Headline
ओ कुसुम !!!
Published
3 years agoon
बिराटनगर महानगरपालिका मोरङकी कुसुम खतिवडाले राष्ट्रिय महिला लिगमा रौटहटको चन्द्रपुर नगरपालिका विरुद्ध ह्याट्रिक गरिन । उनी भर्खर १४ वर्ष कि भइन् ।
आफ्नो उमेरलाई नै छक्याउदै परिपक्व प्रदर्शन गर्न सफल कुसुमको कुदाइले धेरैको मन जितेको थियो । ती मध्ये एक थिए उनको टोलीका प्रशिक्षक पारस चौधरी । “उनी निकै राम्री छिन् । शायद ठूलै खेलाडी हुन्छिन्,” कुसुमको खेलको खुलेरै प्रशंसा गर्दै चौधरीले भनेका थिए ।
चौधरीपछि आफूतीर अनपेक्षित प्रश्न आउदा मुकुक्क मस्काउदै “हुन सक्छु” मात्र भन्दै कम बोल्ने स्वभाव भएको स्पष्ट पारेकी कुसुम नेपाली घरेलु महिला फुटबलमै सबै भन्दा कम उमेरमा ह्याट्रिक गर्ने खेलाडी पनि थिइन् ।
“यहा सम्म आँउछु जस्तो त कहिल्यै लागेको थिएन । मैदानमा खेल्न पाउदा निकै खुशी छु,” प्रतिस्पर्धात्मक मञ्चमा प्रदर्शन गर्न पाउदा मात्रैको खुशी उनीमा स्पष्ट झल्कन्छ ।
सिनियर महिला घरेलु फुटबलमा कम उमेरमा ह्याट्रिक गर्ने किर्तिमान राखेको उनलाई हेक्का नै थिएन । “ह्याट्रिक हाने तर म सबैभन्दा योङ खेलाडी रहेको पछि मात्र थाहा पाए । सुन्दा निकै खुशी लाग्यो, अब अझै मेहेनत गर्नुछ ।”
बिपक्षी डिफेन्डरलाई बिट गर्दै बलसँगै कुद्ने उनको खुबी निकै आकर्षक छ । १४ वर्षको उमेरमै कुसुमले देखाएको परिपक्वताले नेपाली महिला फुटबललाई एउटा दिशा भने दिन सफल भएको छ किनभने उनी प्रतियोगितामा समावेश कम उमेरका खेलाडीहरुको जमात मध्येको एक हुन् ।
पहिलो पटक प्रयोगमा आएको महिला लिगमा युवा खेलाडीहरुको संख्या ठूलै छ । सम्भवतः दक्षिण एसियामा हुने महिला लिगहरुको तुलनामा नेपालले सबै भन्दा धेरै युवा खेलाडीहरु उतारेको छ ।
सहभागी सात मध्ये चार नगरपालिका टोलीमा शुरुवाती एघारको औषत उमेर नै १८ बर्ष रहेको छ । बाँकी रहेका तीन बिभागीय टोलीहरुको २२ ।
स्याङजाको वालिङ नगरपालिका सबैभन्दा युवा टोली हो । सिँगो टोलीको औषत उमेर १७ वर्ष रहदा २२ बर्षकी क्यामरुनी खेलाडी डोज्मो भेनेसा नोलनै सबैभन्दा जेठी खेलाडी हुन् । र, वालिङ प्रतियोगिताका नगरपालिका टोलीहरु मध्ये सबै भन्दा बलियो देखिन्छ ।
दुई अण्डर–१७ विश्वकप खेलेका र एक राष्ट्रिय टोलीका लागि बोलाइएका खेलाडीका साथ वालिङ बिभागीय टोली नेपाल पुलिसलाई उछिन्दै तेस्रो स्थानमा रहेको छ । निकै युवा र अनसभवहीन टोली भए पनि वालिङका प्रशिक्षक दिलिप थापा आफ्नो टिमको हरेक पोस्ट म्याच कन्फ्रेन्समा खुशी देखिन्छन् ।
चन्द्रपुरलाई नेपाली महिला फुटबलको खेलाडी उत्पादन फ्याक्ट्रीको रुपमा लिइने गरिन्छ तर आफ्ना स्थापित खेलाडीहरु बिभागमा बाडिदा अहिले नगरपालिका टोलीको औषत उमेर १७ बर्ष मात्रै छ ।
चन्द्रपुरका खेलाडीहरुको बडी ल्याङ्गवेज फरक छ र उनीहरुमा फुटबलप्रति देखिएको ‘प्यासन’ अन्य टोलीको तुलनामा अलि बढी नै छ । बिराटनगरसँग ५–० ले पराजित हुदा नथामिएको आँशु होस वा शुरुवाती एघारका चार खेलाडी घाइते हुँँदा पनि एक दिनको अन्तरमा त्रिभुवन आर्मीसँग खेलेको खेल, चन्द्रपुरको युवा खेलाडीहरुलाई निराशा के हो थाहा छैन ।
