Connect with us

Euro 2020

इटालीलाई पुनर्जन्म दिएका मान्चिनी: जस्ले दोस्रो मौकामा इटालीलाई युरो जिताए

wesportz

Published

on

गएको तीन वर्षमा इटालियन राष्ट्रिय टोलीले ठुलो उतार चढाव देख्यो । २०१८ को विश्वकपमा छनोट पनि नभएको इटालीले युरो २०२० उत्कृष्ट तरिकाले छनोट भयो । यो तीन वर्षे लामो यात्रा सम्भव हुनु पछाडिका मुख्य पात्र बनेप्रशिक्षक रोबर्टो मान्चिनी । उनै मान्चिनीले ५३ औँ वर्ष पछि इटालियनहरुको सपना पुरा गरे र युरो जिताए ।

मान्चिनीले इटालीको टोलीलाई एउटा नयाँ युगमा प्रवेश गराए । उनले इटालियनहरुलाई एउटा बाचा गरेका थिए त्यो पनि युरो जिताउने र उनले त्यसका लागी युवालाई मात्रै मौका दिएनन् भेट्रान खेलाडीलाई पनि टोलीमा राखे र नतिजा पनि दिए ।

२०१८ को विश्वकपमा छनोट हुन असफल भए पछि इटालियन मिडियाहरुले इटालीले फुटबलमा आफ्नो अत्मविश्वास गुमाएको भन्दै घरेलु लिग देखि संघ सम्मलाई दवाब दिएका थिए । लगातार एउटै लिग च्याम्पियन र इटालीयन खेलाडीले शिर्ष लिगमा मौका नपाएका कारण खेलाडी राम्रो नभएको समर्थकहरुको पनि दोष थियो ।

जियान पिएरो भेन्टुरा प्रशिक्षणमा इटालीको केही लक्ष्य नभएको भन्दै संघ उनलाई बर्खास्त गर्‍यो । त्यसपछि संघले कार्यबहाक प्रशिक्षकको रुपमा लुइजी डि बाजियोलाई जिम्मेवारी दियो तर अज्जुरीले नयां प्रशिक्षकको खोजी शुरु गरिसकेको थियो । उसले खोजेकै जस्तो प्रशिक्षक पायो र मान्चिनीले इटालीको फुटबलमा सोचे भन्दा धेरै परिवर्तन ल्याए ।

Image

“हामी भन्दा धेरै ठुलो टोलीहरुले हामीलाई गन्न छोडिसकेका छन् तर हामी एउटा सरप्राइज दिन चाहन्छौ,” इटालीका भेट्रान डिफेन्डर लियोनार्डो बोनुचीले भनेका थिए र इटालीले सबैलाई अच्चमित पार्दै युरो च्याम्पियन नै बने ।

इटालीले युरोमा उत्कृष्ट प्रदर्शन मात्रै गरेन  ३४ खेलमा अपराजित इटालीले सेप्टेम्बर २०१८ देखी एक खेल पनि हारेन । यस दौरान ११ गोल मात्रै खाएको इटालीले ९४ गोल गरेको छ । सधैं रक्षात्मक खेलका लागि चिनिएको इटालीलाई धेरै गोल गर्ने टोलीको रुपमा हेर्न थालिएको छ । इटालीको बदलिएको शैलीले उसले पुनरजन्म पाएको इटालीले उपाधि चुम्दा यसको सबै श्रेय मान्चिनीलाई नै जान्छ । उनले इटालीका लागि ३६ खेल खेल्दै ६ गोल पनि गरेका थिए ।

१९८४ मा डेब्यु गरेका उनले इटालीलाई कुनै प्रतियोगिता जिताउन सकेनन् । त्यही कारण पनि मान्चिनीलाई यो दोस्रो मौका थियो र उनले सावित गरेर देखाए । उनले इटालीलाई ५३ वर्ष पछि युरो च्याम्पियन बनाए ।

