Connect with us

अन्तर्राष्ट्रिय

इंग्लिस बलर सामु निरिह भारत, पहिलो पारीमा मात्र ७८ रनमा अलआउट 

wesportz

Published

on

इंग्ल्यान्डका बलरहरु सामू भारतीय ब्याट्सम्यानहरु निरिह हुँदा भारतले आफ्नो पहिलो पारीमा मात्र ७८ रन बनाएर अलआउट हुन पुगेको छ ।

खेलमा टस जितेर पहिले ब्याटिङ गर्ने निर्णय लिएको भारतले मात्र ४० दशमलब चार ओभर खेल्दै आफ्ना सबै विकेट गुमाएर ७८ बनाएको हो ।

भारतको तर्फबाट ओपनर रोहित शर्माले सर्वाधिक १९ तथा अजिंक्य रहानेले १८ रन बनाए भने बाँकी कुनै पनि ब्याट्सम्यानले दोहोरो अंकमा रन जोड्न सकेनन् । 

ओपनर केएल राहुललाई शून्यमा गुमाएर निकै खराब सुरुवात गरेको भारतका चेतेश्वर पुजारा एक, कप्तान विराट कोहली सात, विकेट किपर ब्याट्सम्यान रिशब पन्त दुई तथा रविन्द्र जडेजा चार रनमा आउट भए । मोहम्मद शामीजस्प्रित बुम्रा गोल्डेन डकआउट भए भने मोहम्मद सिराजले तीन रन जोड्दा इशान्त शर्मा आठ रनमा अविजित रहे ।

भारतलाई सस्तोमा रोक्ने क्रममा जेम्स एन्डरसन र क्रेग ओभरटनले समान ३-३ तथा ओली राबीनसन र साम कर्रणले समान २-२ विकेट आफ्नो नाममा दर्ता गराए । जेम्स एन्डरसनले घातक बलिङ गर्दै आठ ओभरमा पाँच मेडन ओभर सहित मात्र छ रन खर्चिएर सुरुवाती तीन विकेट लिएका हुन् भने ओभरटनले १० दशमलब चार ओभरमा १४ रन मात्र दिए ।

पाँच खेलको शृंखलामा भारत १-० ले अघि रहेको छ । पहिलो टेस्ट बराबरीमा सकिएको थियो भने दोश्रो टेस्टमा भारतले इंग्ल्यान्डलाई १५१ रनको फराकिलो अन्तरले पराजित गरेको थियो ।          

 

Headline

पछिल्लो दुई युरो कप च्याम्पियन नै कतार बिश्वकपमा नहुन सक्छन्

wesportz

Published

on

२०२२ को कतार बिश्वकपको युरोपियन प्लेअफमा तीन ठूला टिम एकै समुहमा परेपछि इटाली र पोर्चुगल नै बाहिरिने सम्भावना रहेको छ ।

प्लेअफको समुह बी मा इटाली र पोर्चुगलसँगै टर्की पनि रहेको छ । इटालीले नर्थ मेसेडोनिया र पोर्चुगलले टर्कीसँग खेल्ने छन् । दुई खेलको बिजेताले एक आपसमा खेल्ने छन् । एउटा कुरा के स्पष्ट छ भने टर्की पराजित हुने हो भने पछिल्लो दुई युरो कप बिजेता मध्ये एक बिश्वकपमा हुने छैनन् ।

टर्कीले उत्कृष्ट प्रदर्शन गर्न सक्ने हो भने दुवै टोली बाहिरिने सम्भावना पनि कायम छ । इटाली युरो कप च्याम्पियन र पोर्चुगल २०१६ को बिजेता हो ।

