Connect with us

अन्तर्राष्ट्रिय

विकेट बिहिन रहे सन्दिप

wesportz

Published

on

अष्ट्रेलियन बिग ब्यास लिग अन्तर्गत आफ्नो चौथों खेलमा नेपाली क्रिकेट टोलीका लेग स्पिनर सन्दिप लामिछाने विकेट बिहिन बनेका छन् । त्यस्तै सन्दिप सम्मिलित होबार्ट हरिकेन्स पर्थ स्कोचर्ससँग नौं विकेटले पराजित भएको छ ।

तीन ओभर मात्र बलिङ गर्न पाएका सन्दिपले २३ रन खर्चिए भने विकेट पनि हात पार्न असफल रहे । पहिलो र दोश्रो ओभरमा समान ८-८ रन खर्चिएका सन्दिपले तेश्रो ओभरमा भने सात रन मात्र खर्चिए । उनले तीनवटै ओभरमा समान १-१ चौका खर्चिए ।

आजको खेलमा पराजित हुँदा होबार्ट पाँचौं स्थानमा झरेको छ । १० खेल मध्य उसले पाँच खेलमा जित दर्ता गर्दा समान पाँच खेलमा नै हारको सामना गरेको छ । आजको खेलमा जित हात पार्दा पर्थ तेश्रो स्थानमा उक्लिएको छ । नौं खेल खेलेको पर्थले पाँच खेलमा जित निकाल्दा तीन खेलमा पराजित भएको थियो भने एक खेल रद्ध हुन पुगेको थियो ।

जारी सिजन तीन खेल खेलेका सन्दिपले कुल चार विकेट हात पारेका छन् । पहिलो खेलमा दुई विकेट निकालेका सन्दिपले त्यस पछिका दुई खेलमा समान १-१ विकेट निकाल्न सकेका थिए ।

अघिल्ला दुई खेलमा महँगो भए पनि सन्दिप दुबै खेलमा विकेट निकाल्न भने सफल भएका थिए ।अष्ट्रेलियाको सरकारको १४ दिन अनिवार्य क्वारेन्टिन बस्नै पर्ने नियमका कारण होबार्टका सुरुवाती छ खेल गुमाएका सन्दिपले पछिल्ला तीन खेलमा सुरुवाती ११ मा स्थान बनाउन सफल भएका थिए ।

सन्दिपले आफ्नो पुर्व क्लब मेलबर्न स्टार्स विरुद्धको दुई खेल मध्य पहिलोमा दुई तथा दोश्रोमा एक विकेट लिएका थिए । दुबै खेलमा महँगो साबित भएका सन्दिपले पहिलो खेलमा ३८ तथा दोश्रो खेलमा ३६ रन खर्चिएका थिए । दोश्रो खेलमा सुरुका दुई ओभरमा मात्र पाँच रन खर्चिएका सन्दिपले पछिल्ला दुई ओभरमा ३१ रन खर्चन पुगे ।

अघिल्लो दुई खेलमा महँगो भएका सन्दिपले पछिल्लो खेलमा भने किफायती बलिङ गर्न सफल भएका थिए । उनले सिड्नी थन्डर विरुद्धको खेलमा चार ओभर बलिङ गर्दै मात्र २३ रन खर्चिए ।

Click to comment

Leave a Reply

Your email address will not be published. Required fields are marked *

Headline

‘अब म जर्मनीको लागि कहिल्यै पनि खेल्दिन’

wesportz

Published

on

पुर्व जर्मनी तथा आर्सनल मिडफिल्डर मेसुट ओजिलले अब आफू कहिल्यै पनि जर्मनीको लागि नखेल्ने बताएका छन् ।

बुधबार आफ्नो बाल्यकालको टर्किस क्लब फेनरबाचेसँग साढे तीन बर्षको सम्झौता गर्ने क्रममा ओजिलले जर्मनी प्रति आफ्नो फ्रस्टेसन पोख्ने क्रममा यस्तो भनेका हुन् । “म जर्मन टोलीलाई सफलताको लागि शुभकामना दिन चाहन्छु तर अब देखि म कहिल्यै पनि उनीहरुको लागि खेल्दिन,” फरर टर्किस भाषामा कुरा गर्ने क्रममा ३२ बर्षिय ओजिलले भने ।

