Connect with us

Euro 2020

फ्रान्सेस्को एसर्बीः क्यान्सरसँग संघर्ष देखि युरो कपमा इटालीको डिफेन्सको खम्बा

Published

on

सन् २०१४ को शुरुवातमा फ्रान्सेस्को एसर्बीले सासुलोबाट खेल्दै गर्दा फुटबल त्याग्न पर्यो । कारण थियो क्यान्सर ।

अण्डकोषमा क्यान्सर देखिएपछि उनले किमोथरपी गराउनु पर्ने भयो र यसले उनको दुनियालाई नै परिवर्तन गरिदियो ।

किमो गर्दै गर्दा २६ वर्षको उमेरमा उनको दिनचर्या अचम्मको बन्यो ।  उनी बिहान किमो गर्दथे भने अपरान्ह टिभीमा आफ्नो मनपर्ने कार्यक्रम हेर्थे । केही समय सुतेपछि उनी नाइट क्लबमा पार्टी गर्न जान्थे, कहिले काही भोलि पल्ट बिहान ७ बजेसम्म ।

यो पोर्चुगिज सुपरस्टार क्रिष्चियानो रोनाल्डोले शायद आफ्नो सपना पनि सोच्न नसक्ने दिनचर्या थियो ।

त्यस समय उनको खाना थियो टुना र प्याज भएको पिज्जा । किमोको असरका कारण उनलाई अन्य खानामा स्वाद नै लाग्दैन थियो । उनले एक पटक किमो दिँदाको आफ्नो अनुभव सुनाएका थिए: “खानाको स्वाद यति नमिठो हुन्थ्यो कि म धेरै पटक खाना खान पनि सक्दिन थिए । निन्द्रा पनि लाग्दैन्थ्यो । निन्द्रा नलागेर मैले धेरै रात नसुती बिताएको थिए ।”

तर क्यान्सर भएको एक वर्ष पछि सबै कुरा परिवर्तन भयो । उनी एक दिन निन्द्राबाट उठ्दा आतंकित बने । भयभित हुन थाले । डरको बीच अचानक उनले आफ्नो जीवनको बारेमा सोच्न थाले । आफूले आफ्नो परिवारलाई वास्ता नगरेको, पाएको अवसरहरू गुमाएको र रातभर क्लबमा बिताएको कुरा सम्झँदा उनलाई ग्लानि महसुस हुन थाल्यो ।

“त्यस दिन मलाई आफ्नै छायाँ देखि पनि डर लागेको थियो,” एसर्बीले सम्झिए । “मैले अब आफ्नो बानी सुधार्न र राम्रो गर्ने निर्णय गरे । त्यस दिन देखि मैले मेरो थेरापिस्टसँग काम गर्न सुरु गरे । उनले पनि मेरो राम्रो हेरचाह गर्दै मलाई धेरै सहयोग गरे ।”

क्यान्सर भएको सात वर्ष पछि एसर्बी पहिलो पटक इटालीको जर्सीमा युरोपियन च्याम्पियनसिप खेल्दै छन् । ३३ वर्षको उमेरमा उनी अहिले इटालीका सबैभन्दा राम्रा सेन्ट्रल डिफेन्डर हुन् र प्रशिक्षक रोबर्टो मान्सिनीको भाषामा भन्ने हो भने इटालियन टोलीका खम्बा ।

यसै महिनाको दोश्रो साताबाट सुरु हुन लागेको युरो कपमा एसर्बी लियोनार्डो बोनुची, जर्जियो चिलिनी र आलेसान्द्रो बास्टोनीसँगै इटालियन किपर जियानलुइगी बुफोनका लागि पर्खालका रुपमा रहने छन् । अहिले उनी आफूले सोचे अनुसारको जीवन जिउँदै छन् तर यो यात्रा उनको लागि निकै उतार चढाबपूर्ण रह्यो ।

