Connect with us

T20 World Cup 2021

ट्वान्टी ट्वान्टी विश्वकप : अफगानिस्तान माथि सनसनीपूर्ण जित निकाल्दा पाकिस्तान सेमीफाइनल नजिक

wesportz

Published

on

पाकिस्तानले युएईमा जारी ट्वान्टी ट्वान्टी विश्वकप अन्तर्गत सुपर १२ को आफ्नो तेश्रो खेलमा अफगानिस्तान माथि पाँच विकेटको सनसनीपूर्ण जित हात पारेको छ । यस जितसँगै लगातार तेश्रो खेलमा जित निकालेको पाकिस्तान सेमीफाइनल नजिक पुगेको छ । पाकिस्तानले यस अघि भारतलाई १० विकेटले तथा न्युजिल्याण्डलाई पाँच विकेटले पराजित गरेको थियो ।

छ बलको अन्तरालमा कप्तान बाबर आजम र शोएब मलिक आउट भए पछि अन्तिम १२ बलमा जितको लागि २४ रन चाहिएको अवस्थामा आसिफ अलीले १९ औँ ओभरमा चार छक्का प्रहार गर्दै १४८ रनको लक्ष्य पक्ष्याएको पाकिस्तानलाई छ बल अगावै पाँच विकेटको जित दिलाएका हुन् ।

पाकिस्तानको जितमा ४७ बलको सामना गरेका कप्तान आजमले सर्वाधिक ५१ रन बनाए । पाकिस्तानले पनि सुरुवात राम्रो गर्न सकेन । ओपनर मोहम्मद रिजवान आठ रन बनाएर मुजिब उर रहमानको शिकार भए पनि कप्तान बाबर आजम र फखार जमानले दोश्रो विकेटका लागि ६३ रनको साझेदारी गर्दै पाकिस्तानको पारी सम्हाले ।

३० रन बनाएका जमान मोहम्मद नाबी र मोहम्मद हफिज पनि १० रनको पारी खेल्दै रशिद खानको बलमा आउट हुँदा पाकिस्तान १४ दशमलब एक ओभरमा तीन विकेटको नोक्सानीमा ९७ रनको अवस्थामा पुग्यो । १९ रन बनाएका शोएब मलिकले कप्तान बाबरसँग मिलेर जित तर्फ लम्काए पनि दुबैको विकेटको पतनसँगै एक समय अफगानिस्तान खेलमा हाबी हुन पुग्यो । तर आसिफ अलीले सात बलमा अविजित २५ रनको पारी खेल्दै अफगानिस्तानको पाकिस्तानलाई पराजित गर्ने सपना चकनाचुर पर्दिए ।

अफगानिस्तानका रशिद खानले सर्वाधिक दुई विकेट हात पारे भने एक मात्र विकेट लिएका मुजिबले किफायती बलिङ गर्दै चार ओभरमा १४ रन मात्र दिए ।

ओपनर हजरतउल्लाह जजाई दोश्रो ओभरमा नै शुन्य रनमा आउट हुँदा अफगानिस्तानले खराब सुरुवात गर्न पुग्यो । त्यस पछि अर्का ओपनर मोहम्मद शाहजाद आठ, रहमानउल्लाह गुर्बाज र अस्गर अफगान समान १०-१०, करिम जन्नत १५ तथा नजिबउल्लाह जद्रान २२ रन बनाएर पेभेलियन फर्कंदा अफगानिस्तान १२ दशमलब पाँच ओभरमा ६ विकेटको नोक्सानीमा ७६ रनको अवस्थामा खुम्चिन पुग्यो ।

 कप्तान मोहम्मद नाबी र गुलबदिन नैबले सातौँ विकेटका लागि अविजित ७१ रनको साझेदारी गर्दै अफगानिस्तानलाई चुनौतिपूर्ण योगफल सम्म पुर्याए । क्रमश २५ र ३२ बलको सामना गरेका नैब र नाबीले समान ३५-३५ रनको पारी खेले ।    