उनले इटालीको यो टोली बनाउन पनि धेरै मिहिनेत गरेका छन् । २०१८ को विश्वकपमा छनोट हुन नसके पछि निराश इटालियन समर्थकलाई उनले अज्जुरीले कमब्याक गर्ने बाचा गरेका थिए । उनले यो तिन वर्षमा धेरै प्रयोगहरु गरे र अन्तिममा उनी सफल भएका छन् ।

अब अज्जुरीको अर्को लक्ष्य भनेको कतार विश्वकप २०२२ रहेको छ । त्यसमा पनि इटालीले उपाधि चुम्न सक्ने हो भने अज्जुरीले एउटा देखेको नयाँ युगमा सपना पुरा गर्ने छ ।

 

Euro 2020

युभेन्टस छोड्ने मुडमा छैनन सुपरस्टार रोनाल्डो

wesportz

Published

on

युरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।

क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।

“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।

३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।

सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।

प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।

“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।

Continue Reading

Euro 2020

युरो कप फाइनलका पोर्चुगिज हिरो कसरी बने बेरोजगार ?

wesportz

Published

on

२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।

स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।

सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।

तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।

कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।

२०१६ को उक्त ऐतिहासिक रात पछि के भयो त एडरको जीवनमा ?

पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।

लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।

पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।

पछिल्लो पांच बर्षमा एडरका लागि सबैभन्दा ठूलो उपलब्धि आफैले जिताको युरो कप ट्रफि लिएर वेम्ब्ली स्टेडियम प्रवेश गर्नु थियो

फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।

एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।

एक बर्षपछि लोकोमोटिभ मस्कोले उनको लोन मुभलाई स्थायी बनायो ।

२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।

गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।

लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।

एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।

यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।

मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।

उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।

Continue Reading

Euro 2020

युरो २०२०: कस्ले के-के जिते ?

wesportz

Published

on

पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।

६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।

पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।

तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?

टूर्नामेन्टका सर्वश्रेष्ठ खेलाडी-गियालुइगी डोन्नारुम्मा

इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।

गोल्डन बुट – क्रिस्टियानो रोनाल्डो

यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।

टूर्नामेन्टका युवा प्लेयर – पेद्री

१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।

फाइनलको स्टार – लियोनार्डो बोनुची

अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।

Continue Reading
अन्तर्राष्ट्रिय6 hours ago

आईपीएलका कारण अफगानिस्तान र पाकिस्तान बीचको एकदिवसीय शृंखला युएईबाट सर्ने  

अन्तर्राष्ट्रिय6 hours ago

 आयरल्याण्ड विरुद्धको ट्वान्टी ट्वान्टी शृंखलामा दक्षिण अफ्रिकाको क्लिन स्विप 

१३औं दक्षिण एसियाली खेलकुद13 hours ago

ओलम्पिक्सको सबैभन्दा कान्छी खेलाडी जाजाको सुन्नै पर्ने कहानी

राष्ट्रिय18 hours ago

आफु लिग खेल्न तयार रहेको तर एन्फाले स्वास्थ्य मापदण्डका बारेमा सटिक जवाफ दिन पर्ने बिबिसीको माग

Headline20 hours ago

इजरायलीसंग सामना नगर्न अल्जेरियन जुडो खेलाडीले ओलम्पिक्स त्यागे

Kalpana Pariyaar
Headline21 hours ago

टोकियो ओलम्पिक्सः नेपालका दुवै खेलाडी पहिलो चरणबाटै आउट

अन्तर्राष्ट्रिय1 day ago

फर्नान्डो र राजपाक्साको अर्धशतकमा श्रीलंकाको सान्त्वना जित

अन्तर्राष्ट्रिय1 day ago

बंगलादेश माथि जिम्बाब्वेको सहज जित 

Headline2 days ago

ओलम्पिक्स इतिहासका १० अविस्मरणीय क्षणहरु

Headline2 days ago

ओलम्पिक्सको भयावह नाजी परम्परा जुन अझै कायम छ

Trending

error: Content is protected !!