Connect with us

T20 World Cup

ट्वान्टी ट्वान्टी विश्वकप : पाकिस्तानलाई स्तब्ध पार्दै अष्ट्रेलिया फाइनलमा 

Published

on

मार्कस स्टोइनिस र म्याथ्यु वेडले आक्रामक पारी खेल्दा अष्ट्रेलिया युएईमा जारी ट्वान्टी ट्वान्टी विश्वकपको फाइनलमा प्रवेस गरेको छ । दोश्रो पटक ट्वान्टी ट्वान्टी विश्वकपको फाइनलमा प्रवेस गरेको अष्ट्रेलियाले सेमिफाइनलमा पाकिस्तानलाई पाँच विकेटले स्तब्ध पारेको हो । अष्ट्रेलियाले अब उपाधिका लागि न्युजिल्यान्डको सामना गर्नेछ । हिजो सम्पन्न पहिलो सेमिफाइनलमा इंग्ल्यान्ड माथि पाँच विकेटको सनसनीपूर्ण जित निकाल्दै न्युजिल्यान्डले फाइनलमा आफ्नो स्थान पक्का गरेको थियो ।

जितका लागि १७७ रनको लक्ष्य पक्ष्याएको अष्ट्रेलियाले पाँच विकेट गुमाएर छ बल अगावै लक्ष्य पार गर्यो ।

९५ रनको अवस्थामा पाँच विकेट गुमाएर हार तर्फ अग्रसर भएको अवस्थामा स्टोइनिस र वेडले छैटौँ विकेटका लागि ६ दशमलब चार ओभरमा अविजित ८१ रनको साझेदारी गर्दै अष्ट्रेलियाको फाइनल स्थान पक्का गरे ।  वेडले १७ बलमा दुई चौका र चार छक्काको मद्दतमा अविजित ४१ तथा स्टोइनिसले ३१ बलमा अविजित ४० रनको पारी खेले । वेडले पाकिस्तानको लागि १९ औ ओभर लिएर आएका शाहिन शाह अफ्रिदीको अन्तिम तीन बलमा लगातार तीन छक्का प्रहार गर्दै अष्ट्रेलियालाई जित दिलाएका हुन् ।

अष्ट्रेलियाले सुरुवात भने राम्रो गर्न सकेन । ओपनिङमा आएका कप्तान आरोन फिन्च पहिलो ओभरको तेश्रो बलमा नै अफ्रिदीको बलमा एलबीडब्लुको धरापमा पर्दा खराब सुरुवात गर्न पुग्यो । अर्का ओपनर डेविड वार्नर र मिचेल मार्शले दोश्रो विकेटको लागि ५१ रन जोड्दै अष्ट्रेलियाको पारी सम्हाले ।

२२ बलमा २८ रन जोडेका मार्श पनि शदाब खानको शिकार हुन पुगे । त्यस पछि क्रिजमा आएका स्टिभ स्मिथ पाँच, ग्लेन म्याक्सवेल सात रन बनाएर पेभेलियन फर्किए भने वार्नर पनि अर्धशतक बनाउनबाट चुक्दै पेभेलियन फर्किए । ३० बलको सामना गर्दै समान ३-३ चौका र छक्का प्रहार गरेका वार्नर ४९ रनमा आउट हुन पुगे ।

पाकिस्तानका शदाब खानले सर्वाधिक चार विकेट लिए भने अफ्रिदीले पनि एक विकेट आफ्नो नाममा दर्ता गराए ।  

यस अघि टस हारेर पहिले ब्याटिङ गरेको पाकिस्तानले पुरै २० ओभर खेल्दै चार विकेटको नोक्सानीमा १७६ रन बनायो ।