एसर्बी इटालीका अन्य बच्चाहरु जस्तै मिलानको फुटबल वातावरणमा हुर्किएका हुन् । १४ वर्षको उमेरमा अन्य साथीहरुसँगै उनले अमेच्योर फुटबल खेल्नका लागि एट्लेटिको सिभेसियो छाडे । त्यसको ६ वर्ष पछि उनले इटालीको चौथों श्रेणीको क्लबमा पहिलो सम्झौता गरे । २२ वर्षको उमेर पुग्दा उनी सिरी बि मा थिए । एक वर्ष पनि बित्न नपाउँदै उनले चिएभोको लागि सिरी आ मा पहिलो खेल खेले ।

“मैले फुटबल मेरो लागि भन्दा पनि मेरो बुवाको लागि खेलेको हो,” उनले एक अन्तरवार्ताका क्रममा भनेका थिए । “मेरो बुवासँग सम्बन्ध राम्रो थिएन । माया र घृणा मिश्रित । उनी मलाई सधैं चुनौती दिन्थे । सन् २०११ मा जब मैले जेनोआसँग सम्झौता गरे मैले मेरो सम्झौताको कागज उनको अनुहारमा लगेर फालेको थिए ।”

एसर्बीका बुवा मुटुका रोगी थिए । सात पटक हृदयघातबाट बचेका उनको एसर्बी मिलानमा अनुबन्ध हुनु चार महिना अघि २०१२ मा मृत्यु भएको थियो । “म सधै उनले दिने चुनौतिको अभाव महसुस गर्छु,” बुवाको मृत्यु भएको लामो समय पछि एसर्बीले भनेका थिए ।

फुटबल खेल्दै गरे पनि उनको बानी भने राम्रो थिएन । उनी आफ्नो खेललाई लिएर गम्भिर थिएनन् । “मैले आलेसान्द्रो नेस्टाको १३ नम्बरको जर्सी लगाउँथे तर अभ्यास गर्न भन्दा पनि पार्टी गर्न र रमाइलो गर्नमा नै समय बिताउँथे । म रक्सी जे जति पनि खाइदिन्थे । मैले फुटबल छाड्ने सम्म पनि सोचेको थिए । तर क्यान्सरले मलाई नयाँ जीवन दियो । म भगवानलाई यसका लागि धन्यवाद भन्न चाहन्छु ।”

सन् २०१३ को सिजन सुरु हुनु अघि गरिएको परिक्षणमा एसर्बीको अण्डकोशमा क्यान्सर भेटिएको थियो । चिकित्सकहरुले शल्यक्रिया गर्दै उनको ट्युमर पनि निकालेका थिए । तर क्यान्सर फेरी बल्झियो । त्यस पछि उनले किमोथेरापी सुरु गरे ।

“त्यस समय मलाई केही कुराको पनि डर थिएन । मलाई अचम्म पनि लाग्दथ्यो किन क्यान्सरले पनि म मा परिवर्तन गर्न सकेन भनेर,” उनले भने । “तर एक दिन यो सबै कुरामा परिवर्तन आयो । एक दिन दिउंस म सुतेको थिए । एउटा भयानक र अचम्म खालको सपना देखें । मेरो सपनामा मेरो बुवा र भगवान जो एकै थिए उनले मलाई सुध्रन घच्घचाए । म अचानक ब्युझिए र निकै रोएँ । मलाई क्यान्सर हुनु नै मेरो लागि सुवर्ण अवसर हो भन्ने लाग्यो । मैले फेरी लड्न पर्ने थियो क्यान्सरसँग ।”

“त्यस दिन पछि मेरो जीवनमा पुरै परिवर्तन आयो । रातभर रक्सीको नशामा बारमा बिताउने गर्ने बानी छाडे । मैले आफ्नो समय अभ्यास र घरमा नै बसेर बिताउन थाले । रक्सी पूर्ण रुपमा छोडिदिए । पानी, तरकारी, फलफुल मेरो खाना बन्न थाल्यो । सबै कुरा राम्रो हुँदै आयो ।”

सन् २०१५ को अक्टोबर देखि सन् २०१९ को जनवरी सम्म एसर्बीले लगातार १४९ खेल खेले, न बिश्राम, न निलम्बन न त कुनै चोट, त्यो पनि तीन वर्ष भन्दा अलिकती बढी समयमा ।