ओजिललाई फेनरबाचेले बुधबार नै क्लबको जर्सीमा सार्वजकि गरेको थियो । जर्मनीले २०१४ को बिश्वकप जित्दाका स्टार खेलाडी ओजिलले इङ्गलिस प्रिमियर लिग क्लब आर्सनलसँग तीन पटक एफए कप जितेका थिए ।

तर २०१८ को बिश्वकप अघि जर्मनीमा बिवादास्पद टर्किस राष्ट्रपति रिसेप तइप एर्दोगनसँग तस्विर लिएपछि उनी आलोचनाको शिकार हुन पुगेका थिए । ओजिलले टर्किमै बिहे गर्दा पनि एर्दोगनलाई बेष्ट म्यान बनाएका थिए ।

२०१८ को बिश्वकपमा समुह चरणबाट नै बाहिरिएपछि टर्किस मुलका ओजिलले आफूमाथि नश्लभेदीय टिप्पणी भएको भन्दै राष्ट्रिय टिमबाट सन्यास नै लिएका थिए । २०१९ मा चिनको जिनियाङ प्रान्तमा उइगर मुस्लिम समुदायमाथि भएको बर्बरताको बिरोधमा बोले पछि उनी हप्ताको ३ लाख ५० हजार पाउण्ड लिएर सबैभन्दा महँगो खेलाडी रहेपनि आर्सनलका लागि निकै कम खेलेका थिए ।

आर्सनल आफैले ओजिलको बक्तब्याहरुबाट आफुलाई टाढा राख्दै आएको थियो । ओजिलले फेनरबाचेका लागि आफ्नो पहिलो खेल इस्तानबुल डर्बीमा गालातासारे बिरुद्ध खेल्न सक्नेछन् ।

रियल म्याड्रिड र आर्सनलमा हुँदा लिएको पैसा भन्दा फेनरबाचेमा निकै नै कममा अनुबन्ध भएका उनले एक सिजनको ३० लाख युरो कमाउने छन् ।

Continue Reading

Headline

थोमस टुचेलः पावर गेम र दूरदर्शी

wesportz

Published

on

थोमस टुचेल युरोपियन फुटबलमा एक ठूलो नाम हो । ४७ वर्षिय टुचेललाई धेरैले खेलाडीमाथि नियन्त्रण गर्न सक्ने, पवर गेमका प्रयोगकर्ता र रणनीतिक दूरदर्शीको रुपमा लिने गरेका छन् ।

दुई वर्ष फ्रेन्च महारथी पेरिस सेन्ट जर्माइनमा बिताए पछि गएको डिसेम्बरमा स्पोर्टिङ डिरेक्टर लियोनार्डोसँग लामो कलहपछि उनी क्लबबाट बर्खास्त भएका थिए ।

पिएसजीमा रहदा स्टार खेलाडीले भरिएको टोलीलाई राम्रो स्थानमा पुर्याउन नसकेको आरोप टुचेल माथि थियो । तर उनले पिएसजीलाई क्लबको ईतिहासमै पहिलो पटक गत सिजन च्याम्पियन्स लिग फाइनल समेत पुर्याए भने लगतार घरेलु उपाधिहरु प्नि जिताएका थिए ।

टुचेलले पिएसजीमा देखाएको ‘ट्याक्टिकल क्वालिटी’ निकै आकर्षक थियो । टुचेलको खेलहरुमा रेकर्ड पनि राम्रै रह्यो र त्यही कारण पनि चेल्सीले उनलाई फ्रांक लामपार्डको बर्खास्ती पछि क्लबमा नयाँ प्रशिक्षकको रुपमा भित्र्याएको छ ।

२०१७ मा पनि चेल्सीले इटालियन प्रशिक्षक एन्टोनियो कोन्टेलाई बर्खास्त गर्दा चेल्सी आउने हल्लामा रहेका टुचेलले यस सिजनको मध्यमा स्ट्यामफोर्ड ब्रिजबाट आएको प्रस्तावलाई स्विकार गर्दै प्रिमियर लिग आउन राजी भए ।

