Connect with us

Headline

आदिलको सनसनीपूर्ण ब्याटिँगमा प्रदेश २ को सुदुरमाथि अविश्वसनीय जित

wesportz

Published

on

आदिल अन्सारीले उत्कृष्ट ब्याटिङ्ग गरेपछि प्रदेश २ ले बिशाल लक्ष्य पछ्याउदै अण्डर १९ राष्ट्रिय क्रिकेट प्रतियोगितामा दुई विकेटको अविश्वसनीय जित हात पारेको छ ।

त्रिवि क्रिकेट मैदानमा अर्जुन साउदले आकर्षक शतक प्रहार गर्नुका साथै लोकेश बमको पनि उत्कृष्ट ब्याटिङ्गको साथ पाएको सुदुर पश्चिमले ४१ दशमलव ४ ओभरमा सबै विकेट गुमाएर २ सय ९० रनको बिशाल योगफल खडा गर्यो ।

खेलबाट बाहिरिसकेको प्रदेश २ ले ४९ दशमलव १ ओभरमा ८ विकेटको क्षतिमा सनसनीपूर्ण जित हात पार्यो ।

ओपनर रोहन बिके (२३) र सन्तोष कार्की (२१) ले छरितो शुरुवात दिए पनि मिडल अर्डरले निराश गर्दा प्रदेश २ लाई गुल्शन झा र अमित यादवले छैटौं विकेटका लागि ९३ रनको साझेदारी गर्दै सम्हाल्ने प्रयास गरेका थिए ।
दुवै सेट ब्याट्स्म्यान सहित साम्सद मन्सुरीलाई पनि गुमाएको प्रदेश २ ले ८ विकेट गुमाउदा मात्र २ सय १४ रन बनाएको थियो ।

त्यसपछि आदिल चम्किए । शुरुवातमा निकै आक्रमक खेलेका प्रत्येक बलमा एक रन चाहिने अवस्था आएपछि सम्हालिएर खेलेका थिए । २५ बलमा अद्र्धशतक पुरा गरेका उनले नारायण जोशीलाई ४४ औं ओभरमा २१ रन प्रहार गर्दै रनरेटलाई नियन्त्रणमा ल्याएका थिए ।

आदिलसँग नवौं विकेटका लागि नटआउट ७८ रनको साझेदारी गर्दा उनका पार्टनर प्रदिप पासवानले जम्मा ९ रन बनाएका थिए । आदिलले ४३ बलमा सात चौका र ६ छक्को मद्दतमा ८७ रन बनाए ।

रोहन र सन्तोष ले पहिलो विकेटका लागि ७ ओभरमै ४७ रन जोडेका थिए । रोहनलाई शेर मल्लले बोल्ड गरेसँगै प्रदेश २ को इनिङ्गस धर्मराएको थियो । उसले ८२ रनमा पाँच विकेट गुमाइसकेको थियो ।

इनिङ्गस सम्हाल्ने क्रममा गुल्शन झा र अमित यादवले छैटौं विकेटको लागि ९३ रनको पार्टनरसिप गरे । गुल्शनलाई लोकेशले पेभिलियन फर्काउदै साझेदारी तोडेका थिए ।

गुल्शनले ५३ बलमा चार छक्का र दुई चौकाको मद्दतमा ४६ रन बनाए । लगत्तै अमित हेमन्त धामीको बलमा क्याच आउट भए । सम्हालिएर खेलेका अमितले ७५ बलमा तीन चौका र दुई छक्काको मद्दतमा ४९ रन बनाए ।
सुदुर पश्चिमका लागि नरेश साउद र शेर मल्लले समान तीन–तीन विकेट लिए ।

यसअघि पहिलो ब्याटिङ्ग गरेको सुदुर पश्चिमले आफ्नो पहिलो तीन विकेट ८२ रनमा गुमाएको थियो । नरेश भट्टले ३३ बलमा ३० रन बनाउदा पाँच चौका प्रहार गरेका थिए ।

सुदुर पश्चिमलाई बिशाल योगफल तर्फ डोर्याउने काम अर्जुन र लोकेशले गरे । तिब्र गतिमा रन जोड्ने क्रममा १ सय १० बलमा १ सय ४२ रनको साझेदारी गरेका थिए ।

लोकेश पेभिलियन फर्कदा २ सय २४ रन बनाएको सुदुर पश्चिमको हातमा अझै १९ दशमलव ४ ओभर थियो । लगत्तै अर्जुनले ७६ बलमा शतक पुरा गरे । तर सुदुर पश्चिमले आफ्नो अन्तिम पाँच विकेट मात्रै २७ रनमा गुमाउन पुग्यो ।

अर्जुनले ८५ बलमा १४ चौका र पाँच छक्काको मद्दतमा १ सय १६ रन बनाए । लोकेशले ७३ बलमा ८१ रन बनाउदा १२ चौका र एक छक्का हिर्काए । बसन्त कार्कीले २३ बलमा २७ रन बनाउदा तीन छक्का प्रहार गरे ।