उनलाई इङ्गलिस क्लब लेस्टर सिटीले पनि अनुबन्ध गर्ने प्रस्ताब गरेको थियो । तर उनले अस्विकार गरे । उनी आफुलाई दुख पर्दा सधैं साथ दिने तथा आफ्नो परिवार जस्तै रहेको क्लब सासुलो छाड्न चाहँदैनथे ।

अहिले उनी धेरै जसो समय फरक क्षमता भएका व्यक्तिहरुका साथै क्यान्सर पिडित बालबालिकाहरुसँग बिताउने गर्दछन् । बिहिबारको दिन उनी फरक क्षमता भएका कामदारहरुलाई उनीहरुको सहयोग गर्दछन् ।

एसर्बीको जीवनमा चुनौतीको पहाड भने कम भएको छैन । सन् २०१६ मा फ्रान्समा भएको युरोकप अघि उनको दुईवटा चाहना थियो – एउटा युरो खेल्ने र अर्को आफ्नो प्रेमिकासँग विवाह गर्ने । तर त्यस समयका प्रशिक्षक एन्टोनियो कोन्टेले उनको सपना चकनाचुर पारिदिए ।

उनलाई कोन्टेले युरोका लागि इटालीको टोलीमा स्थान दिएनन् भने प्रेमिकासँगको उनको सम्बन्धमा पनि दरार आयो । त्यसको पाँच वर्ष पछि फेरी समय परिवर्तन भएको छ । उनी अहिले युरोको लागि इटालीको टोलीमा स्थान बनाउन सफल भएका छन् ।

Euro 2020

युभेन्टस छोड्ने मुडमा छैनन सुपरस्टार रोनाल्डो

Published

on

युरो कपमा पांच गोलसहित सर्वाधिक गोकर्ताको गोल्डेन बुट जितेका पोर्चुगिज सुपरस्टार क्रिष्चियानो रोनाल्डोले इटालियन सिरी आ टोली युभेन्टस नछोड्ने संकेत गरेका छन् ।

क्लबका निर्देशक तथा पुर्व चेक रिपब्लिक लेजेण्ड पाभेल नेदभेदले रोनाल्डोले क्लबमै रहने अथवा छोड्ने बिषयमा कुनै जानकारी नगराएको र यसै महिनाको अन्तिम साता टुरिनमा प्रशिक्षणमा सहभागी हुने जानकारी दिएका हुन् ।

“क्रिष्चियानो अहिले छुट्टी मनाइरहेका छन् । उनी छोड्ने बिषयमा उनको टोलीले केही भनेको छैन र पुर्व निर्धारित तालिका अनुसार नै उनी अब जुलाई २५ मा प्रशिक्षणमा सहभागी हुनेछन्,” युभेन्टसको २०२१-२२ सिजनको क्यालेण्डर सार्वजनिक गर्ने क्रममा नेदभेदले भने ।

३६ बर्षको उमेरमा पनि युरो कपमा स्थापित युवा अनुहारहरुलाई पछि पार्दै गोल्डेन बुट जितेका रोनाल्डोको युभेन्टससंगको सम्झौतमा अझै एक बर्ष बाकी रहेको छ ।

सिरी उपाधिमा ९ बर्षपछि पहिलो पटक आफ्नो नियन्त्रण गुमाउनुका साथै गत बर्षको च्याम्पियन्स लिगमा अन्तिम १६ बाट बाहिरिएको युभेन्टस यो सिजनको युरोपियन प्रतियोगिताका लागि पनि मुस्किलले स्थान बनाएपछि रोनाल्डोभविष्य अनिश्चित रहन पुगेको थियो ।

प्रशिक्षक मासिमिलियानो एलेग्रिको पुनरागमनमा युभेन्सटले सिजनको आफ्नो पहिलो खेल युडिनेजी बिरुद्ध खेल्नेछ ।

“एलेग्रिलाई लिएर हाम्रो पांच बर्षको निश्चित कार्य तालिका थियो । त्यसपछि उनी दुई बर्ष छुट्टीमा गएका थिए । अब नयां उर्जा सहित उनी टोलीमा फर्कदैछन्,” नेदभेदले भने ।

Continue Reading

Euro 2020

युरो कप फाइनलका पोर्चुगिज हिरो कसरी बने बेरोजगार ?

