Connect with us

Headline

चक्कुको धारमा जागिर टिकाइरहेका प्रिमियर लिग व्यवस्थापकहरु

wesportz

Published

on

इङ्गिलस प्रिमियर लिगको ६ खेलबाट चौथो हार व्यहोर्ने क्रममा म्यानचेस्टर सिटीसँग ३–१ ले पराजित भएपछि आफ्नो टोली फर्म टेबलको १७ औं र अंक तालिकामा आठौं स्थानमा खस्कदा चेल्सी व्यवस्थापक फ्रांक लाम्पार्डको जागिर धरापमा पर्यो ।

द एथ्लेटिक पत्रिकाका अनुसार रोमन अब्राहमोभिचको व्यवस्थापनले लाम्पार्डको बिकल्प खोज्न थालिसकेको थियो । तथ्यांकगत रुपमा, लाम्पार्डको व्यवसायिक अवसान प्रतिको कदम चरमबिन्दुमा पुग्ने नजिक थियो ।

प्रिमियर लिगको व्यवस्थापकीय जागिर निकै राम्रो समयमा पनि अस्थिर रहने गरेको छ तर लाम्पार्डको भाग्य परिवर्तन निकै द्रुत गतिमा भयो । ६ खेल अघि मात्रै ९ खेलमा अपराजित लाम्पार्डको चेल्सी पाँचमध्ये चार खेल जित्दै शिर्ष स्थानभन्दा मात्र दुई अंकले पछि थियो । युवा व्यवस्थापक र क्लब लेजेण्ड लाम्पार्डको प्रदर्शनलाई सबैले सराहना गरेका थिए ।

युवा टोलीलाई संक्रमणकालीन अवस्थामा निकै कुशल व्यवस्थापनमार्फत पुननिर्माण गर्दै च्याम्पियन्स लिगमा स्थान दिलाएका लाम्पार्डलाई अघिल्लो सिजनको क्रेडिटमा चल्न अझै समय थियो ।

तर लाम्पार्ड त प्रिमियर लिगमा यो सिजन छुराको धारमा टेक्दै हिँडेका ठूला ६ मध्ये एक व्यवस्थापक मात्रै हुन पुगे । जागिर धरापमा रहेका प्रशिक्षकहरुको सुचि हेर्ने हो भने प्रिमियर लिगमा व्यवस्थापकहरुलाई कति कठिनाई छ स्पष्ट हुन्छ ।

दुई हप्ता अघि मात्रै आर्सनल व्यवस्थापक मिकेल आर्टेटालाई क्लबले बर्खास्त गर्ने मुड बनाइसकेको थियो । १० खेलमा सात हार र मात्रै एक जितपछि आर्सनल अकल्पनीय १५ औं स्थानमा पुग्दा उसले आफ्नो यसअघिका धेरै पुस्ताहरुमध्ये कै खराब शुरुवात गर्यो ।

योर्गेन क्लोपले अचम्मैसँग चोटग्रस्त आफ्नो टोलीलाई सम्हाल्दै लगेका छन् । उनी अपवाद हुन ।

त्यसयता आर्सनल धर्मराउदै गरेको चेल्सी, १७ औं स्थानको ब्राइटन र १९ औं स्थानको वेष्ट ब्रोमविच आल्बियनलाई पराजित गर्दै ११ औं मा उक्लियो । आर्सनल अब च्याम्पियन्स लिग स्थानभन्दा मात्रै ६ अंकले पछाडी छ । आर्टेटामाथिको कालो बादल केही बेरका लागि भएपनि हटेको छ । अहिले स्थिति केही शान्त होला तर पनि १३ पटकको प्रिमियर लिग च्याम्पियन अंक तालिकाको बटम हाफमै छ ।

एक महिनाभन्दा कम समयअघि म्यानचेस्टर डर्बीमा सिटीसँग पराजित हुने हो भने युनाइटेडले आफ्ना व्यवस्थापक ओले गुनार सोल्सायरलाई बर्खास्त गर्ने आंकलन गरियो । उक्त डर्बि युनाइटेड च्याम्पियन्स लिगको समुह चरणबाटै बाहिरिएको चार दिनपछि थियो ।

तर युनाइटेडले सिटीसँग गोलरहित बराबरी खेल्यो भने नोभेम्बर १ मा आर्सनलसँग पराजित भएयता एक खेल पनि हारेको छैन । १० मध्ये ८ खेल जित्दै युनाइटेड १५ स्थान माथि उक्लदै अहिले डिफेन्डिङ्ग च्याम्पियन तथा शिर्ष स्थानको लिभरपुलसँगै समान अंकमा रहेको छ ।

