Connect with us

Headline

इङ्गल्याण्डका ट्रिपियर सट्टेबाजी नियम उल्लंघनको आरोपमा फुटबलबाट १० साताका लागि प्रतिबन्धित

wesportz

Published

on

इङ्गल्याण्ड राष्ट्रिय टोलीका फुटबलर तथा एट्लेटिको म्याड्रिड डिफेन्डर केरान ट्रिपियरलाई इङ्गल्याण्ड फुटबल एशोसिएसनले सट्टेबाजी नियम उल्लंघन गरेको आरोपमा १० हप्ताका लागि फुटबलबाटै प्रतिबन्ध गरेको छ ।

३० बर्षिय ट्रिपियरको फुटबल र फुटबल सम्बन्धित बिश्वब्यापी प्रतिबन्ध फेब्रुवरी २८ सम्मका लागि कायम रहनेछ । प्रतिबन्ध निर्णय सुनाइएको दिन (बुधबार) देखि नै लागु भएको छ । उनलाई यस अतिरिक्त ९४ हजार डलर जरिवाना पनि गरिएको छ ।

इङ्गल्याण्ड रुसमा भएको २०१८ बिश्वकपको सेमिफाइनलसम्म पुग्दाका प्रमुख खेलाडी तथा पुर्व टोटेन्ह्याम हट्स्पर स्टार ट्रिपियरले भने आफूलाई लागेको सात वटै आरोपको बिरोध गर्दै आएका छन् । इङ्गलिस एफएले उनीबिरुद्ध लगाइएका सात मध्ये चार आरोप साबित भएको र अन्य तीन खारेज गरिएको बताएको छ ।

“जुलाई, २०१९ भएको घटनालाई लिएर लागेका सातै आरोप एट्लेटिको म्याड्रिड डिफेन्डरले अस्विकार गर्दै व्यक्तिगत सुनुवाइको लागि आग्रहर गरेका छन्,” एक इङ्गलिस एफएका प्रवक्ताले भनेका छन् । उनको अनुसार सुनुवाइको लागि एक स्वतन्त्र समिति पनि बनाइएको छ ।

ट्रिपियरलाई लागेको प्रतिबन्धका कारण उनले अब एट्लेटिको म्याड्रिडले खेल्ने १४ स्पेनिस ला लिगाका म्याचहरु गुमाउने भएका छन् । यस बाहेक च्याम्पियन्स लिग अन्तिम १६ अन्तर्गत चेल्सीबिरुद्ध फेब्रुवरी २३ का लागि तय भएको पहिलो लेग पनि गुमाउने छन् ।

रियल म्याड्रिडबिरुद्ध मार्च ७ को लागि तय भएको म्याड्रिड डर्विमा भने उनी उपस्थित हुनेछन् ।

ट्रिपियरलाई आफूले प्राप्त गरेको पोजिसनको फाइदा उठाउदै अन्य व्यक्तिलाई यसअघि बाहिर नआएको खेलको जानकारी दिइएको आरोप लागेको थियो । मे मा उनलाई पहिलो पटक आरोप लाग्दा पनि ट्रिपियर आफू निर्दोष रहेको कुरामा अडिग रहेका थिए ।

Headline

सकियो सन्दिपको दिल्लीसँगको यात्रा

wesportz

Published

on

इन्डियन प्रिमियर लिग (आईपीएल) टोली दिल्ली क्यापिटल्सले नेपाली राष्ट्रिय टोलीका लेग स्पिनर सन्दिप लामिछानेलाई फुकुवा गरेको छ । आगामी संस्करणको लागि दिल्लीले सन्दिप बाहेक इंग्ल्यान्डका ओपनर जेसन रोय र भारतका तिब्र गतिका बलर मोहित शर्मालाई पनि फुकुवा गरेको छ ।

सन् २०१८ को संस्करणमा तीन बर्षका लागि २० लाख भारतीय रुपैयाँ दिल्लीमा आबद्ध भएका सन्दिपलाई सन् २०२१ संस्करणको लागि दिल्लीले आफ्नो टोलीमा नराख्ने निर्णय लिएको हो । फेब्रुअरीमा हुने अक्सनको लागि टोलीहरुले खेलाडी फुकुवा गर्ने र खेलाडीहरुलाई आफ्नो टोलीमा राख्ने नाम आज सार्वजनिक गरेका हुन् ।

सन् २०१८ र सन् २०१९ को संस्करणमा कुल नौं खेल खेलेका सन्दिपले यस सिजन भने एक खेलमा पनि खेल्ने मौका पाएनन् । आफ्नो पहिलो सिजन तीन खेल खेल्ने मौका पाएका सन्दिपले पाँच विकेट हात पारेका थिए भने दोश्रो संस्करणमा छ खेल खेल्ने मौका पाउँदा आठ विकेट आफ्नो नाममा दर्ता गराएका थिए ।

आगामी संस्करण खेल्नका लागि सन्दिपलाई अन्य टोलीले अक्सनबाट आफ्नो टोलीमा समावेस गर्न पर्ने हुन्छ ।

Continue Reading

Headline

बिभागिय डर्बीमा पुलिस र आर्मीको बराबरी

wesportz

Published

on

राष्ट्रिय महिला फुटबल लिगको उद्घाटन खेलमा नेपाल आर्मी फुटबल क्लब र नेपाल पुलिस फुटबल क्लबले गोलरहित बराबरी खेलेका छन् । नेपाल पुलिसको सम्हालिएको डीफेन्सलाई तोड्न आर्मी असफल जस्तै रह्यो । पोजेसन आफ्नो पक्षमा पारे पनि आर्मीलाई नेपाल पुलिसले खुल्ने मौका दिएको थिएन ।

