Euro 2020
आलोचकहरुको मुखमा ताल्चा लगाएका इंगल्याण्ड गोलकिपर
Published
3 years agoon
By
wesportzयुरो कपमा हालसम्म एक गोल पनि नखाएको इंगल्याण्डको लागि डिफेन्सको सबैभन्दा प्रभावशाली अन्तिम रेखाको रुपमा आफूलाई साबित गर्दै गोलकिपर जोर्डन पिकफोर्डले आलोचकहरुको मुखमा ताल्चा लगाएका छन् ।
रहिम स्टर्लिंग र ह्यारी केनले गोल गरेपछि वेम्ब्लीमा मंगलवार इंगल्याण्डले ५५ बर्षपछि जर्मनीलाई कुनै पनि प्रमुख प्रतियोगिताको नकआउट चरणमा हराएको थियो । उक्त जितपछि इंगल्याण्डले अब क्वार्टरफाइनलमा युक्रेनको सामना गर्न गइरहेको छ ।
इंगल्याण्डको जितमा स्टर्लिंग र केनको गोलले भुमिका खेलेपनि जितको आधार भने पिकफोर्डले नै खडा गरेका थिए ।
२७ बर्षिय पिकफोर्डले पहिलो हाफमा टिमो वेर्नरको प्रहारलाई राम्रो पोजिसन लिदै रोके भने दोश्रो हाफको शुरुवातमै काइ ह्याभर्ट्जले गरेको उत्कृष्ट प्रहारलाई एक्रोब्याटिक तरिकाले बचाउदै कर्नरका लागि पठाएका थिए ।
इंगल्याण्डले एक गोलको अग्रता पाइरहेको समयमा पिकफोर्ड अघि बढ्दै निश्चित गोलका लागि बलसंग अगाडी आएका थोमस मुलरसंगको दुरी कम गर्दै जर्मनीलाई बराबरी गोल गर्नबाट बचाएका थिए ।
“म हरेक हप्ता कडा अभ्यास गर्दै सबैभन्दा बेस्ट हुन खोजिरहेको हुन्छु । मैले दुई महत्वपूर्ण बचाउन सफल भएको थिए र त्यो पल मेरै लागि बनेको महसुस भएको थियो । वेम्ब्लीको माहौल पनि निकै राम्रो थियो । त्यसले हामीलाई अर्को उपलब्धिको लागि प्रेरित गर्न पुग्यो,” पिकफोर्डले भने ।
गत बर्ष एभर्टनको लागि निरन्तर गल्ति गर्दै आलोचनाको शिकार बनेका पिकफोर्डको लागि शनिबारको प्रदर्शन उनको व्यक्तिगत उचाईलाई पुन प्राप्ती गर्न मद्दतगार थियो।
एभर्टनको व्यस्थापक रहदा कार्लो एन्सलोट्टीले उनलाई सुध्रिनको लागि चेतावनी दिदै नोभेम्बरमा न्युकासल बिरुद्धको खेलका दौरान ड्रप गरिदिएका थिए ।
मैदान बाहिर उनले गर्दै आएको कृयाकलाप माथि पनि प्रश्न चिन्ह खडा हुदै आएको थियो । यसको कारण थियो २०१९ मा आफ्नो शहर सन्डरल्याण्डमा उनकी मंगेतरमाथि दुव्र्यवहार हुंदा उनले निम्त्याएको झगडा ।
मार्चमा इंगल्याण्डको तीन वटै बिश्वकप छनौट खेलहरुमा निक पोपले स्थान पाउदा पेटको मांसपेसी समस्याले बाहिर बसेका पिकफोर्डले आफ्नो स्थान फेरि पाउनेमा आशंका थियो ।
तर उनले इंगलिस सिजन राम्रो सक्काउनुका साथै पोप घाइते भएपछि पिकफोर्डले युरोमा मौका पाएका हुन् ।
इंगल्याण्ड प्रशिक्षक ग्यारेथ साउथगेटले पिकफोर्डलाई नम्बर एक गोलकिपरको रुपमा समर्थन जनाउदै आउदा उनले आफ्नो गैरजिम्मेवार गल्तिहरु पनि सुधार्दै आएका छन् ।
बिश्व फुटबलमा इंगल्याण्डको नम्बर एक गोलकिपरको पोजिसनलाई लिएर धेरै प्रतिकृया आउने गरेको छ । अहिले हामीसंग निकै राम्रो गोलकिपर छन् । उनले जति समय इंगल्याण्डको लागि खेलेको छन्, त्यति खेर उत्कृष्ट प्रदर्शन गर्दै आएका छन्, डिफेण्डर ह्यारी मग्वायरले भने ।
आत्मबिश्वासले भरिपूर्ण
लगातार चार खेलमा क्लिन सिट राख्दै पिकफोर्ड साउथगेटको बिश्वासमा खरो उत्रदै आफू ठूलो खेलको खेलाडी रहेको साबित गर्दै आइरहेका छन् ।
उनी इंगल्याण्डको २०१८ को बिश्वकप अभियानमा हिरो नै थिए । कार्लोस बाकाको पेनाल्टी बचाउदै उनले इंगल्याण्डलाई क्वार्टर फाइनलमा महत्वपूर्ण जित दिलाउन सफल भएका थिए ।
उनले इंगल्याण्डको पेनाल्टी सुटआउटको दुर्भाग्य मात्र समाप्त गरेनन् , २०१९ को नेसन्स लिग फाइनलमा स्विट्जरल्याण्डबिरुद्धको टाई ब्रेकरमा जित पनि दिलाए । योसिप डर्मिचको प्रहार बचाउनु अघि उनी आफैले स्विस गोलकिपर यान सोमरबिरुद्ध गोल पनि गरेका थिए ।
क्लबका लागि उनकोत्रुटिपूर्ण प्रदर्शनले राष्ट्रिय टोलीबाट खेल्दाको आत्मबिश्वासमा कमि आउन दिएको छैन । र उनको बलियो व्यक्तित्वले उनलाई इंगल्याण्डको जारी युरो टोलीमा एक लिडरको रुपमा पनि खडा गरेको छ ।