पाकिस्तानका इमाद वासिमले सर्वाधिक दुई विकेट हात पारे भने शाहिन शाह अफ्रिदी, शदाब खान, ह्यरिस रौफ र हसन अलीले पनि समान १-१ विकेट आफ्नो नाममा दर्ता गराए ।  

रशिद बने थोरै खेलमा १०० विकेट लिने बलर  

युएईमा जारी ट्वान्टी ट्वान्टी विश्वकप अन्तर्गत सुपर १२ को आफ्नो तेश्रो खेलमा पाकिस्तान विरुद्ध अफगानिस्तानका स्पिनर रशिद खानले नयाँ किर्तिमान बनाएका छन् ।

१४ औ ओभरको पहिलो बलमा १० रन बनाएका मोहम्मद हफिजलाई गुलाबदीन नैबको हातबाट क्याच थमाउँदै रशिदले सबैभन्दा कम खेलमा १०० विकेट लिने बलरको किर्तिमान आफ्नो नाममा लेखाएका हुन् । यस अघि यो किर्तिमान श्रीलंकाका तिब्र गतिका बलर लसिथ मलिंगाको नाममा रहेको थियो । 

रशिदले मात्र ५३ खेलमा आफ्नो १०० विकेट पुरा गरेका हुन् । मलिंगाले भने १०० विकेट लिनका लागि ७६ खेल खेलेका थिए । त्यस्तै तेश्रो स्थानमा रहेका टिम साउथीले ८२ तथा शकिब अल हसनले ८३ खेलमा आफ्नो १०० विकेट पुरा गरेका थिए ।    

T20 World Cup 2021

अष्ट्रेलियालाई पहिलो ट्वान्टी ट्वान्टी विश्वकपको उपाधि, न्युजिल्यान्डको सपना अधुरै

wesportz

Published

on

ओपनर डेविड वार्नरमिचेल मार्शले अर्धशतक प्रहार गर्दा अष्ट्रेलियाले पहिलो पटक ट्वान्टी ट्वान्टी विश्वकपको उपाधि चुमेको छ । 

युएईमा जारी ट्वान्टी ट्वान्टी विश्वकपको फाइनल खेलमा न्युजिल्यान्ड माथि आठ विकेटको सहज जित हात पार्दै पाँच पटकको एकदिवसीय विश्वकप विजेता अष्ट्रेलियाले पहिलो पटक ट्वान्टी ट्वान्टी विश्वकपको उपाधि माथि कब्जा जमाएको हो ।

न्युजिल्यान्ड भने फेरी पनि एक पटक उपविजेतामा नै सीमित हुन पुग्यो । सन् २०१५ मा संयुक्त रुपमा अष्ट्रेलिया र न्युजिल्यान्डमा तथा सन् २०१९ मा इंग्ल्यान्डमा आयोजना भएको एकदिवसीय विश्वकपमा न्युजिल्यान्ड क्रमश अष्ट्रेलिया र इंग्ल्यान्डसँग पराजित हुँदा विश्वकपको उपाधि चुम्ने धोको अधुरै रहेको थियो ।

न्युजिल्यान्डले दिएको १७३ रनको लक्ष्य पछ्याएको अष्ट्रेलियाले १८ दशमलब पाँच ओभर खेल्दै दुई विकेट गुमाएर लक्ष्य पार गर्यो ।

अष्ट्रेलियाको जितमा तेश्रो नम्बरमा ब्याटिङ गर्न आएका मिचेल मार्शले अविजित रहँदै सर्वाधिक ७७ रन बनाए भने ओपनर डेविड वार्नरले ५३ रनको पारी खेले । त्यस बाहेक ग्लेन म्याक्सवेलले पनि १८ बलमा २८ रनको योगदान दिए ।  

अष्ट्रेलियाले सुरुवात भने राम्रो गर्न सकेन । खराब फर्मबाट गुज्रीरहेका कप्तान आरोन फिन्च मात्र पाँच रन जोड्दै ट्रेन्ट बोल्टको बलमा आउट हुन पुगे । कप्तान फिन्चको विकेटको पतन पछि क्रिजमा आएका मार्शले वार्नरसँग मिलेर नौ दशमलब पाँच ओभरमा ९२ रन जोड्दै अष्ट्रेलियाको जितको आधार तयार पारे ।

