Connect with us

Headline

पुनरागमन खेलमा रोहितको समझदारीपूर्ण ब्याटिंगपछि नेपालको कठिन जित

wesportz

Published

on

रोहित कुमार पौडेलले आफ्नो पुनरागमन खेलमा सुझबुझपूर्ण इनिङ्गस खेलेपछि नेपालले पपुवा न्यु गिनीमाथि पहिलो एकदिवसीय अन्तर्राष्ट्रियमा दुई विकेटको संघर्षपूर्ण जित हात पारेको छ ।

ओमानको अल अमिरात क्रिकेट मैदानमा जितका लागि १ सय ३५ रनको लक्ष्य पछ्याउने क्रममा नेपालले ३९ दशमलव ३ ओभरमा ८ विकेट गुमाउदै जित हात पार्यो ।

ओपनरद्वय कुशल भुर्तेल र आसिफ शेखले पहिलो विकेटका लागि ४६ रनको साझेदारी गर्दै आकर्षक शुरुवात दिलाएपनि ३४ रनको अन्तरमा ७ विकेट गुमाएको थियो । तर ८२ रनमा ७ विकेटको स्थितिबाट रोहितले सोमपाल कामीसँग ५२ रनको साझेदारी गर्दै नेपालको इज्जत जोगाएका थिए ।

जितसँगै नेपालले दुई म्याचको श्रृंखलामा १–० को अग्रता लिएको छ । आईसिसि क्रिकेट बिश्वकप लिग टुको दोश्रो त्रिकोणात्मक श्रृंखलाका लागि ओमान पुगेको नेपालले यो सिरिजलाई तैयारीको रुपमा लिएको छ । दोश्रो खेल शुक्रबार हुनेछ ।

रोहितले ६५ बलमा दुई चौका प्रहार गर्दै ४१ रन बनाए । उनी आउट हुँदा नेपाललाई मात्र एक रनको आवश्यकता रहेको थियो । एक चौका र एक छक्का प्रहार गरेका सोमपालले ३२ बलमा नटआउट २२ रन बनाए ।

कुशल (१५) र आसिफले ठोस शुरुवात दिलाएपछि नेपाल सहज जिततर्फ अग्रसर रहेको थियो । तर गाउडी टोका, ड्यामिन रभु र चाड सोपरले २–२ विकेट लिएपछि नेपाली इनिंगस धर्मराएको थियो । निकै आकर्षक लयमा देखिएका आसिफले ४६ बलमा चार चौकाको मद्दतमा ४० रन बनाए । टोकाले तीन विकेट हात पारे ।

यसअघि सन्दिप लामिछानेले चार तथा सोमपाल कामी, कुशल मल्ल, बिक्रम सोब र सोमपालले २–२ विकेट लिएपछि पिएनजी ३३ ओभरमा १ सय ३४ रनमै अल आउट भएको थियो ।

टस हारी पहिलो फिल्डिंग गरेको नेपालका लागि पहिलो अन्तर्राष्ट्रिय खेलिरहेका बिक्रम सोबले पहिलो बलमै विकेट लिएपछि पिएनजी शुरुवातदेखि नै दवाबमा रहेको थियो ।

आफ्नो डेब्यु एकदिवसीय अन्तर्राष्ट्रियको पहिलो बलमै विकेट लिने बिक्रम बिश्वका २६ औं बलर बने । उनी एशोसिएट क्रिकेटमा यो उपलब्धि हात पार्ने सातौं बलर पनि भए ।

कुनै पनि ठूलो साझेदारी पाउन नसकेको पिएनजी ३३ ओभरमै समेटिएको थियो । बिक्रमले टोनी उरालाई बोल्ड गर्नुका साथै असद भालालाई आरिफ शेखको हातबाट क्याच आउट गराएपछि पिएनजीले पहिलो चार ओभरमा दुई विकेट गुमाउदा मात्रै ९ रन जोडेको थियो ।