लिग दावेदार एपिएफ क्लब र जारी लिगकी एक मात्र महिला प्रशिक्षक भगवती थापा अन्य टोलीहरुको औषत उमेर सुनेर निकै अचम्मित छिन् । “नेपालको सन्दर्भमा महिलाले यति सानो उमेरमै फुटबल खेल्न थाल्नु निकै ठुलो कुरा हो । १४ वर्षको उमेरमै राष्ट्रिय लिग खेल्न धेरै कुरा आफ्नो साथमा हुनु पर्छ,” भगवती भन्छिन् ।
राष्ट्रिय टोलीकी पुर्व डिफेन्डर भगवतीले हाल सम्हालिरहेको एपिएफ टोलीको औषत आयु २२ बर्ष छ । उनी आफ्नो टोली बलियो भए पनि युवा खेलाडीहरुले भरिएको अन्य टोलीले निकै उत्कृष्ट खेल खेलेको देख्दा खुशी लाग्ने गरेको बताउछिन् ।
“१४ वर्षमा लिगको लागि तैयार हुन कम्तीमा पनि ८ वर्षको उमेर देखी फुटबल बुझाएको हुनुपर्छ र त्यही सोच्दा पनि आनन्द लाग्छ । अहिले देखिएका सबै युवा खेलाडीहरुले निकै राम्रो अभ्यास पाएका छन्, त्यो पनि सानो उमेरमै । यही कारणले पनि नेपाली महिला फुटबल निकै माथि उठोस् भन्ने चाहना छ,“ आफू खेल्न थालेको समयदेखि अहिले आएको फरकले अचम्मित उनी भन्छिन् ।
राष्ट्रिय महिला लिग कमिटीकी अध्यक्ष पुर्व फुटबलर पेमा डोल्मा लामा पनि लिगमा महिला युवा खेलाडीहरुले देखाएको प्रदर्शन देख्दा भविष्य हेर्नका लागि उत्साहित छिन् ।
“कोरोनाका कारण एक वर्ष लिग सर्यो तर अहिले पनि केही चुनौतीहरुको वावजुद हामीले प्रतियोगिता गर्दैछौं । युवा खेलाडीहरुको उपस्थितिले राम्रो भविष्यको संकेत गर्छ । म त्यही हेर्न चाहन्छु,” लामाले भनिन् ।
दक्षिण एसियामा नेपाललाई उत्कृष्ट टोलीको रुपमा लिइए पनि महिला फुटबललाई अझै धेरै कुराको खाँचो छ । ‘इक्वल पे’ र राष्ट्रिय लिग त छँदै छ तर पनि प्रशिक्षक थापालाई भने लिगले निरन्तरता पाए आउने वर्षहरुमा नेपाली टोलीबाट धेरै आशा राख्न सकिने लागेको छ ।
“मुख्य कुरा प्रतियोगितालाई लामो बनाउदै निरन्तरता दिनु नै हो,” आफै हौसिदै भगवतीले भनिन् । “यदी महिला फुटबलको भविष्य बारे सोच्ने हो भने महिलालाई फुटबलमा कसरी ल्याउने त्यो सोच्नु पर्यो । हरेक टोलीमा एक महिला प्रशिक्षक अथवा सहायक प्रशिक्षाक अनिवार्य होस् वा आउने पुस्तामा अझै महिला प्रशिक्षक बढाउने काम होस् ।”
महिला कमिटीकी अध्यक्ष लामा लिगलाई फुटबल मात्र नभएर महिलाको उत्थान गर्न सक्ने मञ्चको रुपमा लिन चाहन्छिन् । “यहाँका सबै खेलाडीहरु छनोट चरण पार गर्दै यहाँ सम्म आएका हुन् । यो लामो दुरी तय गर्न मानसिक रुपमै सशक्त भएर आइपुग्नु पर्छ । यसले अन्त्यमा उत्थान गर्ने भनेको महिलाकै हो ।
१२ वर्षको उमेरमा फुटबल सिकेकी कुसुम त्यसको २४ महिना भित्रै राष्ट्रिय फुटबलमा उत्रन सक्नु सफलताको रुपमा मान्नै पर्छ । घरमा दाईले खेल्दै गर्दा कुसुमलाई सानै उमेरमा फुटबलले लोभ्याएको थियो । उनको दिमाग भिन्न किसिमले बिकसित हुन थालिसकेको छ ।
बिहान स्कुल गएर साँझ घर फर्कने उनको सामान्य दैनिकीमा अहिले परिवर्तन भएको छ । शायद यो प्रतियोगिताको समाप्तिपछि उनी अझै परिस्कृत हुनेछिन् ।
र उनीसँगै लिगमा भिडिरहेका अन्य युवा खेलाडीहरु पनि ।
गौरव फुयाल नेपाली खेल्कुद पत्रकारितामा नयाँ नाम हो । उनी फुटबल विश्लेषक हुन् । उनले बिशेष गरि फुटबलबारे लेख्ने गर्दछन।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।