Connect with us

Headline

युरोपियन सुपर लिग: यो भनेको के हो ? के यसले पुर्णता पाउला ?

wesportz

Published

on

युरोपका ठुला १२ क्लबहरुले नयाँ युरोपियन सुपर लिगको घोषणा गरेका छन् । युरोपका शिर्ष क्लबहरुले युएफाबाट टाढा जादै आफ्नो नयाँ प्रतियोगिता बनाउने घोषणा गरेका थिए । त्यसइ अनुरुप आईतबार राती युरोपियन लिगको घोषणा भयो ।

पहिलो सिजन अन्य तीन क्लब सहित १२ संस्थापक क्लबहरू खेल्ने आइतबार राती निकालिएको एक विज्ञप्तिमा भनिएको छ ।

युरोपियन लिगको शिर्जना कसरी भयो ?

युरोपका ठुला क्लबहरुले युएफासँग टाढिने निर्णय गरेसँगै आफ्नै नयाँ प्रतियोगिता बनाउने घोषणा गरे जहाँ १२ संस्थपाक क्लबहरुले पैसा लगानी गर्ने छन् ।
शिर्ष क्लबहरुले युएफाको विरुद्धमा जाँदै एक नयाँ युरोपियन प्रतियोगिता गर्ने छन् ।

कुन-कुन क्लब संलग्न छन् ?

प्रिमियर लिगका शिर्ष छ क्लबहरु- म्यानचेस्टर युनाइटेड, म्यानचेस्टर सिटी, चेल्सी, टोटनह्याम, लिभरपुल र आर्सनल सबै क्लब यस्मा संलग्न रहेका छन् । यस्तै अन्य क्लबहरुमा इटालीबाट एसी मिलान, इन्टर मिलान र युभेन्टस । स्पेनबाट रियल म्याड्रिड र एट्लेटिको म्याड्रिडहरु संस्थापक क्लबका रुपमा रहने छन् । यस्तै जर्मनीबाट बायर्न म्युनिख र फ्रान्सबाट पिएसजीलाई प्रस्ताव राखे पनि उक्त क्लबहरुले युरोपियन सुपर लिग नखेल्ने बताएको बिभिन्न संचार माध्यामहरुले बताएका छन ।

यस्तै अन्य लिगका तीन क्लबहरु पनि उद्घाटन सत्रको अगाडि सामेल हुने बताइएको छ ।

यस्तो कसरी हुन पुग्यो ?

विश्वव्यापी महामारीले विद्यमान यूरोपीयन फुटबलको आर्थिक मोडेलमा अस्थिरताको बढे पछि युरोपका शिर्ष क्लबहरुले युरोपियन सुपर लीगको गठन गर्ने निर्णय गरेका थिए ।

यसबाहेक, धेरै वर्षसम्म, संस्थापक क्लबहरूले प्रत्येक सिजन अवस्थित यूरोपीयन प्रतिस्पर्धाको गुणस्तर सुधार गर्ने, र नियमित क्लबमा प्रतिस्पर्धा गर्न शीर्ष क्लबहरू र खेलाडीहरूको लागि ढाँचा सिर्जना गर्ने बताएका छन् ।

कोरोना महमारीका कारण लामो समय फुटबल बन्द हुँँदा युएफाले क्लबहरुलाई नहेरेको आरोप लाग्दै आएको थियो । त्यस पछि क्लबहरुले एक बैठकमा युरोपियन लिगको सिर्जना गर्ने निर्णय गरेका थिए । युरोपियन लिगका मुख्य योजनाकार रियल म्याड्रिडका अध्यक्ष फ्लोरेन्टइनो पिरेज रहेको संचार मध्यामहरुले जनाएका छन् ।

खेलहरु कसरी हुने छन्?

क्लबहरुले आफ्नो घरेलु लिगहरु खेल्दै युएफा च्याम्पियन्स लिग हुने दिन भने युरोपियन सुपर लिग खेल्ने छन् । सुपर लिगमा ११ संस्थापक सहित पहिलो वर्ष तीन अन्य क्लबहरु पहिलो सिजन खेल्ने छन् । यस्तै सुपर लिगले पाँच टोलीलाई हरेक वर्ष क्वालिफायर्सबाट समुह चरणमा लने छ । कुल २० क्लबले खेल्ने यो प्रतियोगिता दुई समुहमा विवाजित हुँदै ‘होम एन्ड अवे’ को आधारमा एक वर्ष खेलाइने छ ।

“समूह चरण पछि, आठ क्लब नाकआउट प्रतियोगिताको लागि क्वालिफाइ हुनेछन् र त्यस पछि भने सुपर लिग च्याम्पियन्शिप नाम दिदै चार क्लबले प्लेअफ खेल्ने छन्,”सुपर लिगको वेब्साइटले लेखेको छ ।

“खेलहरु सबै मध्यसातामा हुने छ भने क्लबहरुले आफ्नो घरेलु लिग पनि खेल्ने छन्।” वेब्साइटमा उल्लेख छ ।

लिगमा कती लाग्नी छ ?