इटाली २०१८ को बिश्वकपका लागि पनि प्लेअफ बाटै बाहिरिएको थियो । इटाली ६० बर्षमा पहिलो पटक बिश्वपमा छनोट नभएको हो । पोर्चुगलले १९९८ को बिश्वकप छुटाए यता हरेक प्रमुख प्रतियोगिताहरु खेल्दै आएको छ ।
छनोटको पहिलो चरणमा इटाली नर्दन आयरल्याण्डसँग बराबरीमा रोक्किएपछि स्विट्जरल्याण्डले बिश्वकपमा स्थान बनाएको थियो भने पोर्चुगल सर्बियासँग पराजित हुन पुगेको थियो ।

पोर्चुगल प्रशिक्षक फर्नान्डो सान्टोसले आफ्नो टोलीको पहिलो लक्ष्य मार्चमा हुने प्लेअफमा टर्कीलाई नै हराउनु रहेको बताएका छन् । उनीहरु कहिले राम्रो खेल्छन् कहिले खेल्दैनन् । टर्की यस्तो टोली हो जसले सधै अर्को टिमको लागि काँडा हुने गर्छ । तर म बिश्वकपमा छनोट हुनेमा भने बिश्वस्त छु, सान्टोसले भने ।

प्ले अफको अर्को समुहमा वेल्स र स्कटल्याण्डको फाइनलमा भेट हुन सक्छ । वेल्सले अष्ट्रियसँग खेल्ने छ भने स्कटल्याण्डले युक्रेनको सामना गर्नेछ । १९९८ यता स्कटल्याण्ड बिश्वकपमा छनोट हुन सकेको छैन । वेल्स ६४ बर्षमा पहिलो पटक बिश्वकप खेल्ने प्रयासमा हुनेछ ।

यस्तै रुसले अर्को समुहमा पोल्याण्डको सामना गर्नेछ भने स्विडेनले चेक रिपब्लिकसँग खेल्नेछ । रुसले हालसम्म घरेलु मैदानमा जम्मा एक पटक मात्र बिश्वकप छनोटको खेल हारेको छ र त्यो सन् २००९ मा जर्मनीबिरुद्ध रहेको थियो ।

Continue Reading

Headline

प्याट कमिन्स अष्ट्रेलियाका नयाँ टेस्ट कप्तान

wesportz

Published

on

क्रिकेट अष्ट्रेलियाले तिब्र गतिका बलर प्याट कमिन्सलाई अष्ट्रेलियाको नयाँ कप्तान घोषणा गरेको छ । उनले इंगल्याण्डबिरुद्ध हुने एसेज टेस्ट श्रृंखला देखि अष्ट्रेलियको कप्तानी थाल्ने छन् ।

कमिन्स अष्ट्रेलियाको टेस्ट क्रिकेट इतिहासमा नियमित कप्तान बन्ने पहिलो फास्ट बलर भएका छन् भने रिची बेनउ पछि कप्तानी गर्ने पहिलो कुनै पनि किसिमका बलर पनि । उनी अष्ट्रेलियाको ४७ औं टेस्ट कप्तान बनेका हुन् ।

आफ्नो एक पुर्व सहकर्मीसँग २०१७ मा भद्दा सन्देश आदान प्रदान गरेको आरोपमा हाल अनुसन्धान चलेपछि टिम पेनले गत साता राजीनामा दिएपछि अष्ट्रेलियाको टेस्ट कप्तानीको पद रिक्त रहेको थियो । कमिन्स उप कप्तान रहेका थिए ।

कमिन्सको कप्तानी नियुक्तीसँगै पुर्व कप्तान स्टिभ स्मिथ उप कप्तानको भुमिकामा फर्किएका छन् ।

बिश्व नम्बर एक टेस्ट बलर कमिन्सले आफ्नो लागि यो अनपेक्षित सम्मान रहेको बताए । एसेज जस्तो ठूलो प्रतियोगिताको लागि यो भुमिका स्विकार्न पाउदा मलाई निकै ठूलो सम्मान दिए जस्तो भएको छ । म पछिल्लो केही बर्ष टिम (पेन) ले दिदै आएको लिडरसिपलाई निरन्तरता दिन चाहन्छु, कमिन्सले भने ।

