Connect with us

Euro 2020

स्कटिस फुटबलको ठूलो मञ्चमा बिगतका पांच कथा

Published

on

२३ बर्षपछि स्कटल्याण्ड आफ्नो फुटबल इतिहासको सबैभन्दा ठूलो प्रतियोगिताको रुपमा युरो कप खेल्न गइरहेकोछ । स्टिभ क्लार्कको प्रशिक्षणमा रहेको टोली इतिहास बनाउन आतुर छ ।

तर स्कटल्याण्डलाई बिझाउने तथ्य के पनि छ भने उ अहिलेसम्म बिश्वकप अथवा युरो कपको दोश्रो चरणमा समेत स्थान बनाउन सफल भएको छैन । १९७० देखि १९९० सम्म निकै नै राम्रोटोली हुंदा हुदै पनि स्कटल्याण्डको बिश्व फुटबलका ठूलो मञ्चहरुमा चुकेको थियो ।

स्कटल्याण्डले भाग लिएका प्रमुख ठूलो प्रतियोगिताका पांच सुन्ने पर्ने कथाहरु कस्ता छन् त ?

१९७८ – अर्जेन्टिनामा एलिको आर्मी

स्कटिस टिमबाट अपेक्षा र बिश्वकप सहभागिताको हाइप यति धेरै थियो की दक्षिण अमेरिका उड्नु अघि स्कटल्याण्डको टोलीलाई ग्लास्गोको ह्याम्प्डेन पार्कमा हजारौं समर्थकहरुबीच परेड गराइएको थियो ।

आत्मबिश्वासले भरिएका प्रशिक्षक एलि म्याक्लियोडले घर फर्कदा मेडलका साथ आउने अभिव्यक्ति सम्म दिए ।

तर युरोपियन कप बिजेताहरु केन्नी डाल्गलिस र ग्रेम सउनेसको उपस्थितिले हौंसिएकोस्कटल्याण्ड पहिलो खेलमै पेरुसंग ३-१ ले पराजित हुन पुग्यो भने दोश्रोमा इरानसंग १-१ गोलको बराबरीमा रोक्कियो ।

अन्तिम समुह चरणको खेलमा नेदरल्याण्ड्सलाई तीन गोलको अन्तरले पराजित गर्नुपर्ने अवस्थामा आर्चि गेमिलले सम्भवत बिश्वकप इतिहासकै उत्कृष्ट गोल गर्दै स्कटिस टिममा जोश भरिदिए । तर अन्त्यमा ३-२ ले मात्रै खेल जितेपछि स्कटल्याण्ड बाहिरिन पुग्यो ।

१९८२ – नर्रीको ‘टो पोक’

चार बर्षपछि स्कटल्याण्डले स्पेनमा राम्रो शुरुवात गर्दै न्युजिल्याण्डलाई ५-२ को फराकिलो अन्तरले पराजित गर्यो । अर्को टिम प्रतिभाको आधारमा अहिलेसम्मकै उत्कृष्ट मानिएको ब्राजिली टोली थियो । तर खेलमा शुरुवात डण्डी युनाइटेडका डिफेन्डरमार्फत स्कटल्याण्डले थियो ।

डेवि नर्रीले प्रहार गरेको बल टप कर्नरमा लाग्दै गोल भयो । इंग्लिस फुटबल पण्डित जिमी हिल्सले दिएको ‘टो पोक’ (खुट्टाको बुढी औलाले घोचेर गरिएको प्रहार)  को नाम स्कटिस फुटबलमा लामो समयसम्म प्रयोगमा आयो ।

तर ब्राजिलको टोली निकै उत्कृष्ट थियो । उसले ४-१ को सहज जित हात पार्दै स्कटल्याण्डलाई बाहिरको बाटो देखायो भने सोभियत युनियन दोश्रो चरणका लागि छनौट भयो ।

१९८६ – फर्जी फ्लप

म्यानचेस्टर युनाइेटडको व्यवस्थपन सम्हाल्नु अघि जक स्टेनको असामयिक निधनले छोडेको खालीपन भर्दै सर एलेक्स फर्गुसनले १९८६ को बिश्वकपका लागि स्कटल्याण्डको जिम्मेवरी सम्हालेका थिए ।

वेल्स बिरुद्ध १९८५ सेप्टेम्बरमा भएको बिश्वकप छनोटका दौरान स्टेन टचलाइनमै ढलेका थिए भने पछि उपचारको क्रममा उनको मृत्यु भएको थियो ।

फर्गुसनले १९८३ को कप विनर्स कपमा एबर्डिनलाई बायर्न म्युनिख र रियल म्याड्रिडबिरुद्ध जित दिलाउदै कुशल व्यवस्थापकको रुपमा आफूलाई स्थापित गरिसकेका थिए ।

