Headline
‘रकेट गाइज’ को शिर्ष श्रेणीको उडान
Published
3 years agoon
सातदोबाटोदेखि लगनखेल जाने बाटोमा दिपावली पुस्तकालय छ । पहिले आकारमा ठूलो देखिने गरेको पुस्तकालय अहिले सडक बिस्तारका कारण खुम्चिदै गएको छ । धेरैलाई ठ्याक्कै पत्ता लगाउन गुगल म्यापको आवश्यकता पर्न सक्छ ।
त्यही पुस्तकालय पछाडि सानो टहरा बनाई २०५४ सालमा स्थापना भएको थियो सातदोबाटो युथ क्लब, एक ’प्रपर’ फुटबल क्लब बन्ने लक्ष्य सहित ।
२१ गते शनिबार क्लब परिसर भित्र ललितपुरमा बेला बखत देखिने गरेका जात्रा जस्तो माहौल थियो । क्लब भवनको वातावरण अविरको रङ्गले रातो थियो । त्यो वातावरणमा मिश्रित हुनेहरुको जमात सानो थियो तर खुशीयालीले अन्तरिक्षको शयर गर्दै थियो ।
यसको कारण थियो १५ सय मिटर पर एन्फा कम्प्लेक्समा भएको एक खेलको परिणाम । चीर प्रतिद्वन्दी खुमलटार युथ क्लब श्री भगवती क्लबसँग पराजित हुँदा सातदोबाटो आफ्नो क्लब इतिहासमै पहिलो पटक ए डिभिजन लिगमा बढुवा भयो ।
शनिबार आफ्नो खेल नरहेका कारण सातदोबाटोका पदाधिकारी, खेलाडी र स्थानीय समर्थकहरुले क्लब परिसरमै खुशीयाली मनाए ।
त्यो सातदोबाटोको खुशी थियो भने घरेलु फुटबलमा जिवित रहेको प्यासनको स्पष्ट उदाहरण ।
क्लबको रुपमा सातदोबाटोलाई फुटबल प्रति आफ्नो समर्पण साबित गर्न नै दुई दशकभन्दा बढी लाग्यो । संस्थापक अध्यक्ष महेन्द्र मानन्धरले शुरु गरेको यात्रा २३ औ बर्षमा कपिल रानामगरसम्म आइपुग्दा सयौं सारथी रहेका छन् ।
२०५४ सालमा स्थापना भएदेखि नै डि डिभिजन क्वालिफायरबाट घरेलु फुटबलमा पाइला टेकेको सातदोबाटो २०५६ सालमा सि डिभिजनमा बढुवा भयो । एक दशकपछि बि डिभिजनमा उक्लिएको सातदोबाटो बल्ल–बल्ल शिर्ष श्रेणीमा आएको छ ।
“एउटा सपना साकार भएको छ । यो लामो समयदेखिको प्रयास थियो । हामी पछिल्लो दुई सिजन चुक्यौं तर अब भने ए डिभिजन टोली बनेका छौं,” चैतसम्म कार्यकाल रहेका अध्यक्ष रानामगरले निकै गर्वका साथ भने
फुटबल र समाजसेवामा युवालाई अग्रसर बनाउन युथ क्लबका रुपमा स्थापित सातदोबाटोले नेपाली फुटबलमा योगदान दिने प्रमुख लक्ष्य लिएर हिंडेको थियो । र गर्यो पनि ।
“हामी धेरै वर्ष दोस्रो डिभिजनमा रह्यौ । यो अवधिमा निकै खेलाडी हुर्कायौं जस्तो लाग्छ । धेरै खेलाडी ए डिभिजनमा पनि पठायौं र कोही उमेर समुहको राष्ट्रिय टोलीमा पनि खेल्दै छन्,“ कपिल भन्छन् ।
कतिपय क्लबहरु लामो समय दोस्रो र तेस्रो डिभिजनमै रहि रहदाको थकानले बिलिन भएका उदाहरणहरु छन् । तर सातदोबाटोले फुटबलमा देखाएको लगाव र उसको खेलाडीहरुले क्लबको लागि देखाएको प्यासन तारिफ योग्य छ ।