आफ्नो पहिलो स्पेलमा दुई ओभर गर्दै मात्र छ रन खर्चिएर एक विकेट हात पारेका ट्रेन्ट बोल्टलाई कप्तान केन विलियमसनले १३ औं ओभर गर्नका लागि बलिङमा बोलाए । बोल्टले पनि कप्तानको निर्णय माथि खरो उत्रंदै ३८ बलमा तीन छक्का र चार चौका प्रहार गरेका वार्नरलाई बोल्ड गर्दै न्युजिल्यान्डलाई दोश्रो सफलता दिलाए ।

वार्नरको विकेटको पतन पछि पनि अष्ट्रेलिया रोकिएन । चौथो नम्बरमा ब्याटिङ गर्न आएका म्याक्सवेलले मार्शसँग मिलेर ६ दशमलब तीन ओभरमा अविजित ६६ रनको साझेदारी गर्दै अष्ट्रेलियालाई उपाधि दिलाए । ५० बलको सामना गरेका मार्शले छ चौका र चार छक्का प्रहार गरे भने म्याक्सवेलले चार चौका र एक छक्का हिर्काए ।

न्युजिल्यान्डका ट्रेन्ट बोल्टले चार ओभरमा १८ रन खर्चिएर सर्वाधिक दुई विकेट हात पारे भने बाँकी बलर विकेट बिहिन रहन पुगे ।              

यस अघि खेलमा टस हारेर पहिले ब्याटिङ गरेको न्युजिल्यान्डले विलियमसनको अर्धशतकमा पुरै २० ओभर खेल्दै चार विकेटको नोक्सानीमा १७२ रन बनाउन सफल भयो ।   

न्युजिल्यान्डको लागि कप्तान केन विलियमसनले सर्वाधिक ८५ रन बनाए । शतक नजिक पुगेर जश हेजलउडको बलमा आउट हुनु अघि ४८ बलको सामना गर्दै १० चौका र तीन छक्का प्रहार गरे । ३२ बलमा आफ्नो अर्धशतक पुरा गरेका विलियमसनले मिचेल स्टार्कको एकै ओभरमा चार चौका र एक छक्का सहित २२ रन प्रहार गरे ।

 कप्तान विलियमसन बाहेक न्युजिल्यान्डका ओपनर मार्टिन गुप्टिलले सुस्त खेल्दै ३५ बलमा २८ रन बनाए भने ग्लेन फिलिप्सले १८ तथा अर्का ओपनर ड्यारेल मिचेलले ११ रनको योगदान दिए । त्यस्तै जिमी निशम र विकेट किपर ब्याट्सम्यान टिम सेइफर्टले अविजित रहँदै क्रमश १३ र आठ रनको पारी खेले । 

अष्ट्रेलियाका जश हेजलउडले चार ओभरमा मात्र १६ रन खर्चिएर सर्वाधिक तीन विकेट लिए भने एडम जाम्पाले पनि आफ्नो नाममा एक विकेट दर्ता गराउन सफल भए । निकै महँगो साबित भएका मिचेल स्टार्कले चार ओभरमा ६० रन खर्चिए ।    

Continue Reading

T20 World Cup 2021

ट्वान्टी ट्वान्टी विश्वकप फाइनल : कप्तान केन विलियमसनको कप्तानी पारीमा अष्ट्रेलियालाई चुनौतिपूर्ण लक्ष्य

wesportz

Published

on

कप्तान केन विलियमसनको कप्तानी पारीमा युएईमा जारी ट्वान्टी ट्वान्टी विश्वकपको फाइनल खेलमा न्युजिल्यान्डले अष्ट्रेलियालाई १७३ रनको चुनौतिपूर्ण लक्ष्य दिएको छ ।