टुचेलले स्ट्यामफोर्ड ब्रिजमा पाएको जागिरलाई इङ्गल्याण्डमा आफूलाई प्रमाणीत गर्ने लक्ष्यको रुपमा हेर्दै छन् । जर्मनी छोडेर आएका दुई प्रशिक्षक पेप ग्वार्डियोला र योर्गेन क्लोपले देखाएको जस्तो प्रभाव देखाउन पनि टुचेल आतुर देखिन्छन् ।

राम्रो बिचार भएका उत्कृष्ट प्रशिक्षक

टुचेलले आफ्नो सिनियर करिअरको दौरान निकै अनुभव बटुलेका छन् । बुन्डेसलिगाको सानो क्लब माइन्जबाट आफ्नो प्रशिक्षण करिअर शुरु गरेका उनले बोरुसिया डर्टमण्ड हुँदै पिएसजीमा समेत काम गरेका छन् ।

गएको समर विन्डोमा २ सय मिलियन पाउन्ड खर्च गरे पनि जहिल्ये चेल्सीको खेल रणनीतिमा उठ्ने गरेको प्रश्नमा टुचेलले पूर्णबिराम लगाउन सक्ने अपेक्षा गरिएको छ । लाम्पार्डको कार्यकालमा धेरै खेलाडीले ‘कम्युनिकेसन ग्याप’ र रणनैतिक अभावको गुनासो गरेका थिए तर टुचेलको आगमन पछि चेल्सीमा नयाँ युगको शुरुवात हुने मनिएको छ ।

टुचेललाई आफ्नो विचारहरू कार्यान्वयन गर्न नहिच्किचाउने प्रशिक्षकको रुपमा लिइने गरेको छ । उनी आफ्नो रणनीति बोर्ड र खेल दुवैमा देखाउन सक्षम छन् । उनी आफ्नो अघिल्लो क्लबहरूमा आफै डाइट योजनाहरू बनाउँथे, खेलाडीहरू सुते–नसुतेको निगरानी समेत गर्ने गर्छन् ।

उनले पहिले काम गरेको क्लबहरुमा आफै एनलाइटिक्स बिभागको शुरुवातमा र स्काउटिंग प्रकृयामा परिवर्तन गरेका थिए र त्यही कारण पनि उनलाई राम्रो बिचार भएको प्रशिक्षक मध्ये पर्छन् ।

क्लब बोर्डसँगको चिसो सम्बन्ध

टुचेल जिद्दी प्रशिक्षकको रुपमा चिनिने गर्छन् । उनी जुन क्लब पुगेका छन् त्यहाको बोर्डसँग कहिल्यै राम्रो सम्बन्ध बनाउन सकेनन् । माइन्ज, डर्टमण्ड र पिएसजी सबै क्लबको बोर्डसँग उनको कहिले राम्रो सम्बन्ध रहेन । अझै डर्ट्मण्डमा त उनले हेड स्काउट स्वेन मिसलिन्टैटलाई प्रतिबन्ध नै गरेका थिए ।

धेरै प्रशिक्षकहरु नरुचाउने चेल्सीको बोर्डका लागि टुचेललाई धेरै समय दिने आशा गरिएको छ । चेल्सीका मालिक रोमन अब्राहिमोभिच आँफै पनि टुचेलका समर्थक हुन् । चेल्सीकी स्पोर्टिङ्ग डिरेक्टर मरिया ग्रनोवस्किया त टुचेललाई २०१७ मै क्लब भित्र्याउन पर्छ भन्ने मध्येकी एक थिइन् । सधैं क्लब सँग झगडामा मुछिने टुचेलका लागि चेल्सी बोर्डसँग सम्बन्ध भने हेर्न बाँकी छ ।

Continue Reading

Headline

प्रिमियर लिगमा सिटी यो सिजन पहिलो पटक शिर्षमा उक्लियो

wesportz

Published

on

म्यानचेस्टर सिटी वेष्ट ब्रोमलाई उसकै घरमा ५–० गोलको फराकिलो अन्तरले पराजित गर्दै इङ्गलिस प्रिमियर लिगको शिर्ष स्थानमा उक्लिएको छ ।

अनपेक्षित बनेको यो सिजनको प्रिमियर लिगमा अर्को सनसनी थप्दै सिटी यो सिजन पहिलो पटक शिर्ष स्थानमा उक्लिएको हो । समान १९ खेलपछि सिटीले शहरी प्रतिद्वन्दी म्यानचेस्टर युनाइटेडमाथि एक अंकको अग्रता बनाएको छ । लेस्टर सिटी ३८ अंकका साथ तीन अंकले पछि रहेको छ भने एक खेल बढी खेलेको वेष्ट ह्यामको ३५ अंक छ ।

