अन्तर्राष्ट्रिय
अष्ट्रेलियन क्रिकेटका पाँच ठूला विवाद
Published
3 years agoon
By
wesportzखेलकुद र विवाद एक अर्काका पर्याय जस्तै हुन् । क्रिकेटलाई भलाद्मीहरुको खेल भनिए पनि विवादबाट अछुतो रहेको छैन । खेलाडीहरुले खेल भावना बिपरित कार्य गर्ने गर्दछन् र खेललाई विवादमा तान्छन् । खेलाडीहरुले यसका लागि ठुलै आलोचना समेत खेप्न पर्दछ भने कुनै समय ठुलै सजाय भोग्न परेको पनि छ ।
कुनै समय विश्व क्रिकेटमा राज गरेको अष्ट्रेलिया पनि विवादबाट अछुतो रहन सकेको छैन । अझ अर्को शब्दमा भन्दा अष्ट्रेलिया क्रिकेट खेलाडीहरु खेल भवना बिपरित कार्य गर्नका लागि पनि पहिलो नम्बरमा नै पर्ने गर्दछन् जसले ठुलो विवादहरु पनि निम्तिएका छन् ।
अष्ट्रेलियन क्रिकेटलाई बिवादको घेरामा तान्ने घटनाहरु कस्ता छन् त ?
५. ट्रेभर च्यापेलको अन्डर–आर्म बल
यो सन् १९८१ को कुरा हो । घरेलु टोली अष्ट्रेलिया र न्युजिल्याण्ड बीचको पाँच खेलको श्रृं खला अन्तर्गतको तेश्रो खेलका क्रममा अन्तिम बलमा न्युजिल्याण्डलाई जितका लागि सात रन र बराबरीका लागि एउटा छक्का चाहिएको थियो । श्रृंखला १–१ को अवस्थामा रहेको थियो ।
उक्त खेलमा कप्तान थिए अहिलेका चर्चित कमेन्टेटर ग्रेग च्यापेल र बलर थिए उनका भाई ट्रेभर । ग्रेगले ट्रेभरलाई अन्डर–आर्म बलिङ गर्न लगाए । ट्रेभरले अन्डर–आर्म बलिङ गरे पछि ब्याट्सम्यान ब्रायन म्याककेन्जीले बल रोक्ने बाहेक केहि गर्न सकेनन् तर रिसले ब्याट फ्याके । खेल अष्ट्रेलियाले ६ रनले जित्दै शृंखलामा २–१ को अग्रता लिन सफल भयो ।
त्यस समयमा अन्डर–आर्म बलिङलाई आईसीसीले पनि मान्यता दिने गर्दथ्यो तर त्यो खेल भावना बिपरित मानिन्थ्यो । यस्तो कार्यका लागि ग्रेग च्यापेलको ठुलो आलोचना भयो र आईसीसीले अन्डर–आर्म बलिङमा प्रतिबन्ध लगायो ।
४. लागु औषध प्रयोगका कारण शेन वार्नको प्रतिबन्ध
विश्व क्रिकेटले पाएको सबैभन्दा राम्रा र खतरनाक लेग स्पिनर हुन् शेन वार्न । उनको बलिङको सामु धेरै ब्याट्सम्यानहरु क्रिजमा टिक्न सक्दैनथे । तर सन् २००३ को विश्वकप अघि वार्न एक बर्ष मैदान बाहिर बस्नु पर्यो ।
विश्वकप खेल्नका लागि वार्न दक्षिण अफ्रिकामा रहेका थिए । उनले उक्त विश्वकप पछि अन्तर्राष्ट्रिय क्रिकेटबाट सन्यास लिने घोषणा समेत गरेका थिए । तर विश्वकप अघि प्रतिबन्धित औषधीको परिक्षण (डोपिङ्ग) का लागि गरिएको परिक्षणमा उनको रिपोर्ट पोजेटिभ आयो र पहिलो खेल पनि खेल्न पाएनन् ।
उनले प्रतिबन्ध लगाएको औषधी प्रयोग गरेका कारण क्रिकेट अष्ट्रेलियाले उनलाई एक बर्षको लागि प्रतिबन्ध गर्ने निणर्य गर्यो । उनले उक्त औषधी आफ्नो वजन घटाउन प्रयोग गरेको भए पनि त्यो आईसीसीले प्रतिबन्ध गरेको औषधीमा परेको थियो ।
३. सौरव गांगुलीलाई आउट गराउन माइकल क्लार्कले लिएको क्याच
