Headline
नेपाल सुपर लिगः पहिलो सप्ताहको पाँच प्रमुख हाइलाइट्स
Published
3 years agoon
By
wesportzघरेलु फुटबलको पहिलो फ्रान्चाइज प्रतियोगिता नेपाल सुपर लिगको पहिलो सप्ताहको अन्त्य भएको छ । प्रतिस्पर्धात्मक देखिएको प्रतियोगितामा कुनै पनि टिमले पूर्ण रुपमा डोमिनेट गर्न सकेको छैन । अंक तालिकामा बुटवल लुम्बिनी एफसी गोल अन्तरका आधारमा चार अंक सहित शिर्षस्थानमा छ ।
एक खेल बढी खेलेका धनगढी एफसी, पोखरा थण्डर्स र काठमाडौं रेजर्सको पनि समान चार अंक रहेको छ । पहिलो सप्ताह खेलाडीहरुलाई आफ्नो टिमभित्र नै सेट हुन समस्या देखिरहदा केही क्षणहरु यस्ता छन् जुन सम्झनलायक छन् । हेरौं त्यस्ता पाँच क्षणहरुः
सन्तोष तामाङ गोल
धनगढी सिटी एफसीबिरुद्धको खेलमा बिराटनगरले २ गोलको अग्रता लिइसकेको थियो । ५६ औं मिनेटमा दोश्रो गोल गरेको बिराटनगरले अर्को खतरनाक मुभ बनायो । सुनिल बलसँग वान–टु पास खेल्दै डि एरिया भित्र छिरेका सन्तोषले टर्न लिदै प्रहार गरेको गोल निकै आकर्षक थियो ।
सन्तोषले गरेको टर्न नेपाली फुटबलमा बिरलै देख्न पाइन्छ । पछिल्लो केही समय राम्रो फुटबल खेलिरहेका सन्तोषको गोलहरु हेर्न लायक हुने गरेका छन् । धनगढीबिरुद्धको गोल पनि त्यस्तै थियो । उनकै गोलले धनगढी खेलमा फर्कन असफल रह्यो र खेल बिराटनगरले ३–० ले जित्यो ।
कमल र टंकको फ्लुक
एफसी चितवन र ललितपुर सिटी एफसीबीच भएको खेलको पहिलो हाफ बराबरीमा टुङ्गिएको थियो । दोश्रो हाफको शुरुवातमा ललितपुरले खेलमा अग्रता लियो तर उसको गोल कसैले नपत्याउने किसिमको थियो ।
दाँयाबाट कमल श्रेष्ठले बल लादै गर्दा २५ यार्डबाट क्रस निकाले । उनको क्रसले गोलकिपर बिशाल सुनारलाई उचाई र दिशाले धोका दियो । बल सिधै पोस्ट भित्र पस्यो ।
टंक बस्नेतले धनगढी एफसीका काठमाडौं रेजर्सबिरुद्ध त्यस्तै गोल गरे । टंकको क्रस बारमा लाग्दै काठमाडौंका कप्तान तथा गोलकिपर बिकेश कुथुको घुँडामा ठोक्किएर गोल हुन पुग्यो ।
बिशाल सुनारको डबल सेभ
बिशाल सुनारले सम्भवत प्रतियोगिताकै उत्कृष्ट गोलकिपिङ्गको नमुना प्रस्तुत गरेका थिए । चितवनका गोलकिपर बिशालले ललितपुरबिरुद्धको खेलमा पेनाल्टीमात्र बचाएनन् केही मिलि सेकेण्डको निर्णयले नै आफू माथिल्लो स्तरको लागि तैयार भएको साबित गरिदिए ।
२० औं मिनेटमा प्राप्त पेनाल्टीमा अञ्जन बिष्टले गरेको प्रहारमा राम्रो निर्णय गर्दै दायाँ तर्फ डाइभ हान्दै रोकिदिए भने रिबाउण्डमा बिमल रानाले नजिकैबाट गरेको प्रहारलाई पनि छेकेका थिए । लगत्तै पाएको कर्नरमा पनि बिशालले डाइभ गर्दै अर्को प्रहार बचाएका थिए ।
