Connect with us

राष्ट्रिय

नेपाली खेलाडीहरु सोमपाल, करण, कुशल र पारस सम्मिलित आबु धाबी टि-१० लिग नोभेम्बरमा

wesportz

Published

on

नेपाली टोलीका तिब्र गतिका बलरद्वय सोमपाल कामी र करण केसी तथा युवा अलराउण्डर कुशल मल्ल सम्मिलित आबु धाबी टि-१० लिगको मिति सार्वजनिक भएको छ । सार्वजनिक गरिएको खेल तालिका अनुसार पाँचौ संस्करणको प्रतियोगिता आगामी नोभेम्बर १९ देखि डिसेम्बर चार सम्म आयोजना हुनेछ ।

यस पटक प्रतियोगिता अघिल्लो संस्करण भन्दा लामो समय सम्म संचालन हुनेछ । अघिल्को संस्करण १० दिन सम्म चलेको थियो भने डिसेम्बर दुई तारिखका दिन युएईको राष्ट्रिय दिवस रहेका कारण यस पटक पाँच दिन बढी अर्थात् १५ दिन चल्ने छ ।

आयोजहरुले प्रतियोगिता भारतमा आयोजना हुने ट्वान्टी ट्वान्टी विश्वकप नोभेम्बर १५ मा सकिने भएका कारण त्यसलाई मध्यनजर गर्दै १९ तारिखबाट सुरु गर्न लागेका हुन् । विश्वकप पछि धेरै विदेशी खेलाडीहरु उपलब्ध हुने भएका कारण यस समय छनोट गरेका हुन् । पाकिस्तानका मोहम्मद हफिज, वेस्ट इन्डिजका निकोलस पुरन र ड्वयन ब्राभो तथा इंग्ल्यान्डका क्रिस जोर्डन जस्ता खेलाडीहरु विश्वकप पछि उपलब्ध हुने आयोजकको आशा रहेको छ ।

त्यस्तै भारतमा बढ्दो कोरोनाका कारण अन्तर्राष्ट्रिय क्रिकेट परिषद (आईसीसी) ले ट्वान्टी ट्वान्टी विश्वकप भारतबाट युएईमा सार्ने प्रवल सम्भावना पनि रहि आएको छ । यदि विश्वकप युएईमा आयोजना भएको खण्डमा खेलाडीहरुले टि-१० लिगका लागि क्वारेन्टिनमा पनि समय बिताउन पर्ने छैन ।

कोरोनाको कारण नै चौथों संस्करणको प्रतियोगिता यसै बर्ष जनावरी-फेब्रुअरीमा आयोजना भएको थियो । जसमा नर्थन वारियर्सले उपाधि चुमेको थियो ।

Headline

राष्ट्रिय क्रिकेट टोलीको जर्सी डिजाइन गर्नको लागि प्रतिस्पर्धा खुल्ला 

wesportz

Published

on

नेपाल क्रिकेट संघ (क्यान) ले राष्ट्रिय क्रिकेट टोलीको जर्सी डिजाइन गर्नका लागि प्रतिस्पर्धा खुल्ला गरेको छ।  

डिजाइन गर्नेले राष्ट्रिय टोलीको जर्सी र ट्राउजर दुवैको लागि डिजाइन गर्न पर्ने हुन्छ । त्यस्तै उसले नेपाली टोलीले प्रयोग गर्ने जर्सीको अगाडि र पछाडिको भाग दुवैलाई ध्यानमा राखेर डिजाइन गर्न पर्ने हुन्छ । कुनै पनि व्यक्तिले जर्सीको डिजाइन गर्दा नेपालको राष्ट्रिय झन्डामा प्रयोग हुने रातो र निलो रङ्गको प्रयोग गर्न पर्ने छ । 

डिजाइनरले जर्सीको डिजाइन गर्दा राष्ट्रिय टोलीले पालना गर्न पर्ने अन्तर्राष्ट्रिय क्रिकेट परिषद (आईसीसी) को नियम अनुसार नै डिजाइन गर्न पर्ने हुन्छ ।      

