Headline
भोकाएका शरद, फिटनेस र पुनरागमन
Published
3 years agoon
By
wesportzब्याट्स्म्यानको रुपमा नेपाल एपिएफ क्लबका कप्तान शरद भेषावकरको प्रदर्शन प्रधानमन्त्री कप राष्ट्रिय एकदिवसीय क्रिकेट प्रतियोगितामा सम्झनलायक छैन । आसिफ शेखले गण्डकीबिरुद्धको एकपक्षीय खेलमा आक्रमक ७८ रन जोड्दा पाँच रनमा नटआउट रहेका शरदले सेमिफाइनलको समाप्तिसम्म कुल ७५ रन बनाएका छन् ।
त्रिभुवन आर्मी क्लबबिरुद्ध समुह चरणमा २४ रन बनाएका शरदले ओपनर सुभाष खकुरेलसँग ४४ रनको पार्टनरसिप गरेका थिए । यो नै उनको सबैभन्दा उच्च प्रदर्शन हो । मिडल अर्डरले सम्हाल्नु परेको नेपाल पुलिस क्लबबिरुद्धको सेमिफाइनलमा १८ रन बनाएका शरदले प्रदेश १ सँगको खेलमा २० रन जोडेका थिए ।
चार खेलमा बलिङ्ग गरेका शरदको प्रदर्शन पुलिसबिरुद्ध उच्च थियो । उक्त खेलमा उनले १० ओभरमा ३६ रन खर्चदै दुई विकेट लिएका थिए । उनले प्रतियोगितामा कुल ६ विकेट लिएका छन् ।
नेपालको मध्यक्रमको पिलरको रुपमा स्थापित भएदेखि टिमबाट बाहिर र भित्र हुने स्थितिसम्म आइपुग्दा शरद आफैलाई थाहा छ घरेलु क्रिकेटमा ब्याटबाट चिनिएका उनको बलिङ्ग प्रदर्शनले त्यति महत्व राख्दैन । २०१८ को अगष्टमा नेदरल्याण्ड्सबिरुद्ध नेपाली क्रिकेट इतिहासकै पहिलो एकदिवसीय अन्तर्राष्ट्रियका क्रममा औलामा नराम्रो चोट बोके यता शरद टिमबाट भित्र बाहिर रहदै आएका छन् ।
यसमा उनको ब्याटिङ्ग प्रदर्शनभन्दा पनि फिटनेसको समस्याले प्रमुख भुमिका खेलिरहेको छ । पछिल्लो पटक २०२० को फेब्रुवरीमा घरेलु मैदानमै भएको आईसिसि क्रिकेट बिश्वकप लिग टुका लागि नेपाली टोलीमा फर्किएका शरदले ओमानबिरुद्धको पहिलो खेलमा ५५ रन बनाएका थिए ।
पुर्व कप्तान पारस खड्का र कप्तान ज्ञानेन्द्र मल्ल टिमको योगफल चार रन हुँदा नै पेभिलियन फर्किएपछि एउटा एन्ड सम्हालेका उनले ५५ रन बनाएपनि १ सय ९८ रनको सामान्य लक्ष्य पछ्याएको नेपाल १८ रनले पराजित हुन पुगेको थियो । तर शरदको पुनरागमन त्यही एउटा खेलमा समाप्त भयो । अर्को चोट बोकेपछि उनी श्रृंखलाबाटै बाहिरिए ।
कोरोना भाइरसका कारण लामो समयपछि एकदिवसीय क्रिकेट खेलेको कारण आफ्नो एपिएफ खेलाडीहरु घाइते हुदै बाहिरिदा शरद आफू भने अहिले फिटनेसमै ध्यान दिएकोले प्रतियोगितामा टिक्न सफल भएको मान्छन् ।
“मैले आफ्नो फिटनेसमा धेरै ध्यान दिदै आइरहेको थिए । शायद म अर्लि ट्वान्टीमा जस्तो फिट त नहोला तर अहिलेको उमेरमा आएर मैले लकडाउनको समयमा लगातार डाइट र फिटनेसमा १ वा २ घण्टा दिदै आइरहेको थिए । यसले गर्दा अहिलेसम्म म सुरक्षित छु,” ३२ बर्षिय शरदले भने ।
नेपालले २०१८ अगष्ट यता १० वटा एकदिवसीय अन्तर्राष्ट्रिय खेलिसक्दा जम्मा दुई मात्र खेल खेल्न पाउदा शरदलाई फिट रहनुको महत्व थाहा छ । टिममै पनि आफ्नो स्थान संकटमा पर्दा फिटनेसको कुरा आउदा उनी गम्भिर हुन्छन् । “सबैभन्दा महत्वपूर्ण नै फिटनेस हो । टिममा फिट हुनको लागि पहिले आफू शारिरिक रुपमा फिट नभइ हुदैन । एकदिवसीय मान्यता भइरहदा प्रतिस्पर्धा निकै उच्च हुने गर्दछ र हामी सुपर फिट हुन आवश्यक छ,” उनी थप्छन् ।
प्रधानमन्त्री कपका दौरान फिट भइरहदा पनि शरद ढुक्क भने छैनन् कारण उनले बोर्डमा धेरै रन लेखाउन सकेका छैनन् । “आफ्नो प्रदर्शनलाई लिएर म आफै पनि निराश छु । म आफैलाई पनि लयमा आउन नसकेको महसुस भएको छ । लकडाउनको समयमा काठमाडौंमा ब्याटिङ्ग प्राक्टिस गर्नको लागि ठाँउ नै भएन र यो ग्यापले गर्दा लयमा आउन समय लागिरहेको छ,” पुलिसलाई सेमिफाइनलमा पराजित गरेपछि उनले भनेका थिए ।
घरेलु फ्रान्चाइज लिगका सबैभन्दा सफल मध्येका एक कप्तान शरद प्रधानमन्त्री कपको फाइनलमा शनिबार आर्मीबिरुद्ध उत्रदै छन् । राम्रो प्रदर्शनका लागि भोको रहेको बताएका उनलाई हालको लागि घरेलु क्रिकटकै सबैभन्दा ठूलो खेलमा चम्कनका लागि एक उत्कृष्ट स्टेज नै आफू सामु छ ।
कप्तानको लागि यो भन्दा राम्रो अवसर अरु के नै होला र ?
“अघिल्ला खेलहरुमा जे भए भइसकेका छन् र अब अगाडी हेर्न चाहन्छु । म आफ्नो टिमको लागि कसरी उत्कृष्ट तरिकाले प्रदर्शन गर्न सक्छु हेर्दैछु । म पनि एकदमै भोको छु प्रदर्शन गर्नका लागि र शायद त्यो भोलि ग्राउण्डमा निक्लिएला,” उनी भन्छन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
2 years agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।