सन् २००८ मा अष्ट्रेलियाले गरेको भारत भ्रमणको खेलका क्रममा घटेको घटना हो यो । भारत र अष्ट्रेलिया बीचको दोश्रो टेस्टको चौथों पारीमा सौरव गांगुली र महेन्द्र सिंह धोनी क्रिजमा रहेका थिए । तीन सय ३३ रनको विशाल लक्ष्य पाएको भारत पाँच विकेटको नोक्सानीमा १३७ रनको अवस्थामा रहेको थियो ।
ब्रेट लीको बलमा गांगुलीको ब्याटमा एज लग्यो र थर्ड स्लिपमा बसेका माइकल क्लार्कले क्याच समाते । क्लार्कले क्याच लिनु अघि बल मैदानमा ठोक्किएको थियो । तर क्लार्कले क्याच लिएको जसरि सेलिब्रेट गर्न थाले र उनलाई साथ दियो अष्ट्रेलिया टोलीले ।
गांगुली भने मैदानमा पहिले ठोक्किएको हो कि भन्न थाले । तर अष्ट्रेलियाका कप्तान रिकी पोन्टिङले गांगुली आउट नै भएको भन्दै अम्पायरहरुसँग बहस गर्न थाले । अम्पायरहरुले पनि गांगुलीलाई आउट दिए र उनी क्रिज छाड्न बाध्य भए ।
रिप्ले हेर्दा क्लार्कले बल समाउनु अघि बल मैदानमा ठोक्किएर क्लार्कले समातेको देखायो । गांगुलीको विकेटको पतन पछि भारत लामो समय क्रिजमा टिक्न सकेन र खेल एक सय २२ रनको फराकिलो अन्तरले पराजित हुन पुग्यो ।
२. डिआरएसमा नै स्टिभ स्मिथको बेइमानी
सन् २०१७ मा घरेलु टोली भारत विरुद्धको टेस्टमा अष्ट्रेलियाका कप्तान स्टिभ स्मिथ गलत तरिकाले डिआरएस लिनका लागि गरेको प्रयासका कारण विवादमा तानिएका थिए । उक्त टेस्टका क्रममा उमेश यादवको बल सिधै गएर स्मिथको प्याडमा लाग्यो र अम्पायरले एलबीडब्लु दिए । स्मिथ डिआरएस लिन आतुर थिए ।
उनले अर्को एन्डमा रहेका पिटर ह्यान्ड्सकम्बसँग सल्लाह लिए र ड्रेसिङ रुम तर्फ इंगित गर्दै डिआरएस लिने कि नलिने सोध्न थाले । यो कुरा भारतीय टोलीलाई मन परेन । भारतीय टोलीका कप्तान बिराट कोहलीले यस विषय अम्पायरहरुसँग गएर छलफल गर्न थाले । अम्पायरले पनि स्मिथको यो चतुर्याइ थाहा पाएर र यस्तो गर्न नपाउने भन्दै उनले डिआरएस लिने निर्णय खारेज गर्दे र क्रिज छाड्न भने । अन्तत स्मिथ आउट हुँदै पेभेलियन फर्किए ।
नियम अनुसार कुनै पनि ब्याट्सम्यानले डिआरएस लिन चाहेको खण्डमा उसले नन–स्ट्राइकर ब्याट्सम्यानलाई सोध्न सक्नेछन् भने त्यस बाहेक अन्यसँग यसको लागि सोधखोज गर्न पाइँदैन । बलर हो भने उसले फिल्डरहरुसँग भने छलफल गर्न पाउँछ ।
१. बल ट्याम्परिङ
सायद क्रिकेटमा पछिल्लो समय घटेको सबैभन्दा ठुलो घटना यही हो । यस घटना पछि अष्ट्रेलियन टोलीका कप्तान स्टिभ स्मिथ र उपकप्तान डेभिड वार्नरलाई क्रिकेट अष्ट्रेलियाले एक बर्षको प्रतिबन्ध लगायो भने ब्याट्सम्यान क्यामरुन ब्यानक्रफ्टले पनि नौं महिनाको प्रतिबन्ध खेप्न पर्यो ।
त्यस्तै स्मिथलाई दुई बर्षका लागि तथा वार्नरलाई आजीवन कप्तानी गर्न नपाउने गरि प्रतिबन्ध लगायो ।
के थियो त घटना ?