Published

on

२०१६ को गर्मिमा एडर पोर्चुगलका राष्ट्रिय हिरो थिए । सब्स्टिच्युटको रुपमा बेञ्चबाट आउदै उनले अतिरिक्त समयमा गोल गर्दै पोर्चुगललाई युरो कपको उपाधि जिताएका थिए ।

स्टाड डि फ्रान्समा घरेलु टोलीबिरुद्ध भएको फाइनलमा हाल ३३ बर्षपुगिसकेका एडर रेनातो सान्चेजको स्थानमा ९० औं मिनेटमा मैदान प्रवेश गरेका थिए ।

सुपरस्टार क्रिष्चियानो रोनाल्डो चोटका कारण मैदानबाट खेलको शुरुवातमै बाहिरिएको स्थितिको पूर्ण फाइदा उठाउदै ११ मिनेट बाकी रहदा एडरले गोल गरेपछि उनी पोर्चुगलमा एका एक हिरो बने । सबैले रोनाल्डो, रोनाल्डो भनिरहदा पोर्चुगलले अनपेक्षित हिरो पाउदा झनै धेरै उत्साहित भएका थिए ।

तर पांच बर्षयता आइपुग्दा आइतबार वेम्ब्लीमा इटाली र इंगल्याण्ड युरो कपको उपाधिका लागि भिड्नु अघि ट्रफि लिएर आएका एडर सबैले बिर्सिएका हिरो भइसकेका छन् ।

कति पयको लागि एडरको मुहारमा देखिएको निराशा स्पष्ट रुपमा नै ध्यानमा आएको थियो । तर एडर आफ्नै लागि भने ६५ हजार दर्शक रहेको वेम्ब्लीमा ट्रफि लिएर हिड्दा आफ्नो असफलताको बयान गर्दै थियो ।

२०१६ को उक्त ऐतिहासिक रात पछि के भयो त एडरको जीवनमा ?

पोर्चुगिज महारथी ब्रागाबाट एडर युरो कपको ठ्याक्कै एक बर्ष अगाडी ५ मिलियन पाउण्डमा इंग्लिस प्रिमियर लिग टोली स्वान्सेसंग अनुबन्धित भएका थिए । तर पहिलो १५ खेलमा गोल गर्न चुकेपछि बाकी सिजनका लागि उनलाई लोनमा फ्रेञ् च लिग वान टोली लिल पठाइयो ।

लिलका लागि १३ खेलमा ६ गोल गरेपछि उनी रोनाल्डो, नानी र साञ्चेजसंगै पोर्चुगलको युरो कप टोली अटाए । ३-३ गोल गरेपछि रोनाल्डो र नानी पोर्चुगलको युरो अभियानको दुई मुख्य खेलाडी रहे। नकआउटमा पोल्याण्ड र वेल्सलाई हराएपछि पोर्चुगलले फ्रान्ससंगको भिडन्त पक्क गर्यो ।

पहिलो उपाधि पछ्याइरहेको एडर उक्त युरोलाई आफ्नो ब्रेकथ्रु प्रतियोगिता बनाएका सान्चेजको स्थानमा ८० औं मिनेटमा प्रवेश गरे । अतिरिक्त समयमा मात्र ११ मिनेट रहेको स्थितिमा एडरले अविश्वसनीय रुपमा प्रतियोगिताको पहिलो र एक मात्र गोल गरे ।

पछिल्लो पांच बर्षमा एडरका लागि सबैभन्दा ठूलो उपलब्धि आफैले जिताको युरो कप ट्रफि लिएर वेम्ब्ली स्टेडियम प्रवेश गर्नु थियो

फ्रान्स गोल फर्काउन असफल रहेपनि पोर्चुगल पहिलो पटक उपाधि जित्न सपल रह्यो ।

एडरको नायकत्वको अपेक्षा गर्दै फ्रान्समा उनको लोन मुभलाई नयां सिजनका लागि स्थायी बनाइयो । तर ३१ लिग वान खेलमा मात्र ६ गोल गरेपछि लिलले पनि उनलाई रसियन प्रिमियर लिग क्लब लोकोमोटिभ मस्कोमा लोनमा पठायो ।