पाकिस्तानको तर्फबाट ओपनर मोहम्मद रिजवानले मिचेल स्टार्कको बलमा आउट हुनु अघि सर्वाधिक ६७ रन बनाए भने अविजित रहेका जमानले ५५ रनको पारी खेले । ५२ बलको सामना गरेका उनले तीन चौका र चार छक्का प्रहार गरे । रिजवानले पहिलो विकेटका लागि कप्तान बाबर आजमसँग मिलेर १० ओभरमा ७१ रनको साझेदारी गर्दै पाकिस्तानलाई राम्रो सुरुवात दिलाए । ३४ बल खेल्दै आजमले पाँच चौकाको मद्दतमा ३९ रन बनाएर एडम जाम्पाको शिकार हुन पुगे ।    

बाबरको विकेटको पतन पछि क्रिजमा आएका फखार जमानले रिजवानसँग मिलेर पाकिस्तानको पारी सम्हाले । रिजवान र फखार भएर दोश्रो विकेटका लागि सात दशमलब दुई ओभरमा ७२ रनको साझेदारी गर्दै पाकिस्तानलाई ठुलो योगफल तर्फ लगे ।     

यस अघिका खेलमा खासै राम्रो प्रदर्शन गर्न नसकेका जमानले ३३ बलमा तीन चौका र चार छक्का प्रहार गर्दै पाकिस्तानलाई ठुलो स्कोर सम्म पुर्याए । अन्तिम तीन ओभरमा पाकिस्तानले एक छोडबाट लगातार विकेट गुमाए पनि उनले एक चौका र  तीन छक्का प्रहार गर्दै जारी विश्वकपमा आफ्नो पहिलो अर्धशतक पनि पुरा गरे ।  

पाकिस्तानका सोएब मलिक १ तथा आसिफ अली गोल्डेन डकआउट हुन पुगे भने मोहम्मद हफिज एक रनमा अविजित रहे । 

अष्ट्रेलियाका मिचेल स्टार्कले सर्वाधिक दुई विकेट लिए भने प्याट कमिन्स र एडम जाम्पाले समान १-१ विकेट आफ्नो नाममा दर्ता गराए । 

Headline

“भारत भन्दा पाकिस्तान बलियो टोली हो । यस पटक पनि विश्वकपमा पाकिस्तानले नै जित्ने छ”

Published

on

पाकिस्तान क्रिकेट टोलीका पूर्व तीब्र गतिका बलर शोएब अख्तरले ट्वान्टी ट्वान्टीमा भारत भन्दा पाकिस्तान बलियो टोली रहेको धारणा राखेका छन् ।

त्यस्तै अख्तरले आगामी अक्टोबर – नोभेम्बरमा अष्ट्रेलियामा आयोजना हुने ट्वान्टी ट्वान्टी विश्वकपमा पनि भारतलाई पाकिस्तानले पराजित गर्ने अनुमान गरेका छन् । भारत र पाकिस्तान बीच विश्वकपको खेल अक्टोबर २३ तारिकमा मेलबर्न क्रिकेट मैदानमा खेलिने छ ।

आगामी विश्वकपमा कसले जित्ने छ त भन्ने प्रश्नमा अख्तरले गत संस्करणमा जस्तै पाकिस्तानले जित्ने बताए । “गत संस्करणको विश्वकपमा पाकिस्तानले भारतलाई पराजित गर्दै विश्वकपमा पहिलो पटक जित हात पारेको थियो। यस पटक पनि भारत माथि पाकिस्तानले जित हात पार्ने छ । ट्वान्टी ट्वान्टीमा पाकिस्तान भारत भन्दा धेरै नै बलियो छ,” अख्तरले भने ।

यस अघिका विश्वकपमा भारत विरुद्ध खेल्दा जहिले पनि पाकिस्तान दबाबमा रहने गरेको र अब देखि भारत नै दबाबमा रहने पनि अख्तर बताउँछन् ।

