Connect with us

लेख

आरबीबी–एनभिए राष्ट्रिय भलिबल प्रतियोगिता चैत १९ गतेदेखि

wesportz

Published

on

नेपाल भलिबल संघ (एनभिए) को आयोजना र राष्ट्रिय वाणिज्य बैंक (आरबीबी) को मुख्य प्रायोजनमा पाँचौं आरबीबी–एनभिए राष्ट्रिय महिला तथा पुरुष राष्ट्रिय क्लब लिग भलिबल प्रतियोगिता चैत १९ गतेदेखि हुने भएको छ ।

प्रतियोगितामा पुरुषतर्फ ८ र महिलामा ६ गरी १४ टिमको सहभागिता रहनेछ । दुवै बिधातर्फ एक चरणको राउण्ड रोविन लिगपछि शिर्ष दुई टिम फाइनलमा भिड्नेछन् । पुरुषमा एचएनसीएस क्लब, एपीएफ क्लब, नेपाल प्रहरी, नेपाली सेना, नयाँबजार सामाजिक युवा क्लब, बुद्ध टोल भलिबल क्लब, बुटवलको मणिमुकुन्द क्लब र वुलवुले रारा क्लब सहभागी हुँदै छन् ।

महिलामा एपीएफ, सेना, प्रहरी, न्यु डायमन्ड स्पोर्ट्स क्लब, ढोरपाटन भलिबल ट्रेनिङ सेन्टर र भरतपुर मेट्रो खेलकुद परिषद्ले भाग लिने छन् । एनभिएका महासचिव जितेन्द्र चन्दका अनुसार प्रत्येक टिमले ३ विदेशी खेलाडी राख्न पाउने छन् ।

पुरुष–महिला टिम र व्यक्तिगत विधाका उत्कृष्ट खेलाडीका लागि समान पुरस्कार राशी राखिएको छ । शीर्ष चार स्थान हात पार्ने टिमले क्रमशः ३ लाख, १ लाख ५० हजार, ७५ हजार र ३७ हजार ५ सय रुपैयाँ प्राप्त गर्ने छन् । सर्वोत्कृष्ट खेलाडीलाई जनही २५ हजारका दरले नगद पुरस्कार प्रदान गरिने छ । उत्कृष्ट लिबेरो, स्पाइकर, ब्लकर, सर्भर, सेटर र प्रशिक्षकलाई समान १०–१० हजार नगदबाट पुरस्कृत गरिने छ ।

पुरस्कार राशीमा पनि पहिलेको भन्दा झन्डै ३ लाख रुपैयाँले बृद्धि गरिएको छ । कुल पुरस्कार राशी १२ लाख ९५ हजार रुपैयाँ रहेको छ । यसपटकदेखि खेलाडी र अफिसियलको विमा पनि गरिने संघले जनाएको छ ।

राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठले नेपालको राष्ट्रिय खेल भलिबलसंग जोडिन पाउँदा खुशी लागेको बताए । भलिबल संघका अध्यक्ष मनोरञ्जनरमन शर्माले बैंकले भलिबल संघ प्रति देखाएको विश्वासका लागि धन्यवाद दिदै पाँचौं संस्करण पछि पनि बैंकको साथ र सहयोगले निरन्तरता पाउने विश्वास व्यक्त गरे ।

लेख

युरोपा लिग राउण्ड अपः युनाइेटडलाई फाइदा, आर्सनल रोक्कियो

wesportz

Published

on

म्यानचेस्टर युनाइटेड स्पेनिस टोली ग्रानडामाथि २–० को जित हात पार्दै युरोपा लिगको क्वार्टर–फाइनल नजिक पुगेको छ । बुधबार भएको क्वार्टर–फाइनलको पहिलो लेगमा युनाइटेडले अवे मैदानमै सहज जित हात पारेको हो ।

३१ औं मिनेटमा मार्कस रासफोर्डले भिक्टर लिन्डेलोफको लामो बललाई कलेक्ट गर्दै ग्रानडा गोलकिपर रुई सिल्भालाई बिट गरेका थिए । त्यसपछि म्यानचेस्टर सिटीबाट लोनमा आएका याञ्जल हरेरा र रोबर्टो साल्डाडोले ग्रानडाका लागि गोल गर्ने मौका खेर फालेका थिए ।

खेल समाप्त हुनै लाग्दा यान ब्राइसले फाउल गरेपछि प्राप्त पेनाल्टीमा ब्रुनो फर्नान्डेज आफैले त्यसलाई गोलमा परिणत गरेका थिए । दोश्रो लेग एक हप्तापछि हुनेछ र सेमिफाइनलमा प्रवेश गर्ने टोलीले डच टोली आयाक्स अथवा इटालियन क्लब एएस रोमाको सामना गर्नेछ ।

