Connect with us

Headline

शरदले अन्तिम बलमा छक्का प्रहार गरेपछि भैरहवा र ललितपुरबीच रोमाञ्चक बराबरी

Published

on

शरद भेषावकरले अन्तिम बलमा छक्का प्रहार गरेपछि भैरहवा ग्लेडियेटर्सले रोमाञ्चक खेलमा डिफेन्डिङ्ग च्याम्पियन ललितपुर पेट्रियट्सलाई जितबाट रोकेको छ ।

हाई स्कोरिङ्ग खेलमा १ सय ७८ रनको कठिन लक्ष्य पछ्याउन मैदानमा उत्रिएको भैरहवाले ५ विकेटकको क्षतिमा १ सय ७७ रन बनायो । पहिलो ब्याटिङ्ग गरेको ललितपुरले ७ विकेटको क्षतिमा १ सय ७७ रन बनाएको थियो ।

रशिद खानको अन्तिम ओभरमा १८ रन चाहिएको स्थितिमा कुशल मल्लले पहिलो दुई ओभरमा चार रन बटुलेका थिए भने तेश्रोमा आउट भएका थिए । चौथो बलमा उपुल थारँगाले छक्का प्रहार गरे भने पाचौं बलमा एक रन लिएका थिए ।

जितका लागि ७ रन चाहिएको स्थितिमा शरदले रशिदलाई छक्का प्रहार गर्दै बराबरी गरेका थिए । पर्याप्त प्रकाश नभएका कारण सुपर ओभर सम्भव नभएपछि खेल टाई भएको घोषणा गरिएको थियो ।

त्यसअघि कुशल मल्लले १९ बलमा ३५ रन ठोक्दै भैरहवालाई खेलमा कायमै राखेका थिए । उनले तीन चौका र दुई छक्का प्रहार गरेका थिए । थारँगा ४४ बलमा ६७ रन बनाउदै नटआउट रहे । उनले ६ चौका र तीन छक्का प्रहार गरे ।

२९ रनमै तीन विकेट गुमाएको भैरहवालाई थारँगाले आसिफ शेखलसँग ८४ रनको साझेदारी गर्दै जोगाएका थिए । आरिफले २८ बलमा २८ रन बनाए । उनको नाममा दुई चौका र एक छक्का प्रहार गरे ।

बिहिवारको परिणामपछि भैरहवा नेट रनरेटका आधारमा चार अंकका साथ शिर्ष स्थानमा कायमै रहेको छ । चितवन टाइगर्सको पनि चार अंक छ भने पोखरा राइनोजको तीन अंकमा छ ।

पहिलो दुई खेलमा लगातार हार व्यहोरेपछि दवाबमा आएको ललितपुरले भैरहवाबिरुद्ध भने निकै सुधारिएको ब्याटिङ्ग प्रदर्शन गर्यो । तमिम इक्बालको सटिक थ्रोमा ओपनर तथा कप्तान कुशल भुर्तेललाई दोश्रो ओभरमै गुमाए पनि श्रीलंकन सन्दुन विराक्कोडीले सम्हालेका थिए ।

उनले दोश्रो विकेटका लागि अर्का श्रीलंकन ओशादा फर्नान्डोसँग ६६ रनको साझेदारी गरे । आकर्षक इनिङ्गस खेलेका विराक्कोडीले ४१ बलमा ५८ रन बनाए । उनले पाँच चौका र दुई छक्का प्रहार गरे ।

दुवै ब्याट्स्म्यान आउट हुँदा ललितपुरले १३ औं ओभरमा १०० रन जोडिसकेको थियो । यो शुरुवातलाई सन्दिप जोरा र अफगानी अलराउण्डर अजमतुल्लाह ओमारजाईले ठूलो योगफलमा परिणत गरेका थिए ।

ओमारजाईसँग चौथो विकेका लागि ४५ रनको साझेदारी गरेका जोराले २५ बलमा ३८ रन बनाए । उनले दुई चौका र दुई छक्का प्रहार गरे ।

भैरहवाका लागि ओमारजाई घातक साबित भए । उनले २२ बलमै ४२ रन ठोकेका थिए । अविनाश बोहोरालाई एकै ओभरमा तीन छक्का प्रहार गरेका ओमारजाईले कुल चार छक्का र दुई चौका प्रहार गरे । तीन ओभरमै ४३ रन खर्चेका अविनाशले अन्तिम ओभरमा भने कसिलो बलिंग गरे ।

उनले अन्तिम ओभरमा ओमारजाईको सहित दुई विकेट लिदै मात्र चार रन खर्चिएका थिए । धम्मिका प्रसाद, कृष्ण कार्की र आरिफ शेखले पनि भैरहवाका लागि १–१ विकेट लिएका थिए । दुर्गेश गुप्ता भने सबैभन्दा सफल बलर भए । उनले चार ओभरमा मात्र २२ रन दिएका थिए ।