अमेरिकी बैंक जेपी मोर्गनले यस नयाँ परियोजनाको लागि करीव ५ बिलियन डलर दिने छ ।

के यसले पूर्णता पाउला ?

युरोपियन सुपर लिगको स्थापना भएको केही मिनेटमै युरोपियन फुटबलको सर्वोच निकाय युएफा, प्रिमियर लिग, ला लिगा, सिरी आ सबैले बिज्ञप्ती जारी गर्‍यो । जहाँ लेखिएको थियो,”युएफा इङ्ल्याण्ड फुटबल संघ र प्रीमियर लिग, रोयल स्पेनिश फुटबल संघ (आरएफईएफ) र लालिगा, र इटालियन फुटबल महासंघ (एफआईजीसी) र लेगा सिरी आ का केही क्लबहरू घोषणा गर्ने योजना गर्दै गरिएको युरोपियन सुपर लिगको घोर भर्षना गर्दछ,”

“यो प्रतियोगिताको योजना सफल भएमा क्लबहरुले आफ्नो घरेलु लिग खेल्ने पाउने छैनन् भने खेलाडीहरुले पनि आफ्नो देशका लागि अन्तराष्ट्रिय खेलहरु खेल्ने छैनन्,”बिज्ञप्तीमा लेखिएको छ ।

अब यस्तो अवस्थामा भने यि १२ क्लबहरुले युरोपियन सुपर लिगको घोषणा गरिसक्दा यस्ले भने पूर्णता पाउने हो या हैन त्यो सबै फुटबल समर्थकको बिषय बनेको छ । यो प्रतियोगिताले धनी क्लब अझै धनी र गरीब अझै गरीब हुने पनि संचार मध्यामहरुले बताउदै आएका छन् ।

Headline

काठमाडौं रेजर्स नेपाल सुपर लिगको फाइनलमा

wesportz

Published

on

दुई बिदेशी खेलाडीको उच्च प्रदर्शनमा काठमाडौं रेजर्स ललितपुर सिटी एफसीलाई ३–० को फराकिलो अन्तरले पराजित गर्दै नेपाल सुपर लिगको फाइनलमा प्रवेश गरेको छ ।

मेसुकेले पहिलो हाफमा दुई र स्टेफन समिरले दोश्रो हाफमा एक गोल गरेपछि काठमाडौंले शनिबारको लागि धनगढीसँग उपाधि भिडन्त पक्का गर्यो । काठमाडौं लिग चरण र पहिलो क्वालिफायरमा धनगढीसँग पराजित भएको थियो ।

२४ घण्टा नबित्दै दोश्रो खेल खेलिरहेको ललितपुरले पहिलो हाफमा दुई पटक स्पष्ट गोल अवसर खेर फालेको थियो । तर काठमाडौंले भने पाएका मौकाहरुमा चाहे अनुरुपको फिनिसिङ्ग गरेको थियो ।

मेसुके एक पटक फेरि अब्बल रहे । बक्समा खतरनाक देखिएका उनले पहिलो गोलका लागि आफै पेनाल्टी जितेका थिए भने दोश्रो गोलमा उत्कृष्ट ढँगले गोल गरेका थिए । उनले प्रतियोगितामा व्यक्तिगत छैटौं र सातौं गोल गरेका हुन् ।

दोश्रो हाफमा थकानका कारण ललितपुरको खेल प्रभावित देखिए पनि उसले निरन्तर दवाब भने बनाइरहेको थियो । तर पहिलो हाफमा जस्तै गोल गर्ने अवसर सृजना गर्न भने असफल रहेको थियो ।

खेलको शुरुवातमा नै ललितपुरले गोल गर्ने स्पष्ट मौका खेर फाल्यो । अन्जन बिष्टले बनाएको मुभमा नुर्लान जाहिदको क्रसले काठमाडौं गोलकिपर बिकेश कुथुलाई बिट गरेपनि भिलिम पोसिन्कोभिच गोललाईन नजिकैबाट साधारण ट्याप इन दिन असफर रहेका थिए ।