तर मेक्सिकोमा भने उनले चमत्कर गरेर देखाउन सकेनन् । डेनमार्क र वेष्ट जर्मनीसंग पराजित भएपछि स्कटल्याण्डलाई अर्को चरणमा पुग्न उरुग्वेबिरुद्ध जित आवश्यक थियो ।

गोर्डन स्ट्राचनमाथि फउल गरेपछि जो बाटिस्टाले ५६ सेकेण्ड भित्रै रातो कार्ड खाएपछि उरुग्वे १० खेलाडीमा सिमित भएको थियो । बिश्वकप इतिहासमा सबैभन्दा चाडै रेड कार्ड खाने किर्तिमान बाटिस्टाले कायम गरेका थिए ।

तर संख्याको फाइदा स्कटल्याण्डले उठाउन सकेन । उसले गोलरहित बराबरी खेल्दै एकपटक फेरि निराशाको सामना गर्यो ।

१९९० – कोस्टा रिकासंग स्तब्ध

फ्रान्सलाई पाखा लगाउदै बिश्वकपमा छनौट भएको स्कटल्याण्डलाई लिएर इटालीमा धेरै अपेक्षा थियो । तर यो अपेक्षा अपेक्षामै सिमित भयो । आफ्नो पहिलो खेलमा स्कटल्याण्ड बिश्वकपमै पहिलो पटक प्रवेश गरेको सानो देश कोस्टा रिकासंग हार्न पुग्यो ।

स्कटल्याण्डले स्विडेनलाई २-१ ले हराउदै पुनरागमन त गर्यो तर ब्राजिलसंग १-० ले हारेपछि उ प्रतियोगिताबाट बाहिरियो ।

१९९६ – गाज्जाको समय

१९९६ को युरो कपपछि स्कटल्याण्ड योपटकको युरोको आफनो दोश्रो समुह चरण खेलमा इंग्ल्याण्डबिरुद्ध वेम्ब्लीमा खेल्दैछ । तर १९९६ को युरो कपमै स्कटल्याण्डलाई नराम्रो झड्का लागेको थियो ।

पहिलो खेलमा नेदरल्याण्ड्सलाई गोलरहित बराबरीमा रोकेको स्कटल्याण्डको आत्मबिश्वास इंग्ल्याण्डबिरुद्ध उच्च थियो । एलेन सियररले अग्रता दिएपछि डेभिड सिम्यानले ग्यारी म्याक्एलिस्टरको पेनाल्टी बचाए ।

तर स्कटल्याण्डलाई पिडा भने उसकै घरेलु फुटबलमा खेलेका पउल गास्कोइन (गाज्जा) को जादुले दिएको थियो । रेन्जर्स मिडफिल्डर गाज्जाले बायां खुट्टाले कोलिन हेन्ड्री माथिबाट बल लग्दै दायांले उत्कृष्ट फिनिसिंग दिएपछि इंग्ल्याण्ड २-० ले बिजयी भयो ।

अन्तिम लिग खेलमा स्विटजरल्याण्डलाई पराजित गरेको स्कटल्याण्ड नेदरल्याण्ड्स इंग्ल्याण्डसंग ४-० लेपछि पर्दासम्म दोश्रो चरणमा जाने तय थियो । तर प्याट्रिक क्लाइभर्टले अन्तिम समयमा गोल गर्दा डच टोली नै प्रि-क्वार्टरफाइनलमा प्रवेश गर्यो ।

Euro 2020

युभेन्टस छोड्ने मुडमा छैनन सुपरस्टार रोनाल्डो

Published

on

युरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।

क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।

“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।

३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।

सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।

प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।

“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।

Continue Reading

Euro 2020

युरो कप फाइनलका पोर्चुगिज हिरो कसरी बने बेरोजगार ?

Published

on

२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।

स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।

सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।

तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।

कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।

२०१६ को उक्त ऐतिहासिक रात पछि के भयो त एडरको जीवनमा ?

पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।

लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।

पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।

पछिल्लो पांच बर्षमा एडरका लागि सबैभन्दा ठूलो उपलब्धि आफैले जिताको युरो कप ट्रफि लिएर वेम्ब्ली स्टेडियम प्रवेश गर्नु थियो

फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।

एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।

एक बर्षपछि लोकोमोटिभ मस्कोले उनको लोन मुभलाई स्थायी बनायो ।

२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।

गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।

लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।

एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।

यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।

मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।

उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।

Continue Reading

Euro 2020

युरो २०२०: कस्ले के-के जिते ?

Published

on

पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।

६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।

पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।

तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?

टूर्नामेन्टका सर्वश्रेष्ठ खेलाडी-गियालुइगी डोन्नारुम्मा

इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।

गोल्डन बुट – क्रिस्टियानो रोनाल्डो

यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।

टूर्नामेन्टका युवा प्लेयर – पेद्री

१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।

फाइनलको स्टार – लियोनार्डो बोनुची

अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!