Headline
टच लाइनबाटै ‘मर्डर’ हुँदै आएको अनुशासन
Published
3 years agoon
नेपाल सुपर लिग (एनएसएल) मा देशकै प्रतिष्ठित व्यापारिक घरानाहरु संलग्न छन् । आयोजनाका दौरान चौधरी ग्रुपको नेपाल स्पोर्ट्स एण्ड इभेन्ट्स म्यानेजमेन्टले प्रतियोगिताको लागि बेग्लै ‘हाइप क्रिएट’ गरेको थियो ।
लकडाउनमा जारी नेपालको एक मात्र खेलकुद प्रतियोगिता भएकै कारण पनि नेपाल सुपर लिगले असिमित चर्चा पाइरहेको छ । ‘कम्पिटिटिभ’ (प्रतिस्पर्धात्मक) फुटबलको हिसाबले एनएसएल राम्रो छ ।
काठमाडौं रेजर्सको ‘टिम एन्थम’ सुन्ने हो भने एनएसएल नेपालको बिछट्टै फुटबल प्रतियोगिता रहेको आभाष दिन्छ । काठमाडौंको टिम एन्थमका लागि नेपालका टप र्यापर युनिक पोएटले आवाज दिएका छन् ।
मोरङ्ग अटोले बितरण गर्दै आएको रेजर्स स्कुटरको प्रचार डोमिनेटेड भएपनि युनिक पोएटको र्यापले यस्तो ग्लयामरस फुटबलको वातावरणतर्फ लिएर गएको छ जुन नेपाली फुटबलमा अहिलेसम्म देख्न पाइएकै थिइएन। र, शायद यो नै व्यवसायिक र ग्ल्यामरस फुटबलको उच्च बिन्दु हुन सक्छ जुन समयसँगै परिमार्जित हुने दम राख्छ ।
नयाँ स्वाद र निकै नै व्यवसायिक रुपले सञ्चालन भइरहेको प्रतियोगितामा शनिबार बिराटनगर सिटी एफसीले भने दाग नै लगाइदियो ।
गर या मर स्थितिमा रहेको खेलमा ललितपुर सिटी एफसीबिरुद्धको खेलमा बिराटनगरले ६३ औं मिनेटमा खेल बहिष्कार गर्ने निर्णय गर्यो । उसले आफ्ना सबै खेलाडीहरुलाई फिर्ता पनि बोलायो । मैदानमा बिराटनगरका एक मात्र खेलाडीको रुपमा स्पेनिस पेद्रो मान्जी रहे ।
बिराटनगरलाई रेफ्रि कबिन व्यन्जनकारको निर्णय प्रति घोर आपत्ति थियो । पहिलो हाफमा एक गोलले पछि परेको स्थितिमा ५२ औं मिनेटमा सुनिल बल ललितपुरको बक्समा बिपक्षि खेलाडीसँगको चुनौतिमा लडेपछि बिराटनगरले पेनाल्टीको अपिल गर्यो ।
रेफ्रि व्यन्जनकारले ‘प्ले अन’ को इशारा गरे पछि बिराटनगरको बेञ्च निकै क्रुद्ध बन्यो । बेन्चका सबै अफिसियलहरु टच लाइन क्रस गर्दै रेफ्रिमाथि आक्रोश पोख्दै थिए । केही बेरमै स्थिति साम्य पनि भयो ।
बिराटनगरले गोलका लागि निरन्तर प्रयास गरेको कारण रक्षापंक्ति केही खुकुलो बन्दा अन्जन बिष्टले काउन्टर अट्याकमा बिमल रानालाई गोलको अवसर मिलाए ।
ललितपुरले गोल गर्यो, एक कदम प्ले अफ तर्फ चाल्यो । बिराटनगर प्रतियोगिताबाटै बाहिरिने संघारमा पुग्यो । तर रेफ्रिको १० मिनेट अगाडीको निर्णयको बिरोधमा उसले आफ्ना खेलाडीहरुलाई फिर्ता बोलायो ।
प्रशिक्षक यान ल आफै हातले इशारा गर्दै खेलाडीहरुलाई बाहिर बोलाउदै थिए ।
यान ल आफैलाई व्यवसायिक मान्छन् । भारतीय प्रथम श्रेणीको प्रतियोगिता आई लिग क्लब अजवाल एफसीका प्रशिक्षक हुन् उनी । उमेरका हिसाबले सफल पनि ।
तर यो आइडिया चाही कसको हो ?