सोल्सायरलाई बर्खास्त गर्ने तर्फ क्लब व्यवस्थापनको ध्यान बिस्तारै हट्न थालेको छ । कैयौं पटक जागिर गुम्ने अवस्थामा पुगेका नर्वेजियन सोल्सायरलाई लिएर अब आफ्नो टोलीलाई एक ढिक्का बनाएको र प्रतिभावान टोलीमा आत्मबिश्वास जगाएको भन्दै वाह वाहीका कथाहरु लेखिन थालेका छन् ।

प्रिमियर लिगको दोश्रो कोभिड सिजनमा व्याप्त भित्री रहस्यमयी वातावरणले लिगका व्यवस्थापकहरुलाई असर गर्न थालेको छ । तर अन्य सिजनजस्तै एक सत्य भने अझै पनि कायमै रहेको छ, त्यो हो ठूला ६ व्यवस्थापकहरुले आफ्नो टोलीलाई शिर्ष स्थानमा लानै पर्छ भन्ने अपेक्षा ।

दवाब यस्तो छ कि ६ ठूला व्यवस्थापकहरुले माथि उल्लेखित काम गर्न नसके चौथो स्थानमा पुर्याउदै कम से कम च्याम्पियन्स लिग सुरक्षित गर्नै पर्नेछ । र यो सम्भावना सधै झै लिगमा गणितीय हिसाबले कायमै रहने गरेको छ ।

पेप ग्वार्डियोलाका लागि पनि सिजनको शुरुवात निकै कष्टकर थियो ।

फरक के मात्र छ भने व्यस्त तालिकाका कारण नियमित रुपमा व्यहोरिन थालिएको चोट, कोरोनाका कारण गुमाउनु परेको खेलाडी, छोट्याइएको अफ सिजन र प्रि सिजन र समर्थकहरुको अनुपस्थितिका कारण प्रिमियर लिगमा परिणाम पहिले भन्दा अझै बढी अनपेक्षित हुन थालेका छन् । यसै कारण धेरै जसो ठूला टिम र व्यवस्थापकहरुको प्रदर्शनमा उतार चढाव छ भने अराजकता पनि कायमै छ ।

पहिलो ८ मध्ये मात्र तीन खेलमा जित हात पार्दा म्यानचेस्टर सिटी व्यवस्थापक पेप ग्वार्डियोला पनि केही समयका लागि छुनै नसकिने जस्ता देखिएका थिएनन् ।

चार खेलमा जितबिहिन हुदै पहिलोबाट सातौंमा झर्न पुग्दा यो सिजन उत्कृष्ट प्रदर्शन देखाउने मध्येका एक व्यवस्थापक टोटेन्हयाम हट्स्परका होजे मोउरिन्होको पनि चमक उडिसकेको थियो ।

कसैको नियन्त्रणमा नरहेको कोरोनाद्वारा सृजित प्रिमियर लिगको हालको अवस्थाको बलि नचढ्ने एक मात्र प्रशिक्षक योर्गन क्लोप नै रहे । लिभरपुलको चोटग्रस्त खेलाडीहरुको सुचि निकै लामो रहेपनि क्लोपले अचम्मैसँग टिमलाई सम्हालेका छन् ।

तर व्यवस्थापकहरुको जागिर असुरक्षित हुनु जति कोरोनाद्वारा सृजित समस्या हो त्यति नै क्लबहरुको कमजोरी पनि ।

चेल्सीले आफ्नो आक्रमण मजबुत बनाउन प्रशस्त पैसा खर्च गरेपनि त्यही अनुपातमा डिफेन्स बलियो बनाउन कसरत गरेन । युनाइटेड हतारमा बनाइएको स्क्रिप्टको फाइदा उठाउन सफल स्टारहरुको टुकडी जस्तो देखिने क्रम जारी छ । धमिलो लाग्ने टोटेन्ह्याम कठिन परिस्थितिको शिकार हुने गरेको छ । सिटी धेरै जसो सन्तुष्ट देखिने गरेको छ । आर्सनलको समस्या कहाबाट शुरु गर्ने कसैले भन्न सक्दैन् ।

फुटबल बिजनेस कुनै पनि टोलीको सिमित गुणका आधारमा निर्मित हुने गर्दैन । यहाँ परिणामको मात्रै भ्याल्यु हुन्छ । ती परिणामहरु व्यवस्थापकमा रिबाउण्ड हुने गर्छन् । जबसम्म प्रिमियर लिग अहिलेको जस्तो असामान्य र परिणाम अनपेक्षित हुन्छन्, कोही व्यवस्थापक आरामले सुत्न सक्ने छैनन् ।

