Headline
के मेस्सी र रोनाल्डोको दुश्मनी अनावश्यक हल्ला मात्र हो ?
Published
3 years agoon
By
wesportzविश्व फुटबलका दुई चर्चित नाम हो अर्जेन्टिना र बार्सिलोनाका लियोनेल मेस्सी तथा पोर्चुगल र युभेन्टसका क्रिष्चियानो रोनाल्डो ।
रोनाल्डो र मेस्सी मध्ये को उत्कृष्ट भन्ने बहस सधै चलिरहन्छ । कसैले मेस्सी उत्कृष्ट भन्छन् त कोही रोनाल्डोलाई । समर्थक, पत्रकार र फुटबलसम्बन्धित व्यक्तिहरु मात्र नभएर अन्य खेलाडीहरु पनि रोनाल्डो र मेस्सी मध्ये को उत्कृष्ट भन्दै चर्चा गर्ने गर्दछन् । तर एउटा कुरा चाही के पक्का हो भने यी दुई खेलाडी फुटबलले पाएको महान खेलाडीहरु हुन् ।
कोरोनाका कारण यस बर्ष बालन डी’ओर पहिलो पटक भएन । तर पछिल्लो १२ बर्षको विजेता हेर्ने हो भने यस प्रतिष्ठित पुरस्कारमा रोनाल्डो र मेस्सीकै बोलबाला छ । फ्रान्स फुटबल पत्रिकाले दिने उक्त पुरस्कारको पछिल्लो १२ संस्करण मध्ये मेस्सीले ६ पटक जित्दा रोनाल्डोले पाँचमा बिजेता रहेका छन् ।
एक पटक यो पुरस्कार सन् २०१८ मा क्रोएसिया र रियल म्याड्रिडका लुका मोड्रिचले जिते ।
मेस्सीका नजिक रहेका ब्राजिल र पेरिस सेन्ट जर्माइनका स्टार खेलाडी नेमार दुबै नै उत्कृष्ट खेलाडी रहेको मान्छन् । बार्सिलोनामा सन् २०१३ देखि २०१७ सम्म मेस्सीसँगै खेलेका नेमार मेस्सीका ठुलै समर्थक हुन् तर पनि उनि दुबै उत्कृष्ट खेलाडी हुन् भन्छन् ।
एक अन्तर्वार्ताका क्रममा नेमारले भनेका थिएः “मेरो विचारमा सबैको आ–आफ्नै इतिहास हुन्छ र इतिहास बनाउने पनि गर्छन् । सबैको आ–आफ्नो लक्ष्य हुन्छ । रोनाल्डो र मेस्सी यस्ता खेलाडी हुन् जसले किर्तिमान बनाउनुका साथै आफ्नै इतिहास बनाउने गरेका छन् ।”
धेरै रोनाल्डोका समर्थक मेस्सीलाई रुचाउँदैनन् भने मेस्सीका समर्थक पनि रोनाल्डोलाई फिटिक्कै मन पराउँदैनन् । त्यस्तै बार्सिलोनाका समर्थक मेस्सीलाई र रियल म्याड्रिडका समर्थक रोनाल्डोलाई देख्न सक्दैनन् ।
तर के मेस्सी र रोनाल्डो एक अर्कालाई घृणा गर्ने र एक अर्कालाई आफ्नो दुश्मन मान्छन् ?