सन् २०१८ मा दक्षिण अफ्रिका विरुद्धको टेस्टका क्रममा ब्यानक्रफ्टले बल ट्याम्परिङ (बलमा छेडखानी) गरेको क्यामराले खिचेको भेटियो । खेलमा हार टार्नका लागि अष्ट्रेलियाले यस्तो घृणित कार्य गरेको थियो । ब्यानक्रफ्टले एउटा पहेंलो चिज आफ्नो अन्डरवेर भित्र हाल्दै गरेको क्यामरामा कैद भयो ।
ब्यानक्रफ्टले एउटा खाक्सी हातमा लिएर त्यसलाई मैदानमा दल्दै त्यसको माटो र बालुवा खाक्सीमा अड्काएको र त्यसैले बलमा दल्दै बल पुरानो बनाउन खोजेको पत्ता लाग्यो ।
यस विषयलाई अष्ट्रेलियाका प्रधानमन्त्रीले समेत उठाउँदै त्यस कार्यमा लाग्ने सबैलाई कारबाही गर्न भनेका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
अन्तर्राष्ट्रिय
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
Published
2 years agoon
October 23, 2022By
wesportzअष्ट्रेलियामा जारी ट्वान्टी ट्वान्टी विश्वकप अन्तर्गत चिरप्रतिद्वन्द्वी भारत र पाकिस्तान भिड्दै छन् । मेलबर्नमा हुने खेल नेपाली समय अनुसार दिउँसो १:४५ बजे सुरु हुनेछ ।
राजनैतिक दबाबका कारण भारत र पाकिस्तान बीच कुनै पनि शृंखला आयोजना हुँदैन । यी दुई टोली एक आपसमा भिड्ने भनेको आईसीसी अथवा एसीसीले आयोजना गर्ने प्रतियोगितामा मात्र हो । त्यसैले गर्दा पनि भारत र पाकिस्तान बीचको खेलमा समग्र क्रिकेट समर्थकहरूको आँखा जाने गरेको छ ।
भारत र पाकिस्तान बीचको पछिल्लो भिडन्त एसिया कपमा भएको थियो । दुई खेल मध्य भारतले एक खेलमा जित निकाल्दा पाकिस्तानले अर्को खेलमा जित निकाल्न सफल भएको थियो । एसिया कपको समुह चरणको खेलमा पाकिस्तान माथि पाँच विकेटको जित निकालेको भारत सुपर ४ मा पाँच विकेटले पराजित हुँदा फाइनल खेल्नबाट बञ्चित भएको थियो ।
यस अघि गत वर्ष अक्टोबरमा युएईमा सम्पन्न भएको ट्वान्टी ट्वान्टी विश्वकपमा भारत पाकिस्तानसँग १० विकेटको फराकिलो हारको सामना गर्न बाध्य भएको थियो । पाकिस्तानसँग पराजित हुँदा भारतको सेमिफाइनल खेल्ने सपना सपनामा नै सीमित हुन पुग्यो ।
भारत र पाकिस्तानको खेल हुने मैदान मेलबर्न क्रिकेट ग्राउण्डमा एक लाख भन्दा बढी समर्थक अट्छ । तर आजको खेलमा मैदानमा गएर खेल हेर्ने समर्थकहरूको आशा निराशामा परिणत हुने प्रबल सम्भावना रहेको छ । मौसम विभागका अनुसार मेलबर्नमा वर्षा बाधक बन्ने सम्भावना धेरै रहेका कारण भारत र पाकिस्तानको खेल प्रभावित हुन सक्ने छ ।
आजको खेलमा जित निकाल्दै दुबै टोली उत्कृष्ट सुरुवात गर्ने सुरमा रहेका छन् । तर वर्षाका कारण दुबै टोली १-१ अंकमा नै सीमित रहने बढी सम्भावना छ ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।