Euro 2020
पास-पास-मिस : किन स्पेन गोल गर्न चुक्छ ?
Published
3 years agoon
By
wesportzस्पेनले युरो सेमिफाइनलमा धेरैलाई चकित बनायो । इटालीलाई अतिरिक्त समय सम्म बराबरीमा रोकेको स्पेन पेनाल्टीमा चुक्यो । स्पेनको युरो दौड त्यही सकियो ।
पेड्री गोल्जालेजको मिड्फिल्डमा उत्कृष्ट प्रदर्शन रह्यो । १८ वर्षिय पेड्रीले ९० मिनेटको खेलमा कुनै मिस पास निकालेका थिएनन् । स्पेनले अज्जुरीलाई अतिरिक्त समय सम्म दवाबमा त राख्यो तर पेनाल्टीमा भने चुक्यो ।
“९ वर्ष मरभुमी पार गर्दै आएको स्पेन अब भने फर्किएको छ,” गर्वका साथ लुइस इन्रिक्वेले खेल सक्किए पछि भने । तर, स्पेनले बुझ्नु पर्छ त्यो पार गरेको मरभुमीमा स्पेनले एउटा गतिलो गोल गर्न सक्ने स्ट्राइकर गुमाईसकेको छ र त्यो स्पेन युरोको सेमिफाइनलबाटै बहिररिनुको मुख्य कारण पनि हो ।
कुनै समय डेभिड भिया र फर्नान्डो टोरेस जस्ता स्ट्राइकर सहित उत्रिने स्पेन अहिले गोल गर्न भने चुक्छ ।
स्पेनले इटालीलाई हराउने धेरै मौका पायो तर मिकेल ओयरजबाल लगतार दोषी बन्न पुगे । अल्भारो मोराटाले उक्त खेलमा बेन्चबाट आएर गोल गर्दै स्पेनलाई एक्स्ट्रा टाइम सम्म पुर्याए । उनको खतामा यो युरोमा तीन गोल भयो तर उनले यो बुझ्नु पर्छ कि उनले त्यो गोल संख्या इटाली विरुद्ध नै ६ बनाउने मौका थियो ।
अर्का स्ट्राइकर जेराड मोरेनोको युरो यात्रा पनि खस्किएको थियो । प्रतियोगिता भरी १५ प्रहार लिएका मोरेनोले एक गोल गर्न पनि सकेनन् । अर्का खेलाडी ड्यानी ओल्मोले त झनै सबै भन्दा धेरै २० प्रहार लिएका थिए तर उनले कुनै प्रहार जाली चुमाउन सकेनन् । उनि इटाली विरुद्धको पेनाल्टी सुटआउटमा पनि चुक्न पुगेका थिए ।
धेरैले यो प्रतियोगितामा आशु फाती नभएका कारण स्पेनमा गोलकर्ता नभएको बताए । सिजन को सुरुमा सात खेलमा सात गोल गरेका फाती घुँडाको चोटका कारण मैदान बहिर रहेको समयमा उनलाई ठुलै दवाब हुने थियो ।
१८ वर्षिय फाती स्पेनका लागि घातक स्ट्राइकर त हुन सक्छन् तर उनी अझै युवा अवस्थामा छन् र स्पेनका लागि ठुलो प्रतियोगिता खेल्नै बाँकी छ र त्यही कारण उनलाई अहिले नै विश्वाश गर्न सक्ने अवस्था नि छैन ।
पोजेसन फुटबल र पेनाल्टी एरिया सम्म पास खेल्ने स्पेनले अझै पनि गतिलो प्रतिभा भएको स्ट्राइकर भेट्टाउन सकेको छैन । स्पेनिस एकेडेमी फुटबलले कतै फुटबलरहरुको प्राकृतिक गोल गर्ने प्रतिभा त सकाँउदै गएको छैन ?
अहिलेको स्पेनको फर्वार्डहरु हेर्ने हो भने उनीहरु जुन सुकै पोजिसनमा पनि खेल्न सक्छन् । ड्यानी ओल्मो, फेरान टोरेज र पाब्लो सराबिया जता पनि खेल्न सक्ने खेलाडीहरु हुन् । मोरेनो स्ट्राइकर पोजिसनमा बक्स भित्रबाट मात्रै गोल गर्ने क्षमता राख्छन् । मोराटाको खेल बनाउने शैली उनको फिनिसिङ भन्दा राम्रो छ ।
लुइस इन्रिक्वेका लागि यि सबै स्ट्राइकरहरु बाहेक सेल्टा विगोका लागो आसपासको बिकल्प थियो तर उनले आसपासलाई बोलाउन चाहेनन् ।
“मलाई कुनै खेलाडीको बारेमा नकारात्मक सोच्नु छैन र आसपास जस्तो खेलाडीको बारेमा पनि बोल्नु छैन,” इन्रिक्वेले प्रतियोगिता सुरु हुनु अघि नै भनेका थिए । इन्रिक्वेको खेलाडी छनोट धेरै विवादमा पनि पर्यो । एड्मा टाओरेलाई इटाली विरुद्धको एक्स्ट्रा टाइममा थकित स्पेनिस खेलाडीको स्थानमा पनि नल्याएकोमा प्रशिक्षकको आलोचना हुनु सामान्य थियो ।
उनले धेरै अन्य स्पेनिस स्ट्राइकरलाई वेवास्ता गरेको स्पेनिस मिडियाहरुले पनि लेखे । बार्सिलोनाको खेलाडीहरुलाई धेरै महत्व दिएको र रियलको एक खेलाडी पनि नराखेकोमा उनको आलोचना पनि भयो । तर, स्पेनिस प्रशिक्षकले स्ट्राइकरको कमीले नै गोल गर्न चुकेको बुझ्नु पर्छ ।
समुह चरणको अन्तिम खेलमा सर्बियालाई ५ गोल र क्रोएसियालाई अन्तिम १६ मा एक्स्ट्रा टाइममा ५ गोल नै गरे पनि त्यस पछि भने केही खास स्पेनिस टोलीबाट देखिएन । त्यस्को कारण स्पेन फुटबल एकेडेमीको जरा नै हो । ला लिगामा अहिले पहिले जस्ता स्ट्राइकर स्पेनिस कमै हुन्छन् । धेरै खेलाडी बाहिरी देशका हुन्छन् र त्यही कारण पनि स्पेनले अन्तिम पटक २०१२ मा युरो जिते यता कुनै प्रतियोगिता जित्न सकेको छैन ।
अब इन्रिक्वेलाई २०२२ को विश्वकपको बारे सोच्ने समय आएको छ । त्यो समयसम्म पनि स्ट्राइकरको समस्याले स्पेनलाई सताउने हो भने अझै स्पेन उपाधी बिहिन हुने छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।