केहि समय अघि मेस्सीले आफ्नो चार जना मनपर्ने खेलाडीहरुको बारेमा सोध्दा नाम लिएका खलाडीहरु थिए – टेनिसका रोजर फेडेरर र राफेल नाडाल तथा बास्केटबलका लेब्रोन जेम्स ।
यो त तीन जनाको मात्र नाम भयो त ! चौथों को नाम खै त । चौथों पक्कै पनि नेमार हो । मेस्सी नेमारलाई उत्कृस्ट खेलाडी मान्छन् । उनी नेमारसँग मैदान भित्र र मैदान बाहिर दुबैमा राम्रो मेल रहेको जनाउँछन् । तर तपाईको अनुमान गलत भयो । मेस्सीले आफुलाई मनपर्ने र प्रसंशा गर्ने चौथों खेलाडी रोनाल्डो भएको बताएका थिए ।
मेस्सी भन्छनः “फुटबलमा मलाई मन पर्ने खेलाडी रोनाल्डो हुन् । उनी सधैं उत्कृष्ट प्रदर्शन गर्दछन् र आफ्नो शत प्रतिशत दिन्छन् । बास्ताबमा भन्नु पर्दा म यस्तो खेलाडीको प्रसंशा गर्छु जो सधैं उत्कृष्ट प्रदर्शन गर्दै शत प्रतिशत दिन्छन् ।”
अरुले जे सुकै भने पनि मेस्सी र रोनाल्डो एक अर्कालाई सम्मान गर्ने गर्दछन् । रोनाल्डोले एक पटक एउटा पत्रकार सम्मेलनमा भनेका थिएः “मेस्सी यस्ता खेलाडी हुन् जोसँग मेरो सधैं राम्रो सम्बन्ध रहि आएको छ । मैलें कहिल्यै पनि उनलाई आफ्नो प्रतिद्वन्दिको रुपमा हेरेको छैन । उनी पनि म जस्तै आफ्नो क्लब र टोलीको लागि राम्रो गर्न प्रयासरत छन् ।”
त्यस्तै अर्को एक अन्तर्वार्ताका क्रममा रोनाल्डोले अहिले सम्म मेस्सीसँग सँगै बसेर डिनर नगरेको भए पनि एक दिन सँगै डिनर गर्ने आशा ब्यक्त गरेका थिए ।
एउटा अचम्मको कुरा त यो छ कि मेस्सीका छोरा थियागो रोनाल्डोका फ्यान हुन् भने रोनाल्डोका छोरा क्रिस्टिहानो मेस्सीका ठुला समर्थक हुन् ।
यथार्थ के हो भने मेस्सी र रोनाल्डो दुश्मनी भन्ने शब्दबाट नै निकै टाढा छन् । वास्तबमा उनीहरु मैदानको प्रतिद्वन्दीताले नै एक अर्कालाई उत्कृष्ट बनाएको छ । र दुई खेलाडीबीचको दुश्मनी उनीहरुको महत्वकांक्षाका कारण अरुहरुले बनाएका मात्रै हुन् ।
You may like
-
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
-
ट्वान्टी ट्वान्टी विश्वकपमा चिरप्रतिद्वन्द्वी पाकिस्तान र भारत भिड्दै
-
केन्या माथि नेपालको कीर्तिमानी जित
-
साफ च्याम्पियनसिपका लागि तीन नयाँ खेलाडी समेट्दै टोली घोषणा
-
नेपाल टी२० लिग : खेलाडी दर्ता सुरु, चार मापदण्ड तय
-
खराब ब्याटिङका कारण दोश्रो ट्वान्टी ट्वान्टी खेलमा नेपाल पराजित
Headline
कोहलीको उत्कृष्ट पारीमा पाकिस्तान माथि भारतको सनसनीपूर्ण जित
Published
1 year agoon
October 23, 2022By
wesportzविराट कोहलीले अविजित रहँदै अर्धशतकीय पारी खेल्दा अष्ट्रेलियामा जारी ट्वान्टी ट्वान्टी विश्वकपको आफ्नो पहिलो खेलमा भारतले चिरप्रतिद्वन्द्वी पाकिस्तान माथि चार विकेटको सनसनीपूर्ण जित हात पारेको छ ।