प्रदेश २ का लागि प्रदिपले तीन विकेट लिए भने कप्तान बिबेक यादव र अजय यादवले २–२ विकेट हात पारे । राष्ट्रिय टोलीमा डेब्यु गरेका तिब्र गतिका बलर गुल्सन झाले ७ ओभरमा ४४ रन खर्चदा एक विकेट पनि लिन सकेनन् ।

Headline

सनसनीपूर्ण जित निकाल्दा दक्षिण अफ्रिकाको क्लिन स्विप 

wesportz

Published

on

सातौँ नम्बरमा ब्याटिङ गर्न आएका दिपक चाहरले आक्रामक पारी खेल्दै भारतलाई जित नजिक पुर्याए पनि तेश्रो तथा अन्तिम एकदिवसीय खेलमा चार रनको सनसनीपूर्ण जित निकाल्दा दक्षिण अफ्रिकाले शृंखला माथि क्लिन स्विप गरेको छ ।

पहिलो एकदिवसीय खेलमा ३१ रनको जित दर्ता गराएको दक्षिण अफ्रिकाले दोश्रो खेलमा भारतलाई सात विकेटले पाखा लगाएको थियो । आजको जितसँगै दक्षिण अफ्रिकाले तीन खेलको शृंखला ३-० ले आफ्नो पक्ष्यमा पारेको हो । 

खेलमा टस हारेर पहिले ब्याटिङ गरेको दक्षिण अफ्रिकाले विकेट किपर तथा ओपनर क्विन्टन डि ककको शतकको मद्दतमा ४९ दशमलब पाँच ओभर खेल्दै आफ्ना सबै विकेट गुमाएर २८७ रन बनायो भने पूर्व कप्तान विराट कोहली, शिखर धवन र चाहरको अर्धशतकको बाबजुद भारतले ४९ दशमलब दुई ओभर खेल्दै आफ्ना सबै विकेट गुमाएर २८३ रन मात्र बनाउन सक्यो ।

२२३ रनमा सात विकेट गुमाएर फराकिलो हार तर्फ लम्केको भारतको लागि चाहरले जस्प्रित बुम्रासँग मिलेर आठौं विकेटका लागि ३० बलमा ५५ रनको साझेदारी गर्दै जितको आशा जगाए । तर ३४ बल खेल्दै पाँच चौका र दुई छक्का सहित ५४ रन बनाएका चाहर लुंगी एनगिदीको शिकार बन्दा भारतको ह्वाइटवासबाट बच्ने सपना पनि चकनाचुर हुन पुग्यो ।

भारतका कप्तान केएल राहुल नौ रनमा आउट भए पनि कोहली र धवनले दोश्रो विकेटका लागि ९८ रनको साझेदारी गर्दै भारतको पारी सम्हाले । धवन ६१ रन बनाएर आउट भए भने विकेट किपर ब्याटर ऋषभ पन्त गोल्डेन डकआउट हुन पुगे ।

भारतको लागि सर्वाधिक ६५ रन बनाएका विराट तथा श्रेयस ऐयर २६ र सुर्यकुमार यादव ३९ रनमा आउट हुँदा भारत फराकिलो हार नजिक पुगेको थियो ।

दक्षिण अफ्रिकाको जितमा लुंगी एनगिदीएन्डिले फेहुक्वायोले समान ३-३ तथा ड्वेन प्रिटोरियसले दुई विकेट हात पारे ।        

ओपनर यानेमन मलान एक, कप्तान तेम्बा बवुमा आठ र एडन मरक्रम १५ रनमा आउट हुँदा खराब सुरुवात गरेको दक्षिण अफ्रिकाको लागि डि ककले शतकीय पारी खेल्दै पारी सम्हाले । १३० बल खेल्दै १२ चौका र दुई छक्का सहित १२४ रनको पारी खेलेका डि ककले पाँचौं नम्बरमा ब्याटिङ गर्न आएका रासी भान डर डुस्सेनसँग मिलेर चौथो विकेटका लागि १४४ रनको साझेदारी गरे ।

डुस्सेन ५९ बलमा ५२ रन बनाउँदै आउट  ।  त्यस्तै डेविड मिलरले ३९ तथा ड्वेन प्रिटोरियसले २० रन बनाए भने अन्यले दोहोरो अंकमा रन बनाउन सकेनन् । 

भारतका प्रशिद कृष्णाले सर्वाधिक तीन विकेट हात पार्दा दिपक चाहर र जस्प्रित बुम्राले समान २-२ विकेट आफ्नो नाममा दर्ता गराए ।

@wesportz Watch full video on our YouTube. #viral #viralvideo #foryou #nepalicricket #bibekyadav ♬ original sound – Addicted to rash😍❤️

 

Continue Reading

Headline

डि ककको शतकमा भारतलाई विशाल लक्ष्य 

wesportz

Published

on

ओपनर तथा विकेट किपर क्विन्टन डि ककले एकदिवसीयमा १७ औ शतक प्रहार गरे पछि घरेलु टोली दक्षिण अफ्रिकाले भारतलाई तेश्रो तथा अन्तिम एकदिवसीय खेल जित्नका लागि २८८ रनको विशाल लक्ष्य दिएको छ ।

