Euro 2020
इटाली र स्पेनबीचको पांच क्लासिक भिडन्त
Published
3 years agoon
By
wesportzयुरो कपको पहिलोसेमिफाइनलमा मंगलवार इटाली र स्पेन लगातार चौथो पटक प्रतियोगितामा भिड्न गइरहेका छन् । आफ्नो समुह बिजेता बन्दै इटालीले अन्तिम १६ मा अष्ट्रिया र क्वार्टर फाइनलमा बेल्जियमलाई समान २-१ ले पराजित गरेको थियो ।
सुस्त शुरुवात गरेपनि स्लोभाकियामाथि ५ गोलको बर्षा गरेको स्पेनले प्रि क्वार्टरफाइनलमा क्रोएसियालाई ५-३ ले हराएको थियो भने स्विट्जरल्याण्डलाई कठिन क्वार्टरफाइनलमा टाई ब्रेकरमा पराजित गरेको थियो ।
युरोपियन फुटबलका दुई पावरहाउसबीच यसअघिका पांच क्लासिक भिडन्तहरु कस्ता छन् त ?
१९९४ बिश्वकप क्वार्टरफाइनलः इटाली २-१ स्पेन
इटाली स्पेन ठूलो स्टेजमा पहिलो पटक १९३४ को बिश्वकपमा भेटेका थिए । क्वार्टरफाइनलमा १-० को जित हात पारेकोइटालीलले त्यसपछि बिश्वकपको उपाधि नै उचालेको थियो ।
६० बर्षपछि दुई टिम अमेरिकामा भएको बिश्वकपमा भिडे । फेरि पनि क्वार्टरफाइनलमा । फक्सबोरो, मासाचुसेट्समा भएकोखेलमा डिनो बाजियोले २५ औं मिनेटमा इटालीलाई अग्रता दिलाएका थिए । दोश्रो हाफको शुरवातमै इटालीका बर्तमान प्रशिक्षक लुई एन्रिके मुख समात्दै ढलेपछि तनावको स्थिति आयो ।
एन्रिकेलाई माउरो टासोट्ीले कुहिनाले हिर्काउदा उनी नाक फुटेर रगत्तामेभएका थिए । पेनाल्टीमा होजे लुईस कामिनेरोले गोल गर्दै बराबरी गरे । तर रोबर्टो बाजियोले अन्तिम समयमा गोल गर्दै इटालीलाई फाइनलसम्म डोर्याए ।
टासोट्टले त्यो समय रेड कार्ड नपाएपनि उनलाई पछि ८ म्याचको लागि प्रतिबन्ध लगाइएको थियो ।
२००८ युरो कप क्वार्टरफाइनलः स्पेन ०-० इटाली (स्पेन टाइब्रेकरमा बिजयी)
बिश्वकप बिजेता इटालीसंग भियनामा भएको खेलअघि स्पेन लगातार पांच प्रमुख प्रतियोगिताको क्वार्टरफाइनलबाट बाहिरिदैआएको थियो । आन्द्रे पिर्लो र जेनारो गाट्टुसो कार्डका कारण खेलका लागि अनुपस्थित भएपछि कमजोर बनेको इटालीले खेललाई अतिरिक्त समयसम्म धकेलेको थियो ।
दुवै पक्षबाट गोल नभएपछि भएको टाई ब्रेकरमा स्पेन गोलकिपर इकर कासियासले ड्यानिएल डे रोस्सी र एन्टोनियो डि नाटालेको प्रहार रोकेका थिउ । सेस्क फाब्रिगासले निर्णायक पेनाल्टीमा गोल गरेपछि इटाली १९८४ को युरो कप फाइनलपछि पहिलो पटक प्रमुख प्रतियोगिताको सेमिफाइनलमा प्रवेश गरेको थियो ।
फाइनलमा जर्मनीलाई १-० ले पराजित गर्दै स्पेनले ६ बर्षको बिश्व फुटबलमा आफ्नो आधिपत्यको शुरुवात गरेको थियो ।
२०१२ युरो कप फाइनलः स्पेन ४-० इटाली
एक संस्करण अघिको युरो कपपछि दक्षिण अफ्रिकामा पनि २०१० को बिश्वकप जितेको स्पेन युक्रेन र पोल्याण्डमा भएको २०१२ युरो कपमा ह्याट्रिकका लागि गएको थियो । डान्स्कमा भएको आफ्नो पहिलो खेलमा स्पेनले इटालीसंग १-१ को बराबरी खेल्यो।
आफ्नो समुह चरण जितेको स्पेनले त्यसपछि फ्रान्स र पोर्चुगललाई हराउदै फाइनल प्रवेश गर्यो । इटालीले इंगल्याण्ड र जर्मनीलाई पराजित गर्दै फाइनलमा स्थान बनाएको थियो ।
तर उपाधिको आशा गरिरहेको इटालीलाई स्पेनले धुलो चटायो । डेभिड सिल्भा, जोर्डी आलबा, फर्नाण्डो टोरेस र जुवान माटाले गोल गर्दै स्पेनलाई लगातार दोश्रो युरो कप र तेश्रो प्रमुख उपाधि दिलाएका थिए ।
२०१६ युरो कप अन्तिम १६ः इटाली २-० स्पेन
बेल्जियमलाई पछि पार्दै आफ्नो समुह बिजेता बनेको इटालीलाईकिभमा व्यहोरेको हारको बदला लिने मौका यस पटक अन्तिम १६ मा थियो । इटाली र स्पेन दुवै २०१४ को बिश्वकपमा समुह चरणबाट बाहिरिएको कारण यो खेलको महत्व दुवैलाई ठूलो थियो ।
पेरिसको स्टाड डे फ्रान्स मा ७६ हजारभन्दा बढी दर्शकको उपस्थितिमा इटालीले बाजी मार्यो । जर्जियो किलिनीको गोलबाट अग्रता पाएको इटालीका लागि गोलकिपर जियनलुइजी बुफोनले केही आकर्षक बचाउहरु गर्दै अग्रतालाई कायमै राखेका थिए ।
ग्राजियानो पेल्लेले गोल गर्दै इटालीलको बदला पुरा गरेका थिए ।
२०१८ बिश्वकप छनोटः स्पेन ३-० इटाली
इटाली र स्पेनबीचको पछिल्लो भेट २०१७ मा बिश्वकप छनोटका लागि थियो । एक बर्ष अगाडी पहिलो लेगमा इटालीलाई टुरिनमै १-१ को बराबरीमा रोकेको स्पेनले घरमा ३-० को शान्दार जित हात पार्यो ।
उक्त जितले स्पेनलाई बिश्वकपमा छनौट गरायो । तर इटाली भने प्लेअफको यात्रामा लाग्यो । प्लेअफमा स्विडेनसंग हारेपछि इटाली १९५८ पछि पहिलो पटक बिश्वकपमा छनौट हुन असफल रह्यो ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।