“भारतीय टोलीलाई भारतका मिडियाहरुले बढी नै दबाब दिने गर्दछन् । जसरी पाकिस्तानले अघिल्लो विश्वकपमा जित हात पार्यो त्यस हिसाबले पनि आगामी विश्वकप देखि भारतलाई मिडियाहरुले नै दबाब दिने पक्का छ । यसले गर्दा पनि भारत भन्दा पाकिस्तान माथि रहने छ ।”       

युएईमा सम्पन्न गत संस्करणको विश्वकपमा पाकिस्तानसँग पहिलो खेलमा र दोश्रो खेलमा न्युजिल्यान्डसँग पराजित हुँदा भारत पहिलो चरणबाट नै बाहिरिएको थियो ।   


 

Continue Reading

Headline

ट्वान्टी ट्वान्टी बिश्वकपः पहिलो खेलमा गत संस्करणका दुई फाइनलिस्ट भिड्ने

Published

on

अक्टोबर १६ देखि नोभेम्बर १३ सम्म हुने ट्वान्टी ट्वान्टी बिश्वकपको सुपर १२ को पहिलो खेलमा गत संस्करणका दुई फाइनलिस्ट अष्ट्रेलिया र न्युजिल्याण्ड भिड्ने भएका छन् ।

अष्ट्रेलियाले दुबईमा गत बर्ष भारतले आयोजना गरेको ट्वान्टी ट्वान्टी बिश्वकपको फाइनलमा न्युजिल्याण्डलाई पराजित गर्दै पहिलो पटक उपाधि जितेको थियो । अष्ट्रेलियाले पहिलो पटक क्रिकेटको सबैभन्दा छोटो संस्करणको बिश्वकप आयोजना गर्न गइरहेको हो ।

पहिलो चरण अक्टोबर २१ मा सक्किएको भोली पल्टै प्रतियोगिताको दोश्रो चरण शुरु हुनेछ जसमा अष्ट्रेलिया र न्युजिल्याण्ड सिड्नी क्रिकेट ग्राउण्डमा भिड्ने भएका हुन् ।

अक्टोबर २३ मा बिश्व क्रिकेटका दुई चीर प्रतिद्वन्दी भारत र पाकिस्तान मेलबर्न क्रिकेट ग्राउण्डमा खेल्नेछन् । गत बर्ष पाकिस्तानले भारतलाई १० विकेटको लज्जास्पद हार चखाएको थियो ।

पहिलो चरणको समुह ए मा श्रीलंका, नामिबिया र ग्लोबल छनोटबाट आउने दुई टिम रहेका छन् । समुह बी मा वेष्ट इण्डिज, स्कटल्याण्ड र दुई छनोट भएका टिम रहने छन् । पहिलो चरणका सबै टिम गत बर्षको बिश्वकपमा गरेको प्रदर्शनका आधारमा साझै स्थान बनाउन सफल भएका हुन् ।

नेपालले आफ्नो समुहको ग्लोबल छनोट फ्रेब्रुवरी १८ देखि ओमानमा खेल्नेछ । बिश्वकपको पहिलो चरणमा दुवै समुहका शिर्ष दुई सुपर १२ मा प्रवेश गर्नेछन् ।

सुपर १२ को समुह १ मा अष्ट्रेलिया, अफगानिस्तान, इंगल्याण्ड, न्युजिल्याण्डसँगै पहिलो चरणको समुह ए बिजतो र समुह बी उपबिजेता रहने छन् । यस्तै समुह २ मा भारत, पाकिस्तान, दक्षिण अफ्रिका, बंगलादेश, समुह बी बिजेता र समुह ए उपबिजेता रहने छन् ।

२०२० को ट्वान्टी ट्वान्टी बिश्वकप कोरोना भाइरस संक्रमणका कारण हुन नसकेपछि २०२२ का लागि सारिएको हो । अष्ट्रेलियाले ७ रँगशालामा बिश्वकपका खेलहरु आयोजना गर्ने छ ।

Continue Reading

T20 World Cup

अष्ट्रेलियालाई पहिलो ट्वान्टी ट्वान्टी विश्वकपको उपाधि, न्युजिल्यान्डको सपना अधुरै