लगत्तै मेसुकेले बायाँबाट बक्समा निकालेको पासलाई स्टेफन समिरले टाइट एँगलबाट गरेको प्रहार पोस्टमा लागेको थियो । १३ औं मिनेटमा कमल श्रेष्ठले मेसुकेलाई बक्स भित्र लडाएपछि काठमाडौंले पेनाल्टी पाएको थियो । मेसुकेको प्रहारलाई सहि आकलन गर्दै ललितपुरका गोलकिपर अर्पण कार्कीले डाइभ गरेपनि हातमा लागेर गोल भएको थियो ।

२२ औं मिनेटमा मेसुकेले अग्रताले दोब्बर बनाएका थिए । डिफेन्डर पिटर सेगुनले बक्सभित्र चुनौति दिदाँ दिदै पनि उनको सशक्त प्रहारलाई अर्पणले रोक्न सकेनन् । २७ औं मिनेटमा ललितपुरले अर्को मौका खेलर फाल्यो । अन्जन बिष्टले निकालेको सुन्दर थ्रु बललाई गौरभ बुढाथोकीले बिकेशसँगको वान भर्सेस वान स्थितिमै बाहिर प्रहार गरेका थिए ।

५९ औं मिनेटमा अर्का समिरले ललितपुरको अफ साइड ट्रयाप बिट गरेपछि छिरिङ गुरुङको लङ्ग बललाई चेस्ट कन्ट्रोल गर्दै सेकेण्ड बारमा सहज गोल गरेका थिए । काठमाडौं तेश्रो गोलपछि रक्षात्मक रणनीतिमा उत्रदै काउन्टर अट्याकमा मात्रै जाँदा ललितपुरले निरन्तर दवाब बनायो तर पहिलो हाफ जसरी गोलको नजिक पुग्न सकेन ।

Continue Reading

Headline

मेसुकेको उत्कृष्ट प्रदर्शनपछि ललितपुरबिरुद्ध काठमाडौंलाई दुई गोलको अग्रता

wesportz

Published

on

बिदेशी खेलाडी मेसुकेले आफ्नो उत्कृष्ट लयलाई कायमै राखि दुई गोल गरेपछि काठमाडौं रेजर्सले नेपाल सुपर लिगको दोश्रो क्वालिफायरको पहिलो हाफमा २–० को अग्रता लिएको छ ।

ललितपुर दशरथ रँगशालामा दुई पटक स्पष्ट गोल गर्ने मौकामा चुक्दा मेसुकेले प्राप्त मौकालाई गोलमा परिणत गरेका हुन् । प्रतियोगितामा उनले छैटौं र सातौ गोल गरेका हुन् ।

खेलको शुरुवातमा नै ललितपुरले गोल गर्ने स्पष्ट मौका खेर फाल्यो र त्यसमा खलनायक रहे बिदेशी खेलाडी भिलिन पोसिन्कोभिच । अन्जन बिष्टले बनाएको मुभमा नुर्लान जाहिदको क्रसले काठमाडौं गोलकिपर बिकेश कुथुलाई बिट गरेपनि पोसिन्कोभिचले गोललाईन निरै साधारण ट्याप इन दिन चुकेका थिए ।

लगत्तै काठमाडौंका मेसुकेले बायाँबाट बक्समा निकालेको पासलाई स्टेफन समिरले टाइट एँगलबाट गरेको प्रहार पोस्टमा लागेको थियो । १३ औं मिनेटमा काठमाडौंले पेनाल्टी पायो र त्यसलाई मेसुकेले जितेका थिए ।

कमल श्रेष्ठले मेसुकेलाई बक्स भित्र लडाएपछि काठमाडौंले पेनाल्टी पाएको थियो । मेसुकेले पेनाल्टीमा गरेको प्रहारलाई ललितपुरका गोलकिपर अर्पण कार्कीले सही दिशामै डाइभ गरेपनि उनको हातमा लागेर गोल भएको थियो ।

२२ औं मिनेटमा मेसुकेले अग्रताले दोब्बर बनाएका थिए । डिफेन्डर पिटर सेगुनले बक्सभित्र चुनौति दिदाँ दिदै पनि प्रहार गरेको सशक्त प्रहारलाई अर्पणले रोक्न सकेनन् । २७ औं मिनेटमा ललितपुरले अर्को मौका खेलर फाल्यो । अन्जन बिष्टले निकालेको सुन्दर थ्रु बललाई गौरभ बुढाथोकीले बिकेशसँगको वान भर्सेस वान स्थितिमै बाहिर प्रहार गरेका थिए ।