खेलमा टस हारेर पहिले ब्याटिङ गरेको न्युजिल्यान्डले विलियमसनको अर्धशतकमा पुरै २० ओभर खेल्दै चार विकेटको नोक्सानीमा १७२ रन बनाउन सफल भयो ।   

न्युजिल्यान्डको लागि कप्तान केन विलियमसनले सर्वाधिक ८५ रन बनाए । शतक नजिक पुगेर जश हेजलउडको बलमा आउट हुनु अघि ४८ बलको सामना गर्दै १० चौका र तीन छक्का प्रहार गरे । ३२ बलमा आफ्नो अर्धशतक पुरा गरेका विलियमसनले मिचेल स्टार्कको एकै ओभरमा चार चौका र एक छक्का सहित २२ रन प्रहार गरे ।

 कप्तान विलियमसन बाहेक न्युजिल्यान्डका ओपनर मार्टिन गुप्टिलले सुस्त खेल्दै ३५ बलमा २८ रन बनाए भने ग्लेन फिलिप्सले १८ तथा अर्का ओपनर ड्यारेल मिचेलले ११ रनको योगदान दिए । त्यस्तै जिमी निशम र विकेट किपर ब्याट्सम्यान टिम सेइफर्टले अविजित रहँदै क्रमश १३ र आठ रनको पारी खेले । 

अष्ट्रेलियाका जश हेजलउडले चार ओभरमा मात्र १६ रन खर्चिएर सर्वाधिक तीन विकेट लिए भने एडम जाम्पाले पनि आफ्नो नाममा एक विकेट दर्ता गराउन सफल भए । निकै महँगो साबित भएका मिचेल स्टार्कले चार ओभरमा ६० रन खर्चिए ।    

आजको खेलमा अष्ट्रेलियाले सेमिफाइनल खेलेको टोलीलाई नै उतारेको छ भने न्युजिल्यान्डले एक परिवर्तन गरेको छ । यस अघिको खेलमा चोट बोकेका डेवन कन्वेको स्थानमा टिम सेइफर्टले सुरुवाती ११ मा स्थान बनाएका छन् । 

दुबै अष्ट्रेलिया र न्युजिल्यान्ड पहिलो ट्वान्टी ट्वान्टी विश्वकपको ट्रफी उचाल्ने लक्ष्यमा रहेका छन् । आजको खेलमा जित हात पार्ने टोलीले पहिलो पटक ट्वान्टी ट्वान्टी विश्वकपको उपाधि चुम्ने छ । न्युजिल्यान्ड पहिलो पटक ट्वान्टी ट्वान्टी विश्वकपको फाइनलमा प्रवेश गरेको हो भने अष्ट्रेलियाले यस अघि सन् २०१० मा इंग्ल्यान्डमा सम्पन्न ट्वान्टी ट्वान्टी विश्वकपको फाइनलमा प्रवेश गरे पनि आयोजक इंग्ल्यान्डसँग सात विकेटले पराजित हुँदै उपविजेतामा सीमित हुन बाध्य भएको थियो । 

सेमिफाइनलमा न्युजिल्यान्डले इंग्ल्यान्डलाई तथा अष्ट्रेलियाले समुह चरणमा अपराजित पाकिस्तानलाई समान ५-५ बिकेटले पराजित गर्दै फाइनलको यात्रा तय गरेका हुन् ।  

ट्वान्टी ट्वान्टीमा अष्ट्रेलिया र न्युजिल्यान्ड १४ पटक एक आपसमा भिड्दा अष्ट्रेलिया नौ खेलमा विजयी हुँदा न्युजिल्यान्डले पाँच खेल मात्र आफ्नो पक्ष्यमा पार्न सफल भएको थियो । विश्वकपमा हेर्ने हो भने यि दुई टोलीले एक खेल मात्र खेलेका छन् जसमा न्युजिल्यान्डले जित हात पारेको थियो ।  