सभ्य भाषामा यो पूर्ण रुपमा खेल भावना बिपरितको कार्य थियो । तर बिराटनगरको बेन्चले चालेको कदमलाई उसकै व्यवहार अनुसार लेखिने हो भने यो त टोल तिर चाड पर्वको समयमा खेलिने खशी–बोका–भाले कप जस्तो भएन र ?
“मलाई रेफ्रिको पारा मन परेन, त्यै भएर म यो गेम खेल्दै खेल्दिन,” बिराटनगरले लोकल रुपमै यस्तै संकेत गरेको थियो ।
प्रतियोगितामा नेपाली रेफ्रिहरुको प्रदर्शनलाई लिएर आलोचना नभएको होइन । यसअघि बुटवल लुम्बिनी एफसीबिरुद्धको खेलमा पनि यान ल ले नेपाली रेफ्रिहरु आफुले सामना गरेको मध्ये सबैभन्दा तल्लो स्तरको रहेको भन्दै आलोचना गरेका थिए ।
लिगमा सहभागी झण्डै सबै टोलीहरुलाई रेफ्रिको प्रदर्शन चित्त बुझेको छैन । तर यो ‘ग्लोबल’ समस्या हो । होजे माउरिन्हो, जिनेदिन जिदान, पेप ग्वार्डियोला वा अहिले सकृय भएको स्थितिमा सर एलेक्स फर्गुसनलाई पनि यस्तै समस्या हुने थियो । तर उनीहरुले कहिल्यै पनि खेल छाडेनन् ।
यान ल ले नेपाल सुपर लिग नेपाली फुटबललाई अर्को स्तरमा लैजाने प्रयासमा रहेको तर रेफ्रि पनि बिदेशी नै प्रयोग गर्दा उचित हुने अभिव्यक्ति दिए ।
नेपाली फुटबललाई नेपाल सुपर लिगले अर्को स्तरमा लाने प्रयास भएको महसुस गर्दा गर्दै यान ल कसरी यसमा दाग लगाउने समुहको हिस्सा बने ।
बिराटनगरले खेल भावना बिपरित काम गरेकै हो, यसमा कुनै दुविधा नै छैन तर यो के नेपाल सुपर लिगमा पहिलो पटक भएको हो ?
