Headline
त्रिवि मैदानमा भिड्दै एशोसिएट क्रिकेटका दाजु–भाई
Published
3 years agoon
By
wesportzमलेसिया नेपाली क्रिकेटले सबैभन्दा नजिकबाट चिनेको प्रतिद्वन्दी हो । दुई टोली एक आपसमा अहिलेसम्म ट्वान्टी ट्वान्टी अन्तर्राष्ट्रियमा सात पटक खेलिसकेका छन् भने नेपालले उमेर समुहदेखि सिनियर टोलीसम्म बिदेशमा सबैभन्दा बढी खेलेको भुमि पनि मलेसिया नै हो ।
मलेसियन टोलीका कप्तान अहमद फइज पनि नेपाललाई प्रतिद्वन्दी भन्दा पनि दाजु भाइको हिसाबले हेर्ने गर्छन् । यसको कारण एशोसिएट क्रिकेटमा दुई देशबीचको सामिप्यता हो भने दोश्रो मलेसियामा रहेको ठूलो नेपाली आप्रवासी जनसंख्या ।
मलेसियामा बिभिन्न क्षेत्रमा काम गर्ने नेपालीहरुको जनसंख्या ७ लाख भन्दा बढी रहेको छ र नेपालको कुनै पनि टोलीले त्यहाँ क्रिकेट खेल्दा ठूलै संख्यामा नेपालीहरु टोलीको हौसला बढाउन मैदानमै जाने गर्दछन् । कैयो ठूलो प्रतियोगिताको प्रमुख खेलहरुमा नेपाल र मलेसिया भिड्दा नेपालीहरुकै दबदबा स्टेडियममा हुने गरेको छ ।
मलेसियालाई त्यसैले नेपाली दर्शकहरुको उपस्थितिमा खेल्ने बानी परिसकेको छ । सोमबार नेपाल र मलेसियाबीचको खेलमा दर्शकको बाक्लै उपस्थिति हुने अपेक्षा गरिएको छ जसको लागि फइज आफ्नो टोली तैयार रहेको मान्छन् ।
“दर्शकको उपस्थितिले हामीलाई निकै खुशी दिने गर्छ । बिशेषगरि नेपालमा खेल्न पाउदा निकै खुशी लाग्छ किनभने दर्शकले हामीलाई पनि समर्थन दिइरहेको हुन्छन् । खासमा नेपाल र मलेसियाको सम्बन्ध दाजुभाईको जस्तै छ,” फइजले आइतबार नेदरल्याण्ड्ससँग १५ रनले पराजित भएपछि भने ।
“धेरै नेपालीहरुले मले भाषामै बोल्न सक्छन् किनभने उनीहरु मलेसियामा रहिसकेका छन् । उनीहरु यहाँ उपस्थित हुँदा हामीलाई निकै खुशी लाग्ने गर्छ किनभने यो सबै समर्थन क्रिकेटको लागि नै हो,” उनले भने ।
मलेसियाले पछिल्लो पटक नेपाललाई एसिसि इस्टर्न रिजन ट्वान्टी ट्वान्टी एसिया कप क्वालिफायरमा हराएको थियो । ट्वान्टी ट्वान्टी अन्तर्राष्ट्रिय इतिहासमा मलेसियाको नेपालबिरुद्ध अहिलेसम्मको त्यो मात्रै एक जित हो । बाकी तीन खेल नेपालले जितेको छ ।
मलेसिया एशोसिएट क्रिकेटमा एसियाबाट सबैभन्दा सुधारिएको टोली मध्ये रहेको छ । आइतबार पनि १ सय ९२ रनको बिशाल लक्ष्य पछ्याउने क्रममा उसले १ सय ७६ रन बनाउदै नेदरल्याण्ड्सलाई दवाबमा राखेको थियो । बिशाल स्कोर पछ्याउनु पर्ने दवाब भएपनि मलेसियाले पहिलो बलदेखि नै आक्रमण गर्न थालेको थियो ।
“हामी जहिल्यै पनि आशावादी भएर खेल्न जाने गरेका छौं । हाम्रो इच्छा भनेको सकारात्मक बडी ल्याङ्गवेज लिएर खेल्ने हो । नेपालबिरुद्ध हामीले तीन खेल हारेका छौं तर यो सबै नम्बर मात्र हो । हाम्रो नयाँ पुस्ता मिश्रित खेलाडीहरुले पछिल्लो समय राम्रो गरिरहेका छन् । आज पनि झण्डै ठूलै योगफल पछ्याएको थियौं र आशा गर्छौ नेपाललाई पनि पराजित गर्न सक्षम हुनेछौं,” फइजले थपे ।
तर नेपाललाई उसकै भुमिमा हराउन मलेसियाले निकै मिहिनेत गर्नु पर्नेछ । पहिलो खेलमा नेपालले नेदरल्याण्ड्सलाई खुलेर खेल्न दिएको थिएन भने १ सय ३६ रनको लक्ष्य १५ ओभरमै मात्र एक विकेटको क्षतिमा पछ्याएको थियो ।
नेपाल थाइल्याण्डमा मलेसियाबिरुद्ध पराजित भएको प्रतियोगितामा देखिएको भन्दा पूर्ण रुपले फरक टोलीको रुपमा अगाडी आएको छ । यसलाई नेदरल्याण्ड्सका कप्तान पिटर सिलारले पहिलो खेलमा व्यहोरेको फराकिलो हार लगत्तै स्विकारिसकेका छन् ।
नेदरल्याण्ड्सलाई फराकिलो अन्तरले पराजित गरेको नेपाली टोलीमा मलेसियाबिरुद्धको खेलका लागि प्रशिक्षक डेभ ह्वाटमोरले केही परिवर्तन ल्याउन पनि सक्नेछन् ।
डेब्यु खेलमा शाहब आलमले एक विकेट लिएपनि उनले ४५ रन खर्चन पुगेका थिए । तर ह्वाटमोरको मुड शाहबलाई अझै धेरै खेल दिने पनि हुन सक्छ । पहिलो खेलमा कुशल भुर्तेल र आसिफ शेखले नै सबै काम तमाम गरेको कारण ब्याटिङ्गमा भने नेपाल बिना परिवर्तन नै उत्रन सक्नेछ ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।