दुई हप्ता अघि मात्रै शिर्ष स्थानमा रहेको लिभरपुल १९ खेलबाट ३४ अंकका साथ पाचौं र टोेटेन्ह्याम हट्स्पर १८ खेलमा ३३ अंक बटुल्दै छैटौं स्थानमा छ । यो सिजन चेल्सी, लेस्टर, लिभरपुल, म्यानचेस्टर युनाइटेड र अब सिटी सबैले शिर्ष स्थानमा आगेटिसकेका छन् ।

युरोपको कुनै पनि शिर्ष पाँच डिभिजनका टोलीहरुले वेष्ट ब्रोमले जति घरेलु मैदानमा गोल खाएको छैन । र मङ्गलवार सिटीको आक्रमक खेलले उसलाई ध्वस्त नै पारेको थियो ।

सिटीको जितमा इके गुन्डोगानले दुई गोल गरे भने क्यान्सेलो, रियाद माह्रेज र रहिम स्टर्लिङ्गले १–१ गोल थपेका थिए । हारपछि वेष्ट ब्रोम ११ अंकका साथ रेलिगेसन जोनमै रहेको छ । पुछारमा रहेको सेफिल्ड युनाइटेडको पाँच अंक छ । फुल्ह्यामको १२ र रेलिगेसन जोनबाट एक स्थानमा माथि रहेको ब्राइटनको १७ अंक छ ।

मङ्गलवार नै भएको अर्को खेलमा आर्सनलले आफ्नो प्रिमियर लिग पुनरागमनलाई कायम राख्दै साउथ्याम्प्टनमाथि ३–१ को जित दर्ता गर्यो । एक समय १४ औं स्थनमा रहेको आर्सनल अहिले ३० अंकका साथ आठौं स्थानमा उक्लिएको छ । आर्सनलको जितमा निकोलस पेपे, बुकायो साका र एलेक्जेन्डे« लाकाजेटले गोल गरेका थिए ।

वेष्ट ह्याम क्रिष्टल प्यालेसलाई ३–२ ले पराजित गर्दै चौथो स्थानमा उक्लिएको हो । लामो समयपछि वेष्ट ह्याम आधा सिजन समाप्त हुँदा प्रिमियर लिगको अंक तालिकाको यति माथि आइपुगेको हो ।

अर्को खेलमा लिड्स युनाइटेडले न्युकासललाई २–१ ले हरायो । लिड्स १२ औं स्थानमा छ । ३० अंक रहेको आर्सनलको पछाडी एस्टन भिल्ला, चेल्सी, साउथ्याम्प्टन सबैको २९ अंक छ ।

Continue Reading
Headline2 hours ago

‘अब म जर्मनीको लागि कहिल्यै पनि खेल्दिन’

Headline3 hours ago

एएफसी कपको प्ले अफमा आर्मीले श्रीलंका पुलिस विरुद्ध खेल्ने

Headline8 hours ago

एपिएफले पुलिसलाई बाहिर पठायो, आरिफको खुट्टा खोच्याउदै ब्याटिङ्ग

Headline9 hours ago

बिराटनगरको पहिलो जितमा कुसुमको ह्याट्रीक

Headline9 hours ago

थोमस टुचेलः पावर गेम र दूरदर्शी

Headline12 hours ago

एपिएफले पुलिसलाई दियो २ सय ४ रनको चुनौतिपुर्ण लक्ष्य, आरिफ घाइते

Headline17 hours ago

प्रिमियर लिगमा सिटी यो सिजन पहिलो पटक शिर्षमा उक्लियो

Headline1 day ago

रियल र बार्सिलोना अझै पनि सर्वाधिक आम्दानी गर्ने क्लबको सुचिमा कायम

Headline1 day ago

रेड कार्डले प्रतिबन्ध व्यहोरेका मेस्सी बार्सिलोना टोलीमा फर्किए

Headline1 day ago

युएईका पुर्व कप्तान नाभिद र साइमन अनवरलाई आजीवन प्रतिबन्ध लाग्न सक्ने

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline6 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending