Euro 2020
साउथगेटको साहस र संवादले कसरी इंगल्याण्डमा परिवर्तन आयो?
Published
3 years agoon
By
wesportzसाम एलारडाइसको ६७ दिने कार्यकाल अन्त्य भएसंगै ग्यारेथ साउथगेट प्रशिक्षक नियुक्त भएको पांच बर्षपछि इंगल्याण्ड ५५ बर्षमा पहिलो पटक प्रमुख प्रतियोगिताको फाइनल खेल्न गइरहेको छ ।
एउटा पत्रिकाको स्टिंग अपरेशनमा कसरी खेलाडी ट्रान्सफरको नियम सही तरिकाले मिच्न सकिने सुझाव दिदै गरेको पाइएपछि एलारडाइसलाई बर्खास्त गरिएको थियो । शुरुवातमा अन्तरिम प्रशिक्षकको रुपमा नियुक्त गरिएका साउथगेट इंगलिस फुटबल एशोसिएसनलाई आवश्यक बोल्ड र स्वच्छ छवि भएका रोल मोडलको रुपमा हेरिएको थियो ।
इंगल्याण्डको जागिर खानका लागि साउथगेटको बायोडाटा त्यति आकर्षक भने थिएन । उनको तीन बर्षे मिडल्सबोरो कार्यकाल रेलिगेसनमा टुंगिएको थियो भने इंगल्याण्डको अण्डर २१ टोलीमा मिश्रित नतिजाहरु आएका थिए ।
यद्दपि, आफू प्रशिक्षक भएको पहिलो प्रतियोगितामा उनले इंगल्याण्डलाई २८ बर्षपछि पहिलो पटक बिश्वकपको सेमिफाइनलसम्म डोर्याए र अहिले युरो कपको फाइल पुग्दै कुनै पनि इंगलिस प्रशिक्षकले गर्न नसकेको काम गरेका छन् ।
एलारडाइस काण्डले इंगलिस फुटबललाई लगाइदिएको दागबाट ५० बर्षिय साउथगेटले अहिले इंगल्याण्डलाई इतिहासकै पहिलो युरो कप फाइनल खेलाउन गइरहेका छन् ।
आफ्नो दृढ बिश्वासमा देखाएको साहस
दशकौं सम्म टिमको संरचनालाई नै बेवास्ता गर्दै इंगल्याण्ड प्रशिक्षकहरु मिडिया र समर्थकहरुको दवाबमा नतमस्तक हुदै ठूलो नाम बनाएका खेलाडीहरुलाई मात्रै शुरुवाती ११ मा स्थान दिदै आएका थिए ।
फ्रांक लाम्पार्ड र स्टेभन जेरार्डकोलागि ठांउ बनाउन बाध्य हुंदा पउल स्कोल्स बर्षौसम्म आफनो पोजिसन बाहिर खेल्दै अन्तर्राष्ट्रिय फुटबलबाटै सन्यास लिन पुगे । यस क्रममा स्वर्ण पुस्ता मानिएकोइंगलिस टोली स्भेन गोरान एरिक्सनको प्रशिक्षणमा २००२, २००४ र २००६ मा क्वार्टर फाइनलभन्दा माथि जान सकेन ।
साउथगेट भने पर्याप्त रहेको अग्रपंक्तिमा खेल्न सक्ने प्रतिभावान खेलाडीहरुलाई बेञ्चमा राख्दा खुशी छन् ।
कप्तान ह्यारी केन र रहिम स्टर्लिंग अग्रपंक्तिका लागि उनको प्रमुख रोजाईबन्दै गर्दा बुकायो साका, ज्याक ग्रिलिस, फिल फोडेन, जेडन सान्चो र मार्कस रासफोर्डमध्ये मात्र एकले शुरुवाती ११ मा मौका पाउदै आएका छन् ।