Headline

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Published

on

मुम्बई इन्डियनले १५ औँ संस्करणको इन्डियन प्रिमियर लिग (आईपीएल) को अन्तिम लिग खेलमा दिल्ली क्यापिटल्स माथि पाँच विकेटको सहज जित निकाल्दा रोयल च्यालेन्जर्स बेंगलोरको भाग्य चम्किएको छ । प्लेअफमा प्रवेश पाउनका लागि आफ्नो अन्तिम लिग खेलमा मुम्बई माथि जित निकाल्नै पर्ने समीकरण रहे पनि हारको सामना गर्दा दिल्लीको प्लेअफ खेल्ने सपना चकनाचुर भएको छ । दिल्लीले हार्दा भाग्य चम्किएको बेंगलोर अंक तालिकामा चौथो स्थान हात पार्दै प्लेअफको यात्रा तय गर्यो ।

गुजरात टाइटान्स २० अंक सहित पहिलो, राजस्थान रोयल्स र लखनउ सुपर जायन्ट्सको समान १८-१८ अंक रहे पनि नेट रन रेटका आधारमा राजस्थान दोश्रोर लखनउ तेश्रो तथा १६ अंक सहित बेंगलोर चौथो हुँदै प्लेअफको टिकट काट्न सफल भएका छन् ।  

दिल्लीले दिएको १६० रनको मध्यम लक्ष्य मुम्बईले १९ दशमलब एक ओभर खेल्दै पाँच विकेट गुमाएर जित दर्ता गरायो । 

मुम्बईका ओपनर तथा कप्तान रोहित शर्मा १३ बल खेल्दै मात्र दुई रन बनाएर आउट हुँदा खराब सुरुवात गरे पनि अर्का ओपनर इशान किशनले ३५ बलमा ४८ तथा डेवाल्ड ब्रेविसले ३३ बलमा ३७ रनको पारी खेल्दै पारी सम्हाले । उनीहरुले ५१ रनको साझेदारी गर्दै आफ्नो टोलीलाई जित तर्फ लगे पनि उनीहरुको विकेटको पतन पछि मुम्बई १४ दशमलब तीन ओभरमा ९५ रनको अवस्थामा खुम्चिन पुग्यो ।   

अन्तिम ३३ बलमा मुम्बईलाई ६४ रन आवश्यक रहेको अवस्थामा टिम डेविड र तिलक वर्माले २० बलमा ५० रन प्रहार गर्दै मुम्बईको जित सुनिश्चित गरे । डेविड ११ बल खेल्दै दुई चौका र चार छक्का सहित ३४ रन बनाएर आउट भए पनि वर्माले १७ बलमा अविजित २१ तथा रमनदिप सिंहले ६ बलमा १३ रन प्रहार गर्दा दिल्लीको प्लेअफको सपना तुहियो ।

दिल्लीका एनरिच नोर्किएशार्दुल ठाकुरले समान २-२ तथा कुलदिप यादवले एक विकेट निकाले पनि आफ्नो टोलीलाई जित दिलाउन पर्याप्त रहेन । 

खेलमा टस हारेर पहिले ब्याटिङ गरेको दिल्लीले २० ओभरमा सात विकेट गुमाएर १५९ रनको मध्यम योगफल मात्र बनाउन सक्यो ।

दिल्लीको तर्फको रोवमन पावेलले सर्वाधिक ४३ रन बनाए भने कप्तान ऋषभ पन्तले ३९ तथा ओपनर पृथ्वी शले पनि २४ रनको पारी खेले । दिल्लीका ओपनर डेविड वार्नर पाँच तथा तेश्रो नम्बरमा ब्याटिङ गर्न आएका मिचेल मार्श गोल्डेन डकआउट भए । त्यस बाहेक सरफराज खान १०, शार्दुल ठाकुर चार रनमा पेभेलियन फर्कँदा अक्सर पटेलले १९ रनको योगदान दिए ।

मुम्बईका जस्प्रित बुम्राले सर्वाधिक तीन तथा रमनदिप सिंहले दुई विकेट हात पार्दा ड्यानियल साम्स र मायंक मार्कंडेले पनि समान १-१ विकेट आफ्नो नाममा दर्ता गराए ।     

Continue Reading

Headline

शृंखला गुमाएको नेपालको अन्तिम खेलमा शानदार जित 

Published

on

यस अघि नै शृंखला गुमाइसकेको नेपालले युगान्डा विरुद्ध लगातार दोश्रो जित हात पारेको छ । सुरुवाती तीन खेलमा हारको सामना गर्दा शृंखला गुमाएको नेपालले पाँचौं तथा अन्तिम खेलमा ३३ रनको जित निकाल्दा पाँच खेलको शृंखला ३-२ ले गुमाएको हो ।