क्यानले विज्ञापन एजेन्सी एडप्याड मार्फत माई सेकेण्ड टिचरलाई राष्ट्रिय टोलीको प्रमुख प्रायोजकको रुपमा पाएको हो । उत्कृष्ट डिजाइन बनाउनेले पुरस्कार स्वरुप नगद एक लाख पनि हात पार्ने छ । उक्त पुरस्कार राशी नेपाली राष्ट्रिय क्रिकेट टोलीको मुख्य प्रायोजक माई सेकेन्ड टिचर (एमएसटी) ले प्रयोजन गर्नेछ ।    

क्यानको आयोजनामा यसै महिनाको सुरुवातमा आयोजना भएको त्रिकोणात्मक शृंखलाका क्रममा नेपालको जर्सीलाई लिएर विरोध भएका कारण पनि क्यानले नयाँ जर्सीको डिजाइन बनाउन लाएको हो ।

नेपालले जुलाईमा विश्वकप लिग टु अन्तर्गतको स्पेनमा आयोजना हुने आफ्नो दोश्रो शृंखलामा स्कटल्याण्ड र नामिबियाको सामना गर्नेछ । उक्त शृंखलामा अहिले नै पुरष्कृत हुने डिजाइन नै नेपाली टोलीले आफ्नो जर्सी प्रयोग गर्नेछ ।    

आफ्नो डिजाइन दिने अन्तिम मिती यसै महिनाको १५ तारिक सम्म रहेको छ । डिजाइन क्यानको इमेल – info@cricketnepal.org मा गर्न पर्ने हुन्छ भने यस सम्बन्धी सम्पूर्ण जानकारी क्यानको वेबसाइट http://www.cricketnepal.org.np/ मा पनि राखिने छ ।  

 

Continue Reading

Headline

नेपाल अष्ट्रेलियासंग ३-० ले पराजित 

wesportz

Published

on

नेपालले २०२२ बिश्वकप र २०२३ एसिया कप समुह चरण हारको साथ टुंग्याएको छ ।

कुवेताको जबर अल अहमद रंगशालामा नेपाल अष्ट्रेलियासंग ३-० ले पराजित भएको छ । नेपाल पहिलो लेगमा अष्ट्रेलियासंग ५-० ले हारेको थियो । नेपालले छनोटमा हात पारेको दुई जित चाइनिज ताईपेइ संग रह्यो । दुवै खेलमा नेपालमा २-० ले बिजयी भएको थियो ।

यसबाहेक नेपालले कुवेतसंग ७-० र १-०, जोर्डनसंग समान ३-० ले पराजित भएको थियो । नेपालले अब एसिया कपको तेश्रो चरणको छनोटका लागि प्लेअफको सहारा लिने छ ।

नेपाली फुटबलको अर्को ठूलो खेलमा दोश्रो हाफमा प्रमुख खेलाडी रोहित चन्दलाईगुमाएपछि १० खेलाडीमा सिमित भएपनि एक गोल मात्र खाएको थियो ।

रेफ्रि अहमद अल सादले रोहितलाई पहिलो हाफको इन्जुरी समयमा सोझै रेड कार्ड देखाएका थिए । लास्ट म्यान रोहितसंगको चुनौतिमा फ्रान काराचिच लडेपछि अल सादले सहायक रेफ्रिसंगको छलफल पछि सिधै रेड कार्ड दिएका थिए ।

नेपाल ६ मिनेटपछि नै खेलमा पछि परेको थियो । कप्तान म्याथ्युलेकीले नेपालका टप डिफेन्डर रोहितलाई बिट गर्दै सुन्दर हेडरमार्फत गोल गरेका थिए । २९ औं मिनेटमा कोनोर रेटक्लेफको गोलतर्फ अग्रसर फ्रिकिकमा नेपाल नम्बर वान गोलकिपर किरण चेम्जोंगले डाइभ गर्दै उत्कृष्ट बचाउ गरेका थिए ।