कोहलीले अविजित रहँदै ८२ रन जोड्दा पाकिस्तानले दिएको १६० रनको लक्ष्य भारतले अन्तिम बलमा ६ विकेट गुमाएर लक्ष्य पार गर्यो ।
ओपनरद्वय केएल राहुल र कप्तान रोहित शर्मा समान ४-४ रन जोड्दै पेभेलियन फर्किए पनि कोहलीले अर्को छोडबाट रन जोड्दै गत विश्वकपमा पाकिस्तानसँगको हारको बदला लिन सफल रहे । ५३ बलको सामना गरेका कोहलीले छ चौका र चार छक्काको मद्धतमा अविजित रहँदै सर्वाधिक ८२ रन जोडेका हुन् ।
सातौँ ओभरमा ३१ रनमा चार विकेट गुमाएर खराब सुरुवात गरेको भारतको जितमा कोहलीले पाँचौं विकेटका लागि ३७ बलमा ४० रन बनाएका हार्दिक पाण्ड्यासँग मिलेर
७८ बलमा ११३ रनको साझेदारी गरे । भारतका अन्य ब्याटरहरुमा सुर्य कुमार यादव १५, अक्सर पटेल दुई, दिनेश कार्तिक एक तथा रविचन्द्रन आश्विन एक रनमा अविजित रहे ।
पाकिस्तानका ह्यारिस रौफ र मोहम्मद नवाज महँगो सावित रहे पनि समान २-२ विकेट तथा नसिम शाहले चार ओभरमा २३ रन दिएर एक बिकेट हात पारे भने शाहिन शाह अफ्रिदीले चार ओभरमा ३४ रन खर्चंदा विकेट बिहिन रहन पुगे ।
यस अघि खेलमा टस हारेर पहिले ब्याटिङ गरेको पाकिस्तानले पुरै २० ओभर खेल्दा आठ विकेट गुमाएर १५९ रन मात्र जोड्न सक्यो ।
कप्तान बाबर आजम गोल्डेन डकआउट तथा मोहम्मद रिजवान चार रनमा आउट भए पनि तेश्रो र चौथों नम्बरमा ब्याटिङ गर्न आएका शान मसूद र इफ्तिखर अहमदले अर्धशतकीय पारी खेल्दै पाकिस्तानलाई सम्मानजनक योगफल सम्म डोर्याए । अविजित रहेका मसूदले ४२ बलमा सर्वाधिक ५२ तथा अहमदले ३४ बलमा ५१ रन बनाए ।
पाकिस्तानलाई मध्यम स्कोरमा रोक्ने क्रममा अर्शदिप सिंह र हार्दिक पान्ड्याले समान ३-३ विकेट लिए भने मोहम्मद शामी र भुवनेश्वर कुमारले समान १-१ विकेट आफ्नो नाममा दर्ता गराए ।
Headline
आठ पटकको च्याम्पियन जर्मनलाई हराउँदा इंग्ल्यान्डलाई पहिलो युरो कपको उपाधि
Published
2 years agoon
August 1, 2022By
wesportzआठ पटकको च्याम्पियन जर्मनीलाई पराजित गर्दै इंग्ल्यान्ड पहिलो पटक महिला युरो कपको उपाधि चुमेको छ । वेम्ब्लीमा भएको फाइनल खेलमा जर्मनी माथि २-१ गोल अन्तरको जित निकाल्दै इंग्ल्यान्डले पहिलो पटक ठुलो प्रतियोगिताको उपाधि हात पार्न सफल भयो ।
पहिलो हाफ गोल रहित बराबरीमा सकिएको खेलको दोश्रो हाफमा दुबै टोलीले १-१ गोल गर्दा खेल अतिरिक्त समयमा पुगेको थियो । अतिरिक्त समयको २० मिनेटमा सब्सटिच्युटमा आएकी क्लोई केलीले गोल गर्दै ८७ हजार एक सय ९२ दर्शक सामु इङ्ल्यान्डलाई उपाधि दिलाएकी हुन् ।
Absolute scenes! ? pic.twitter.com/EV5Wzvf4U3
— Lionesses (@Lionesses) July 31, 2022
दोश्रो हाफको ६२ औँ मिनेटमा एला टोनीले गोल गर्दै इङ्ल्यान्डलाई अग्रता दिएकी थिइन् भने ७९ औँ मिनेटमा लिना मागलले बराबरी गोल गर्दै जर्मनीलाई खेलमा फर्काउन सफल भइन् ।