नेपालले दिएको १२४ रनको लक्ष्य दिएर ब्याटिङमा आएको युगान्डाले पुरै २० ओभर खेल्दै ६ विकेट गुमाएर ९० रन मात्र बनाउन सक्यो ।  

युगान्डाका रिटा मुसमालीले सर्वाधिक २६, ओपनर केविन अविनोले १५, शाकिरा सादिकले अविजित १३ तथा जानेट एमबाबाजीले १० रन प्रहार गरे पनि जितका लागि पर्याप्त भएन । 

नेपालको जितमा इन्दु वर्मा र सिता राना मगरले समान २-२ विकेट हात पार्दा अस्मिना कर्माचार्य र हिरनमायी रोयले समान १-१ विकेट आफ्नो नाममा दर्ता गरे । समान ४-४ ओभर बलिङ गरेका इन्दुले १२, सिता राना मगरले १५ तथा रोयले १७ रन खर्चिए ।  

यस अघि खेलमा टस हारेर पहिले ब्याटिङ गरेको नेपालले पुरै २० ओभर खेल्दै ६ विकेट गुमाएर १२३ रनको विशाल योगफल बनायो ।

नेपालको तर्फबाट कीर्तिमानी अर्धशतक बनाउनबाट एक रनले चुकेकी ज्योति पाण्डेले सर्वाधिक ४९ रन बनाइन् । अर्धशतक बनाउनका लागि सर्ट सिंगल लिने प्रयासमा रन आउट भएकी पाण्डेले ६१ बल खेल्दै तीन चौका प्रहार गरिन् । उनी घरेलु मैदानमा ट्वान्टी ट्वान्टी अन्तर्राष्ट्रिय खेलमा अर्धशतक बनाउने पहिलो खेलाडी बन्ने किर्तिमानबाट चुकेकी हुन् ।

ज्योति बाहेक नेपालको तर्फबाट कबिता जोशीले दुई चौका र एक छक्का सहित अविजित १८, ओपनर सिता राना मगरले १७ तथा अप्सरी बेगमले ११ रनको पारी खेले । त्यस बाहेक इन्दु वर्मा आठ रनमा आउट हुँदा कप्तान रुबिना क्षेत्री र डली भट्ट रनको खाता पनि नखोली रन आउट हुन पुगे ।

युगान्डाको तर्फबाट कोन्सी अवेकोफिओना कुलुमेले समान १-१ विकेट हात पारे । 

Continue Reading

Headline

टियुमा पहिलो जित हात पार्दा नेपाल क्लिन स्विप हुनबाट बच्यो  

Published

on

टियु क्रिकेट मैदानमा नेपाली राष्ट्रिय महिला टोलीले पहिलो जित दर्ता गराएको छ । युगान्डा विरुद्धको शृंखला अन्तर्गत चौथो खेलमा नेपालले १५ रनको जित हात पारेको हो । पाँच खेलको शृंखलामा ३-० ले पछि पर्दै शृंखला गुमाइसकेको नेपालले चौथो खेल जित्दै शृंखला ३-१ को अवस्था पुर्याएको छ भने क्लिन स्विप हुनबाट पनि बचेको छ ।   

खेलमा टस जितेर पहिले ब्याटिङ गरेको नेपालले १७ दशमलब पाँच ओभरमा खेल्दै आफ्ना सबै विकेट गुमाएर ९७ रन जोड्न सके पनि युगान्डाले पुरै १८ ओभर खेल्दै आठ विकेट गुमाएर ८२ रन मात्र बनाउन सक्यो । ढिला गरेर सुरु हुँदा खेल १८ ओभर प्रति टोलीमा घटाइएको थियो ।

युगान्डालाई रोक्ने क्रममा आजको खेलमा नेपालको लागि डेब्यु गरेकी हिरनमयी रोयले सर्वाधिक दुई विकेट हात पारिन् भने अस्मिना कर्माचार्य, रुबिना क्षेत्री र कविता कुँवरले समान १-१ विकेट आफ्नो नाममा दर्ता गराए । खेलको प्लेयर अफ द म्याच घोषित रोयले तीन ओभरमा ११ रन खर्चिन् । त्यस्तै अस्मिनाले दुई ओभरमा ६ रन दिँदा रुबिनाले चार ओभरमा १६ तथा कविताले तीन ओभरमा १७ रन खर्चिन पुगे ।     

 यस अघि नेपालको लागि विकेट किपर तथा ओपनर ज्योति पाण्डेले १३ बलमा सर्वाधिक १७, बिन्दु रावलले १६ तथा सिता राना मगरले ११ रनको पारी खेले भने अन्य कुनै पनि ब्याटरले दोहोरो अंकमा रन निकाल्न सकेनन् ।

