Headline
राम्रो फुटबल खेल्दा खेल्दै पनि किन चुकिरहेको छ ललितपुर सिटी एफसी ?
Published
3 years agoon
ललितपुर सिटी एफसीको खेल्ने शैली आकर्षक छ । उसले बिपक्षीको पोस्टमा बुन्ने गरेको आक्रमणले लोभ्याउन सक्छ । तर उसले नेपाल सुपर लिगमा एक खेल पनि जित्न सकेको छैन भने अंक तालिकाको पुछारमा छ ।
आफ्नो पहिलो खेलमा नै ललितपुर काडमाडौं रेजर्ससँग स्तब्ध बन्न पुग्यो । मेसुके ओलुमोउको एक मात्र गोल निर्णायक बन्दा ललितपुरले पहिलो खेलमै तीन अंक गुमाएको थियो ।
सेटका खेलाडीसँग राम्रोसँग प्रशिक्षण गर्न नपाएको र तयारी समय कम हुँदा पहिलो खेलमा चुकेको प्रशिक्षक प्रदिप हुमागाँईले स्वीकारेका थिए । ललितपुरका विदेशी खेलाडीको प्रदर्शन औषत थियो ।
राम्रो पासिङ र खेलाडीमा कडा मिहिनेत देखिए पनि अग्रपंक्तिमा ललितपुर फिक्का देखियो । तर, ललितपुरको खेललाई नियाल्न एक खेल काफी थिएन ।
ललितपुरले दुई दिनको अन्तरमा एफसी चितवनसँग दोस्रो खेल खेल्यो । पेनाल्टीमा मार्की खेलाडी तथा कप्तान अन्जन बिष्ट चुके । पहिलो हाफमा ललितपुर चुस्त देखियो तर परिणाम त्यही । फ्रन्टलाइनमा मुभ नै बनेनन् । ४९ औँ मिनेटमा ललितपुर भाग्यमानी सावित भयो ।
कमल श्रेष्ठले क्रस गरेको बल चितवनका गोलरक्षक बिशाल सुनारलाई बिट गर्दै सिधै गोल हुन पुग्यो । ललितपुरले प्रतियोगितामा आफ्नो पहिलो गोल गर्यो तर ९० मिनेट पछिको इन्जुरी समयमा पेनाल्टीमा गोल खान पुग्यो ।
अमित तमाङले कुनै गल्ती नगर्दै चितवनलाई निरास हुन दिएनन् र पहिलो खेलमा अंक दिलाएरै छोडे ।
म्याच किल गर्ने कोही भएन
ललितपुरको चितवनसँगको खेललाई नराम्रो भन्न पक्कै मिल्दैन तर फुटबलको भाषामा लेख्दा त्यो खेल चितवनले ’शो स्टिल’ नै गरेको थियो । कमलको गोलपछि ललितपुरले चार वटा निकै राम्रो मुभ बनायो ।
कमल र अन्जनले क्रसमा दुई–दुई मुभ बनाउदै बललाई पेनाल्टी एरियामा पनि झारे तर बिमाल राना र नुर्लान जाहीद फिनिसिङमा चुक्न पुग्दा टाउको समाउदै आफ्नै क्षेत्रमा फेरी फर्किए । ललितपुरले एक अंकमै चित्त बुझायो । प्रशिक्षक हुमागाँई पनि आफुलाई केही दवाब छैन भन्दै पोस्ट म्याच कन्फ्रेन्समा जटिल प्रश्नहरुलाई टारि दिए ।
पुछारमा रहदै ललितपुरले बिहीबार धनगढी एफसीको सामना गर्यो । खेलमा पुरानै गल्ती दोहोरिए । धनगढीका गोलरक्षक कप्तान किरण चेम्जोङले ४२ औं मिनेटमा अन्जन माथि अनावश्यक रुपमा कुहिनाले प्रहार गरे ।
आखै अगाडी भएको फाउलका कारण रेफ्रि प्रकाश श्रेष्ठले पेनाल्टी दिए । पेनाल्टी प्रहार गर्न बिदेशी खेलाडी नुर्लान जाहिद आए । तर किरणले सहज रुपमै बल समाते । ललितपुरले लगतार दुई खेलमा दुई पेनाल्टी मिस गर्यो ।
पहिलो हाफमा ललितपुरले धनगढीलाई दवाबमा पनि राख्यो तर दोस्रो हाफको ७२ औं मिनेटमा बिशाल राइको कर्नरमा ललितपुरका अर्पण कार्कीको पञ्च फितलो हुँदा पेनाल्टी एरिया भित्रैबाट अशोक खवासले प्रहार गरेको बल अञ्जनको कुम्भमा लागेर अनमार्क रहेका ओलावाले ओलादिपो अफिजले हेडर मार्फत गोल गर्दै धनगढीलाई पहिलो अग्रता समेत दिलाए ।
ललितपुरले कैयौं मौका खेर फाल्दा ओलावालेले एक मौकामा गोल गरिदिए ।