Headline

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

wesportz

Published

on

राष्ट्रिय महिला लिग अन्तर्गत बिहीबार भएको पहिलो खेलमा एपिएफले रौतहटको चन्द्रपुर नगरपालिकालाई ६-० गोल पराजित गर्दा दोस्रो खेलमा भने वालिङ नगरपालिका र विराटनगर महानगरपालिकाले १-१ गोलको बराबरी खेलेका छन् ।

सातदोबाटो स्थित एन्फा कम्प्लेक्सको एस्ट्रो ट्रफमा भएको पहिलो खेलमा चन्द्रपुर नगरपालिकालाई ६-० ले हराउदा । नेपाल राष्ट्रिय महिला टोलीकी स्ट्राइकर सावित्रा भण्डारीले ह्याट्रिक गरेकी थिइन । यस्तै अन्य तीन गोल भने कप्तान अनिता बस्नेत,अन्जली कुमारी योन्जन र प्रिती राईले गरेकी थिइन ।

खेलको पहिलो गोल १४ औँ मिनेटमा सावित्राले गरेकी थिइन । मन्जली योन्जनले दिएको पासमा सावित्राले डिबक्स भित्रबाट सहजै गोल गरिन् ।

२२ औंँ मिनेटमा भने एपिएफले दोस्रो गोल गरेको थियो । यो पटक भने अन्जलीले अनिताले दिएको पासमा गोल गरेकी थिइन् । पहिलो हाफमा २-० को अग्रता लिएको एपिएफले दोस्रो हाफमा चारको गरेको थियो ।

खेलको ६२ औँ मिनेटमा सावित्राले व्यक्तिगत दोस्रो गोल गर्दै एपीएफलाई ३-० को अग्रता दिलाईन् । खेलको चौथोँ गोल भने ६४ औं मिनेटमा सावित्राले डिबक्स भित्रबाट मिलाएको बललाई अनिताले गरेकी थिइन । ७२ औँ मिनेटमा सावित्राले व्यक्तिगत तेस्रो गोल गर्दै ह्याट्रिक पुरा गर्दा एपीएफले ५-० को फराकिलो अग्रता लिएको थियो । पाँचौँ गोल ८९ औं मिनेटमा डेब्यु खेलाडी प्रिती राईले गरेकी थिइन् ।

बिहीबारनै भएको दोस्रो खेलमा वालिङ र बिराटनगरले बराबरी खेल्दा वालिङका लागि सम्झना शर्माले गोल गरेकी थिइन भने बिराटनगरका लागि आशा कुमारीले गरेकी थिइन । खेलको दोस्रो मिनेटमै पाएको अग्रतालाई जोगाउन नसक्दा वालिङ बराबरीमा रोकिन पुगेको थियो ।

Continue Reading

Headline

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

wesportz

Published

on

सुनिल धमलाले राष्ट्रिय क्रिकेटमा पहिलो शतक बनाउनुका साथै पवन शर्राफले १३ बलमै किर्तिमानी अद्र्धशतक पुरा गरेपनि नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा लुम्बिनी प्रदेशबिरुद्ध चार विकेटको क्षतिमा ३ सय १० रनको बिशाल योगफल बनाएको छ ।

त्रिवि मैदानमा टस हारी पहिलो ब्याटिङ्ग गरेको पुलिसले ओपनर कुशल भुर्तेललाई ६ रनमै गुमाएको थियो । त्यसपछि धमलाले खेललाई नियन्त्रणमा राखे । उनले दोश्रो विकेटका लागि अमित श्रेष्ठ (२८) सँग दोश्रो विकेटका लागि ५७ रनको साझेदारी गरे ।

लुम्बिनीले अमितको विकेट लिए पनि उसको समस्य झनै बढेको थियो । धमला र दिपेन्द्र सिँह ऐरिले तेश्रो विकेटका लागि १ सय २९ रनको बिशाल साझेदारी गरेका थिए । सुझबुझपूर्ण इनिङ्गस खेलेका धमलाले १ सय ४५ बलमा १ सय ४ रन बनाए । उनले सात चौका र एक छक्का हिर्काएका थिए ।

निकै आक्रमक लयमा देखिएका दिपेन्द्रले ६१ बलमा ८५ रनको योगदान दिए । दिपेन्द्रको इनिङ्गसमा ६ छक्का र एक चौका सामेल थियो । ४८ औं ओभरको दोश्रो बलमा सौरभ खनालले दिपेन्द्रलाई पेभिलियन फर्काउदा पुलिसको जम्मा २ सय ५४ रन थियो । उक्त ओभरमा पुलिसले १० रन बनाएको थियो ।