दर्शकको प्रिय रहेका ग्रिलिसलाई अझै साउथेटले डेनमार्कबिरुद्धको सेमिफाइनलका लागि एडजस्ट गर्न ३६ मिनेपछि नै निकालेका थिए । साउथगेटको एक नराम्रो पक्ष छ र उनले त्यसमै परिणाम दिएका छन्, पुर्व इंगल्याण्ड कप्तान एलन सियरर भन्छन् ।
तगडा डिफेन्ससंगै मिडफिल्डमा डेक्लन राइस र क्याल्भिन फिलिप्स शक्तिशाली जोडी बन्दा इंगल्याण्डले जारी युरो कपका ६ खेलमा मात्र एक गोल खाएको छ ।
कम्युनिकेसन ग्याप नछोडेका साउथगेट
सेमिफाइनलपछिको पोस्ट म्याट कन्फेरेन्समा डेनमार्क प्रशिक्षक क्यास्पर ह्युलमण्डले साउथगेटको तारिफ गर्दा उनलाई कति सम्मानित रुपमा हेर्न थालिएको छ भन्ने स्पष्ट हुन्छ ।
“मैले इंगलिस एफले ल्याएको रणनैतिक परिवर्तन र साउथगेटले बर्षौ देखि नेतृत्वदायी भुमिका निभाएको बिषयलाई राम्ररी नियालीहेको छु। उनले टिमसंग संवाद गर्ने शैली निकै राम्रो छ । उनले गाह्रो जागिरमा धेरै राम्रोकाम गरिरहेका छन्,” ह्युलमण्डले भने ।
फुटबल मैदान भित्र मात्र सिमित नरहेको अहिलेको इंगलिस टोलीका लागि साउथगेट सामाजिक बिबेकका साथ सम्हालिरहेका छन् । उनको कार्यकालको शुरुवातमा इंगल्याण्ड खेलाडीहरुले मोन्टेनेग्रो र बुल्गेरियामा रंगभेदी आक्रमणको सामना गर्नु परेको थियो ।
यो प्रतियोगिताको शुरुवातमा पनि रंगभेदको बिरोधमा मैदानमा घुंडा टेक्दा आफ्नै समर्थकहरुको एक झुण्डले गाली गरिरहेको थियो ।
“सबैभन्दा महत्वपूर्ण कुरा हाम्रो खेलाडीहरुले रंगभेदबिरुद्ध हामी एकताबद्ध छौं भनेर बुझ्न आवश्यक छ,” साउथगेटले भनेका थिए । उनले यसो भन्दै साउथगेटलाई सांकेतिक राजनीति गरेको आरोप लगाउने इंगल्याण्डको प्रमुख राजनीतिकर्मीहरुलाई जवाफ दिदै थिए ।
रणनीतिमा लचकता
साउथगेटको रणनीतिलाई लिएर जहिल्यै प्रश्न उठ्दै आएको छ । तर जितका लागि आवश्यक इच्छुकतामा उनी अभ्यस्त भइसकेका छन् ।
तीन बर्षअघि रुस बिश्वकपमा उनले अनुभवको कमि रहेको गोलकिपर र रक्षापंक्तिलाई पांच जनाले घेरेको थियो । अहिले उनले आक्रमणमा अर्का एक खेलाडी राख्न ४(३(३ को रणनीति अपनाए । जर्मनीबिरुद्ध यो रणनीति परिवर्तन गर्ने क्रममा उनले योसुवा किमिख र रोबिन गोजेन्सको खतरा टारेका थिए ।
डेनमार्कबिरुद्ध साकालाई शुरुवात गराउदा उनले नै निकालेको बलमा सिमाने केयरले आत्मघाती गोल गर्न पुगेका थिए ।
ग्रिलिसको आगमनपछि स्टर्लिंग लेफ्ट विंगबाट राइट विंगमा आए जसले गर्दा उनले बिवादास्पद नै रहेपनि पेनाल्टी जिते र अन्त्यमा इंगल्याण्डको फाइनल पुग्ने लामो पर्खाईको अन्त्य गरे ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।