एक बर्षपछि लोकोमोटिभ मस्कोले उनको लोन मुभलाई स्थायी बनायो ।

२०१६ को युरोको हिरो रहनुका साथै पछिल्लो एक बर्ष रुसमै बिताएपनि एडर रुसमै हुन गइरहेको बिश्वपका लागि पोर्चुगिज टोलीमा अटाएनन् ।

गत सिजनसम्म लोकोमोटिभमै बिताएका एडरले आफू खेलेका ९ खेलमा गोल गर्न असफल रहे । उनले चार सिजन बिताउदा रुसी टोलीका लागि ७२ खेलमा जम्मा ९ गोलमात्र गरे ।

लोकोमोटिभले उनलाई रिलिज गरेपछि उनी अहिले भने बेरोजगार भएका छन् । आफू युरोपको प्रमुख खेलाडीको रुपमा धेरै दिन सक्ने साबित गर्न उनी मौका कुरिरहेका छन् ।

एडर वेम्ब्लीमा झल्कदा उनी उपलब्ध रहेको बिषयमा धेरै व्यवस्थापकहरु जानकार पनि भएका होलान् ।

यद्दपि एडर बेरोजगारीको पहिलो दिनहरुमा मात्रै छन् । पुर्व इंगल्याण्ड स्टार ड्यानियल स्टरिज अहिले यसैसिजन ला लिगामा बढुवा भएको स्पेनिस टोली रियल मायोर्कासंग प्रशिक्षण गर्दैछन् ।

मार्च२०२० मा टर्किस टोली ट्राब्जन्सपोरले पनि साथ छोडेपछि उनी डेढ बर्ष भन्दा क्लबबिहिन बन्न पुगे । एडर आफू त्यति लामो समय बेरोजगार रहनु नपर्ने आशा गरिरहेका छन् ।

उनलाई लिएर अर्को प्रिमियर लिग क्लब ब्राइटन केही सकारात्मक रहेको हल्ला मार्चमा चलेको थियो ।

Continue Reading

Euro 2020

युरो २०२०: कस्ले के-के जिते ?

Published

on

पेनाल्टी सुटआउटमा तीन खेलाडी चुक्दा इग्ल्याण्डको युरोकप उपाधि जित्ने सपना अधुरै रह्यो । इटालीसँग ३–२ गोल अन्तरले पराजित भएसँगै पहिलो पटक युरो कपको उपाधि जित्ने इग्ल्याण्डको सपनामा तुसारापात भयो ।

६० हजार दर्शक सहभागी घरेलु मैदानमा इंग्ल्याण्डले सुरूवाती अग्रता लिएको थियो । तर अग्रता जोगाउन नसक्दा निर्धारित र अतिरिक्त समय १–१ गोलको बराबरीमा रोकिएपछि खेल पेनाल्टी सुटआउट तर्फ धकेलिएको थियो ।

पेनाल्टी प्रहार गरेका पाँच खेलाडी मध्ये ह्यारी केन र ह्यारी मग्वाएरको प्रहारले मात्रै जाली चुमेको थियो । पेनाल्टी सुट कै लागि अतिरिक्त समयमा मैदान प्रवेश गरेका मार्कस राषफोर्डको प्रहार बारमा लागेर बाहिरियो । जाेडान सान्चो र साका बाकुयोको प्रहार इटालीका गोल रक्षकले रोके । इटालीका आन्द्रे बेलोट्टी र जोर्गिन्हो प्रहार इग्ल्याण्डका गोल रक्षकले रोकेका थिए । र इटालीले ५३ औँ वर्ष पछी युरो जित्यो ।

तर, युरो २०२० को उपाधी बाहेक व्यक्तिगत अवार्डमा कस्ले के-के जिते ?