“मलाई पिकफोर्डले आफूलाई सम्हाल्न सक्ने खुबीका कारण मन पर्छ । एभर्टनको जर्सीमा त्यो नदेखिदा उनी आलोचित हुनु परेको थियो । इंगल्याण्डमा जर्सीमा उनको आत्मबिश्वास अझै बढेको छ, उनी कन्फिडेन्ट हुदै परिस्थिति सम्हाल्न सक्छन्,” पुर्व इंगल्याण्ड डिफेन्डर रियो फर्डिनान्डले भने ।
उनको अपेक्षामा खरो नउत्रदा डिफेन्डरहरुलाई ठूलो स्वरले गाली गर्दै पिकफोर्ड आफ्नो स्तरलाई पनि माथि राख्दै आएका छन् ।
१९६६ मा बिश्वपक जित्ने क्रममा महत्वपूर्ण भुमिका खेलेका कारण नै गोर्डन ब्यांक्सलाई इंगल्याण्डको सर्वकालीन महान गोलकिपरको रुपमा हेर्ने गरिएको छ ।
इंगल्याण्डले युरो कप जित्ने हो भने पिकफोर्डपनि त्यही पंक्तिमा उभिन्न सक्छन् । इंगलिस टिमको बोझबाट उनी लेजेण्ड बन्न सक्छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Euro 2020
युभेन्टस छोड्ने मुडमा छैनन सुपरस्टार रोनाल्डो
Published
3 years agoon
July 15, 2021By
wesportzयुरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।
क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।
“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।
३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।
सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।
प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।
“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।
Euro 2020
युरो कप फाइनलका पोर्चुगिज हिरो कसरी बने बेरोजगार ?
Published
3 years agoon
July 14, 2021By
wesportz२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।
स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।
सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।
तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।
कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।
२०१६ को उक्त ऐतिहासिक रात पछि के भयो त एडरको जीवनमा ?
पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।
लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।
पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।
फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।
एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।
एक बर्षपछि लोकोमोटिभ मस्कोले उनको लोन मुभलाई स्थायी बनायो ।
२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।
गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।
लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।
एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।
यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।
मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।
उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।
पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।
६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।
पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।
तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?
टूर्नामेन्टका सर्वश्रेष्ठ खेलाडी-गियालुइगी डोन्नारुम्मा
इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।
गोल्डन बुट – क्रिस्टियानो रोनाल्डो
यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।
टूर्नामेन्टका युवा प्लेयर – पेद्री
१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।
फाइनलको स्टार – लियोनार्डो बोनुची
अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।