बुधबार बुटवल लुम्बिनी एफसीलाई एलिमिनेटरमा पराजित गरेको ललितपुरले २४ घण्टा नबित्दै दोश्रो खेल खेलिरहेको हो ।

काठमाडौं पहिलो क्वालिफायरमा धनगढी एफसीसँग हार व्यहोरेपछि दोश्रो क्वालिफायर खेल्नु परेको थिए । यो टिमको बिजेताले शनिबार हुने फाइनलमा धनगढीसँग खेल्नेछ ।

Continue Reading

Headline

इस्तानबुलबाट पोर्टो सर्यो च्याम्पियन्स लिग फाइनल

wesportz

Published

on

२०२०/२०२१ सिजनको च्याम्पियन्स लिग फाइनल टर्कीको इस्तानाबुलबाट पोर्चुगलको पोर्टोमा सारीएको छ । टर्कीको इस्तानाबुल स्थित एटटर्क ओलम्पिक रङशालामा हुने भनिए पनि मे ३१ सम्म पूर्ण लकडाउनमा रहे पछि फाइनल पोर्टो स्थित एस्टेडीओ डि डार्गोमा सारीएको हो ।

च्याम्पियन्स लिग २०२०/२०२१ को फाइनलका लागि युईएफले दुवै चेल्सी र म्यानचेस्टर सिटीका चार-चार हजार समर्थकलाई मैदानमा प्रवेश दिने जनाएको छ । पोर्चुगलका समर्थकहरुलाई पनि मैदानमा प्रवेश दिने युएफाले बताएको छ ।
इङ्ल्याण्ड एफएले पनि फाइनल वेम्बली अथवा भिल्ला पार्कमा गराउन सम्भव भएको बताए पनि पोर्चुगल सुरक्षित रहेका कारण युएफाले फाइनल पोर्टोमा सारेको हो ।

मे २९ मा हुने फाइनलका लागि तयारी थाल्न युईएफाले पोर्चुगललाई जानकारी गरिसकेको छ । चेल्सी र म्यानचेस्टर सिटी पहिलो पटक च्याम्पियन्स लिग फाइनलमा खेल्न लागेका हुन् । २०१९ पछि फेरी दुई इङ्लिश टोलीहरु फाइनलमा भिड्दै छन् ।

Continue Reading
Headline11 hours ago

काठमाडौं रेजर्स नेपाल सुपर लिगको फाइनलमा

Headline12 hours ago

मेसुकेको उत्कृष्ट प्रदर्शनपछि ललितपुरबिरुद्ध काठमाडौंलाई दुई गोलको अग्रता

Headline16 hours ago

इस्तानबुलबाट पोर्टो सर्यो च्याम्पियन्स लिग फाइनल

Headline17 hours ago

२४ घण्टा पनि नबित्दै काठमाडौँ विरुद्ध क्वालिफायर्स खेल्दै ललितपुर

Headline18 hours ago

युरोपियन राउण्डअप: एट्लेटिकोलाई चार अंकको अग्रता, चेल्सी पराजित, पिएसजी फाइनलमा

Headline20 hours ago

श्रीलंका लंका प्रिमियर लिगको दोश्रो संस्करण आयोजना गर्दै

Headline1 day ago

अन्जनको डाइभिङ्ग हेडरसँगै ललितपुरले पायो फाइनलको लागि दोश्रो मौका

Headline1 day ago

नेपाल सुपर लिग एलिमिनेटरः बुटवल लुम्बिनी लगातार मौकामा चुक्दै

अन्तर्राष्ट्रिय2 days ago

बंगलादेशसँगको एकदिवसीय शृंखलाका लागि पारेरा कप्तान नियुक्त, चन्दिमल र म्याथ्युस टोलीमा अटाएनन्

Headline2 days ago

ललितपुर सिटी र बुटवल लुम्बिनी एलिमिनेटरमा खेल्दै

Headline5 months ago

१० फुटबलर जसले बार्सिलोना जान मानेनन्

Headline8 months ago

धेरै ऋणको भारी बोकेका पाँच युरोपेली क्लबहरु

Headline1 year ago

ब्राजिलले पाएको अहिलेसम्मकै उत्कृष्ट १० फुटबलर

Headline8 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline12 months ago

ट्रान्सफर मार्फत सर्वाधिक कमाउने ५ खेलाडी

Headline2 weeks ago

किरणले नियन्त्रण गुमाए, पेनाल्टी दिए, पेनाल्टी बचाए

Headline7 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline7 months ago

फेरि पनि टिममा अटाएनन् स्ट्राइकर बिमल

Headline11 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Trending

error: Content is protected !!