Published

on

ओपनर डेविड वार्नरमिचेल मार्शले अर्धशतक प्रहार गर्दा अष्ट्रेलियाले पहिलो पटक ट्वान्टी ट्वान्टी विश्वकपको उपाधि चुमेको छ । 

युएईमा जारी ट्वान्टी ट्वान्टी विश्वकपको फाइनल खेलमा न्युजिल्यान्ड माथि आठ विकेटको सहज जित हात पार्दै पाँच पटकको एकदिवसीय विश्वकप विजेता अष्ट्रेलियाले पहिलो पटक ट्वान्टी ट्वान्टी विश्वकपको उपाधि माथि कब्जा जमाएको हो ।

न्युजिल्यान्ड भने फेरी पनि एक पटक उपविजेतामा नै सीमित हुन पुग्यो । सन् २०१५ मा संयुक्त रुपमा अष्ट्रेलिया र न्युजिल्यान्डमा तथा सन् २०१९ मा इंग्ल्यान्डमा आयोजना भएको एकदिवसीय विश्वकपमा न्युजिल्यान्ड क्रमश अष्ट्रेलिया र इंग्ल्यान्डसँग पराजित हुँदा विश्वकपको उपाधि चुम्ने धोको अधुरै रहेको थियो ।

न्युजिल्यान्डले दिएको १७३ रनको लक्ष्य पछ्याएको अष्ट्रेलियाले १८ दशमलब पाँच ओभर खेल्दै दुई विकेट गुमाएर लक्ष्य पार गर्यो ।

अष्ट्रेलियाको जितमा तेश्रो नम्बरमा ब्याटिङ गर्न आएका मिचेल मार्शले अविजित रहँदै सर्वाधिक ७७ रन बनाए भने ओपनर डेविड वार्नरले ५३ रनको पारी खेले । त्यस बाहेक ग्लेन म्याक्सवेलले पनि १८ बलमा २८ रनको योगदान दिए ।  

अष्ट्रेलियाले सुरुवात भने राम्रो गर्न सकेन । खराब फर्मबाट गुज्रीरहेका कप्तान आरोन फिन्च मात्र पाँच रन जोड्दै ट्रेन्ट बोल्टको बलमा आउट हुन पुगे । कप्तान फिन्चको विकेटको पतन पछि क्रिजमा आएका मार्शले वार्नरसँग मिलेर नौ दशमलब पाँच ओभरमा ९२ रन जोड्दै अष्ट्रेलियाको जितको आधार तयार पारे ।

आफ्नो पहिलो स्पेलमा दुई ओभर गर्दै मात्र छ रन खर्चिएर एक विकेट हात पारेका ट्रेन्ट बोल्टलाई कप्तान केन विलियमसनले १३ औं ओभर गर्नका लागि बलिङमा बोलाए । बोल्टले पनि कप्तानको निर्णय माथि खरो उत्रंदै ३८ बलमा तीन छक्का र चार चौका प्रहार गरेका वार्नरलाई बोल्ड गर्दै न्युजिल्यान्डलाई दोश्रो सफलता दिलाए ।

वार्नरको विकेटको पतन पछि पनि अष्ट्रेलिया रोकिएन । चौथो नम्बरमा ब्याटिङ गर्न आएका म्याक्सवेलले मार्शसँग मिलेर ६ दशमलब तीन ओभरमा अविजित ६६ रनको साझेदारी गर्दै अष्ट्रेलियालाई उपाधि दिलाए । ५० बलको सामना गरेका मार्शले छ चौका र चार छक्का प्रहार गरे भने म्याक्सवेलले चार चौका र एक छक्का हिर्काए ।

न्युजिल्यान्डका ट्रेन्ट बोल्टले चार ओभरमा १८ रन खर्चिएर सर्वाधिक दुई विकेट हात पारे भने बाँकी बलर विकेट बिहिन रहन पुगे ।              