अष्ट्रेलियाको छनोट समितिले कप्तानको उम्मेदवार रहेका स्मिथ र कमिन्समध्ये एक लाई छानेका हुन् । स्मिथ उप कप्तानको रुपमा नियुक्त हुनु भने उनको लागि ठूलो छलाँग हुन सक्छ ।

२०१८ मा दक्षिण अफ्रिकामा भएको बल ट्याम्परिङ्ग काण्डमा मुछिएका स्मिथलाई त्यो समय कुनै पनि किसिमको कप्तानीबाट दुई बर्षका लागि निलम्बन गरिएको थियो । उक्त काण्डका योजनाकार डेभिड वार्नरलाई भने क्रिकेट अष्ट्रेलियाले कप्तान बन्न नपाउने आजीवन प्रतिबन्ध नै लगाएको छ ।

अब भने स्मिथ कप्तानीको भुमिकामा चाडै नै फर्कन सक्ने बाटो खुलेको छ । स्मिथले त्यसयता इण्डियन प्रिमियर लिगमा कप्तानी गर्दै आएका छन् भने इंगल्याण्डको द हण्ड्रेड प्रतियोगितामा पनि वेल्स फायरको कप्तान बन्ने तर्फ अग्रसर छन् ।

Continue Reading

Headline

बिश्वकपको आयोजना अधिकार हत्याउन कतारले सिआईए गुप्तचर प्रयोग गरेको खुलाशा

wesportz

Published

on

कतारको लागि २०२२ बिश्वकपको आयोजना अधिकार सुरक्षित गर्नका लागि एक पुर्व सिआईए अधिकारीले बर्षौसम्म बिश्व फुटबलका उच्च अधिकारीहरु माथि गुप्तचरी गरेको खुलाशा भएको छ ।

एशोसिएट प्रेसले गरेको अनुसन्धानमा आयोजना अधिकारको दाबेदारीमा रहेका अमेरिका र अष्ट्रेलियालाई पछि पार्नका लागि कतारले हाल नीजि रुपमा काम गर्दै आइरहेका केभिन चकर नाम गरेका पुर्व सिआईए अधिकारीलाई २०१० मा आयोजक राष्ट्रको निर्णय गर्ने फिफा पदाधिकारीहरुमाथि गुप्तचरी गर्न लगाएको खुलेको छ ।

चकरको निदेर्शनमै काम गरेकाहरुसँग लिइएको अन्तर्वार्ता, बिल, इमेल र डकुमेन्टहरुको अध्ययन गर्दा उनले बिश्वकप आयोजना अधिकार पाइसकेपछि कतारका आलोचकहरुमाथि पनि निगरानी राख्दै आएका थिए ।

एपिको अनुसन्धानमा कतारले बिश्वकप आयोजना अधिकारका लागि कुनै कसर बाकी नराखेको देखिन्छ । यस अन्तर्गत प्रतिस्पर्धी राष्ट्रको बिडका बारे पत्ता लगाउन कोही फोटो पत्रकारको रुपमा रहने गर्थे भने लक्षित पदाधिकारीसँग नजिक हुन महिलाहरुलाई फेसबुक मार्फत पनि प्रयोग गरिन्थ्यो ।

२०१० मा भएको मतदान अघि चकर र उनको टोलीले कम्तिमा पनि फिफाको एक उच्च पदाधिकारीको मोबाइल रेकर्ड पनि मगाउने गर्दथे ।

चकरको कम्पनी ग्लोबल रिक्स एडभाइजर्सले २०१४ मा आफ्नो डकुमेन्टमा उल्लेख गरे अनुसार ‘प्रोजेक्ट मर्सिलेस’ नाम दिइएको उक्त कामको सबैभन्दा ठुलो उपलब्धि फिफा भित्रका कटु आलोचकहरु बारे सम्पूर्ण जानकारी प्राप्त गर्न सक्नु थियो ।

