Headline
आईपिएलका १३ वटै संस्करणका सबैभन्दा महँगा खेलाडीहरु
Published
3 years agoon
By
wesportzपैसा । इण्डियन प्रिमियर लिग मतलब पैसा । आईपिएलको स्टेडियममा चल्ने प्रतिस्पर्धाको रँिगबिरँगि माहौल एका तिर छदैछ । त्यो माहौल अघि नै आईपिएलले ठूलै माइलेज पाउने गर्छ, जब खेलाडीहरु अक्सनमा महँगो मुल्यमा किनिन्छन् । भारतीय घरेलु क्रिकेटमा त अझै पानी पुरी देखि आलिशान बँगलासम्म किसिमका कथाहरु हरेक संस्करणमा हेर्न अथवा पढ्न पाइन्छ । साच्चिकै आईपिएलले बिश्व क्रिकेटमा अर्थ क्रान्ति नै ल्याएको छ ।
यसले प्रत्यक्ष रुपमा भारतीय क्रिकेटलाई नै फाइदा गरेपनि भारतबाहेकका खेलाडीहरुको पनि काया पलट गर्ने गरेको छ । त्यसैले धेरै बिदेशी खेलाडीहरु आईपिएल खेल्नकै लागि भनेर आफ्नो राष्ट्रिय टोलीबाट सन्यास लिन थालेका छन् ।
२०२१ को आईपिएल शुरु हुन अझै दुई महिना बाकी नै भएपनि बिहिबार चेन्नईमा १४ औं सस्करणको प्रतियोगिताको लागि मिनि अक्सन हुन गइरहेको छ । त्यसअघि हेरौं आईपिएलको १३ वटै संस्करणका सबैभन्दा महँगो मुल्यमा किनिएका खेलाडीहरुः
२००८ – महेन्द्र सिँह धोनी (चेन्नई)
भारतले भर्खरै दक्षिण अफ्रिकामा भएको ट्वान्टी ट्वान्टी बिश्वकप पहिलो संस्करण जितेको थियो । र उसको जितका प्रमुख सुत्रधार धोनी नै थिए । १९८३ बिश्वकपछि भारतले पहिलो पटक त्यति ठूलो उपाधिको खुशीयाली मनाउदै थियो । त्यसैले धोनी पहिलो संस्करणमा सबै फ्रान्चाइजको लक्ष्य थिए ।
चार लाख डलर बेस प्राइस रहेका धोनीलाई चेन्नईले सबैभन्दा महँगो मुल्य लगायो । उनी १५ लाख डलरमा चेन्नईको लागि बिके । उनको मुल्या झण्डै नेपाली रुपैयामा झण्डै ९ करोड ६० लाख थियो । यो मुल्यको रिटर्न चेन्नईले पायो । पहिलो संस्करणमा चेन्नई उपबिजेतामै सिमित रहे पनि धोनीले पछि तीन संस्करणमा उसलाई च्याम्पियन बनाए ।
२००९ – एन्ड्रयु फ्लिन्टफ (चेन्नई) र केभिन पिटर्सन (बैंगलोर)
इङ्गल्याण्डका यी दुई महान खेलाडी संयुक्त रुपमा दोश्रो संस्करणको सबैभन्दा महँगो खेलाडी बन्न पुगे । रोयल च्यालेन्जर्स बैँगलोरले पिटर्सनलाई र चेन्नईले फ्लिन्टफलाई १५ लाख ५० हजार डलरमा खरिद गरेको थियो । नेपाली रुपैया अनुसार उनीहरुको मुल्य १२ करोडभन्दा बढी रहेको थियो ।
पिटर्सनले आफ्नो बेस प्राइस १३ लाख ५० हजार डलर राखेका थिए भने फ्लिन्टफले साढे ९ लाख । दुवै फ्रान्चाइजका लागि तिरिएको रकम बालुवामा पानी हाले सरह भयो किनभने अन्तर्राष्ट्रिय ड्युटीमा जानु परेपछि पिटर्सनले ६ म्याच खेले भने फ्न्टिफले मात्र तीन । पिटर्सनले ९२ रन मात्र बनाउदै चार विकेट लिए भने फ्लिन्टफको नाममा ६२ रन र दुई विकेट रह्यो ।
