Connect with us

राष्ट्रिय

पुर्व कप्तान पारस खड्काले लिए अन्तर्राष्ट्रिय क्रिकेटबाट सन्यास 

wesportz

Published

on

नेपाली राष्ट्रिय क्रिकेट टोलीका पूर्वकप्तान पारस खड्काले अन्तर्राष्ट्रिय क्रिकेटबाट संन्यास घोषणा गरेका छन् ।

नेपाली क्रिकेट इतिहासका सबैभन्दा सफल कप्तान र खेलाडी पारसले आज बिहानै सामाजिक संजाल मार्फत अन्तर्राष्ट्रिय क्रिकेटबाट सन्न्यासको घोषणा गरेका हुन् ।

सन् २००९ मा कप्तान घोषित पारसको कप्तानीमा नेपालले डिभिजन पाँच देखि एकदिवसीय मान्यता राष्ट्र सम्मको यात्रा तय गरेको थियो भने सन् २०१४ मा सम्पन्न ट्वान्टी ट्वान्टी विश्वकप पनि खेलेको थियो ।  पारसले सन् २००४ मा अन्तर्राष्ट्रिय क्रिकेटमा नेपालका लागि डेब्यु गरेका थिए ।

‘सन् २००२ मा १५ वर्षको हुँदा मैले सुरु गरेको क्रिकेट यात्रामा साथ, समर्थन, माया र हौसला दिने प्रशिक्षकहरु साथी खेलाडीहरु, प्रशंसकहरु, सरोकारवालाहरु, मिडियाकर्मी, मेरो परिवार र साथीहरुप्रति म सदैव ऋणी रहने छु,’ विज्ञप्तिमा खड्काले लेखेका छन्, ‘क्रिकेटरका रुपमा मैले आफ्नो मन, वचन र कर्मले कर्तव्यनिष्ठ भइ देश र नेपाली क्रिकेट जगतको उत्थानका लागि सदैब आफ्नो भूमिका निर्वाह गरेँ।’

उनले थप लेखेका छन् : मेरो जीवनमा मैले देखेको सपना भनेको नै नेपाली क्रिकेटको उन्नति हो।तर यसका लागि सम्पूर्ण क्रिकेट समाज र सरोकारवालाहरुको संयुक्त प्रयासको आवश्यकता छ। इमानदारिताका साथ काम गर्ने हो भने हामीले नेपाली क्रिकेटलाई अवश्य पनि एउटा नयाँ उचाइमा पुर्‍याउने छौं।

‘अन्तर्राष्ट्रिट क्रिकेटरका रुपमा मेरो यात्रा टुंगिएको छ। तर नेपाली क्रिकेटका लागि मेरो सपना भने अझै पनि बामे सर्दैछन्,’ खड्कालले सन्यासको घोषणा गर्दै लेखेका छन्, ‘मैदान भित्रका यी दुई दशक, जीवन रहुन्जेल, मिठो यादका रूपमा मसँग रहनेछन्। हामी सबैले मिलेर नेपाली क्रिकेटलाई नयाँ उचाइमा पुर्‍याउने छौं भन्ने विश्वास लिएको छु। धन्यवाद!’

Headline

नेपाली फुटबल टोलीले बलियो ओमानसँग मैत्रीपूर्ण खेल्ने !

wesportz

Published

on

साफ च्याम्पियनसिपको तैयारीका लागि हाल कतारमा रहेको नेपाली राष्ट्रिय फुटबल टोलीले बलियो खाडी राष्ट्र ओमानसँग अन्तर्राष्ट्रिय मैत्रीपूर्ण खेल्ने भएको छ ।

बरियताको हिसाबमा नेपालको लागि यो निकै महत्वपूर्ण खेल हुनेछ । फिफा बरियतामा नेपाल १ सय ६१ स्थानमा रहेको छ भने ओमान ७८ औं स्थानमा छ । नेपाली टोलीको श्रोतका अनुसार नेपाल कतारमै यसको गृहकार्यमा जुटेको र ओमानले पनि स्विकार गरिसकेको छ ।

“अन्य केही समस्या नभए नेपाल र ओमानबीचको खेल तय नै रहेको छ,” श्रोतले विस्पोर्ट्जलाई जानकारी दियो । खेलको मिती र स्थान तय नभएपनि नेपाल सिधै माल्दिभ्स जाने भएका कारण यो खेल कतारमै हुनेछ ।