सातदोबाटोका खेलाडीहरुले आफै क्लबको उपनाम दिएका छन् –– ‘रकेट गाइज’ । “हुन त हाम्रो केटाहरु आफैले राखेको नाम हो तर बिस्तारै यो क्लबको चिनारी बन्दै गएको छ । खेलाडीहरुको पेस र तिब्र गतिको खेलका कारण हामी रकेट गाइज हौ,“ म्यानेजर रविन खड्का भन्छन् ।
यही रकेट गाइजका पुराना दुई सदस्य हुन स्थानीय कप्तान बसन्त तमाङ र भेटेरान खेलाडी बिमल केसी ।
“सातदोबाटोमै हुर्किएको र कर्मथलो भएको कारण आफ्नो ठाउँको लागि केही गर्नुपर्छ भन्ने थियो । क्लबलाई शिर्ष श्रेणीसम्म पुर्याउन सफल भएका छौं तर अझै धेरै गर्नुछ,” चार वर्ष देखि सातदोबाटोका लागि खेलिरहेका कप्तान बसन्तले भने ।
क्लब शिर्ष श्रेणीमा उक्लिएसँगै भेटेरान बिमलको यात्रा पनि टुङ्गिएको छ । “क्लबले मलाई के दियो भन्दा पनि मैले क्लबलाई के दिए भनेर जहिल्यै सोच्थे । पहिले नै यो सिजन अन्तिम हुने भनेको थिए र ए डिभिजनमा उक्लदै बिदाइ लिन पाउनु मेरो लागि निकै खुशीको क्षण हुने छ,” ट्रान्सफर विन्डो र व्यवसायिकता बिहिन घरेलु फटबलमा एकै क्लबमा ६ बर्ष बिताएका बिमलले भावुक हुदै भने ।
क्लब स्थापनाको २३ बर्ष भइसके पनि सातदोबाटोको यात्रा अब शुरु भएको छ जहाँ अवसर कम छन् र चुनौति धेरै । शिर्ष श्रेणीका लागि एसियाका सदस्य राष्ट्रहरुले पुरा गर्नु पर्ने न्युनतम आवश्यकता नै उसको लागि पहिलो चुनौति हो । सातदोबाटोसँग न त अहिले घरेलु मैदान छ, न त खेलाडी उत्पादन गर्ने एकेडमी नै ।
“ए डिभिजनमा पुगेपछि अब हामी लाइसेन्सका लागि पनि अगाडि बढ्छौ । हाम्रो मुख्य लक्ष्य एकेडेमी र ट्रेनिङ ग्राउण्डको स्थापना गर्ने नै हो । यसका लागि हामीले गोदावरीमा उपयुक्त स्थानहरु पनि हेर्दै आइरहेका छौं,” रानामगरले भने ।
सातदोबाटो बि डिभिजन क्लबहरु मध्ये तुलनात्मक रुपमा राम्रो आर्थिक अवस्था भएको क्लब हो । आफ्नो भवनबाट उठ्ने बहालसँगै हिमालय डिस्टिलरी र प्रिमियर स्कुलको प्रायोजनमा चल्दै आएको क्लबले ए डिभिजन लिगमा उक्लिएपछि लगानीको माग अनुरुप अघि बढ्नै पर्नेछ ।
“हामी अझै फुटबलमा लागानी गर्ने सोचिरहेको छौं । धेरै बि डिभिजन क्लबहरु बढुवा हुँदै ए मा गए पनि रेलिगेसनका लागि संघर्ष गर्ने गर्छन् तर हामी एउटा योजना अनुसार अघि बढ्नेछौं । क्लबमा लगानी बढाउदै एकेडेमी र घरेलु मैदान बनाउन हामीलाई मुख्य चुनौति हुनेछ,” रानामगरले भने ।
गौरव फुयाल नेपाली खेल्कुद पत्रकारितामा नयाँ नाम हो । उनी फुटबल विश्लेषक हुन् । उनले बिशेष गरि फुटबलबारे लेख्ने गर्दछन।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।