Continue Reading

T20 World Cup 2021

ट्वान्टी ट्वान्टी विश्वकप फाइनल : अष्ट्रेलिया विरुद्ध न्युजिल्यान्ड पहिले ब्याटिङ गर्दै 

wesportz

Published

on

युएईमा जारी ट्वान्टी ट्वान्टी विश्वकपको फाइनल खेलमा न्युजिल्यान्डले पहिले ब्याटिङ गर्ने भएको छ । अष्ट्रेलियाका कप्तान एरोन फिन्चले टस जितेर न्युजिल्यान्डलाई पहिले ब्याटिङ गर्न लगाएका हुन् । 

आजको खेलमा अष्ट्रेलियाले सेमिफाइनल खेलेको टोलीलाई नै उतारेको छ भने न्युजिल्यान्डले एक परिवर्तन गरेको छ । यस अघिको खेलमा चोट बोकेका डेवन कन्वेको स्थानमा टिम सेइफर्टले सुरुवाती ११ मा स्थान बनाएका छन् ।

यस विश्वकपको तथ्याङ्कलाई हेर्ने हो भने जुन टोलीले टस जित्दै पहिले बलिङ गर्दछ उसैले खेलमा पनि जित हात पारेको छ ।  

दुबै अष्ट्रेलिया र न्युजिल्यान्ड पहिलो ट्वान्टी ट्वान्टी विश्वकपको ट्रफी उचाल्ने लक्ष्यमा रहेका छन् । आजको खेलमा जित हात पार्ने टोलीले पहिलो पटक ट्वान्टी ट्वान्टी विश्वकपको उपाधि चुम्ने छ । न्युजिल्यान्ड पहिलो पटक ट्वान्टी ट्वान्टी विश्वकपको फाइनलमा प्रवेश गरेको हो भने अष्ट्रेलियाले यस अघि सन् २०१० मा इंग्ल्यान्डमा सम्पन्न ट्वान्टी ट्वान्टी विश्वकपको फाइनलमा प्रवेश गरे पनि आयोजक इंग्ल्यान्डसँग सात विकेटले पराजित हुँदै उपविजेतामा सीमित हुन बाध्य भएको थियो । 

सेमिफाइनलमा न्युजिल्यान्डले इंग्ल्यान्डलाई तथा अष्ट्रेलियाले समुह चरणमा अपराजित पाकिस्तानलाई समान ५-५ बिकेटले पराजित गर्दै फाइनलको यात्रा तय गरेका हुन् ।  

ट्वान्टी ट्वान्टीमा अष्ट्रेलिया र न्युजिल्यान्ड १४ पटक एक आपसमा भिड्दा अष्ट्रेलिया नौ खेलमा विजयी हुँदा न्युजिल्यान्डले पाँच खेल मात्र आफ्नो पक्ष्यमा पार्न सफल भएको थियो । विश्वकपमा हेर्ने हो भने यि दुई टोलीले एक खेल मात्र खेलेका छन् जसमा न्युजिल्यान्डले जित हात पारेको थियो ।  

 

Continue Reading
Headline1 hour ago

सनसनीपूर्ण जित निकाल्दा दक्षिण अफ्रिकाको क्लिन स्विप 

Headline5 hours ago

डि ककको शतकमा भारतलाई विशाल लक्ष्य 

Headline7 hours ago

पुलिसलाई हराउदै मनाङ आहा–रारा गोल्डकपको सेमिफाइनलमा

Headline14 hours ago

जेसन होल्डरले घातक बलिङ गर्दा इंग्ल्यान्डको लज्जास्पद हार 

Headline1 day ago

आईपीएलका लागि आवेदन दिने १५ जना नेपाली खेलाडीहरु को को हुन् ?

Headline1 day ago

‘बिबेक टिममा डिमान्ड भए अनुसारको अलराउण्डर हुन्’

Headline1 day ago

अमेरिकी टोलीलाई हराउदै एपिएफ सेमिफाइनलमा

Headline1 day ago

पाँच धनी आईपीएल फ्रेन्चाइजहरु 

Headline2 days ago

आईपीएलको मेगा अक्सनमा १५ जना नेपाली खेलाडीहरु 

Headline2 days ago

चार देशीय शृंखलाको पहिलो खेलमा नेपालले ओमानको सामना गर्ने 

Trending

error: Content is protected !!