पछिल्लो केही महिना यता लगातार उच्च स्तरका टोलीहरुसँग खेल्दै आएको नेपाल कतारबाट सिधै माल्दिभ्सका लागि उड्नेछ । कोरोना भाइरसको पहिलो लहर केही शान्त भएपछि बङ्गलादेशबिरुद्धको अन्तर्राष्ट्रिय मैत्रीपूर्णदेखि अन्तर्राष्ट्रिय फुटबलमा पुनरागमन गरेको नेपालले त्यसपछि आफ्नै भुमिमा थ्रि नेसन्स कपको आयोजना गर्दै त्यसमा जित पनि हात पारेको थियो ।

त्यसपछि नेपालमा कोरोनाको दोश्रो लहरका दौरान नै नेपाल सुपर लिगको आयोजना भयो भने इराकसँग एक अन्तर्राष्ट्रिय मैत्रीपूर्ण र बिश्वकप तथा एसिया कपको संयुक्त छनौटमा अष्ट्रेलिया, जोर्डन र चाइनिज ताईपेईसँग खेलेको थियो ।

भारतसँग दशरथ रँगशालामा दुई अन्तर्राष्ट्रिय मैत्रीपूर्ण पछि नै नेपाली टोली कतार गएको थियो ।

Continue Reading

Headline

नेपालले ८ बर्षमा पहिलो पटक ओमानलाई हरायो

wesportz

Published

on

बलरहरुले उत्कृष्ट प्रदर्शन गरेपछि नेपालले ओमानलाई ८ बर्षमा पहिलो पटक पराजित गरेको छ ।

अल अमिरातमा करण केसी र सन्दिप लामिछानेले चार–चार विकेट लिएपछि ओमान ३७ दशमलव १ ओभरमा १ सय २१ रनको झिनो योगफलमै समेटियो । कप्तान ज्ञानेन्द्र मल्ल र आसिफ शेखले नेपालको लागि एकदिवसीय अन्तर्राष्ट्रियको सबैभन्दा ठूलो साझेदारी गरेपछि नेपालले १९ दशमलव २ ओभरमै मात्र तीन विकेटको क्षतिमा लक्ष्य प्राप्त गर्यो ।

ज्ञानेन्द्रले करिअरको चौथो र लगातार दोश्रो एकदिवसीय अन्तर्राष्ट्रिय अद्र्धशतक बनाए भने आशिफ दोश्रो अद्र्धशतकबाट मात्र १० रनले चुके । ४४ बलको सामना गरेका उनले ७ चौका प्रहार गरे । आशिफसँग ९५ रनको साझेदारी गरेका ज्ञानेन्द्र सम्भवत आफ्नो एकदिवसीय करिअरकै आकर्षक इनिङ्गस खेल्ने क्रममा ज्ञानेन्द्रले ४६ बलमा ५२ रन बनाए ।

यसअघि अमेरिकाबिरुद्धको खेलमा पनि अद्र्धशतक बनाएका ज्ञानेन्द्रले चार चौका र दुई छक्का प्रहार गरे ।

नेपालले पछिल्लो पटक ओमानलाई २०१३ आईसिसि बिश्व क्रिकेट लिग डिभिजन ३ मा पराजित गरेको थियो । त्यसयता नेपालले ओमानलाई हराउन सकेको थिएन ।

जितसँगै नेपाल लिग टुको अंक तालिकामा चौथो स्थानमा उक्लिएको छ । समान ८ अंक रहेपनि नेपालले नामिबियालाई रनरेटको आधारमा पछि पारेको छ । नेपालले ८ र नाबियाले ७ खेल खेलेको छ ।
लिग टु मा तेश्रो हार व्यहोरेको ओमान १३ खेलपछि २० अंक साथ पहिलो स्थानमा कायमै छ । स्कटल्याण्ड ८ खेलपछि ९ अंकसहित तेश्रो स्थानमा छ ।

टस जिति पहिलो फिल्डिँग गरेको नेपालले कुनै पनि समय ओमानलाई खुलेर खेल्न दिएन । करणले शुरुवाती तीन विकेट लिएपछि दवाबमा आएको ओमान सन्दिपको पनि उत्कृष्ट प्रदर्शन पछि ४० ओभर समेत टिक्न सकेन । करणले यसअघिको खेलमा आक्रमक ब्याटिङ्ग गर्दै शतक पुरा गरेका जतिन्दर सिँह (१३), सुफयान मेहमुद र आयान खानको विकेट लिएपछि ओमानले पहिलो तीन विकेट मात्र ३० रनमा गुमायो ।

