Headline
ओलम्पिक्सलाई पनि छायांमा पारेको मेस्सीको बार्सा बहिर्गमन
Published
3 years agoon
By
wesportzजारी ओलम्पिक्स आफ्नो अन्तिम सप्ताहमा प्रवेश गर्दै गर्दा टोकियोमा शुक्रबार बिहानको प्रमुख समाचार बिश्व खेलकुदको महाकुम्भसंग लिनु दिनु थिएन ।
दुई पक्ष सम्झौतामा आउन नसकेपछि मेस्सीले बार्सिलोना छोड्न गइरहेको तर्फ सबैको ध्यान केन्द्रित थियो । खेलकुदको सबैभन्दा ठूलो सुपरस्टार नै ओलम्पिक्स जस्तो ठूलो कुरालाई छायामा पार्न सक्छन् त्यो पनि ओलम्पिक्स चलिरहेकै समयमा ।
यो एउटा हलचल पैदान गर्ने ऐतिहासिक र स्तब्धपूर्ण समाचार नै थियो । मेस्सी र बार्सा पछिल्लो १७ सिजन एक अर्काको पर्याय नै बनेर रहेका थि ए । यस दौरान ६ सय ७२ गोल, ६ बालोन डि ओर पुरस्कार, ३४ प्रमुख उपाधि निक्लियो भने टोकियोमा ओलम्पिक्समा चल्दा चल्दै पनि सबैभन्दा माथिल्लो स्थान पाएको कारण तुलनै गर्न नसकिने स्तरमा ख्याती पनि ।
र यो सबै फुटबलमा निकै तनावका बीच भएको ट्रायलपछि नै सम्भव भएको थियो । सेप्टेम्बर १६, २००० मा मेस्सी र उनका बुवा होर्गे अर्जेन्टिनाको रोसारियोबाट स्पेनको बार्सिलोना पुग्दा उनी जम्मा १३ बर्षका थिए ।
यो भ्रमण आशाले भरिएको थियो तर डर र निराशा पनि उत्तिकै थियो । युवा प्रतिस्पर्धाहरुमा एक छत्र राज गर्दै आइरहेका मेस्सी फुटबलका अलौकिक प्रतिभा नै थिए । उनको भविष्य भने अनिश्चित ।
उनीमा उचाई बढाउने हर्मोनमा गडबढी भेट्टाउदा उनको सानो कदको बारेमा सबैलाई ज्ञान भएको थियो । सानो तर बलसंग देखाउने गरेको स्फुर्तिका कारणले नै उनलाई द फ्लि (उपिया) भनिन्थ्यो ।
डक्टरहरुले मेस्सी हदैसम्म चार फिट ११ इन्चसम्म ठूलो हुने आंकलन गरेका थिए ।
उचाईले खासै मतलब नराखेपनि फुटबलमा मेस्सीको जस्तो कौशलले पनि उनलाई रोक्न सक्ने थियो । सुखद समाचार उनको लागि उपचार उपलब्ध थियो । तर दुखद भने यो उपचारको लागि महिनाको १ हजार डलर खर्च गर्नु पर्ने । यो मुल्य मेस्सीको परिवारले तिर्न त सक्थेन नै अर्जेन्टिनाकै व्यवसायिक क्लबहरुले यो मुल्य तिरेर मेस्सीमाथि जुवा खेल्न चाहन्थेन ।
मेस्सीमाथिको लगानीले प्रतिफल दिने बिश्वस्त गराउने हो भने युरोपका ठूलो क्लबले भने यति पैसा खर्च गर्न सक्थ्यो । मेस्सीका बुवा युरोपका शक्तिशाली फुटबल एजेन्ट योसेप मारिया मिन्गुएलाको सम्पर्कमा आए ।
मिन्गुएलालाई त्यो समय अर्जेन्टिनामा मेस्सीले खेलेको भिडियोले मात्र अचम्ममा पारेको थिएन । मेस्सी सुन्तला र टेनिस बललाई पनि कसरी एक चोटी भुइमा नझारी सयौं पटक जगल गर्न सक्छन् भन्ने कुराले अचम्ममा पारेको थियो ।
यसअघि कहिल्यै पनि १३ बर्षियको प्रतिनीधित्व नगरेका मिन्गुएलाका लागि मेस्सीको केस भने फरक थियो । उनले स्पेनी महारथी बार्सिलोनालाई क्लबको युवा एकेडेमी ला मासियाका लागि प्रयास गर्न मनाएका थिए । ला मासिया यस्तो एकेडेमी हो जहां युवा प्रतिभा बस्छन्, खेल्छन् र पछि क्लबको मुख्य टोलीलाई प्रतिनीधित्व गर्छन् ।
यो एउटा ट्रायल थियो । र शायद ट्रायल भन्दा बढी हुन गइरहेको थियो ।
मेस्सीलाई आफ्नै उमेरका उत्कृष्ट स्पेनिस खेलाडीहरु भन्दा राम्रो रहेको प्रशिक्षकहरुलाई साबित गरेर मात्रै पुग्ने थिएन । उनी आफू भविष्यका लागि नै बिछट्टै राम्रोप्रतिभा रहेको र यसका लागि क्लब व्यवस्थापन उनको बुवालाई बार्सिलोनामा एउटा अपार्टमेन्ट, वर्क भिजा, जागिर र उनको उपचारको खर्च व्यहोर्न सक्ने सम्म राजी गर्नु पर्ने थियो ।