यस अघि खेलमा टस हारेर पहिले ब्याटिङ गरेको न्युजिल्यान्डले विलियमसनको अर्धशतकमा पुरै २० ओभर खेल्दै चार विकेटको नोक्सानीमा १७२ रन बनाउन सफल भयो ।   

न्युजिल्यान्डको लागि कप्तान केन विलियमसनले सर्वाधिक ८५ रन बनाए । शतक नजिक पुगेर जश हेजलउडको बलमा आउट हुनु अघि ४८ बलको सामना गर्दै १० चौका र तीन छक्का प्रहार गरे । ३२ बलमा आफ्नो अर्धशतक पुरा गरेका विलियमसनले मिचेल स्टार्कको एकै ओभरमा चार चौका र एक छक्का सहित २२ रन प्रहार गरे ।

 कप्तान विलियमसन बाहेक न्युजिल्यान्डका ओपनर मार्टिन गुप्टिलले सुस्त खेल्दै ३५ बलमा २८ रन बनाए भने ग्लेन फिलिप्सले १८ तथा अर्का ओपनर ड्यारेल मिचेलले ११ रनको योगदान दिए । त्यस्तै जिमी निशम र विकेट किपर ब्याट्सम्यान टिम सेइफर्टले अविजित रहँदै क्रमश १३ र आठ रनको पारी खेले । 

अष्ट्रेलियाका जश हेजलउडले चार ओभरमा मात्र १६ रन खर्चिएर सर्वाधिक तीन विकेट लिए भने एडम जाम्पाले पनि आफ्नो नाममा एक विकेट दर्ता गराउन सफल भए । निकै महँगो साबित भएका मिचेल स्टार्कले चार ओभरमा ६० रन खर्चिए ।    

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 year ago

नेपालले हरायो केन्यालाई 

लेख1 year ago

नेपालका लागि केन्या टुर महत्वपूर्ण

लेख1 year ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 year ago

नयाँ प्रशिक्षक प्रभाकर भन्छन् : पहिलो काम लिग टु

लेख1 year ago

बाना कपका लागि सुदुरपश्चिमको जर्सी सार्वजनिक  

लेख1 year ago

यस्ता छन् एन्फा कार्यसमिति बैठकका निर्णयहरू

लेख1 year ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख1 year ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline1 year ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline1 year ago

 नेपालको पोस्टमा भारतको गोलको वर्षा 

Headline1 year ago

साफ महिला च्याम्पियनसिप :  नेपाललाई सजिलो समूह

Headline1 year ago

लगातार दोस्रो जित निकाल्दा नेपाल फाइनल नजिक 

Headline1 year ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline1 year ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख1 year ago

केन्या माथि नेपालको कीर्तिमानी जित

लेख1 year ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख1 year ago

नेपाल टी२० लिग : खेलाडी दर्ता सुरु, चार मापदण्ड तय

लेख1 year ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख1 year ago

नेपालले हरायो केन्यालाई 

लेख1 year ago

नेपालका लागि केन्या टुर महत्वपूर्ण

लेख1 year ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख1 year ago

नयाँ प्रशिक्षक प्रभाकर भन्छन् : पहिलो काम लिग टु

लेख1 year ago

बाना कपका लागि सुदुरपश्चिमको जर्सी सार्वजनिक  

लेख1 year ago

यस्ता छन् एन्फा कार्यसमिति बैठकका निर्णयहरू

लेख1 year ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख1 year ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline1 year ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline1 year ago

 नेपालको पोस्टमा भारतको गोलको वर्षा 

Headline1 year ago

साफ महिला च्याम्पियनसिप :  नेपाललाई सजिलो समूह

Headline1 year ago

लगातार दोस्रो जित निकाल्दा नेपाल फाइनल नजिक 

Headline1 year ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline1 year ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!