होइन ।
यसअघि बिराटनगर र काठमाडौं रेजर्सबीचको खेलमा तनाव उत्तिकै थियो तर त्यो मैदानमा देखिएको थिएन । खेलमा भएका निर्णयलाई लिएर रेफ्रिमाथि अपशब्द प्रयोग गर्दा बिराटनगर र काठमाडौं दुवै तर्फका बेन्चका अफिसियलहरुलाई रेड कार्ड दिइएको थियो ।
नेपाल सुपर लिग फरक भएपनि यसमा संलग्न टिमका कोचिङ्ग स्टाफ र अफिसियलहरु पूर्ण रुपमा नेपाली फुटबलसँग लामो समयदेखि आबद्ध रहदै आएकाहरु छन् । यो यस्तो व्यक्तिहरुको समुह हो जसलाई टच लाईनमा देखाउनु पर्ने अनुशासनलाई लिएर निकै कम ज्ञान छ ।
टच लाईनको वातावरणले नै टिमले मैदानमा देखाइरहेको खेललाई प्रतिविम्बित गर्छ । शनिबार बिराटनगरका बिजय धिमालले दुई गोल खाइ सकेपछि अनावश्यक फउल गर्दै बिमल रानालाई लडाउदा दोहोरो पहेलो कार्ड खादै मैदान छोड्नु त्यही टचलाइनको वातावरणको परिणाम थियो ।
पछिल्लो पटक उच्च स्तरको घरेलु फुटबल नै बेइज्जत हुनु परेको परिस्थिति कहिले थियो भन्ने बिषयमा रेकर्ड नै पल्टाउनु पर्छ । बि डिभिजनमा भएका होलान् वा त्यस्तै खशी–बोका–भाले कपमै ।
स्ट्याण्डर्ड फरक हुने दावी गरिरहदा भने यो पहिलो हो ।
सबैभन्दा घिनलाग्दो वातावरण सात बर्षअघि मध्यपुर युथ एशोसिएसनले सृजना गरेको थियो जब उ ए डिभिजन लिग फुटबलबाट रेलिगेट भएको थियो । निकै नै तनावग्रस्त स्थितिमा रेलिगेट हुने निश्चित हुँदा पहिले नै बिग्रिएिको वातावरणमा घिउ थप्दै मध्यपुरको बेन्च रेफ्रिको निर्णयलाई लिएर नै उग्र रुपमा तोडफोडमा उत्रिएको थियो ।
खाँटी मध्यपुर जनसंख्याले रँगशालामा तोडफोड गर्दै अझै लाजमर्दो स्थिति सृजना गर्यो । मध्यपुरका प्रशिक्षक नेपाली फुटबलका गोलकिपिङ लेजेण्ड उपेन्द्रमान सिँह थिए । उनले यसलाई शान्त गर्ने कुनै प्रयास गरेनन् ।
हास्यास्पद रुपमा हाल फिफाद्वारा प्रतिबन्धित पुर्व अध्यक्ष गणेश थापाको नेतृत्वले रेलिगेट भएको मध्यपुरलाई एक बर्ष ए डिभिजनमा रहन नपाउने निर्णय सुनायो । उपेन्द्रमान सिँह अहिले एन्फाका उपाध्यक्ष र एनएसएलका म्याच कमिसनरका रुपमा पनि कार्यरत छन् ।
कुरा उपेन्द्रमान सिँहको मात्र होइन ।
नेपाली फुटबलमा लामो समयदेखि बेन्चबाटै यस्तो बखेडा शुरु हुँदा धेरैले मतलब नै गरेका हुदैनन् । नेपाली फुटबलको सर्वोच्च निकाय एन्फालाई त झन यसको खासै मतलब पनि छैन ।
खेलाडीमा अुनशासन भएन भन्ने धेरैले भन्दै आएका छन् । तर बेन्चबाटै अनुशासनको ‘मर्डर’ हुँदै आएको बिषयमा शायद कसैले बोलेकै छैनन् । कसैले सोचेका छैनन्, ध्यान दिएका छैनन् अथवा मतलव नै गरेका छैनन् ।
यस्तै मर्डर शनिबार बिराटनगरले गरेको हो । यो यस्तो मर्डर थियो जसले अन्जन बिष्टको घरेलु फुटबलकै सबैभन्दा उत्कृष्ट प्रदर्शनलाई छाँयामा पारिदियो । तथ्यांकमा अन्जन कुनै समय आउलान् तर उनीबाट सबै लाइमलाइट खोसिएको छ ।
यो यस्तो मर्डर हो जसले लामो समयदेखि नेपाली फुटबलमा लामो समयदेखि चल्दै आएको अनुशासनहीनतालाई नजर अन्दाज गर्दै आएको स्थितिलाई स्पष्ट रुपमा प्रतिविम्बित गरेको छ ।
A practicing journalist in the field for over decades. Previously worked from three national English dailies. Assistant Sr Sub-Editor @ The Kathmandu Post Reporter/Sub-Editor @ The Himalayan Times Stringer @ The Rising Nepal
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।