सन्दिपले त्यसपछि मोहम्मद नदिमको महत्वपूर्ण विकेट लिदै ओमानलाई दवाबमा राखे । अर्को ओभरमा सन्दिपले सुरज कुमार र नेस्टर धाम्बालाई लगातार आउट गरेपछि ओमानले ४३ रनमा ६ ब्याट्स्म्यान गुमाएको थियो । श्रृंखलामा पहिलो खेल खेलेका शरद भेषावकरले सन्दिप गाउड र नशिम खुशीको विकेट लिदै खेल पुर्ण रुपमा नेपालको पकडमा राखे ।

पाचौं नम्बरमा ब्याटिंग गर्न आएका कप्तान जिसन मक्सुदले ओमानको इनिङ्गस सम्हाल्ने प्रयास गरेपनि उनी करणको चौथो शिकार भए । मक्सुदले ६६ बलमा दुई चौका र एक छक्काको मद्दतमा ४१ रन बनाए ।

सन्दिपले ८ दशमलव १ ओभरमा मात्र १८ रन खर्चिए भने करणले ८ ओभरमा २५ रन दिएका थिए ।

Continue Reading

Headline

नेपालको उत्कृष्ट बलिङ्ग, ओमान १ सय २१ रनमै समेटियो

wesportz

Published

on

तिब्र गतिका बलर करण केसी र लेग स्पिनर सन्दिप लामिछानेले ४–४ विकेट लिएपछि नेपालले ओमानलाई आईसिसि क्रिकेट बिश्वकप लिग टु को त्रिकोणात्मक श्रृंखला अन्तर्गत आफ्नो अन्तिम खेलमा १ सय २१ रनमै अल आउट गरेको छ ।

टस जिति पहिलो फिल्डिँग गरेको नेपालले कुनै पनि समय ओमानलाई खुलेर खेल्न दिएन । करणले शुरुवाती तीन विकेट लिएपछि दवाबमा आएको ओमान सन्दिप लामिछानेको पनि उत्कृष्ट प्रदर्शन पछि ३७ दशमलव १ ओभरमै समेटियो ।

करणले यसअघिको खेलमा आक्रमक ब्याटिङ्ग गर्दै शतक पुरा गरेका जतिन्दर सिँह (१३), सुफयान मेहमुद र आयान खानको विकेट लिएपछि ओमानले पहिलो तीन विकेट मात्र ३० रनमा गुमायो । सन्दिपले त्यसपछि मोहम्मद नदिमको महत्वपूर्ण विकेट लिदै ओमानलाई दवाबमा राखे ।

अर्को ओभरमा सन्दिपले सुरज कुमार र नेस्टर धाम्बालाई लगातार आउट गरेपछि ओमानले ४३ रनमा ६ ब्याट्स्म्यान गुमाएको थियो । श्रृंखलामा पहिलो खेल खेलेका शरद भेषावकरले सन्दिप गाउड र नशिम खुशीको विकेट लिदै खेल पुर्ण रुपमा नेपालको पकडमा राखे ।

पाचौं नम्बरमा ब्याटिंग गर्न आएका कप्तान जिसन मक्सुदले ओमानको इनिङ्गस सम्हाल्ने प्रयास गरेपनि उनी करणको चौथो शिकार भए । मक्सुदले ६६ बलमा दुई चौका र एक छक्काको मद्दतमा ४१ रन बनाए ।

सन्दिपले ८ दशमलव १ ओभरमा मात्र १८ रन खर्चिए भने करणले ८ ओभरमा २५ रन दिएका थिए ।

Continue Reading
Headline9 months ago

१० फुटबलर जसले बार्सिलोना जान मानेनन्

Headline1 year ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline1 year ago

सात महादेशका सात उत्कृष्ट खेलाडीहरु

Headline1 year ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline1 year ago

ट्रान्सफर मार्फत सर्वाधिक कमाउने ५ खेलाडी

Headline8 months ago

फुटबलमा थापिएका ५ अचम्मका बाजीहरु

Headline5 months ago

किरणले नियन्त्रण गुमाए, पेनाल्टी दिए, पेनाल्टी बचाए

Headline12 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline1 year ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!