Connect with us

राष्ट्रिय

नेपाल पहिले ब्याटिङ गर्दै, आज तीन परिवर्तन

wesportz

Published

on

पपुवा न्यु गिनीसँगको दुई एकदिवसीय खेलको शृंखला अन्तर्गतको दोश्रो तथा अन्तिम खेलमा नेपालले पहिले ब्याटिङ गर्ने भएको छ । नेपालले टस जितेर पहिले ब्याटिङ गर्ने निर्णय लिएको हो ।

आजको खेलमा नेपालले तीन परिवर्तन गरेको छ । आज शरद भेषवाकर, आरिफ शेख र पवन सर्राफलाई बिश्राम दिँदा बिनोद भण्डारी, करण केसी र सुशन भारीले सुरुवात ११ मा स्थान बनाएका छन् ।

पहिलो खेलमा १३५ रनको सानो लक्ष्य पछ्याएको नेपालले दुई विकेटको सङ्घर्षपूर्ण जित हात पारेको थियो । ८२ रनमा सात विकेट गुमाएर हार तर्फ उन्मुख रहेको नेपाललाई रोहित कुमार पौडेल र सोमपाल कामीले आठौँ विकेटका लागि ५२ रन जोड्दै जित सुनिश्चित गरेका थिए ।  

नेपाल र पपुवा न्यु गिनी यस अघि पाँच पटक एक आपसमा भिड्दा नेपालले दुई पटक जित हात पार्न सकेको थियो भने तीन खेलमा नेपाल पराजित हुन् पुगेको थियो । यस शृंखला अघि नेपालले पछिल्लो पटकको भेटमा पपुवा न्यु गिनीलाई पराजित गरेको थियो । सन् २०१८ मा जिम्बाब्वेमा सम्पन्न विश्वकप छनोट अन्तर्गतको खेलमा  नेपालले पपुवा न्यु गिनीलाई छ विकेटले पाखा लगाएको थियो ।  

नेपाली टोली – ज्ञानेन्द्र मल्ल (कप्तान), कुशल भुर्तेल, आसिफ शेख, सन्दिप लामिछाने, सोमपाल कामी, बिक्रम सोब, रोहित कुमार पौडेल, कुशल मल्ल, बिनोद भण्डारी, करण केसी, सुशन भारी

 

 

Headline

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

wesportz

Published

on

नेपाली टोलीका युवा ओपनर कुशल भुर्तेलले नेपालको तर्फबाट पाँचवटा मात्र ट्वान्टी ट्वान्टी अन्तर्राष्ट्रिय खेल खेलेका छन् । पाँच मध्ये उनको नाममा चार अर्धशतक रहेको छ ।

तर कुशल नेपालको तर्फबाट ट्वान्टी ट्वान्टी अन्तर्राष्ट्रिय खेलमा धेरै बलमा अर्धशतक बनाउने खेलाडीको सुचीमा पनि पर्दछन् । त्यो पनि एक पटक मात्र हैन दुई-दुई पटक ।

नेपालको तर्फबाट धेरै बलमा अर्धशतक पुरा गर्ने किर्तिमान विकेट किपर सुबास खकुरेलको नाममा रहेको छ । नेपालको तर्फबाट ट्वान्टी ट्वान्टीमा पहिलो अर्धशतक बनाउने किर्तिमान राखेका खकुरेलको नाममा धेरै बल खेल्दै अर्धशतक पुरा गर्ने किर्तिमान रहेको छ । सन् २०१४ मा बंगलादेशमा सम्पन्न ट्वान्टी ट्वान्टी विश्वकपमा अफगानिस्तान विरुद्ध उनले ४८ बल खेल्दै आफ्नो तथा नेपाल तर्फबाट पहिलो अर्धशतक प्रहार गरेका थिए ।

सुस्त अर्धशतक बनाउने खेलाडीको सुचीमा विकेट किपर तथा आक्रामक ब्याटर बिनोद भण्डारीको नाममा रहेको छ । कुनै समय नेपालको तर्फबाट तिब्र अर्धशतक बनाउने किर्तिमान रहेको भण्डारीले सन् २०१९ मा ओमानमा आयोजना भएको पेन्टागुलर शृंखला अन्तर्गत हंगकंग विरुद्धको खेलमा आफ्नो अर्धशतक पुरा गर्न ४६ बल खेलेका थिए ।