३६ औं मिनेटमा बक्स भित्र निकै राम्रो ड्रिब्लिंग स्किल देखाएका लेकीले राम्रो मौका बनाएपनि अनन्त तामांगले उत्कृष्ट ढंगले डिफेन्ड गरेका थिए । लेकीले नै बनाएको मुभमा अष्ट्रेलियन कप्तानले नेपालको बस्कभित्र मिलाएको बललाई फ्रान काराचिचले निकै नै सहज तरिकाले गोल गर्दै किरणलाई बिट गरेका थिए ।

५७ औं मिनेटमा रोहितको अनुपस्थितिमा कमजोर बनेको डिफेन्सलाई बिट गर्दै मार्टिन बोयलले नजिकैबाट ट्याप इन गर्दै गोल गरेका थिए ।

Continue Reading

Headline

अष्ट्रेलियाबिरुद्ध रोहितलाई सिधै रेड कार्ड

wesportz

Published

on

अष्ट्रेलियाबिरुद्धको २०२२ बिश्वकप र २०२३ एसिया कप अन्तर्गतको अन्तिम खेलमा नेपालका प्रमुख डिफेन्डर रोहित चन्दले रेड कार्ड खाएका छन् ।

जबर अल अहमद रंगशालामा रेफ्रि अहमद अल सादले रोहितलाई पहिलो हाफको इन्जुरी समयमा सोझै रेड कार्ड देखाएका थिए । लास्ट म्यान रोहितसंगको चुनौतिमा फ्रान काराचिच लडेपछि अल सादले सहायक रेफ्रिसंगको छलफल पछि सिधै रेडकार्ड दिएका थिए ।

पहिलो हाफमा नेपाल २-० ले पछि परेको छ । नेपाल ६ मिनेटपछि नै खेलमा पछि परेको थियो । कप्तान म्याथ्युलेकीले नेपालका टप डिफेन्डर रोहित चन्दलाई बिट गर्दै सुन्दर हेडरमार्फत गोल गरेका थिए ।

२९ औं मिनेटमा कोनोर रेटक्लेफको गोलतर्फ अग्रसर फ्रिकिकमा नेपाल नम्बर वान गोलकिपर किरण चेम्जोंगले डाइभ गर्दै उत्कृष्ट बचाउ गरेका थिए । ३६ औं मिनेटमा बक्स भित्र निकै राम्रो ड्रिब्लिंग स्किल देखाएका लेकीले राम्रो मौका बनाएपनि अनन्त तामांगले उत्कृष्ट ढंगले डिफेन्ड गरेका थिए ।

लेकीले नै बनाएको मुभमा अष्ट्रेलियन कप्तानले नेपालको बस्कभित्र मिलाएको बललाई फ्रान काराचिचले निकै नै सहज तरिकाले गोल गर्दै किरणलाई बिट गरेका थिए ।

Continue Reading
Euro 20203 mins ago

युरो कपमा आज तीन खेल, स्पेनले स्वीडेनको सामना गर्दै

Headline6 hours ago

कोपा अमेरिका: कोलम्बियासँग इक्वेडर पराजित

Headline7 hours ago

कोपा अमेरिका: ब्राजिलको बिजयी शुरुवात

Euro 202012 hours ago

नेदरल्याण्ड्सको युक्रेनमाथि सनसनीपूर्ण जित

Euro 202014 hours ago

जिरुडको गुनासोले एम्बाप्पे दुखी 

Headline15 hours ago

नर्थ मेसेडोनियालाई हराएको अष्ट्रियाको युरोमा एतिहासिक जित

Headline15 hours ago

सनसनीपूर्ण पुनरागमनपछि जोकोभिचले जिते फ्रेञ्च ओपन

अन्तर्राष्ट्रिय17 hours ago

म असफल खेलाडीका रुपमा रियल म्याड्रिड छोड्दिन: हाजार्ड 

Euro 202018 hours ago

स्टर्लिंगको गोलमा इंग्ल्याण्डको बिजयी शुरुवात

Headline19 hours ago

सान्चेजले कोपा अमेरिकाको समुह चरणका खेल गुमाउने 

Trending

error: Content is protected !!