तेस्रो मिनेटमा आर्मीकी बिमला चौधरीले १८ यार्ड बक्स बाहिरबाट गरेको प्रहार पुलिसकी गोलकिपर सपना राईले रोकिदिइन ।

पाचौँ मिनेटमा आर्मीकी सपना लामाले ५ यार्ड बक्स नकिजबाट गरेको प्रहारले दिशा लिन सकेन। यस्तै सपनाले १३औं मिनेटमा पेनाल्टी एरिया बाहिरबाट गरेको प्रहार बाहिरिएको थियो ।

१६औं मिनेटमा पुलिसकी रन्जिता गुरुङले दायाँतर्फ बाट गरेको क्रसमा निरु थापाको ट्याप इन आर्मीकी गोलकिपर अन्जना राना मगरले बचाएकी थिइन् । १९औं मिनेटमा फेरि पनि पुलिसकी निर्मला बिकलाई आर्मीकी रक्षक सुनिता चौधरीले फाउल गरेपछि फ्रिकिक पाएको थियो ।

३० औँ मिनेटमा पुलिसकी निरु थापाले पेनाल्टी एरिया भित्रबाट गरेको प्रहार फ्रेममा नपर्दा पुलिस आग्रता लिनबाट चुक्यो ।

४४ औँ मिनेटमा आर्मीकी सपना लामाले खाली पोष्टमा गरेको प्रहार आफ्नै टोलीकी सुनिता चौधरीलाई लागेर फर्किदा पहिलो हाफ गोलरहित बराबरीमा सकिएको थियो ।

दोस्रो हाफमा पनि दुवै टोलीले गोल गर्न सकेनन् । ७१ औँ मिनेटमा आर्मीको इन्दिरा राइले गरेको प्रहार सपना राइले राम्रो बचाएकी थिइन। ८१ औँ मिनेटमा आर्मीको अर्को प्रहारलाई पुलिसकि मनि गुरुङले गोललाइनबाट किल्यर गरेकी थिइन । ८७ औँ मिनेटमा आर्मीकि रष्मी घिसिङको प्रहर पोस्टबाट थोरै बहिरिएको थियो । यस खेलसँगै दुवै टोलीले अंंक बाढेका छन् ।

Continue Reading

Headline

प्रधानमन्त्री कपमा नेपाल पुलिसको सशक्त पुनरागमन

wesportz

Published

on

ओपनरद्वय सुनिल धमला र कुशल भुर्तेलले आक्रमक अद्र्धशतक प्रहार गरेपछि डिफेन्डिङ्ग च्याम्पियन नेपाल पुलिस क्लबले प्रधानमन्त्री कप राष्ट्रिय एकदिवसीय क्रिकेट प्रतियोगितामा सशक्त पुनरागमन गरेको छ ।

पहिलो खेलमा बागमती प्रदेशबिरुद्ध १ सय ११ रनमै समेटिदै सात विकेटले पराजित भएको पुलिसले त्रिवि क्रिकेट मैदानमा बुधबार सुदुरपश्चिमलाई ९ विकेटको फराकिलो अन्तरले पराजित गर्यो ।

दिपेन्द्र सिँह ऐरि र सागर ढकालले चार–चार विकेट लिएपछि सुदुरको ब्याटिङ्ग धराशायी हुदै ३३ दशमलव १ ओभरमा १ सय १० रनमै सिमित भयो । कुशल र सुनिलले आकर्षक ब्याटिङ्ग गरेपछि पुलिसले १७ ओभरमै मात्र एक विकेटको क्षतिमा १ सय ११ रन बनायो ।

सुनिलले ५७ बलमा ५३ रन बनाउदै ६ चौका र दुई छक्का प्रहार गरे । कुशलले ४४ बलमा ५१ रन बनाए । बिजयी चौका प्रहार गर्दै अद्र्धशतक पुरा गरेका कुशलले ९ चौका र एक छक्का हिर्काए ।

यसअघि राम्रो अवस्थामा पुगिसकेको सुदुरपश्चिम ३० रनको अन्तरालमा ९ विकेट गुमाउदै सस्तोमै समेटिएको थियो । सुदुर बागमती प्रदेशबिरुद्धको आफ्नो पहिलो खेलमा पनि १ सय १९ रनमै अल आउट भएको थियो ।

पुलिसले इनिङ्गसको दोश्रो बलमै सन्तोष भट्टलाई आउट गर्दै आकर्षक शुरुवात गरेको थियो । खडक बोहोरा र सन्जु दमाईले त्यसपछि ८० रनको साझेदारी गर्दै बलियो स्थितिमा पुर्याएका थिए । तर खडकलाई सागर ढकालले एलबिडब्लु ट्रयापमा पारेपछि सुदुरको पतन शुरु भएको थियो ।

आकर्षक ब्याटिङ्ग गरेका खडकले ५३ बलमा आठ चौका प्रहार गर्दै ४० रन बनाए । सन्जुलाई पनि सागरले नै पेभिलियन फर्काएका थिए । सन्जुले ५८ बलमा ३५ रन जोडे । उनले पाँच चौका प्रहार गरेका थिए ।

अरुण ऐरी (१३) र अर्जुन साउद (१०) बाहेक अन्य कुनै ब्याट्स्म्यानले दोहोरो अंकमा रन जोड्न सकेका थिएनन् । पुलिसका लागि सागरले १० ओभरमा मात्र १८ रन खर्चिए भने दिपेन्द्रले ६ दशमलव १ ओभरमा मात्र १० रन दिएका थिए । सुदुरका पाँच जना ब्याट्स्म्यानले खाता खोल्न सकेका थिएनन् ।

Continue Reading
Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline3 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending