Headline
बङ्गबन्धुको बदला दशरथ रङ्गशालामा लिने नेपाललाई मौका
Published
3 years agoon
By
wesportzकरीब ६ वर्ष पछि नेपालले घरेलु मैदानमा गएको बिहीबार किर्गिस्तानको यु-२३ टोली विरुद्ध खेल्यो । हुन त त्यो औपचारिक फिफा मन्यता खेल थिएन तर शनिबार नेपाली समय ५:३० बजे भने नेपालले बङ्गलादेश विरुद्ध आफ्नो थ्री नेसन कपको दोस्रो खेल खेल्दै छ । पहिलो खेलमा किर्गिस्तानलाई १-० ले हराँउदै बङ्गलादेश फाइनल पुग्दा नेपाललाई भने अझै जितको खाँचो छ ।
नेपाल र बङ्गलादेश नेपालको भुमीमा करीब ९ वर्ष पछि एक अर्का विरुद्ध खेल्दै छन् । यस अघि बङ्गलादेशमा गएको नोभेम्बरमा भएको मुजिब वर्षो सिरिज अन्तर्गत पहिलो खेलमा २-० ले हारेको नेपाललाई घरेलु भुमीमा त्यस्को बादला लिदैँ फाइनल पुग्ने मौका समेत हुने छ ।
किर्गिस्तान यु-२३ सँगको बराबरी पछि नेपालका प्रशिक्षक बालगोपाल महर्जनले उक्त खेलमा फिनिसिङमा चुके पनि बङ्गलादेश विरुद्ध त्यस्तो नहुने प्रकृया दिएका थिए । “हामी फिनिसिङमा चुक्न पुग्यौँ । कुनै खेलाडीले फाइनल थर्डमा पाएको मौकालाई सदुपायोग गर्न सकेनन् तर आउने खेलमा भने सुधारिएको प्रदर्शन देखिने छ।” उनले भनेका थिए ।
यस्तै बङ्गलादेशी प्रशिक्षक जेमी डे भने फाइनल पुगे पनि नेपाललाई कमजोर प्रदर्शन भने नगर्ने विस्पोर्टजलाई बताउछन् । “हुन त हामी फाइनल पुगिसक्यौँ तर नेपाल विरुद्धको खेलमा हामी कमजोर प्रदर्शन भने गर्ने छैनौँ,” उनले भने ।
बङ्गलादेशले पहिलो खेलको शुरुवाती ११ भन्दा केही फरक खेलाडी उतार्ने पनि उनी बताँउछन् । “हामीले पहिलो खेलमा सुरुमा मौका दिएका खेलाडीहरु छन् उनीहरुलाई यो खेलका लागि सोच्ने बेला आएको छ,” डे ले थपे । उनका अनुसार पहिलो खेलमा शुरुवातमा नखेलेका जमल भुंयान र अनुभववी गोलरक्षक अनिसुर रहमान शुरुवाती ११ मा आउन सक्ने मौका छ ।
कस्तो छ हेड टु हेड ?
नेपाल र बङ्गलादेश अहिले सम्म २१ पटक आमने समाने भएका छन् । नेपालले बङ्गलादेशसँग आफ्नो फुटबल ईतिहासमै सर्वधिक २१ खेल खेलेको छ । जहाँ बङ्गलादेशले १३ खेल जित्दा नेपालले ६ खेल मात्र जितेको छ । यि दुई टोली बिच मात्र दुई खेल बराबरीमा सकिएका छन् । २०१२ सेप्टेम्बर २० मा भएको मैत्रीपूर्ण खेलमा १-१ र २०२० नोभेम्बर १७ मा भएको मुर्जो वर्षो सिरिजको दोस्रो खेल ०-० मा सकिनु बाहेक यि दुई टोलीले अन्य खेल बराबरी खेलेका छैनन् ।
प्लेयर्स टु वाच
रोहित चन्द -डिफेन्डर,नेपाल
बिरलै सेन्टर डिफेन्समा खेल्ने गरेका रोहित चन्द खास डिफेन्सिभ मिड्फिल्डर हुन तर पहिलो खेलमा किर्गिस्तान यु-२३ विरुद्ध अनन्त तमाङसँग साझेदारी गर्दै नेपालको अन्तिम डिफेन्सको रुपमा उनी निकै उत्कृष्ट देखिन्थे । इन्डोनेसियन लिग खेल्ने गरेका रोहितको लामो पास, थ्रु बल र पिङ पासहरु आफ्नो टिम सदस्यको ठ्याक्कै अगाडी झर्ने गर्छ । बङ्गलादेश विरुद्ध पनि रोहितको उस्तै प्रदर्शनको आशा गर्न सकिन्छ ।
सोहेल राना- मिड्फिल्डर, बङ्गलादेश
प्रशिक्षक जेमी डे का अनुसार बङ्गलादेश टोलीमा सबै भन्दा मिहिनेती खेलाडी हुन सोहेल राना । कप्तान जमाल भुंयान भारतको शिर्ष डिभिजनको आई-लिगमा लामो सिजन बिताएर आए पछि पहिलो खेलमा बिश्राम गर्दा प्रशिक्षकले रानालाई कप्तान बनाएका थिए । घरेलु फुटबलमा अबहानी लिमिटेडबाट खेल्ने यि २५ वर्षिय मिड्फिल्डरलाई निकै प्रभावशाली खेलाडी मानिन्छ । डिफेन्सिभ मिड्फिल्डरको रुपमा खेल्न सक्ने सोहेल राना र भुंयानको साझेदरीले बङ्गलादेशको मिड्फिल्ड झनै बलियो देखिन्छ ।
सम्भावित शुरुवाती ११ : नेपाल
बङ्गलादेश:
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।