रोमाले पनि अवे खेलमा जित हात पार्दै अर्को क्वार्टर–फाइनलको पहिलो लेगमा आयाक्सलाई २–१ ले हराएको थियो । युनाइटेडले सबै प्रतियोगिता गरेर आफ्नो पछिल्लो १७ खेलमा मात्र एकमा पराजय व्यहोरेको छ ।

अर्को प्रिमियर लिग टोली आर्सनल भने स्लाभिया प्रागसँग घरेलु खेलमै १–१ को बराबरीमा रोक्कियो । निकोलस पेपेले ८६ औं मिनेटमा गोल गरेपछि आर्सनले एक कदम जिततर्फ चालेको थियो तर टोमस होल्सले अतिरिक्त तेश्रो मिनेटमा गोल गर्दै खेललाई बराबरीमा ल्याएका थिए ।

यो क्वार्टर–फाइनलको बिजेताले भिलारियाल र डिनामो जाग्रेबबीचको बिजेतासँग खेल्नेछ । सर्बियन क्लब जाग्रेब पहिलो लेगमा स्पेनिस टोली भिलारियालसँग १–० ले पराजित भयो ।

Continue Reading

राष्ट्रिय

त्रिकोणात्मक शृंखलाको पहिलो खेलमा नेपालले नेदरल्यान्ड्सको सामना गर्ने

wesportz

Published

on

नेपालले घरेलु मैदानमा सुरु हुने त्रिकोणात्मक शृंखलाको उद्घाटन खेलमा नेदरल्यान्ड्सको सामना गर्ने भएको छ ।

आज सार्वजनिक भएको खेल तालिका अनुसार बैशाख चार गतेबाट सुरु हुने शृंखलाको पहिलो खेल नेपाल र नेदरल्यान्ड्स बीचको खेल नेपाली समय अनुसार २:१५ बजे सुरु हुनेछ ।

त्यस्तै दोश्रो दिन मलेसिया र नेदरल्यान्ड्स खेल्ने छन् भने तेश्रो दिन नेपालले मलेसियाको सामना गर्नेछ ।

समुह चरणमा सबै टोलीले एक अर्कासँग २-२ खेल खेल्ने छन् र शिर्ष दुई स्थान हात पार्ने टोलीले उपाधिका लागि बैशाख ११ मा भिड्ने छन् । शृंखला अन्तर्गत सबै खेलहरु नेपाली समय अनुसार दिउँस २:१५ बजे सुरु हुनेछ ।

नेपाल क्रिकेट संघ (क्यान) ले केहि दिन अघि मात्र २० जना खेलाडीलाई बन्द प्रशिक्षणको लागि बोलाएको थियो भने हिजोबाट मुलपानी क्रिकेट मैदानमा प्रशिक्षण पनि सुरु गरेको छ ।

नेपालले पहिलो पटक आफ्नो घरेलु मैदानमा ट्वान्टी ट्वान्टी अन्तर्राष्ट्रिय त्रिकोणात्मक शृंखला आयोजना गर्न लागेको हो ।

पूर्ण खेल तालिका

बैशाख ४ – नेपाल विरुद्ध नेदरल्यान्ड्स

बैशाख ५ – मलेसिया विरुद्ध नेदरल्यान्ड्स

बैशाख ६ – नेपाल विरुद्ध मलेसिया

बैशाख ७ – नेपाल विरुद्ध नेदरल्यान्ड्स

बैशाख ८ – मलेसिया विरुद्ध नेदरल्यान्ड्स

बैशाख ९ – नेपाल विरुद्ध मलेसिया

बैशाख ११ — फाइनल

Continue Reading

लेख

सुदुर पश्चिम मेयर कपको फाइनलमा, प्रदेश १ बाहिरियो

wesportz

Published

on

सुदुर पश्चिम प्रदेश ललितपुर मेयर कप क्रिकेटको फाइनलमा प्रवेश गरेको छ । अन्तिम लिग खेलमा लुम्बिनी प्रदेशलाई ८ विकेटको फराकिलो अन्तरले पराजित गर्दै सुदुर पश्चिम फाइनल प्रवेश गरेको हो ।

सुदुर पश्चिमको जितसँग प्रधानमन्त्री कप बिजेता प्रदेश १ भने आफ्नो अन्तिम लिग खेल अघि नै प्रतियोगिताबाट बाहिरिएको छ । प्रदेश १ मङ्गलवार महत्वपूर्ण खेलमा सुदुर पश्चिमसँग ४० रनले स्तब्ध बनेपछि फाइनलको यात्रा यसअघि नै कठिन बनिसकेको थियो ।