धेरै बल खेल्दै आफ्नो अर्धशतक पुरा गर्ने खेलाडीहरुको सुची यस्तो छ :

नाम                         बल       विरुद्ध                    स्थान                      मिति                               प्रतियोगिता / शृंखला 
सुबास खकुरेल  ४८  अफगानिस्तान  चटोग्राम  २० मार्च, २०१४  ट्वान्टी ट्वान्टी विश्वकप 
बिनोद भण्डारी  ४६  हंगकंग  अल अमिरात  ६ अक्टोबर, २०१९  पेंटागुलर शृंखला 
कुशल भुर्तेल  ४३  नेदरल्यान्ड्स  किर्तिपुर  २४ अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
कुशल भुर्तेल  ४१  नेदरल्यान्ड्स  किर्तिपुर  २० अप्रिल, २०२१  त्रिकोणात्मक शृंखला (नेपाल, मलेसिया, नेदरल्यान्ड्स)
सन्दिप जोरा  ४१  युएई  आईसीसी दुबई  ३१ जनवरी, २०१९  नेपाल विरुद्ध युएई शृंखला 

Continue Reading

Headline

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

wesportz

Published

on

राष्ट्रिय क्रिकेट टोलीका प्रशिक्षक पुबुदु दासानायकेले युवा खेलाडीहरुको संलग्नताले नै नेपाल अब एक बर्ष भित्र उत्कृष्ट ट्वान्टी ट्वान्टी टिम बन्ने दाबी गरेका छन् ।

दासानायके हाल नेपाललाई ओमानमा फेब्रुवरी २८ मा हुने आईसीसी ट्वान्टी ट्वान्टी बिश्वकप छनोटका लागि तैयार गरिरहेका छन् । दासानायकेले प्रशिक्षण दिइरहेको टोलीमा जम्मा चार जना सिनियर खेलाडी छन् जसले २०१४ ट्वान्टी ट्वान्टी बिश्वकपमा नेपालको लागि खेलेका थिए ।

शरद भेषावकर, ज्ञानेन्द्र मल्ल, जितेन्द्र मुखिया र प्रदिप ऐरिपछि अनुभवको आधारमा अहिले टिमका सिनियर सदस्य २४ बर्षिय आरिफ शेख हुन् भने त्यसपछि ३० बर्षिय करण केसी ।

२०१४ बिश्वकपका दौरान सोमपाल कामीलाई अण्डर १९ बाट सिधै सिनियर टिममा ल्याएका दासानायकेले यसपटक निकै नै महत्वपूर्ण प्रतियोगिताका लागि बिबेक यादव र लोकेश बमलाई भित्र्याएका छन् ।

बिबेक र लोकेशको प्रवेशले वर्तमान राष्ट्रिय टोलीमा युवाहरुले सिनियर खेलाडीलाई आउटनम्बर गरिसकेका छन् । हुन त यो काम गत अप्रिलमा नेपालमै भएको त्रिकोणात्मक ट्वान्टी ट्वान्टी श्रृंखलाका दौरान नै भएको हो तर यी दुईको आगमनले नेपाली टोलीको औषत उमेर पनि घटाएको छ ।

नेपाली क्रिकेट पुस्ता हस्तान्तरणको प्रकृयामा रहँदा ट्वान्टी ट्वान्टी टिमबाट यसको शुरुवात भइसकेको हो र अब यसले चाडै नै पूर्णरुप लिने दासानायके मान्छन् ।

“नेपाली क्रिकेटमा पहिले देखि नै प्रतिभाको कमि थिएन । बिबेक र लोकेश यसको उदाहरण मात्रै हो । हेर्दै जानु अबको एक बर्ष भित्रै नेपाल जुनियर खेलाडीहरुको दममा उत्कृष्ट ट्वान्टी ट्वान्टी टोली बन्नेछ,” दासानायकेले विस्पोर्ट्जलाई भने ।

“केही अन्य युवा खेलाडीहरु पनि छन् जो टिममा नपरेपनि प्रभाव पार्न सक्ने स्तरका छन् । उनीहरुलाई एक्सपोजरको आवश्यकता छ । नेपालको खेलाडीहरुको पुल बिस्तारै बढ्दै गइरहेको छ र आफ्नो पालो कुरेर बसेका सबै खेलाडीहरु युवा नै छन् ।”

जितेन्द्र र प्रदिपले प्रधानमन्त्री कप ट्वान्टी ट्वान्टी राष्ट्रियमा उच्च प्रदर्शनका साथ टिममा कमब्याक गर्दा दासानायकेले ज्ञानेन्द्र र शरदको उपस्थितिले टिमलाई पूर्ण सन्तुलन दिने बताएका छन् ।

“ज्ञानेन्द्र र शरद ठूलो स्टेजको लागि निकै परिपक्व खेलाडी हुन् । अहिले ओपनिँग जोडी आक्रमक रुपले खेल्न सक्षम छ । त्यही सक्षमता ज्ञानेन्द्र र शरदमा पनि छ तर परिस्थित अनुसार उनीहरु दुवै टिमलाई सम्हालेर लिएर जान सक्छन् । बाँकी काम लोवर मिडल अर्डरले गर्नेछ,” उनले भने ।

Continue Reading

Headline

सबैलाई एक्सपोजर दिदै प्रशिक्षक अलमुताइरी

wesportz

Published

on

राष्ट्रिय फुटबल टोलीका प्रशिक्षक अब्दुल्लाह अलमुताइरीले मरिससबिरुद्ध जनवरी २८ र फेब्रुवरी १ मा हुन गइरहेको दुई अन्तर्राष्ट्रिय मैत्रीपूर्णका लागि ३४ खेलाडीलाई क्याम्पमा बोलाउदा ८ नयाँ अनुहार पहिलो पटक टिममा परेका थिए ।

ती ८ जनै खेलाडीलाई जारी शहीद स्मारक ए डिभिजन लिगमा उनीहरुको प्रदर्शनका आधारमा बोलाइएको थियो । आयुष घलान, दिनेश हेन्जन र कमल थापा बाहिरिदा जगजित श्रेष्ठ, प्रशान्त अवस्थी र आशिष राईले पनि टिममा स्थान बनाए ।

सातदोबाटोका प्रशान्त र च्यासलका आशिष राई दुबैले पहिलो पटक टोलीमा स्थान बनाए । अब्दुल्लाहले समेटेका १० वटै नयाँ अनुहार अब राष्ट्रिय टोली सदस्य भएका छन् ।

बुधबार अब्दुल्लाहले दुवै खेलका लागि राष्ट्रिय टोली घोषणा गर्दा क्याम्पमा बोलाइएका ३४ जनलाई नै समेटिदिएका छन् । अब्दुल्लाहले सबैलाई एक्सपोजर दिन चाहन्छन् ।

गोलकिपर किरण चेम्जोङ, गौतम श्रेष्ठ, दिनेश राजबंशी, देवेन्द्र तामाङ, सुमन अर्याल, सुरज जेउ ठकुरी, सुमन लामा, तेज तामाङ, सुजल श्रेष्ठ, अन्जन बिष्ट, आषिश लामा र बिमल घर्ती मगरले दुवै खेलका लागि स्थान बनाएका छन् ।

दिप कार्की र टिकेन्द्र थापा पहिलो खेलका लागि समेटिएका दुई गोलकिपर हुन् भने अन्य खेलाडीहरुमा सुदिप गुरुङ, बिशाल राई, मनिष डाँगी, दर्शन गुरुङ, नितिन थापा, आकाश बुढा मगर, कृतिष रत्न छुन्जु र जगजित रहेका छन् ।

दोश्रो खेलका लागि टिममा अटाउने खेलाडीहरुमा पुजन उपरकोटी, नविन गुरुङ, सुभाष गुरुङ, अनन्त तामाङ, आशिष राई, एरिक बिष्ट, सुशिल राई, प्रशान्त र सन्तोष तामाङ रहेका छन् । बिशाल श्रेष्ठ र शत्रुघन चौधरी गोलकिपरको रुपमा रहेका छन् ।

नेपालले यो बर्ष खेल्ने सबैभन्दा ठूलो प्रतियोगिता भनेको एसिया कपको तेश्रो चरणका खेलहरु रहेका छन् । जुन ८ देखि १४ सम्म हुने एसिया कप तेश्रो चरण छनोटका लागि अब्दुल्लाहले अहिले देखि नै आफ्नो होमवर्क शुरु गरेका हुन् ।