ललितपुर निराश भयो ।
लगातारको प्रयासपछि पनि एक गोल खाएको ललितपुरका लागि गोलको सपना भने जिवितै थियो । प्रशिक्षक हुमागाँईले ७६ औँ मिनेटमा रन्जन बिष्टलाई बिमल रानाको स्थानमा मैदान छिराउने निर्णय लिए र त्यसले रङ्ग ल्यायो ।
७८ औं मिनेटमा कमल श्रेष्ठले दिएको लामो पास फर्किएर आउदा रञ्जनले गरेको प्रहार डिफेण्डर दिनेश राजंशीको निधारमा डिफ्लेक्ट हुदै गोल हुन पुग्यो । ललितपुर एक अंक लिन सफल भयो । अघिल्लो खेलमा चितवनले जितेको खेल हातबाट खोस्दा यो खेलमा भने ललितपुर बराबरीका लागि योग्य थियो ।
असफल अग्रपंक्ति
ललितपुरको खेलाडीहरुको औषत उमेर हेर्ने हो भने २६ वर्ष रहेको छ । यो उमेर कुनै पनि फुटबलर आफ्नो उच्च फर्ममा हुने उमेर हो । ललितपुरमा पनि त्यस्तै छ ।
२८ वर्षका स्ट्राइकर बिमल राना गएको ए डिभिजन लिगको दोस्रो सर्वाधिक गोलकर्ता थिए । विदेशी खेलाडी नुर्लान पनि २८ बर्षकै छन् र उनी अजरबैजानका राम्रै खेलाडी हुन् । अर्का विदेशी खेलाडी भिलिम पोसिन्कोभिच त झन ललितपुरले निकै आशा राखेका खेलाडी हुन् ।
तर, बिडम्बना यी फर्वार्डहरु ललितपुरका लागि चल्न सकेका छैनन् । गोलका लागि यिनीहरुले प्रहर गरेको शट हेर्ने हो भने पनि ४० प्रतिशत भन्दा कम प्रहार ’सट अन टार्गेट रहेको छ । कुनै पनि फर्वार्डका लागि यो राम्रो तथ्यांक होइन ।
धनगढी बिरुद्ध पेनाल्टीमा चुकेका नुर्लान अन्य दुई मौकामा पनि गोलपोस्ट नजिक थिए । तर दुवै पटक उनको प्रयास फितलो देखिएको थियो ।
दोहोरो भुमिकाको भार
मिडफिल्डमा निकै सम्भावना बोकेका युवा एरिक बिष्ट छन् । उनको ’बल डिस्ट्रिब्युसन’ र ’एक्युरेसी’ पनि राम्रो छ तर एरिक ललितपुरको मिडफिल्डमा केही सुस्त देखिन्छन् । उनी सुस्त हुनुको कारण एक्लैले निभाउनु पर्ने डिफेन्सिभ र अट्याकिङ मिडफिल्डको भूमिका हो ।
एरिकले खेल बनाउनका लागि लामो र थ्रु बल राम्रै दिन्छन तर कुनै बेला मिस पास भएको अवस्थामा उनी आँफै डिफेन्ड गर्न पुग्छन् ।
अर्का मिडफिल्डर नविन लामा पनि अट्याकमा भन्दा डिफेन्समा चुस्त देखिन्छन् । मैदानमा पासका लागि खाली ठाउँ बनाउछन् तर एरिक ’रोमिङ मिडफिल्डर’ भएका कारण ललितपुरको मध्यपंक्ति खाली नै देखिन्छ ।
ललितपुरले खेल्ने फुटबललाई नराम्रो भन्ने कुनै ठाउँ छैन तर पनि मिडफिल्डमा एरिकलाई अझै खतरनाक मुभ बनाउन दिने हो भने ललितपुरले बिनोद गुरुङलाई डिफेन्सिभ मिडफिल्डमा उतार्दा ठीक देखिन्छ ।
पोसिन्कोभिचले पनि आफ्नो उचाइको फाइदा उठाउन सकिरहेका छैनन् । उनी स्लो देखिन्छन् भने पेनाल्टी एरियाभित्र पनि उनी खतरा रहेको आभाष दिन असफल रहेका छन् ।
तीन खेलबाट मात्रै दुई अंक बटुल्दा ललितपुरको लागि अब प्लेअफको सम्भावना केही कठिन देखिएको छ । तर प्रतियोगिता एकपछि अर्को अनपेक्षित परिणाम आउदा ललितपुरले अन्य खेलहरुमा जित निकाल्ने हो भने आशा जीवितै रहन सक्छ ।
गौरव फुयाल नेपाली खेल्कुद पत्रकारितामा नयाँ नाम हो । उनी फुटबल विश्लेषक हुन् । उनले बिशेष गरि फुटबलबारे लेख्ने गर्दछन।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।