Connect with us

Headline

स्पेनिस कपमा स्तब्ध रियलको ला लिगामा उत्कृष्ट पुनारगमन

wesportz

Published

on

स्पेनिस कपमा तेश्रो श्रेणीको एल्कोयानोसँग स्तब्ध हुदै बाहिरिएको रियल म्याड्रिडले ला लिगामा आल्भेसलाई फराकिलो अन्तरले पराजित गर्दै सुखद पुनरागमन गरेको छ ।

शनिबार राति भएको खेलमा करिम बेन्जेमाले दुई गोल गरेपछि रियलले रेलिगेसन जोनबाट ठ्याक्कै एक स्थान माथि रहेको आल्भेसलाई ४–१ ले हरायो । जितपछि रियलले पहिलो स्थानको एट्लेटिको म्याड्रिडसँग चार अंकको दुरी बनाएको छ । दुई खेल कम खेलेको एट्लेटिकोको ४४ र १९ खेलबाट रियलको ४० अंक रहेको छ ।

सेभिया ३६ अंकका साथ ३६ र बार्सिलोनाको ३४ अंक रहेको छ ।

अवे खेलमा रियलले कासिमेरोको हेडरमार्फत १५ मिनेटमै अग्रता लिएको थियो । ४१ औ मिनेटमा बेन्जेमाले दोश्रो गोल गरे भने इन्जुरी समय एडिन हजार्डले गोल गर्दा रियल पहिलो हाफमै ३–० को अग्रता लिन सफल भएको थियो ।

दोश्रो हाफको शुरु भएको १५ मिनेटपछि नै आल्भेसले जोसेलुको गोलमार्फत रियलसँगको दुरी दुई गोलमा छोट्याएको थियो तर ७० औं मिनेटमा लुका मोड्रिचको पासमा बेन्जेमाले अर्को गोल गरेका थिए । ला लिगामा यो सिजन बेन्जेमाले ७ गोल गरेका छन् ।

सर्वाधिक गोल गर्ने खेलाडीहरुको सुचीमा बार्सिलोना स्टार लियोनल मेस्सी ११ गोलका साथ अग्र स्थानमा रहेका छन् । मेस्सीका पुर्व बार्सिलोना टिम मेट तथा एट्लेटिको म्याड्रिडका उरुग्वेली स्टार लुईस सुवारेजको पनि ११ गोल रहेको छ । भिलारियालका जेरार्ड मोरेनोको १० गोल छ ।

शनिबार नै भएको अन्य खेलमा सेभियाले काडिजलाई ३–० ले हरायो । सेभियाको जितमा तीन वटै गोल योसेफ एन–नेसरीले गरेका थिए । एन–नेसरीको लिगमा ९ गोल भएको छ । अर्को खेलमा बार्सिलोनासँगै समान ३४ अंक रहेको भिलारियाल पुछारको टोली हुवेस्कासँग गोलरहित बराबरीमा रोकियो ।

भिलारियालभन्दा एक स्थान पछाडी रहेको रियल सोसिडाडले रियल बेटिससँग २–२ गोलको बराबरी खेल्यो । १० खेल समाप्तिसम्म लिगको शिर्ष स्थानमा रहेको सोसिडाडको २० खेलबाट ३१ रहेको छ ।

Headline

६ सयौं लिग खेलको कोशेढुँगामा रोनाल्डोको गोल

wesportz

Published

on

क्रिष्चियानो रोनाल्डोले आफ्नो करिअरको ६ सयौं लिग खेलमा गोल गरेपछि युभेन्टसले इटालियन सिरी आ मा स्पेजियामाथि ३–० को सहज जित निकालेको छ ।

पोर्चुगल, इङ्गल्याण्ड, स्पेन र अहिले इटालिमा लिग खेलिरहेका रोनाल्डोको यो सिजन सिरी आ मा २० औं गोल पनि हो । रोनाल्डोले लगातार १२ लिग सिजन २० अथवा त्यो भन्दा बढी गोल गर्दै आएका छन् ।