यसअघि उनले साफ च्याम्पियनसिप सम्म एउटा निश्चित टोली बनाउने लक्ष्य सहित यसरी नै नयाँ खेलाडीहरुलाई अवसर दिएका थिए । “मेरो सिस्टममा फिट हुने खेलाडीहरुले टिममा स्थान पाउछन्,” अब्दुल्लाहले राष्ट्रिय टोलीको क्याम्पका दौरान भनेका थिए ।

एसिया कप तेश्रो चरणको लागि अब्दुल्लाहको यो पहिलो एक्सपेरिमेन्ट मात्रै हो । उनले निकट भविष्यमै हुने अन्य मैत्रीपूर्ण खेलहरुका लागि पनि थप खेलाडी बोलाउदै उनीहरुलाई एक्सपोजर दिदै आफ्नो सिस्टममा ढाल्ने काम गर्ने निश्चित नै छ ।

पहिलो मैत्रीपूर्णका लागि नेपाली टोली

किरण चेम्जोङ (गोलकिपर), दिप कार्की (गोलकिपर), टिकेन्द्र थापा (गोलकिपर) गौतम श्रेष्ठ, दिनेश राजबंशी, देवेन्द्र तामाङ, सुमन अर्याल, सुरज जेउ ठकुरी, सुमन लामा, तेज तामाङ, सुजल श्रेष्ठ, अन्जन बिष्ट, आषिश लामा, बिमल घर्ती मगर, सुदिप गुरुङ, बिशाल राई, मनिष डाँगी, दर्शन गुरुङ, नितिन थापा, आकाश बुढा मगर, कृतिष रत्न छुन्जु र जगजित श्रेष्ठ

दोश्रो मैत्रीपूर्णका लागि नेपाली टोली

किरण चेम्जोङ (गोलकिपर), बिशाल श्रेष्ठ (गोलकिपर), शत्रुघन चौधरी (गोलकिपर) गौतम श्रेष्ठ, दिनेश राजबंशी, देवेन्द्र तामाङ, सुमन अर्याल, सुरज जेउ ठकुरी, सुमन लामा, तेज तामाङ, सुजल श्रेष्ठ, अन्जन बिष्ट, आषिश लामा, बिमल घर्ती मगर, पुजन उपरकोटी, नविन गुरुङ, सुभाष गुरुङ, अनन्त तामाङ, आशिष राई, एरिक बिष्ट, सुशिल राई, प्रशान्त अवस्थी र सन्तोष तामाङ

Continue Reading
Headline8 hours ago

ट्वान्टी ट्वान्टी अन्तर्राष्ट्रियमा सुस्त अर्धशतक बनाउने नेपाली ब्याट्स्म्यानहरु

Headline9 hours ago

पावेलको शतकपछि वेष्ट इण्डिजले इंगल्याण्डलाई हरायो

Headline9 hours ago

इक्वेटोरियल गिनीसँग माली स्तब्ध, सलाहको निर्णायक पेनाल्टीमा इजिप्ट क्वार्टर–फाइनलमा

Headline16 hours ago

अब एक बर्ष भित्रै नेपाललाई युवा खेलाडीहरुले उत्कृष्ट ट्वान्टी ट्वान्टी टिम बनाउने छन्ः पुबुदु दासानायके

Headline22 hours ago

सबैलाई एक्सपोजर दिदै प्रशिक्षक अलमुताइरी

Headline23 hours ago

ट्वान्टी ट्वान्टी अन्तर्राष्ट्रियमा नेपालको तर्फबाट उत्कृष्ट बलिङ प्रदर्शन

Headline1 day ago

मच्छिन्द्रलाई स्तब्ध पार्दै एपिएफ १४ बर्षपछि आहा–रारा गोल्डकपको फाइनलमा

Headline1 day ago

दोश्रो संस्करणको एनएसएल चैत्र २६ बाट 

Headline1 day ago

ट्वान्टी ट्वान्टी अन्तर्राष्ट्रियमा नेपालको लागि उच्च साझेदारी रनका आधारमा

Headline1 day ago

मानेलाई कन्कसन भयो, बिजयी गोल गरे, मैदानबाट निस्किए, सेनेगल अन्तिम ८ मा पुग्यो

Trending

error: Content is protected !!