उक्त प्रोजेक्ट पुरा गर्न ९ बर्षको अवधिमा कम्पनीले ३ सय ८७ मिलियन डलरको बजेट प्रस्ताव गरेको थियो । कतारले उक्त कम्पनीलाई कति तिरेको यो भने स्पष्ट छैन ।

कम्पनीको डकुमेन्टहरुका अनुसार बिश्व फुटबलमा महत्वपूर्ण मानिएका जोर्डनका राजकुमार अलि बिन अल हुसैनलाई फकाउनका लागि पनि कदमहरु चालिएको थियो । अल हुसैन २०१५ र २०१६ मा फिफा अध्यक्षका लागि लडेका थिए तर दुवै पटक उनी असफल रहे ।

२०१३ को डकुमेन्ट अुनसार ग्लोबल रिस्क एडभाजर्सले कतारको बिश्व फुटबलमा दह्रो उपस्थिति जनाउनका लागि अल हुसैनले सञ्चालन गर्दै आएको एक फुटबल बिकास संस्थालाई पैसा दिन पनि सुझाव दिएको थियो ।

अल हुसैनका एक प्रतिनीधिले भने कतारका शासकहरुसँग अल हुसैनको सम्बन्ध पहिलो देखि नै निकै राम्रो रहेका कारण उनलाई कुनै कन्सलट्यान्टको आवश्यकता नरहेको बताएका छन् ।

चकरले गर्ने सबै कार्यहरुको पूर्ण बिवरण नरहे पनि २०१४ देखि २०१७ सम्म तैयार पारिएका प्रस्तावना अनुसार उनले बिश्वकप बाहेकका कामहरुमा पनि हात हालेका थिए ।

‘पिकएक्स’ नाम गरेको एक प्रोजेक्ट अन्तर्गत कतारमा काम गर्न आएका आप्रवासी कामदारहरुको व्यक्तिगत जानकारीसँगै बायोमेट्रिक संकलन गर्ने गरिन्थ्यो । ‘फाल्कनआई’ नामको अर्को प्रोजेक्ट अन्तर्गत ड्रोनको प्रयोगमार्फत बन्दरगाह र सिमानाहरुमा निगरानी राख्ने र आप्रवासी कामदार जनसंख्या केन्द्रलाई नियन्त्रणमा राख्ने रहेको थियो ।

Continue Reading
Headline46 mins ago

कर्णालीलाई हराउदै गण्डकीको पहिलो जित

Headline4 hours ago

पछिल्लो दुई युरो कप च्याम्पियन नै कतार बिश्वकपमा नहुन सक्छन्

Headline19 hours ago

ए डिभिजन लिगमा संकटाको पहिलो जित

Headline22 hours ago

वसिरको उत्कृष्ट फिनिसिँगमा लुम्बिनीको एक विकेटको सनसनीपूर्ण जित

Headline22 hours ago

सोनुको शतकमा प्रदेश १ को लगातार तेश्रो जित

Headline23 hours ago

ए डिभिजन लिगः नवप्रवेशी सातदोबाटोसँग थ्रि स्टार स्तब्ध

Headline1 day ago

लगातार तेश्रो जित हात पार्दै नेपालको शिर्ष स्थान कब्जा गर्ने आशा कायमै

Headline1 day ago

नेपाललाई मलेसियाले दियो ९३ रनको चुनौतिपूर्ण लक्ष्य

Headline1 day ago

प्याट कमिन्स अष्ट्रेलियाका नयाँ टेस्ट कप्तान

Headline2 days ago

आदिलको सनसनीपूर्ण ब्याटिँगमा प्रदेश २ को सुदुरमाथि अविश्वसनीय जित

Headline11 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline2 years ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline10 months ago

फुटबलमा थापिएका ५ अचम्मका बाजीहरु

Headline7 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline1 year ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!