यो सिजन २१ खेल खेलेका रोनाल्डो लिग शिर्ष गोलकर्ताहरुको सुचीमा इन्टर मिलानका रोमेलु लुकाकुभन्दा दुई गोलले अगाडी रहेका छन् । एटलान्टाका लुईस मुरियल, लाजियोका सिरो इमोबिले र एसि मिलानका ज्लाटन इब्राहिमोभिचको समान १४ गोल छ भने अर्का इन्टर खेलाडी लौटारो मार्टिनेजको १३ गोल छ ।

मङ्गलवार सबै गोल दोश्रो हाफमा हुदा रोनाल्डो निर्धारित समय समाप्त हुन एक मिनेट बाकी रहेको अवस्थामा युभेन्टसको काउन्टर अट्याकलाई राम्रो फिनिसिङ्ग दिएका थिए । त्यसपछि स्पेजियाका आन्देू गालाबिनोभले अन्तिम समयमा पेनाल्टीमा गोल गर्ने मौका गुमाएका थिए ।

टुरिनमा फेडेरिको बर्नार्डेस्चीको असिस्टमा अल्भारो मोरोटाले गोल गर्दै युभेन्टलाई ६२ औं मिनेटमा अग्रता दिलाएका थिए । त्यसको ११ मिनेटपछि फेडेरिको चिएसाले दोश्रो गोल गरेका थिए ।

जितपछि लगातार ९ पटकको च्याम्पियन युभेन्टसले पहिलो स्थानको इन्टर मिलानसँगको दुरी ७ अंकमा छोट्याएको छ । २४ खेलको समाप्तिमा इन्टरको ५६ अंक छ भने दोश्रो स्थानको एसि मिलानको ५२ र युभेन्टसको ४९ अंक छ । एटलान्टा ४६ र एएस रोमा ४४ अंक सहित चौथो र पाचौं स्थानमा रहेका छन् ।

Continue Reading

Headline

२०११ मा बिश्वकप फाइनल, २०२१ मा अष्ट्रेलियामा बस ड्राइभर

wesportz

Published

on

श्रीलंकन क्रिकेट अहिले निकै खस्कदै गइरहेको छ । इण्डियन प्रिमियर लिगमा पनि फाट्ट–फुट्ट उपस्थिति मात्रै देखिने श्रीलंकन क्रिकेटले लामो समयदेखि उत्कृष्ट खेलाडीको उत्पादन गर्न सकिरहेको छैन ।

आर्थिक रुपले कमजोर बन्दै जानुको कारण श्रीलंकन क्रिकेटमा हुदै आएको चरम राजनीति पनि हो । यसको शिकार ठूलै क्रिकेटरहरु पनि भएका छन् । ती मध्ये एक हुन् भारतीय उपमहाद्विपमा २०११ म भएको बिश्वकप फाइनलसम्म खेलेका स्पिनर सुरज रन्दिभ ।

रन्दिभ अहिले आफ्नो गुजारा चलाउन अष्ट्रेलियामा बस ड्राइभरको रुपमा कार्यरत छन् । भारतबिरुद्धको फाइनल खेलेका रन्दिभ मेलबोर्नमा रहेको फ्रेञ्च कम्पनी ट्रेन्सडेभका लागि गाडी चलाउछन् । उक्त कम्पनीले गाडी भाँडामा दिने काम गर्दै आइरहेको छ ।

रन्दिभले श्रीलंकाको लागि १२ टेस्ट, ३१ एकदिवसीय अन्तर्राष्ट्रिय र सात ट्वान्टी अन्तर्राष्ट्रिय खेल्दै सबै फरम्याटमा क्रमशः ४३, ३६ र ७ विकेट लिएका छन् । उनले २०११ र २०१३ मा महेन्द्र सिँह धोनीको चेन्नई सुपर किंग्सका लागि आईपिएल खेलेका थिए । यसका लागि उनले झण्डै ७५ लाख कमाएका थिए ।

उनलाई क्रिकेट अष्ट्रेलियाले अष्ट्रेलियन टिमलाई भारतबिरुद्धको बोर्डर–गाभस्कर टेस्ट श्रृंखलामा मद्दत गर्नका लागि पनि बोलाएको थियो । तर अस्थायी रुपमा पाएको त्यो कामपछि उनी अहिले भने गाडी चलाउदै आइरहेका छन् ।