त्यसपछि लेगा सियाका र चाल्र्स अमिनीले पिएनजीलाई सम्हाल्ने प्रयास गर्दै तेश्रो विकेटका लागि ५० रनको साझेदारी गरेका थिए । सन्दिपले आफ्नो पहिलो ओभरमै अमिनीलाई पेभिलियन फर्काएपछि पिएनजी सम्हालिन सकेन ।

सियाकाको विकेट कुशलले लिएका थिए । सियाकाले पिएनजीका लागि सर्वाधिक ३० रन बनाए । ३८ बलको सामना गरेका उनले एक चौका र एक छक्का प्रहार गरे । अमिनीले २३ बलमा तीन चौकाको मद्दतमा २३ रन बनाए ।

यस्तै टोकाले २९ बलमा २२ रन जोडे । सन्दिपले १० ओभरमा ३५ रन खर्चदै चार विकेट लिए ।

Headline

९० औं मिनेटको गोलले बार्सिलोना जोगियो

wesportz

Published

on

बायर्न म्युनिखसँग च्याम्पियन्स लिगमा लज्जास्पद पराजय व्यहोरेको एक हप्ता भन्दा कम समयमा बार्सिलोना एक पटक फेरि घरेलु मैदान क्याम्प नोउमा चुकेको छ । यसपटक स्पेनिस महारथी जित विहिन ग्रानडासँग १–१ गोलको बराबरीमा रोक्कियो ।

डिफेन्डर रोनाल्ड अरुजोले ९० औं मिनेटमा गोल गर्दै बार्सिलोनालाई बाल बाल बचाए पनि झण्डै २७ हजार घरेलु समर्थकहरुले टिमको प्रदर्शनलाई भने मन पराएनन् । खेलमा ग्रानडाले दोश्रो मिनेटमै अग्रता बनाएको थियो । उसका लागि डोमिँगोस डुवार्टेले हेडरमार्फत गोल गरेका थिए ।

अर्जेन्टिनी सुपरस्टार लियोनल मेस्सी पेरिस सेन्ट जमाईन गएपछि पहिलो पटक हार व्यहोर्ने क्रममा च्याम्पियन्स लिगमा बायर्नसँग ३–० ले हारेको बार्सिलोनालाई कमजोर टोलीले रोकेपछि पुरै टिम र प्रशिक्षक रोनाल्ड कोमनमाथि दवाब बढ्दै जान थालेको छ ।

लगातार दुई खेल हारेको ग्रानडा क्याम्प नोउमा सोमबार आईपुग्दा उ चार खेलमा जितविहिन रहदै आएको थियो । “हामीले शुरुवातमै गोल गरेको भए मज्जाले जित्ने थियौं । उनीहरुले पहिलो गोल गरेपनि पुरै टिम डिफेन्समै लागेको थियो,” अरुजोले भने ।

बराबरीले बार्सिलोना सातौं स्थानमा कायम रहेको छ भने शिर्ष स्थानको रियल म्याड्रिड भन्दा पाँच अंकले पछाडी छ । बार्सिलोनाले एक खेल कम खेलेको छ ।

Continue Reading

Headline

नेपाली फुटबल टोलीले बलियो ओमानसँग मैत्रीपूर्ण खेल्ने !

wesportz

Published

on

साफ च्याम्पियनसिपको तैयारीका लागि हाल कतारमा रहेको नेपाली राष्ट्रिय फुटबल टोलीले बलियो खाडी राष्ट्र ओमानसँग अन्तर्राष्ट्रिय मैत्रीपूर्ण खेल्ने भएको छ ।

बरियताको हिसाबमा नेपालको लागि यो निकै महत्वपूर्ण खेल हुनेछ । फिफा बरियतामा नेपाल १ सय ६१ स्थानमा रहेको छ भने ओमान ७८ औं स्थानमा छ । नेपाली टोलीको श्रोतका अनुसार नेपाल कतारमै यसको गृहकार्यमा जुटेको र ओमानले पनि स्विकार गरिसकेको छ ।