र यो सबै कुरा एक यस्तो १३ बर्षिय बच्चाको लागि थियो जसको उपचारले काम गर्नेछ भन्ने ग्यारेन्टी पनि थिएन । उपचारदेखि प्रदर्शनसम्म मेस्सीको लागि गलतीको कुनै ठांउ नै थिए । सबै कुरा शत प्रतिशत हुनु पर्ने थियो ।
टिममा पर्नै पर्ने बाहेक अर्को बिल्प मेस्सीलाई थिएन । हरेक हप्ता मेस्सीले औषधी नलिने हो भने उनको उचाई बढ्ने सम्भावना क्षीण हुंदै जाने थियो । अर्जेन्टिना फर्कनु उनको करिअरको समाप्ति नभएपनि यसले के असर गर्न सक्थ्यो त्यो अहिले सबैलाई थाहा भइसकेको कुरा हो । र यदि बार्साले नलिएको बच्चा भन्ने समाचार बाहिर आएको भए अरुले क्लबहरुले उनलाई लिएर जुवा खेल्ने कुरै थिएन ।
लियोनल मेस्सी बिश्वकै महान खेलाडी बन्ने नबन्ने कुरा त्यही एउटा ट्रायलमा निर्भर थियो । अहिले हुंदैन भने कहिल्यै पनि हुंदैन जस्तो । जब मैदानमा मेस्सी ट्रायलका लागि उत्रिए खेलाडीहरुले कानेखुशी गर्दै उनको खिल्ली उडाउन थाले । “यो बच्चा अर्जेन्टिनादेखि यहांसम्म आएको हो ?,” मेस्सीले सुने ।
“उनी यति सानो र यति दुब्ला थिए की हामी उनलाई खान्छौं जस्तो लागेको थियो,” ट्रायलमा संगै रहेका खेलाडी मार्क पेद्राजाले धेरै बर्षपछि यसको खुलासा गरेका थिए ।
ट्रायलमा खेल शुरु भएपछि मेस्सीले त्यही गरे जुन उनी अबको दुई दशक बार्सिलोनामा गर्न गइरहेका थिए । सबै खेलाडीहरुबीचबाट ड्रिब्लिंग गर्दै लाने र गोल गर्ने । ट्रायलमै मेस्सीले पांच गोल गरिदिए ।
“जब उनले बल छोए हामीले थाहा पायौं उनी त अद्वितीय रहेछन् भनेर । उनीबाट बल खोस्नु असम्भव नै थियो,” पेद्राजा भन्छन् ।
मैदानमा रहेका स्काउट र प्रशिक्षकहरुले आखा अगाडी देखेको कुरा पत्याइरहकै थिएनन् । “के उनी साच्चै १३ बर्षका हुन् ? के उनी यति राम्रा छन् ? के हाम्रो आंखाले धोका त दिइरहेको छैन ?” यस्तै प्रश्न उनीहरुको मनमा खेलिरहेको थियो ।
त्यसपछि क्लबका प्राविधिक निर्देशक कार्लेस रेक्साचका लागि अर्को ट्रायलको तैयारी गरियो । रोक्साच त्यो समय फुटबलका यस्ता प्रभावशाली मान्छे थिए जसले मेस्सीका लागि सबै कुरा तैयार पारिदिन सक्थे ।
ट्रायलको यो अवधारणा नै अचम्मको थियो । अरु कुनै देशका निम्न तहका फुटबलरले सबैभन्दा कडा व्यवस्थापक अगाडी खेलेर देखाउनु परेको जस्तो । रेक्साचलाई प्रशिक्षकहरुले मेस्सीको बारेमा बताएको कुरामा अविश्वास थियो । उनी ट्रायलमा घम्सा घम्सी शुरु नहुञ्जेल देखा परेनन् ।
रेक्साच अन्य स्काउट र प्रशिक्षकहरु भएतर्फ बसे । मैदानमा जब उनले खेल हेरे रेक्साचको आखा टाउकोबाट बाहिर निक्लियो । मेस्सी एक्लै रेक्साचको सिंगो एकेडेमी टिमलाई नचाइरहेका थिए । उनको जस्तो फुटवर्क, बल माथिको नियन्त्रण, गति, दिशा बदल्ने क्षमता रेक्साचले पछिल्लो एक दशकमै नदेखेको किसिमको थियो ।
मैदानको अर्को तर्फ प्रशिक्ष्ँकहरु कहां पुगुञ्जेल उनले मेस्सीको खेल केही मिनेटका लागि मात्र हेरेका थिए । तर निर्णय भने भइसकेको थियो । उनले पर्याप्त देखिसकेका थिए र प्रशिक्षकहरुका लागि एक मेसेज लिएर गए ।
अपार्टमेन्ट ? उपचार ? पैसा ? वर्क भिजा ? अर्जेन्टिनाको सानो शहरबाट आएका १३ बर्षिय बच्चका लागि लिइनु पर्ने रिस्क ? “खेल रोक,” रेक्साचले प्रशिक्षकहरुलाई भने । “यसलाई अनुबन्ध गर्दा हुन्छ ।”
फुटबल इतिहासकै सबैभन्दा उत्कृष्ट ट्रायलको रुपमा लिइने गरेको यो ट्रायल पछि मेस्सीले त्यो उपचार पाए जसले गर्दा उनी पांच फिट ७ इन्चसम्म बढे । र यो ट्रायलले बार्सिलोनालाई यस्तो मेगास्टार दियो जसले २१ बर्षपछि क्लब छोड्दा खेलकुद बिश्वलाई नै रोकिदियो ।
टोकियोमा ओलम्पिक्स चलिरहेको स्थितिमा पनि ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।