शनिबार हुने फाइनलमा सुदुर पश्चिमले नेपाल एपिएफ क्लबसँग खेल्नेछ । सुदुर पश्चिम दोश्रो पटक राष्ट्रिय स्तरको प्रतियोगिताको फाइनलमा प्रवेश गरेको हो ।

मङ्गलवारको खेलमा प्रदेश १ बिरुद्ध ह्याट्रिक लिएकी लक्ष्मी साउदले ४ विकेट लिएपछि लुम्बिनीले २० ओभरमा ९ विकेट गुमाउदै मात्र ७२ रन बनाउन सक्यो । सुदुर पश्चिमले १२ दशमलव ३ ओभरमै मात्र दुई विकेट गुमाउदै लक्ष्य पुरा गर्यो ।

रेवती धामी र मञ्जु बोकटीले ३८ रन बनाउदै सुदुर पश्चिमको लागि सहज जितको आधार खडा गरेकी थिइन् । रेवतीले २२ बलमा दुई चौकाको मद्दतमा १७ रन बनाइन् । मञ्जुले ३० बलमा २६ रन बनाइन् । यस्तै बिन्दु रावलले २० बलमा १७ रन जोडिन् । लम्बिनीका लागि दुवै विकेट कृतिका मरासिनीले लिएकी थिइन् ।

एकै ओभरमा तीन विकेट लिदै लुम्बिनीको मिडल अर्डर ध्वस्त पारेकी लक्ष्मीले चार ओभरमा १७ रन खर्चदै चार विकेट हात पारिन् ।

यस्तै कप्तान रितु कनौजियाले १४ रन खर्चदै तीन विकेट लिइन् । लुम्बिीका लागि लक्ष्मी चौधरीले २९ बलमा सर्वाधिक २६ रन बनाउदै तीन चौका प्रहार गरिन् । कप्तान नेरी थापाले ११ बलमा ११ रन बनाइन् ।

यसअघि पहिलो दुई खेलमा नटआउट रहदै ४६ र ५० रन बनाउदै राम्रो प्रदर्शन गरेकी सरस्वती जिएम ९ रनमै कविता जोशीको बलमा आउट भएपछि लुम्बिनी संघर्ष गर्न थालेको थियो ।

Continue Reading
Headline2 hours ago

साल्के ३० बर्षपछि बुन्डेसलिगाबाट रेलिगेसनमा

Headline3 hours ago

धेरै क्लबले नाम फिर्ता लिए पछि युरोपियन सुपर लिग अनिश्चितकालीन लागि बन्द

अन्तर्राष्ट्रिय11 hours ago

मुम्बईलाई पराजित गर्दै दिल्ली अंक तालिकाको दोश्रो स्थानमा 

अन्तर्राष्ट्रिय14 hours ago

मुम्बईको सानो योगफल 

Headline18 hours ago

डि लिडेको उच्च प्रदर्शनमा नेदरल्याण्ड्सको नेपालमाथि रोमाञ्चक जित

Headline20 hours ago

नेपालले नेदरल्याण्ड्सबिरुद्ध बिशाल योगफल बनाउदा कुशलको बिश्व किर्तिमान, दिपेन्द्रको ताबडतोड ब्याटिङ्ग

Headline22 hours ago

नेदरल्याण्ड्स बिरुद्ध नेपाल पहिलो ब्याटिङ्ग गर्दै

अन्तर्राष्ट्रिय1 day ago

राजस्थान माथि चेन्नाईको फराकिलो जित 

Headline2 days ago

मोउरिन्हो बर्खास्त !

Headline2 days ago

नेपालको अर्को उत्कृष्ट ब्याटिङ्ग, कुशलले बनाए अद्र्धशतकको किर्तिमान

Headline4 months ago

१० फुटबलर जसले बार्सिलोना जान मानेनन्

Headline7 months ago

धेरै ऋणको भारी बोकेका पाँच युरोपेली क्लबहरु

Headline12 months ago

ब्राजिलले पाएको अहिलेसम्मकै उत्कृष्ट १० फुटबलर

Headline7 months ago

सात महादेशका सात उत्कृष्ट खेलाडीहरु

Headline8 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline11 months ago

ट्रान्सफर मार्फत सर्वाधिक कमाउने ५ खेलाडी

Headline6 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline6 months ago

फेरि पनि टिममा अटाएनन् स्ट्राइकर बिमल

Headline10 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline8 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending

error: Content is protected !!