खेलमा टस हारेर पहिले ब्याटिङ गरेको दक्षिण अफ्रिकाले अन्तिम १६ बलमा चार विकेट गुमाउँदा ४९ दशमलब पाँच ओभर खेल्दै आफ्ना सबै विकेट गुमाएर २८७ रन बनायो ।   

ओपनर यानेमन मलान एक, कप्तान तेम्बा बवुमा आठ र एडन मरक्रम १५ रनमा आउट हुँदा खराब सुरुवात गरेको दक्षिण अफ्रिकाको लागि डि ककले शतकीय पारी खेल्दै पारी सम्हाले । १३० बल खेल्दै १२ चौका र दुई छक्का सहित १२४ रनको पारी खेलेका डि ककले पाँचौं नम्बरमा ब्याटिङ गर्न आएका रासी भान डर डुस्सेनसँग मिलेर चौथो विकेटका लागि १४४ रनको साझेदारी गरे ।

डुस्सेन ५९ बलमा ५२ रन बनाउँदै आउट  ।  त्यस्तै डेविड मिलरले ३९ तथा ड्वेन प्रिटोरियसले २० रन बनाए भने अन्यले दोहोरो अंकमा रन बनाउन सकेनन् । 

भारतका प्रशिद कृष्णाले सर्वाधिक तीन विकेट हात पार्दा दिपक चाहर र जस्प्रित बुम्राले समान २-२ विकेट आफ्नो नाममा दर्ता गराए ।

तीन खेलको शृंखलामा दक्षिण २-० ले अघि रहेको छ । आजको खेलमा जित निकाल्न सकेको खण्डमा दक्षिण अफ्रिकाले शृंखला माथि क्लिन स्विप गर्नेछ ।  

 

Continue Reading

Headline

पुलिसलाई हराउदै मनाङ आहा–रारा गोल्डकपको सेमिफाइनलमा

wesportz

Published

on

ओलावाले ओलादिपो अफिज नेपाल पुलिसको खराब डिफेन्डिँगको फाइदा उठाउन सफल भएपछि मनाङ मस्र्याङ्गदी क्लब आहा–रारा गोल्डकपको सेमिफाइनलमा प्रवेश गरेको छ ।

पोखरा रँगशालामा ओलावाले दुवै गोलमा संलग्न हँुदा मनाङ पुलिसलाई २–० ले हराउन सफल भयो । पुलिस हिमालयन शेर्पा क्लबलाई टाई ब्रेकरमा हराउदै क्वार्टर–फानल पुगेको हो भने मनाङ सोझै अन्तिम ८ का लागि ड्र भएको थियो ।

पहिलो हाफमा दुवै टोली गोल गर्न असफल भएपछि मनाङ दोश्रोमा हावी हुन पुग्यो । यसमा पुलिसको खराब प्रदर्शनले नै मनाङलाई सघाएको थियो ।

६४ औं मिनेटमा अजित भण्डारीले खराब डिफेन्डिङ्ग गर्दा मनाङले खेलमा अग्रता लियो । पुलिसको बक्समा रुपेश केसीले दवाब बनाउदा अजितले बललाई मनाङ फर्वार्ड ओलावालेलाई दिन पुगे । ओलावालेले रुपेशकै लागि बल निकाल्दा उनले भलिमार्फत सुन्दर गोल गरे ।

८३ औं मिनेटमा जुमानु राईले गोल गर्ने सुनौलो अवसर गुमाए । रवि पासवानको क्रसमा बक्स भित्र रहेका जुमानुलले आफैलाई असहज स्थिति पुर्याउन पुगेपछि अन्त्यमा फितलो प्रहार गर्दै अवसर खेल फालेका थिए ।

लगत्तै मनाङ्गले अग्रता दोब्बर बनाउने मौका गुमायो । ओलावालले तिब्र रन बनाउदै बक्स भित्र निकालेको क्रसमा अशोक थापा मगरले गरेको प्रहारलाई पुलिसका गोलकिपर सन्जिव श्रैष्ठले रोकेका थिए । तर ८८ औं मिनेटमा ओलावालेले मनाङको जित सुनिश्चित बनाए ।

यसपटक फेरि पुलिसको खराब प्रदर्शन यसको कारक बन्यो । ओलावालेले भालो सिलवाललाई मिडफिल्डमा डिसपोजेस गर्दै राम्रो ड्रिब्लिँगका साथ पुलिसको बक्स नजिक पुग्न सफल भए । अजित र भोलाको दवाबका बीच नियन्त्रण नगुमाएका ओलावालले गोलकिपर सन्जिव अगाडी बसेको अवस्थामा बक्स बाहिर बाटै गोल गरेका थिए ।

Continue Reading
Headline2 hours ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline6 hours ago

डि ककको शतकमा भारतलाई विशाल लक्ष्य 

Headline8 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline15 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline2 days ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!