इंग्लिस फुटबल पुरुष र महिला कुनै पनि टोलीले जितेको यो पहिलो ठुलो ट्रफी हो । यस अघि ५६ वर्ष अघि इङ्ल्यान्डले वेस्ट जर्मनीलाई पराजित गर्दै सन् १९६६ मा आयोजना भएको विश्वकपको उपाधि जितेको थियो ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । फाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंकजोडेर शीर्ष स्थानमा छ ।
नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।
नेपालले भारतको भुवनेश्वरमा जारी दक्षिण एसियाली फुटबल (साफ) यू-२० च्याम्पियनसिपको आफ्नो तेश्रो खेलमा लज्जास्पद हारको सामना गरेको छ । यस अघिका दुई खेलमा सानदार जित हात पारेको नेपाल आयोजक भारतसँग भने ८-० गोल अन्तरले पराजित हुन पुग्यो ।
कालिंगा स्टेडियममा भएको खेलको पहिलो हाफमा १-० ले मात्र पछि परेको नेपाल विरुद्ध भारतले दोश्रो हाफमा आधा दर्जन भन्दा बढी गोल हान्यो । सेमिफाइनल पुग्नका लागि जित्नै पर्ने खेलमा नेपालले बिर्सनलायक प्रदर्शन गर्यो ।
नेपालका गोल किपर ईश्वर गुरुङको खराब प्रदर्शनको फाइदा उठाउँदै टाइसन सिंहको गोलमा भारतले ३२ औँ मिनेटमा पहिलो गोल गर्यो । त्यस पछि दुबै टोलीले गोलका प्रयास गरे पनि गोल हुन नसक्दा भारत पहिलो हाफमा १-० ले अघि रह्यो ।
पहिलो हाफमा राम्रो प्रदर्शन गरे पनि दोश्रो हाफमा नेपाली टोली भारत विरुद्ध निरिह बन्न पुग्यो । एक पछि अर्को गोल खाएको नेपालले दोश्रो हाफमा मात्रै ७ गोल खाएको हो ।
दोस्रो हाफमा भारतले निरन्तर गोल गर्दा नेपाल निरिह बन्यो । दोश्रो हाफ सुरु भएको पाँचौँ मिनेटमा भारतका पार्थिव सुन्दर गोगोइले भारतका लागि दोश्रो गोल गरे । त्यसको एक मिनेट पनि बित्न नपाउँदै पार्थिवले आफ्नो व्यक्तिगत दोश्रो र भारतको लागि तेश्रो गोल गरे ।
यस्तै पथुम गिमहानाले ६४औं, हिमांशु जाँग्राले ७१औं, मोहमेद रिकाज ७८औं, गुरकिरत सिंहले ९०औं र शुभो पउलले इन्जुरी टाइममा गोल गर्दा भारत ८-० ले जित निकाल्न सफल रह्यो ।
आफ्नो पहिलो खेलमा माल्दिभ्स माथि ४-० को फराकिलो जित निकालेको नेपालले आफ्नो दोश्रो खेलमा श्रीलंकालाई ३-० ले पराजित गरेको थियो ।
भारतविरुद्ध फराकिलो हारपछि नेपाललाई फाइनल यात्रामा धक्का लागेको छ । तीन खेलबाट दुई जित र एक हारपछि नेपालको ६ अंक छ । नेपाललाई हराउँदै दोस्रो जित निकालेको भारत ३ खेलबाट ६ अंक जोड्दै दोस्रो स्थानमा उक्लेको छ । लगातार तीन खेल जित्दै अपराजित रहेको बंगलादेश ९ अंक जोडेर शीर्ष स्थानमा छ । नेपालले फाइनल पुग्न अब अन्तिम लिग खेलमा बंगलादेशलाई हराउनुपर्नेछ भने भारत र माल्दिभ्स बीचको खेलको नतिजा पनि आफू अनुकुल आउनुपर्नेछ ।