२०१० – शेन बोन्ड (कोलकाता) कायरोन पोलार्ड (मुम्बई)
न्युजिल्याण्डका तिब्र गतिका बलर शेन बोन्ड र वेष्ट इण्डिज अलराउण्ड कायरोन पोलार्ड तेश्रो संस्करणका सबैभन्दा महँगा खेलाडी रहे तर यसपटक भने खरिद गरिएको मुल्य निकै कम रहेको थियो । २ लाख डलर बेस प्राइस रहेका पोलार्डलाई मुम्बई इण्डियन्स र १ लाख डलर रहेका बोन्डलाई कोलकाता नाइट राइडर्सले खरिद गर्यो ।
उनीहरु सात लाख ५० हजार डलरमा बिकेका थिए, नेपाली रुपैया अनुसार झण्डै साढे पाँच करोड । उनीहरुको लागि यो भन्दा बढी मुल्य लगाउन पाइने थिइएन ।
एक मात्र सिजन खेलेका बोन्डले त्यो बर्ष ८ खेलबाट ९ विकेट लिएका थिए । मुम्बईको लागि भने पोलार्डमा लगाइएको मुल्य फलिफाप भयो । उनले १४ खेलमा राम्रो स्ट्राइकर रेट मेन्टेन गर्दै १४ म्याचमा २ सय ७३ रन बनाए भने १५ विकेट समेत लिएका थिए । मुम्बई २०१० मा उपबिजेता रहे पनि पोलार्ड अहिले भने फ्रान्चाइजको लेजेण्ड खेलाडीको रुपमा रहेका छन् ।
२०११ – गौतम गम्भिर (कोलकाता)
भारतलाई २०११ को बिश्वकप फाइनलमा जितका लागि मुख्य भुमिका खेलेका गौतम गम्भिर जनवरीमा भएको अक्सनमा कोलकाताले २४ लाख डलरमा खरिद गरेको थियो । यो नेपाली मुल्य अनुसार १७ करोड ६४ लाख नजिक रहेको थियो । उनले आफ्नो बेस प्राइस मात्र २ लाख डलर राखेका थिए ।
त्यहि सिजनदेखि नै गम्भिरले कोलकोताको नेतृत्व गर्न थालेका थिए । १५ इनिङ्गसमा ३ सय ७८ रनसहित चौथो संस्करणको दोश्रो सर्वाधिक रन स्कोरर रहेपनि उनी कोलकातालाई २०१२ र २०१४ को उपाधि दिलाउदै आईपिएल इतिहासको सफल मध्येका एक कप्तानको रुपमा रहन पुगे । उनले शाहरुख खानको टोलीका लागि ६ बर्ष खेलेका थिए ।
२०१२ – रविन्द्र जडेजा (चेन्नई)
अलराण्डर रविन्द्र जडेजा फिल्डिङ्ग, ब्याटिङ्ग र बलिङ्ग तीन वटै क्षेत्रमा निपूण रहेका कारण उनी आइपिएलको अक्सन सबैले खोजेका खेलाडी बनिसकेका थिए । उनलाई धोनीले नै भारतीय टोलीमा प्राथमिकतामा राखेका थिए । र यसपटक बाजी मार्यो चेन्नईले ।
एक लाख डलर बेस प्राइस रहेका जडेजालाई धोनीको टोलीले २० लाख डलर तिर्यो, त्यो समयको नेपाली मुल्य अनुसार साढे १५ करोड भन्दा बढी । २०१२ को सिजनमा जडेजाले १९ खेलमा १ सय ९१ रन बनाउदै १२ विकेट लिए । चेन्नई उपबिजेता बन्यो । अहिले जडेजा पहिले भन्दा बढी निखारिएका छन् ।
२०१३ – ग्लेन म्याक्सवेल (मुम्बई)