टूर्नामेन्टका सर्वश्रेष्ठ खेलाडी-गियालुइगी डोन्नारुम्मा

इटालीका गोलरक्षक डोन्नारुम्माले प्रतियोगितामा चार गोल मात्रै खाए । उनले युरोमा शानदार प्रदर्शन गरे । फाइनलमा पेनाल्टी पनि बचाए । २२ वर्षिय डोन्नारुम्मा टूर्नामेन्टका सर्वश्रेष्ठ खेलाडी घोषित भए ।

गोल्डन बुट – क्रिस्टियानो रोनाल्डो

यूरोपीयन च्याम्पियनशिपको इतिहासमा सर्वाधिक गोलकर्ता क्रिष्चियानो रोनाल्डोले युरो २०२० मा अर्को उपलब्धी हात पारे । गोल्डेन बुट जितेका रोनाल्डोले पाँच गोल गरेका थिए । दोस्रो स्थानमा रहेका चेक रिपब्लिकका प्याट्रिक सिचको पाँच गोल रहे पनि उनले धेरै समय खेलेका कारण गोल्डेन बुट जित्न बाट चुक्न पुगे ।

टूर्नामेन्टका युवा प्लेयर – पेद्री

१८ वर्षिय पेद्रीको प्रदर्शन निकै तारिफ योग्य थियो । पेद्रीले स्पेनको टोलीबाट राम्रा मात्रै खेलेनन् सबै फुटबल समर्थकहरुको ध्यान तान्न पनि सफल भए र उनी युरोका युवा खेलाडी घोषित भए ।

फाइनलको स्टार – लियोनार्डो बोनुची

अनुभवी डिफेन्डर लियोनार्डो बोनुचिलाई युरो २०२० फाइनलमा डिफेन्डमा उत्कृष्ट प्रदर्शनका लागि प्लेयर अफ द मैच घोषित गरियो साथै उनले दोस्रो हाफमा गरेको गोलका कारण इटालीले पेनाल्टी सम्म खेल पुर्याएको थियो ।

Continue Reading
Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Headline1 year ago

कोहलीको उत्कृष्ट पारीमा पाकिस्तान माथि भारतको सनसनीपूर्ण जित 

अन्तर्राष्ट्रिय1 year ago

 ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै

लेख2 years ago

केन्या माथि नेपालको कीर्तिमानी जित

लेख2 years ago

साफ च्याम्पियनसिपका लागि तीन नयाँ खेलाडी समेट्दै टोली घोषणा

लेख2 years ago

नेपाल टी२० लिग : खेलाडी दर्ता सुरु, चार मापदण्ड तय

लेख2 years ago

खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित 

लेख2 years ago

नेपालले हरायो केन्यालाई 

लेख2 years ago

नेपालका लागि केन्या टुर महत्वपूर्ण

लेख2 years ago

बङ्गलादेशसँगको मैत्रीपूर्ण खेलका लागि ४० जना बोलाइयो

लेख2 years ago

नयाँ प्रशिक्षक प्रभाकर भन्छन् : पहिलो काम लिग टु

लेख2 years ago

बाना कपका लागि सुदुरपश्चिमको जर्सी सार्वजनिक  

लेख2 years ago

यस्ता छन् एन्फा कार्यसमिति बैठकका निर्णयहरू

लेख2 years ago

साफ महिला च्याम्पियनसिप : उद्घाटन खेलमा नेपाल भुटानसँग भिड्ने

लेख2 years ago

नवौं राष्ट्रिय खेलमा राष्ट्रिय किर्तिमान तथा स्वर्ण पदक विजेतालाई नगद पुरस्कारको व्यवस्था 

Headline2 years ago

आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि 

Headline2 years ago

 नेपालको पोस्टमा भारतको गोलको वर्षा 

Headline2 years ago

साफ महिला च्याम्पियनसिप :  नेपाललाई सजिलो समूह

Headline2 years ago

लगातार दोस्रो जित निकाल्दा नेपाल फाइनल नजिक 

Headline2 years ago

साम्बालाई समेट्दै साफ महिला च्याम्पियनसिपका लागि बन्द प्रशिक्षण सुरु

Headline2 years ago

उर्जन श्रेष्ठ यू १७ टिमको प्रशिक्षक नियुक्त, खेलाडी छनोट प्रक्रिया सुरु

Trending

error: Content is protected !!