किरणको मोमेन्ट अफ म्याडनेस
किरण चेम्जोङ्ग नेपाली राष्ट्रिय टोली र धनगढी एफसीका कप्तान हुन् भने क्लबका आइकोनिक खेलाडी । उनलाई टिमलाई सम्हाल्नु पर्ने जिम्मेवारी ठूलो छ । तर किरणले ललितपुर बिरुद्धको खेलमा उनीबाट अपेक्षा नभएको काम गरे ।
ललितपुले प्रहार गरेको एक कर्नरमा बल समाति सकेपछि किरण बल किक गर्न दगुरे । तर उनले अञ्जनलाई अनावश्यक रुपमै कुहिना प्रहार गरेर लडाए । अगाडी नै रहेका रेफ्रि प्रकाश श्रेष्ठले सबै कुरा स्पष्ट देखे । उनले किरणलाई पहलो कार्ड देखाउदै धनगढीबिरुद्ध पेनाल्टी दिए ।
तर पेनाल्टीमा किरणले नुर्लान जाहिदको प्रहार आरामले समाति दिए । खेलमा पछि १–१ गोल भयो । किरणले टिमलाई खतरामा पारे तर उनले नै जोगाए । पछि उनले खेलमा यस्तो क्षण कहिले काही हुने भन्दै समझादारी पुर्वक ह्याण्डल गरे ।
फुटबलका ‘फरेस्ट गम्प’ रवि पासवान
हलिउड चलचित्र फरेस्ट गम्पका मुख्य पात्र हुन फरेस्ट गम्प । अमेरिकाको भियतनाम युद्धको पृष्ठभुमि र यस वरिपरिका घटना वरिपरि रहेर बनाइएको चलचित्रमा टम ह्यांक्स मुख्य पात्र हुन् । फरेस्ट जीवनमा धेरै कुरा गर्छन्, युद्धमा पनि सहभागी हुन्छन् ।
अमेरिका फर्किएपछि उनी एक दिन अचानक कुद्न थाल्छन्, र कुदिरहन्छन् । उनलाई अरुले नी पछ्याउछन् । अनि एक दिन बिचमै रोक्किएर घर फर्कन्छन् । अरुले सोध्दा आफू कुदेको कारण नै थाहा हुदैन ।
रवि पासवान नेपाली फुटबलका फरेस्ट गम्प हुन् । उनी कुदेको कुद्यै छन् । शायद नेपालमै भएको थ्री नेसन्स कपदेखि नै कुदिरहेका छन् । अग्रपक्तिमा खेल्दै आइरहेका रविको कुदाईले बिपक्षी टोलीलाई एकाध पटक डिस्टर्ब गर्ने बाहेक अरु खासै उल्लेखनीय केही गरेको छैन ।
यो श्रृंखलालाई उनले लगातार तेश्रो खेलमा पनि कायम राखे । रवि कुदे तर त्यसको मतलब निकै कम निक्लियो । शुक्रबार पोखराले काठमाडौं रेजर्सबिरुद्ध खेल्दा बेगले कुद्दै उनले एक सटिक तर तुफान क्रस निकाले, त्यसलाई नवयुग श्रेष्ठ र आयुष घलानले कनेक्ट गर्न सकेनन् ।
अर्को क्षणमा मिडफिल्डबाट आएको लामो पासलाई रविले कुदेरै काठमाडौंको पेनाल्टी बक्स भित्र लिन्छन् । अलिकति मात्रै अगाडी बढेर आफै प्रहार गर्नु पर्ने बलमा उनी क्रस निकालिदिन्छन् । तर त्यहा कोही हुदैनन् । रविले आफू कुद्नुको अर्थ खोज्नु जरुरी देखिन्छ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।