म्याक्सवेल मुम्बईबाट पनि खेलेका थिए र ? शायद धेरैको मनमा आउने प्रश्न यही नै हो । राष्ट्रिय टोलीमा तहल्का मच्चाउने म्याक्सवेलको आईपिएल इतिहास सोचे जस्तो कहिल्यै हुन सकेको छैन । तर उनी २०१३ संस्करणको सबैभन्दा महँगा खेलाडी थिए ।
२ लाख डलर बेस प्राइस रहेका म्याक्सवेललाई मुम्बईले १० लाख डलरमा खरिद गर्यो, नेपाली मुल्य अनुसार झण्डै साढे ८ करोड । पहिलो सिजन मुम्बईका लागि मात्र तीन म्याच खेलेका म्याक्सवेलले ३६ रन बनाएका थिए । उनको प्रदर्शन उच्च नरहेपनि टिमहरुले भने अझै पनि म्याक्सवेलमा बिश्वास राख्ने गरेका छन् ।
२०१४ – युवराज सिँह (बैगलोर)
दुई करोड बेस प्राइस राखेका भारतीय अलराउण्डर युवारज सिँह क्यान्सरसँगको लडाइपछि पूर्ण रुपमा फिट भएर फर्किसकेका थिए । उनलाई लिनु फ्रान्चाइजहरुको लागि पनि गर्वको कुरा थियो । त्यसैले युवराजमाथि हानाथाप भयो ।
अन्त्यमा उनलाई लामै मोल–मोलाईपछि १४ करोड भारतीय रुपैयामा रोयल च्यालेन्जर्स बैँगलोरले लियो । नेपाली मुल्य अनुसार उनी झण्डै साढे २२ करोडमा बिकेका थिए । रन बनाएपनि उनको प्रदर्शन एक समान हुन सकेको थिएन । १४ खेलबाट युवराजले ३ सय ७६ रन जोडे । युवराजले पाँच विकेट पनि लिएका थिए ।
२०१५ – युवराज सिँह (दिल्ली)
एक बर्षपछि भएको अक्सनमा पनि युवराज हेडलाइनमा छाए । उनी लगातार दुई सिजन आईपिएलको सबैभन्दा महँगो खेलाडी बने । फेरि पनि २ करोड बेस प्राइस राखेका उनलाई दिल्ली डेयर डेभिल्सले १६ करोड भारतीय रुपैयामा खरिद गर्यो । नेपाली मुल्य अनुसार यो २५ करोड ६० लाख रुपैया बराबर थियो ।
पछिल्लो संस्करणहरुमा जस्तै २०१५ मा भने उनको सिजन राम्रो गएन । उनले १४ खेलबाट २ सय ४८ रनमात्रै बनाए भने एक विकेट मात्र लिएका थिए ।
२०१६ – शेन वाट्सन (बैँगलोर)
एक सिजन छोडर बैँगलोर एक पटक फेरि एकै खेलाडीमा सबैभन्दा बढी पैसा खर्च गर्ने टिम बन्यो । यसपटक उसले अष्ट्रेलियन अलराउण्डर शेन वाट्सनमा ठूलै मुल्य खर्च गर्यो । दुई करोड बेस प्राइस रहेका वाट्सनलाई बैँगलोरले साढे ९ करोड भारतीय रुपैया (१५ करोड २० लाख नेपाली) मा लिएको थियो ।
वाट्सन आईपिएल इतिहासमा जहिल्यै ठूलो नामको रुपमा रहेका थिए । तर एक पटक पनि उपाधि नजितेको बैँगलोर आएपछि उनलाई पनि के भयो थाहा छैन । उनले १६ खेलमा १ सय ७९ रन मात्र बनाए । ब्याटबाट नभएपनि उनले बलिङ्गमा भने २० विकेट लिदै सर्वाधिक विकेट लिने बलरको सुचीमा तेश्रो स्थान पाए । बैँगलोर त्यो सिजन उपबिजेता रहेको थियो ।
२०१७ – बेन स्टोक्स (पुने)