“अन्य केही समस्या नभए नेपाल र ओमानबीचको खेल तय नै रहेको छ,” श्रोतले विस्पोर्ट्जलाई जानकारी दियो । खेलको मिती र स्थान तय नभएपनि नेपाल सिधै माल्दिभ्स जाने भएका कारण यो खेल कतारमै हुनेछ ।

पछिल्लो केही महिना यता लगातार उच्च स्तरका टोलीहरुसँग खेल्दै आएको नेपाल कतारबाट सिधै माल्दिभ्सका लागि उड्नेछ । कोरोना भाइरसको पहिलो लहर केही शान्त भएपछि बङ्गलादेशबिरुद्धको अन्तर्राष्ट्रिय मैत्रीपूर्णदेखि अन्तर्राष्ट्रिय फुटबलमा पुनरागमन गरेको नेपालले त्यसपछि आफ्नै भुमिमा थ्रि नेसन्स कपको आयोजना गर्दै त्यसमा जित पनि हात पारेको थियो ।

त्यसपछि नेपालमा कोरोनाको दोश्रो लहरका दौरान नै नेपाल सुपर लिगको आयोजना भयो भने इराकसँग एक अन्तर्राष्ट्रिय मैत्रीपूर्ण र बिश्वकप तथा एसिया कपको संयुक्त छनौटमा अष्ट्रेलिया, जोर्डन र चाइनिज ताईपेईसँग खेलेको थियो ।

भारतसँग दशरथ रँगशालामा दुई अन्तर्राष्ट्रिय मैत्रीपूर्ण पछि नै नेपाली टोली कतार गएको थियो ।

Continue Reading

Headline

अन्तिम ४ मिनेटमा दुई गोल गर्दै रियलको सनसनीपूर्ण जित

wesportz

Published

on

निर्धारित समयको अन्तिम चार मिनेटमा दुई गोल गर्दै रियल म्याड्रिडले स्पेनिस ला लिगामा भ्यालेन्सियामाथि २–१ को रोमाञ्चक जित हात पार्दै अंक तालिकाको शिर्ष स्थानमा उक्लिएको छ ।

पहिलो हाफमा कुनै गोल हुन नसकेपछि ६६ औं मिनेटमा ह्युगो डुरोले भ्यालेन्सियालाई अग्रता दिलाएका थिए । तर खेलको अन्तिम समय भने भ्यालेन्सियाले त्यो अग्रतालाई जोगाउन सकेन । करिम बेञ्जेमाको पासमा भिनिसियस जुनियरको प्रहार डिफ्लेक्ट हुदै गोल हुँदा रियलले ८६ औं मिनेटमा बराबरी गर्यो ।

त्यसको दुई मिनेटपछि नै भुमिका फेरियो । यसपटक भिनिसियसको पासमा बेञ्जेले हेडरमार्फत सिजनको आफ्नो छैटौं गोल गरे ।

जितपछि रियल डिफेन्डिङ्ग च्याम्पियन एट्लेटिको म्याड्रिडलाई दुई अंकले पछि पार्दै १३ अंकका साथ शिर्ष स्थानमा उक्लिएको छ । तेश्रो स्थानमा रहेको भ्यालेन्सिया र चौथोमा रहेको रियल सोसिडाडको समान १० अंक रहेको छ ।

भ्यालेन्सियाले यो सिजनको शुरुवातमा आफ्नो पहिलो खेल हारेको हो । आइतबार नै भएको खेलमा रियल सोसिडाडले सेभियासँग गोलरहित बराबरी खेल्यो । अन्य दुई खेल पनि बराबरीमा टुङ्गिएका थिए । मायोर्काले भिलारियालसँग गोलरहित र रियल बेटिसले इस्पान्योलसँग २–२ को बराबरी खेल्यो ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!