नेपालका अन्य ब्याटरमा डली भट्ट, कविता कुँवर र अस्मिना कर्माचार्यले समान ६-६ रन जोडे भने, अप्सरी बेगमले चार, सरिता मगरले दुई, रुबिना क्षेत्री र इन्दु वर्माले १-१ रन भन्दा निकाल्न सकेनन् ।

 युगान्डाकी जानेट एमबाबाजीले सर्वाधिक २१ रन जोडिन् भने अन्यले उल्लेख्य योगदान दिन सकेनन् । यस अघि कोन्सी अवेकोले तीन तथा साराह अकिटेङले दुई विकेट निकाल्दा नेपाल सामान्य योगफलमा नै रोकिएको थियो ।   


  

Continue Reading
Headline6 hours ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline14 hours ago

शृंखला गुमाएको नेपालको अन्तिम खेलमा शानदार जित 

Headline1 day ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline2 days ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline2 days ago

रोहितलाई उपकप्तानको जिम्मेवारी 

Headline3 days ago

घरेलु मैदानमा खेलेको पहिलो शृंखला नै गुमायो नेपालले  

Headline3 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline3 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline3 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline3 days ago

आदिल, धमला र किशोर पहिलो पटक एकदिवसीय टोली

Headline4 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline5 days ago

खराब फिल्डिङका कारण जित नजिक पुगेर पनि हार्यो नेपाल 

Headline5 days ago

नेपालले दियो १०२ रनको चुनौतिपूर्ण लक्ष्य 

Headline5 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline6 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline6 days ago

नेपाली महिला खेलाडीको तलबमा भारी वृद्धि  

Headline6 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline6 days ago

चेन्नाई माथि शीर्ष स्थानको गुजरातको सहज जित   

Headline1 week ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

Headline6 hours ago

मुम्बईले जित निकाल्दा बेंगलोरको भाग्य चम्कियो, दिल्लीको प्लेअफको सपना चकनाचुर 

Headline14 hours ago

शृंखला गुमाएको नेपालको अन्तिम खेलमा शानदार जित 

Headline1 day ago

टियुमा पहिलो जित हात पार्दा नेपाल क्लिन स्विप हुनबाट बच्यो  

Headline2 days ago

कोहलीको अर्धशतकमा बेंगलोरको सहज जित, प्लेअफ पुग्न अरुको खेल कुर्न पर्ने

Headline2 days ago

रोहितलाई उपकप्तानको जिम्मेवारी 

Headline3 days ago

घरेलु मैदानमा खेलेको पहिलो शृंखला नै गुमायो नेपालले  

Headline3 days ago

ज्योति पाण्डेको उत्कृष्ट ब्याटिङमा नेपालको चुनौतिपूर्ण योगफल 

Headline3 days ago

कोलकाता माथि दुई रनको सनसनीपूर्ण जित निकाल्दै लखनउ प्लेअफमा 

Headline3 days ago

ईपीएल आयोजना गर्न क्यानले स्वीकृति दिएको छैन – क्यान अध्यक्ष चतुर बहादुर चन्द 

Headline3 days ago

नेपाल टि-२० लिग असोजमा, खेलाडीको तलब न्यूनतम पाँच लाख 

Headline3 days ago

आदिल, धमला र किशोर पहिलो पटक एकदिवसीय टोली

Headline4 days ago

मुम्बई माथि सनसनीपूर्ण जित निकाल्दा हैदराबादको प्लेअफको आशा जीवितै 

Headline5 days ago

खराब फिल्डिङका कारण जित नजिक पुगेर पनि हार्यो नेपाल 

Headline5 days ago

नेपालले दियो १०२ रनको चुनौतिपूर्ण लक्ष्य 

Headline5 days ago

पन्जाब माथि रोमान्चक जित निकाल्दा दिल्ली प्लेअफ नजिक 

Headline6 days ago

खराब ब्याटिङका कारण टियुमा पहिलो पटक अन्तर्राष्ट्रिय क्रिकेट खेलेको नेपालको हार 

Headline6 days ago

नेपाली महिला खेलाडीको तलबमा भारी वृद्धि  

Headline6 days ago

लखनउलाई पाखा लगाउँदै राजस्थान अंक तालिकाको दोश्रो स्थानमा उक्लियो 

Headline6 days ago

चेन्नाई माथि शीर्ष स्थानको गुजरातको सहज जित   

Headline1 week ago

चेल्सीलाई पेनाल्टी सुट-आउटमा हराउँदै लिभरपुलले चुम्यो एफए कपको उपाधि

Trending

error: Content is protected !!