Headline
क्रिकेटबाट शुरुवात गर्दै अन्य खेलमा लागेका खेलाडीहरु
Published
3 years agoon
By
wesportzविश्वको सबैभन्दा लोकप्रिय खेल फुटबल हो । तर पछिल्लो समय क्रिकेटले पनि आफ्नो प्रभुत्व जमाउदै आइरहेको छ । अन्तर्राष्ट्रिय क्रिकेट परिषद (आईसीसी) ले धेरै भन्दा धेरै देशलाई आफ्नो सदस्यता बनाउँदै लान सुरु गरे पछि यसले पनि धेरै देशमा क्रिकेटलाई लोकप्रिय खेल बनाउँदै आइरहेको छ ।
कुनै पनि खेलाडीलाई आफ्नो देशको जर्सीमा खेल्ने ठुलो इच्छा हुन्छ । आज हामी यस्ता खेलाडीहरुको चर्चा गर्दैछौं जसले क्रिकेटबाट आफ्नो खेल जीवन सुरुवात गरे पनि पछि गएर अन्य खेलकुद अंगले ।
रुडी भान भुर्रेन
नामिबियाका रुडी भान भुर्रेन यस्ता खेलाडी हुन् जसले एक वर्षमा दुई विश्वकप खेल्न सफल भए । उनले सन् २००३ मा क्रिकेटको एकदिवसीय विश्वकप खेलेका थिए भने त्यसै वर्ष आयोजना भएको रग्बी विश्वकपमा पनि नामिबियाको प्रतिनीधित्व गरेका थिए ।
पेशाले फिजिसियन भान भुर्रेनले सन् २००३ को विश्वकपमा खासै राम्रो प्रदर्शन गर्न सकेनन् । त्यस पछि उनले आफ्नो ध्यान रग्बीमा लगाए भने विश्वकपको टोलीमा पनि स्थान सुरक्षित गर्न सफल भए ।
क्रेग काइजवेटर
क्रेग काइजवेटर इंग्ल्यान्डका पुर्व विकेट किपर ब्याट्सम्यान हुन् । दक्षिण अफ्रिकाको अण्डर १९ टोलीबाट खेलेका उनले पछि इंग्ल्यान्डबाट अन्तर्राष्ट्रिय खेल खेलेका थिए ।
सन् २०१० मा आयोजित ट्वान्टी ट्वान्टी विश्वकपको फाइनलमा अष्ट्रेलियालाई पराजित गर्दै इंग्ल्यान्डले उपाधि चुम्दा उनी खेलको म्यान अफ द म्याच पनि घोषित भएका थिए ।
३३ वर्षीय किसवेटरले क्रिकेट छाडेको नै आठ वर्ष बितिसक्यो । उनले इंग्ल्यान्डको लागि ४६ एकदिवसीय र २५ ट्वान्टी ट्वान्टी खेल खेलेका थिए ।
तर चोटका कारण उनले २५ वर्षको उमेरमा नै क्रिकेट छाड्न पर्यो । क्रिकेट छोडेपछि उनलाई गल्फले अकर्षित गर्यो । अहिले उनी व्यवसायिक गल्फर बन्न नजिक छन् ।
जेम्स टेलर
जेम्स टेलर इंग्ल्यान्डका पुर्व क्रिकेट खेलाडी हुन् जसले आफ्नो देशको लागि सात टेस्ट र २७ एकदिवसीय खेल खेलेका थिए ।
टेलरलाई सबैले सन् २०१५ मा आयोजित विश्वकपमा अष्ट्रेलिया विरुद्धको पारिका लागि सम्झने गर्दछन् । इंग्ल्यान्डले उक्त खेलमा १११ रनको फराकिलो हारको सामना गरे पनि उनले अविजित रहँदै उनले ९८ रन बनाएका थिए ।
इंग्ल्यान्डको टोलीका महत्वपूर्ण सदस्य रहे पनि उनले क्रिकेट छोड्न पर्यो । मुटुको समस्या देखिए पछि उनी क्रिकेट छाड्न बाध्य भएका हुन् । क्रिकेट खेल्न नसक्ने भए पछि उनी गल्फ तिर लागेका हुन् ।
एन्ड्रयु फ्लिनटफ
विश्व क्रिकेटले पाएकोको उत्कृष्ट अलराउण्डर मध्यका एक हुन् इंग्ल्यान्डका एन्ड्रयु फ्लिनटफ । इंग्ल्यान्डको लागि ७९ टेस्ट, १४१ एकदिवसीय र सात ट्वान्टी ट्वान्टी खेल खेलेका उनले टेस्ट र एकदिवसीय दुबैमा तीन हजार भन्दा धेरै रन बनाउनुको साथै टेस्टमा २२६ तथा एकदिवसीयमा १६९ विकेट आफ्नो नाममा लेखाएका थिए ।
उच्च फर्ममा हुँदा हुँदै उनले क्रिकेट छाड्ने निर्णय गरे र व्यवसायिक बक्सर बन्ने तर्फ केन्द्रित भए । केहि समय बक्सिङमा बिताएका उनले फेरी क्रिकेटमा फर्किएर इंग्ल्यान्डको घरेलु प्रतियोगिताहरु पनि खेले । तर पहिले जस्तो उच्च प्रदर्शन गर्न नसके पछि फेरी बक्सिङमा नै लागे ।
एश्ले बार्टी
यस सूचीमा रहेकी एक मात्र महिला खेलाडी हुन् अष्ट्रेलियाकी एश्ले बार्टी । बार्टीले हालै सम्पन्न विम्बल्डन अन्तर्गतको महिला एकलको उपाधि हात पारेकी थिइन् भने विश्व वरियताको शिर्ष स्थानमा पनि रहेकी छिन् ।
अहिलेको उत्कृष्ट टेनिस खेलाडी कुनै समय क्रिकेट खेल्ने गर्दथिन् भन्ने कुरा धेरैलाई थाहा नहुन सक्छ । २५ वर्षीया उनले महिला बिग ब्यास लिगको पहिलो संस्करणमा ब्रिस्बेन हिटबाट खेलेकी थिइन् । सन् २०१४ मा टेनिस छाड्दै उनले सन् २०१५ को सिजनको बिग ब्यास लिग खेलेकी थिइन् भने पछि सन् २०१६ मा क्रिकेट छाड्दै टेनिसमा फर्कने निर्णय लिएकी थिइन् ।
उनले कुल ११ एकलको उपाधि हात पारेकी छिन् जसमध्ये दुईवटा ग्रान्ड स्ल्याम रहेको छ । उनले विम्बल्डन अघि सन् २०१९ को फ्रेन्च ओपन पनि जितेकी थिइन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।