चेन्नई सुपर किंग्स दुई बर्षको प्रतिबन्धमा परेपछि उक्त फ्रान्चाइजको स्थान राइजिङ्ग पुने सुपरजायन्ट्सले लिएको थियो । पुने टोली अहिले आइपिएलमा छैन । तर आफ्नो दोश्रो सिजनमा पुनेले इङ्गल्याण्ड अलराउण्डर स्टोक्सलाई सबैभन्दा महँगो खेलाडी बनायो ।
स्टोक्स १४ दशमलव ५० करोडमा पुने गए । यो नेपाली मुल्य अनुसार २३ करोड २० लाख रुपैया हो । पहिलो पटक आईपिएल खेलेका स्टोक्सले निकै ठूलो छाप छोड्न सफल भए । १२ खेलमा ३ सय १६ रन र १२ विकेट लिएका उनी प्रतियोगिताको मोस्ट भ्यालुएबल प्लेयर घोषित भएका थिए ।
२०१८ – बेन स्टोक्स (राजस्थान)
एक सिजन अगाडी मोस्ट भ्यालुएबल प्लेयर घोषित स्टोक्स अर्को बर्ष सबैभन्दा महँगो खेलाडीको रुपमा बिक्नु कसैको लागि नौलो कुरा थिएन । दुई बर्षको प्रतिबन्धपछि फर्किएको राजस्थान रोयल्सले स्टोक्सलाई साढे १२ करोड (२० करोड नेपाली रुपैया) मा लिएको थियो । तर यसपटक भने स्टोक्सले सोचे अनुरुपको प्रदर्शन दिन सकेनन् । उनले १३ खेलमा १ सय ९६ रनमात्र बनाउदै ८ विकेट लिए ।
२०१९ – जयदेव उनाद्कत (राजस्थान) र बरुण चक्रवर्ती (पञ्जाब)
लामो समयपछि आईपिएलमा फेरि एक पटक दुई खेलाडी सबैभन्दा महँगो मुल्यमा खरिद भएका थिए । डेढ करोड बेस प्राइस रहेका बायाँ हाते तिब्र गतिका बलर जयदेव उनाद्कतलाई राजस्थान रोयल्स र मात्र २० लाख बेस प्राइस रहेका उदीयमान अलराउण्डर बरुण चक्रवर्तिलाई किंग्स एलेभेन पञ्जाबले महँगो मुल्यमा अनुबन्ध गर्यो । दुई फ्रान्चाइजले उनीहरुको लागि समान साढे ८ करोड भारु तिरेका थिए, नेपाली मुल्य अुनसार १३ करोड ६० लाख ।
दुवै खेलाडीको लागि सिजन भने निकै निराशाजनक रहेको थियो । उनाद्कतले ११ खेलमा मात्र १० विकेट लिए भने एक खेलमात्र खेल्न पाएका बरुण औलामा लागेको चोटका कारण प्रतियोगिताबाटै बाहिरिएका थिए ।
२०२० – प्याट कमिन्स (कोलकाता)
अष्ट्रेलियन तिब्र गतिका बलर प्याट कमिन्स आईपिएलमा सबैभन्दा कम देखिने खेलाडीहरुमध्ये पर्ने गर्दछन् । तर पनि उनलाई लिन फ्राञ्चाइजहरुको तछाड मछाड हुने गर्दछ । दुई करोड बेस प्राइस रहेका कमिन्सलाई उनकै पुर्व फ्रान्चाइज कोलकोताले साढे १५ करोड (२४ करोड ८० हजार नेपाली रुपैया) तिरेको थियो ।
कोरोना भाइरसका कारण ढिलो गरेर युएईका खाली रँगशालामा खेलाइएको १३ संस्करणको र्आपिएलमा कमिन्सले १४ म्याचबाट १२ विकेट लिएका थिए । एक अद्र्धशतक पनि प्रहार गरेका उनले कुल १ सय ४६ रन समेत बनाएका थिए ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।