3 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline4 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline4 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline4 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline4 days ago

आदिल, धमला र किशोर पहिलो पटक एकदिवसीय टोली

Headline5 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline5 days ago

खराब फिल्डिङका कारण जित नजिक पुगेर पनि हार्यो नेपाल 

Headline5 days ago

नेपालले दियो १०२ रनको चुनौतिपूर्ण लक्ष्य 

Headline6 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline6 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline6 days ago

नेपाली महिला खेलाडीको तलबमा भारी वृद्धि  

Headline7 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline7 days ago

चेन्नाई माथि शीर्ष स्थानको गुजरातको सहज जित   

Headline1 week ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

Headline16 hours ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline23 hours ago

शृंखला गुमाएको नेपालको अन्तिम खेलमा शानदार जित 

Headline2 days ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline3 days ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline3 days ago

रोहितलाई उपकप्तानको जिम्मेवारी 

Headline3 days ago

घरेलु मैदानमा खेलेको पहिलो शृंखला नै गुमायो नेपालले  

Headline3 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline4 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline4 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline4 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline4 days ago

आदिल, धमला र किशोर पहिलो पटक एकदिवसीय टोली

Headline5 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline5 days ago

खराब फिल्डिङका कारण जित नजिक पुगेर पनि हार्यो नेपाल 

Headline5 days ago

नेपालले दियो १०२ रनको चुनौतिपूर्ण लक्ष्य 

Headline6 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline6 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline6 days ago

नेपाली महिला खेलाडीको तलबमा भारी वृद्धि  

Headline7 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline7 days ago

चेन्नाई माथि शीर्ष स्थानको गुजरातको सहज जित   

Headline1 week ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

Trending

error: Content is protected !!