त्यसपछि अन्तिम दुई ओभर पवन र आरिफ शेख पूर्ण रुपमा लुम्बिनी बलरहरुमाथि हावी भए, बिशेष गरि पवन । उनले बिक्रम भुषालाई ४९ औं ओभरमा दुई छक्का प्रहार गरे भने उक्त ओभरमा पुलिसले १८ रन बटुल्यो । अन्तिम ओभर लिएर आएका सौरभलाई पवनले चार छक्का प्रहार गर्दै एक्लै २८ रन जोडेका थिए । अन्तिम बलमा उनले सौरभलाई छक्का प्रहार गर्दै घरेलु क्रिकेटको सबैभन्दा तिब्र अद्र्धशतक बनाएका थिए ।

सौरभले दुई ओभरमै ३८ रन दिन पुगे । आरिफले १४ बलमा २९ रनको योगदान दिए । उनको इनिङ्गसमा दुई चौका र दुई छक्का सामेल थियो ।

 

Continue Reading

Headline

तेस्रो डिभिजनको एल्कोयानोसँग रियल म्याड्रिड पराजित

wesportz

Published

on

स्पेनिस तेस्रो डिभिजनको क्लब एल्कोयानोसँग २-१ ले पराजित भए पछि रियल म्याड्रिड कोपा डेल रे को अन्तिम ३२ बाट बहिरिएको छ ।

शुरुवाती एघारको धेरै जस्तो खेलाडी दोस्रो रोजाइका खेलाएको रियल म्याड्रिडलाई एल्कोयानोले बिर्सनलायक हार चखाएको हो ।

एल्कोयानोको मैदानमा बुधबार राति भएको खेलमा रियल म्याड्रिडले पहिलो गोल गरेको थियो । रियलका लागि मार्सेलोको पासमा एडर मिलाटाओले गोल गर्दै ४५ औँ मिनेटमा अग्रता दिलाएको थियो ।

पहिलो हाफमा १-० ले पछि परे पनि हिम्मत नहार्दै प्रतिस्पर्धा गरेको एल्कोयानोले दोस्रो हाफको ८० औँ मिनेटमा भने बराबरी गोल गर्न सफल भएको थियो । एल्कोयानोका लागि जोस सोल्वेसले गोल गर्दै खेललाई १–१ गोलको बराबरीमा ल्याएका थिए । उनले मिड्फिल्डर सोल्वेसले रामोन लोपेजको पासमा गोल गरेका थिए । त्यसपछि निर्धारित ९० मिनेट र इन्जुरी समयमा नतिजा निस्कन नसक्दा खेल अतिरिक्त समयमा लम्बिएको थियो ।

अतिरिक्त समय एल्कोयानोलाई पहिले फापेन । १०९ औँ मिनेटमा एल्कोयानो १० खेलाडीमा समेटिन पुगेको थियो । क्यासमिरोलाई फल गरेपछि रामोन लोपेज दोहोरो पहेलो कार्ड खादै मैदानबाट बाहिरिएका थिए । १० खेलाडीमा सिमित भए पनि रियलले त्यस्को फाईदा उठाउन सकेन ।

११५ औँ मिनेटमा भने जुवानानले एलि डियाकिट्ट्को पासमा गोल गर्दै रियललाई नमिथो हार चखाएका थिए । रियललाई २-१ ले पराजित गर्दै एल्कोयानोले अन्तिम १६ को स्थान बनाउन सफल भएको छ ।

 

Continue Reading
Headline9 hours ago

महिला लिग: वालिङ बिराटनगर बराबरीमा, एपिएफको जितमा सावित्राको ह्याट्रिक

राष्ट्रिय12 hours ago

एपीएफसँग पराजित हुँदा गण्डकी पिएम कपबाट बाहिर

Headline15 hours ago

पुलिसको आक्रमक ब्याटिङ्ग, धमलाको शतक, पवनको किर्तिमानी अद्र्धशतक

Headline18 hours ago

तेस्रो डिभिजनको एल्कोयानोसँग रियल म्याड्रिड पराजित

Headline19 hours ago

रोनाल्डोको किर्तीमानसँगै युभेन्टसलाई सिजनको पहिलो उपाधि

Headline19 hours ago

भिल्ला विरुद्ध सिटीको जित, युनाइटेड शिर्ष स्थानमा पकड बनाउदै

Headline1 day ago

सकियो सन्दिपको दिल्लीसँगको यात्रा

Headline1 day ago

बिभागिय डर्बीमा पुलिस र आर्मीको बराबरी

Headline2 days ago

प्रधानमन्त्री कपमा नेपाल पुलिसको सशक्त पुनरागमन

Headline2 days ago

महिला लिग आजबाट, पहिलो खेलमै बिभागीय डर्बी

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending