Connect with us

Headline

बिश्वकप युरोपियन छनोटः कतारको टिकट काट्न कुन समुहमा कसलाई के चाहिन्छ ?

Published

on

२०२२ कतार बिश्वकपको युरोपियन छनाट अन्तिम चरणतर्फ आइपुग्दा जर्मनी र डेनमार्क क्वालिफाइ भइसकेका छन् । डबल राउण्ड रोबिन लिगपछि प्रत्येक ११ समुहका बिजेताले कतारको टिकट काट्नेछन् भने १० उपबिजेताले प्लेअफमा स्थान बनाउने छन् ।

ती १० बिजेताले युएफा नेसन्स लिगबाट आएका दुई टोलीसँग बाकीँ रहेको तीन स्थानका लागि प्रतिस्पर्धा गर्ने छन् । हेरौं युरोपियन छनोटको प्रत्येक समुहका कुन टिमको सम्भावना बढी रहेको छ र छनोटको समिकरणम कायमै रहन के चाहिनेछ ।

समुह ए

सर्बिया र पोर्चुगलले यस समुहमा पहिलो दुई स्थान लिने पक्क छ । सर्बियाको १७ र एक खेल कम खेलेको पोर्चुगलको १६ अंक छ । तर यी दुई टोलीबीच आइतबार हुने खेलले नै बिश्वकप छनोट पुग्ने टिमको निधो गर्नेछ ।

लक्जेम्बर्ग, रिपब्लिक अफ आयरल्याण्ड र अजरबैजान बिश्वकप र प्ले अफ दौडबाट नै बाहिरिसकेका छन् ।

समुह बी

स्विडेन र स्पेनको भाग्य आफ्नै हातमा रहेको छ । दुई जित आवश्यक रहेको दुवै टिमबीचको आइतबार हुने खेलले बिश्वकप पुग्ने टोलीको निर्णय हुनेछ । ग्रिस र स्विेडनलाई पराजित गर्न सके १३ अंक रहेको स्पेन छनोट हुनेछ ।

१५ अंकका साथ शिर्ष स्थानमा रहेको स्विडेनलाई भने मात्र चार अंकले पर्याप्त हुनेछ । स्पेनअघि उसले जर्जियाबिरुद्ध खेल्दैछ । ग्रिस स्पेनसँग नहार्ने र आफूले जर्जियालाई हराउने हो भने स्विडेन बिश्वकप पुग्नेछ ।

समुह सी

इटाली र स्विट्जरल्याण्ड यो समुहबाट शिर्ष दुई स्थानमा रहने पक्का छ । समन १४ अंक रहदा इटाली मात्र गोल अन्तरको आधारमा शिर्ष स्थानमा रहेको छ । शिर्ष स्थानका यी दुवै टोली बिहिवार खेल्दै छन् तर अन्तिम दिनको खेल अघि केही भन्न सकिने अवस्था भने छैन ।

इटालीले घरेलु मैदानमा बिहिवार स्विट्जरल्याण्डलाई हराउने हो भने उसलाई अर्को खेलमा नर्दन आयरल्याण्डबिरुद्ध बराबरी पर्याप्त हुनेछ । एक खेल बढी खेलेको बुल्गेरिया र पुछारमा रहेको लिथवानिया पनि बाहिरिसकेका छन् ।

समुह डी

१२ अंक साथ शिर्ष स्थानमा रहेको फ्रान्सले पुछारमा रहेको काजख्स्तानलाई पराजित गरे उसले बिश्वकपको टिकट काट्नेछ । यही समुहको अर्को खेलमा बोस्निया हर्जगोभिना र फिनल्याण्डबीच बराबरीमात्रै भएपनि फ्रान्सलाई एक अंक पनि पर्याप्त रहनेछ ।

फ्रान्स हार्ने हो भने उसको लागि फिनल्याण्डबिरुद्धको अन्तिम खेल भने महत्वपूर्ण रहनेछ । ९ अंकका साथ युक्रेन दोश्रो स्थानमा रहेको छ तर उसको हातमा एक खेल मात्र छ । व्यवहारिक हिसाबले युक्रेन, फिनल्याण्ड र बोस्निया प्लेअफको दौडमा मात्र छन् ।

समुह इ

यो समुहमा बिश्व नम्बर एक बेल्जियमलाई बाकी रहेका दुई खेलबाट एकले नै बिश्वकप पुर्याउनेछ । बेल्जियमको १६ अंक छ भने गोल अन्तर पनि १७ रहेको छ । आफ्नो अन्तिम दुवै खेल जितेको खण्डमाा ६ खेल खेलको वेल्सको १७ अंक हुनेछ तर उसलाई बिशाल गोल अन्तरको जितहरुको आवश्यकता रहनेछ ।

एक खेल मात्रै हातमा रहेको चेक रिपब्लिकको पनि ११ अंक छ । वेल्सअघि बेल्जियमले कमजोर इस्टोनियाबिरुद्ध खेल्नेछ । व्यहारिक हिसाबमा वेल्स र चेक रिपब्लिकलाई प्लेअफको आशा मात्रै रहेको छ । वेल्सले बेल्जियम बाहेक पछारमा रहेको बेलारुसबिरुद्ध खेल्नेछ भने चेकको अन्तिम खेल इस्टोनियाबिरुद्ध छ ।

यद्दपि शिर्ष दुई बाहिर रहे पनि युएफा नेसन्स लिगमा आफ्नो समुह जितेका कारण वेल्सको प्ले अफ स्थान पक्का छ ।

समुह एफ

डेनमार्क छनोट भइसकेको अवस्थामा यस समहबाट स्कटल्याण्ड र इजरायल मात्रै प्लेअफको समिकरणमा कायम रहेका छन् । दुई खेल बाकी रहेको स्थितिमा स्कटल्याण्डको १७ र इजरायलको १३ अंक रहेको छ ।

स्कटल्याण्डलाई शुक्रबार मात्र एक अंकका साथ पुछारमा रहेको मोल्दोभालाई पराजित गरे प्लेअफ पुग्न पर्याप्त हुनेछ । इजरायलले अर्को खेल अष्ट्रियाबिरुद्ध खेल्दैछ । उक्त खेल बराबरी भए स्कटल्याण्डलाई अन्तिम दुई खेलबाट एक अंक बटुले पुग्नेछ ।

समुह जी

नेदरल्याण्ड्स र नर्वे यो समुहबाट बिश्वकप स्थानका लागि दावेदार हुन् । १९ अंक रहेको नेदरल्याण्ड्स र १७ अंक रहेको नर्वे मंगलवार एक आपसमा भिड्दैछन् । शनिबार नेदरल्याण्ड्सले मोन्टेनेग्रोलाई हराउने र लाट्भियाले नर्वेलाई रोक्ने हो भने डच टोली बिश्वकपका लागि छनोट हुनेछ ।

नर्वेले कमजोर लाट्भिया र नेदरल्याण्ड्स दुवैलाई हराउने हो भने उ बिश्वकपमा पुग्नेछ । यस समुहमा टर्की पनि बिश्वकप स्थानको दावेदारीमा छ । १५ अंक रहेको टर्कीलाई आफ्नो दुवै खेल जित्न आवश्यक छ ।

समुह एच

रुस र क्रोएसिया यो समुहको शिर्ष दुई स्थानमा रहने पक्का छ । बिहिबार रुसले साइप्रसलाई हराउने र क्रोएसिया माल्टासँग बराबरीमा रोक्किने हो भने रुस बिश्वकप पुग्नेछ । तर दुवै पछारमा रहेका टोलीबिरुद्ध शिर्ष स्थानमा रहेका टिम बराबरीमा रोक्किन पनि सम्भव देखिदैन । यस्तो स्थितिमा आइतबार हुने दुई टिमबीचको खेलले नै बिश्वकप पुग्ने टोलीको निर्धारण गर्नेछ ।

समुह आइ

इंगल्याण्ड र पोल्याण्ड दुवै यस समुहबाट बिश्वकप समिकरणमा कायम रहेका छन् । राम्रो गोल अन्तरसँगै २० अंकका साथ शिर्ष स्थानमा रहेको इंगल्याण्डको पलडा भारी रहेको छ ।

इंगल्याण्डले शुक्रबार १५ अंकका साथ तेश्रो स्थानमा रहेको अल्बानियाबिरुद्ध खेल्दैछ र त्यहाँ जित हात पारे उसलाई स्थिति थप सहज बन्नेछ । पोल्याण्डको १७ अंक छ । अन्तिम खेलमा इंगल्याण्डले ८ खेलमा ३१ गोल खादै एक अंक पनि बटुल्न नसकेको सान मारिनोबिरुद्ध खेल्नेछ ।

समुह जे

जर्मनी यसअघि नै छनोट भइसकेका कारण रोमानिया, नर्थ मेसेडोनिया र आर्मेनियाको लागि अब प्लेअफको सम्भावना मात्रै बाकी रहेको छ । रोमानिया १३ अंकका साथ शिर्ष स्थानमा छ भने नर्थ मेसेडोनिया र आर्मेनियाको समान १२ अंक छ । दुई चरणका खेलहरु बाकी रहेका कारण अन्तिम दिनले प्लेअफ पुग्ने टोलीको टुँगो लाग्नेछ ।

Headline

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

Published

on

विराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।

कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।

ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।

सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर  

७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे । 

पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।

यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।

कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।

पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।   

 

Continue Reading

Headline

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Published

on

आठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।

पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा  सब्सटिच्युटमा आएकी क्लोई  केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।

दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।

इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।  

Continue Reading

Headline

 नेपालको पोस्टमा भारतको गोलको वर्षा 

Published

on

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।

नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।

कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो । 

नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।

पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७  गोल खाएको हो । 

दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।

यस्तै पथुम गिमहानाले ६४औं,  हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औंशुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।       

आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो । 

भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।

 

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!