रन्दिभले सन् २०१० मा भारती ओपनर विरेन्द्र सहवाग ९९ रनमा खेलिरहदा अन्तिम एक रन चाहिएको अवस्थामा शतकबाट बञ्चित गर्न नो–बल फालेका थिए । क्रिकेटको भावना बिपरित काम गरेको भन्दै उनी निकै आलोचित समेत भएका थिए ।

रन्दिभ मात्र नभएर उनका श्रीलंकन समकालिन चिन्ताका जयसिंघे र जिम्बाब्वेका वाडिँगटन म्वायेँगा पनि ट्रेन्सडेभका लागि गाडी चलाउदै आइरहेका छन् ।

तीनै जना क्रिकेटर भिक्टोरिया प्रिमियर क्रिकेट क्लब डान्डेनोँगका लागि खेल्दै आइरहेका छन् ।

Continue Reading

Headline

चार नेपाली महिला फुटबलरहरुले पाकिस्तानमा खेल्ने

wesportz

Published

on

चार नेपाली महिला फुटबलरहरुले पाकिस्तानको राष्ट्रिय महिला फुटबल च्याम्पियनसिप खेल्ने भएका छन् ।

मार्च ८ गतेदेखि शुरु हुन गइरहेको प्रतियोगितामा सरु लिम्बु, एन्जिला तुम्बापो सुब्बा गिता राना र अनिता केसीले एउटै क्लब मासा युनाइटेडका लागि खेल्ने छन् ।

प्रतियोगितामा सहभागित जनाउन उनीहरु बिहिबार त्यसतर्फ प्रस्थान गर्दै छन् । एन्जिला राष्ट्रिय टोलीकी गोलरक्षक हुन् भने अनिता फर्वार्ड, सरु मिडफिल्डर र गिता डिफेन्डर हुन् ।

अप्रिल ३ सम्म चल्ने प्रतियोगितामा कुल १८ टोली रहेको छ । मासा रहेको समुह बि मा पाँच टिम रहेका छन् । प्रतियोगिताको डिफेन्डिङ्ग च्याम्पियन पाकिस्तान आर्मी हो भने योङ राइजिङ्ग स्टारले पाँच पटक यसको उपाधि जितेको छ ।

Continue Reading
Headline7 mins ago

६ सयौं लिग खेलको कोशेढुँगामा रोनाल्डोको गोल

Headline1 hour ago

२०११ मा बिश्वकप फाइनल, २०२१ मा अष्ट्रेलियामा बस ड्राइभर

Headline11 hours ago

चार नेपाली महिला फुटबलरहरुले पाकिस्तानमा खेल्ने

Headline13 hours ago

अष्ट्रेलियाले दशरथ रँगशालामा नेपालबिरुद्ध बिश्वकप छनौट नखेल्ने

Headline14 hours ago

पिवाईसी बिबिए क्रिकेट फागुन २० देखि मुलपानीमा

Headline16 hours ago

मेयर कपको उद्घाटन खेलमा आर्मी र एपीएफ भिड्ने

Headline18 hours ago

बि डिभिजन: श्री कुमारीलाई हराउँदै मध्यपुर रेलिगेसन जोनबाट बहिर

Headline19 hours ago

बुम्राले इंग्ल्यान्ड विरुद्धको बाँकी सबै खेलहरु गुमाउने

Headline24 hours ago

‘एक पटक शिर्ष चारको अनुभव त गरौं’

Headline1 day ago

भिनिसियसले अन्तिम समयमा गरेको गोलमा रियलको उद्दार

Headline2 months ago

१० फुटबलर जसले बार्सिलोना जान मानेनन्

Headline6 months ago

धेरै ऋणको भारी बोकेका पाँच युरोपेली क्लबहरु

Headline10 months ago

ब्राजिलले पाएको अहिलेसम्मकै उत्कृष्ट १० फुटबलर

Headline5 months ago

सात महादेशका सात उत्कृष्ट खेलाडीहरु

Headline6 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline9 months ago

ट्रान्सफर मार्फत सर्वाधिक कमाउने ५ खेलाडी

Headline5 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline4 months ago

फेरि पनि टिममा अटाएनन् स्ट्राइकर बिमल

Headline8 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline7 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending