Connect with us

Headline

विलियम्सन र सिफर्टको शतकीय साझेदारीमा न्युजिल्याण्डलाई श्रृंखला

wesportz

Published

on

मोहम्मद हफिजले करिअरकै उच्च प्रदर्शन गर्दै ५७ बलमै ९९ रन बनाएपनि न्युजिल्याण्डले पाकिस्तानमाथि दोश्रो ट्वान्टी ट्वान्टी अन्तर्राष्ट्रियमा ८ विकेटको सहज जित हात पारेको छ ।

ह्यामिल्टनमा पहिलो ब्याटिङ्ग गरेको पाकिस्तानको इनिङ्गस हफिजकै वरिपरि घुम्यो । उनले १० चौका र पाँच छक्काको मद्दतमा ९९ नटआउट बनाएपनि अन्य ब्याट्स्म्यानहरुले उल्लेखनीय योगदान गर्न नसक्दा पाकिस्तानले २० ओभरमा ६ विकेट गुमाउदै १ सय ६३ रनको सामान्य योगफल मात्र बनाउन सक्यो ।

जवाफमा टिम सिफर्ट र कप्तान केन विलियम्सनले शान्दार शतकीय साझेदारी गरेपछि न्युजिल्याण्डले १९ दशमलव दुई ओभरमा मात्र एक विकेटको क्षतिमा लक्ष्य प्राप्त गर्यो । मार्टिन गप्टिल (२१) लाई ३५ रनमा गुमाएपछि सिफर्ट र विलियम्सनले दोश्रो विकेटका लागि नटआउट १ सय २९ रनको साझेदारी गरेका थिए ।

पहिलो ट्वान्टी ट्वान्टीमा पनि अद्र्धशतक बनाएका सिफर्टले ६३ बलमा ८४ रन बनाए भने विलियम्सनले ४२ बलमा ५७ रनको योगदान दिए । सिफर्टले तीन छक्का प्रहार गरे भने दुवै ब्याट्स्म्यानको इनिङ्गसमा समान ८ चौका रहेको थियो ।

यसअघि ५६ रनमा चार विकेट गुमाएको पाकिस्तानलाई सम्हाल्ने क्रममा हफिजले पाचौं विकेटका लागि खुशदील शाह (१४) सँग ६३ रनको साझेदारी गरेका थिए । टप अर्डरमा मोहम्मद रिजवानले २० बलमा २२ रन बनाएका थिए ।

म्यान अफ द म्याच टिम साउदीले न्युजिल्याण्डका लागि सर्वाधिक चार विकेट लिए । चार ओभरमा साउदीले मात्र २१ रन खर्चिएका थिए ।

Headline

एपिएफको आर्मीमाथि रोमाञ्चक जित, सेमिफाइनलमा पुलिससँग खेल्ने

wesportz

Published

on

त्रिभुवन आर्मी क्लबमाथि ६ रनको रोमाञ्चक जित रच्दै नेपाल एपिएफ क्लब प्रधानमन्त्री कप राष्ट्रिय एकदिवसीय क्रिकेट प्रतियोगितामा समुह ए को बिजेताको रुपमा सेमिफाइलन प्रवेश गरेको छ ।

योसँगै प्रतियोगिता सेमिफाइनल समिकरण पुरा भएको छ । सेमिफाइनलमा एपिएफले नेपाल पुलिस क्लबको सामना गर्नेछ । पुलिस मङ्गलवार नै मुलपानी क्रिकेट मैदानमा भएको खेलमा प्रदेश २ लाई पराजित गर्दै समुह बी उपबिजेता बन्यो ।

अर्को सेमिफाइनलमा आर्मीले समुह बी को बिजेता बागमती प्रदेशको सामना गर्नेछ ।

मङ्गलवार त्रिवि मैदानमा एपिएफले पहिलो ब्याटिङ्ग गर्दै ४९ दशमलव ४ ओभरमा सबै विकेट गुमाई २ सय ४० रन बनायो । जवाफमा आर्मीले ५० ओभरमा ८ विकेटको क्षतिमा २ सय ३४ रन मात्र बनाउन सक्यो ।
लोकेश बमले छरितो शुरुवात दिलाउने क्रममा २१ बलमै दुई चौका र दुई छक्काको मद्दतमा २१ रन बनाएपनि आर्मीले ६ रनको अन्तरमा कप्तान बिनोद भण्डारीसहित तीन विकेट गुमाएको थियो । तिब्र गतिका बलर कमल सिँह ऐरीले लोकेश, हरि बहादुर चौहान (शुन्य) र भण्डारी (शुन्य) को विकेट लिएका थिए ।

त्यसपछि अर्का ओपनर अनिल मण्डलले रोहित कुमार पौडेल (३०) सँग ७० रनको साझेदारी गरेका थिए । अर्को झड्का ब्यहोरेको आर्मीले अनिल र रोहितलाई एक रनकै अन्तरमा गुमायो । त्यसपछि फेरि भिम शार्र्की (२७) र राजेश पुलामी मगरले अद्र्धशतकीय साझेदारी गर्दै आर्मीलाई खेलमा फर्काए ।

आर्मीले भिमलाई गुमाएपनि बिक्रम सोबले २४ बलमा २८ रन ठोक्दै फेरि टिमलाई खेलमा फर्काए । उनले अमर सिँह रौटेलालाई एकै ओभरमा चार चौका प्रहार गरेका थिए । ४४ र ४५ औं ओभरमा आर्मीले राजेश र बिक्रमलाई गुमाएपछि उसले खेलमा नियन्त्रण गुमायो ।

अन्तिम १२ बलमा २२ रन चाहिएको अवस्थामा अविनाश बोहोराले निकै कसिलो बलिङ्ग गर्दै मात्र तीन रन खर्चिएपछि आर्मी खेलबाट लगभग बाहिरिएको थियो । अमरले अन्तिम ओभरमा १२ रन दिएका थिए । नवौं विकेटका लागि शाहब आलम (२०) र आकाश चन्द (१६) ले रन बनाएपनि त्यो जितका लागि पर्याप्त भएन ।

आर्मीका लागि अनिलले ७६ बलमा ४५ रन बनाए । उनले ८ चौका प्रहार गरे । अविनाशको बलमा बोल्ड हुनु अघि राजेशले ३७ बलमा दुई चौका र एक छक्का सहित ३३ रन बनाए । एपिएफका लागि भुवन कार्कीले पनि १० ओभरमा ३६ रन खचैदै दुई विकेट लिए ।

यसअघि पहिलो विकेटको रुपमा आसिफ शेख (७) लाई २९ रनमै गुमाएको एपिएफलाई दोश्रो विकेटका लागि सुभाष खकुरेल र कप्तान शरद भेषावकर (२४) ले ४४ रनको साझेदारी गर्दै सम्हाल्ने प्रयास गरेका थिए ।

एपिएफले दुवै सेट ब्याट्स्म्यानलाई गुमाएपछि सन्दिप जोरा (२८) र सुमित महर्जनले ४५ रनको साझेदारी गरेका थिए । २८ बलको सामना गरेका जोराले चार चौका र एक छक्का प्रहार गरे ।

सुमितले ६८ बलमा ४६ रन जोड्दै पाँच चौका र दुई चौका प्रहार गरेका थिए । अमर सिँह रौटेलाले १४ बलमा दुई छक्का र एक चौकाको सहयोगमा २६ रन बनाए भने बसन्त रेग्मीले २० रन बनाएका थिए । सुभाषले ८२ बल खेल्दै ३८ रन बनाउदा ६ चौका हिर्काए ।

आर्मीका लागि हरि चौहानले ९ दशमलव ४ ओभरमा ६० रन खर्चदै पाँच विकेट लिएका थिए । शाहबले कसिलो बलिङ्ग गर्दै १० ओभरमा २३ रन खर्चदै दुई विकेट लिए ।

Continue Reading

Headline

रौटहटको पहिलो जितमा सबिताको ह्याट्रीक

wesportz

Published

on

रौतहटको चन्द्रपुर नगरपालिकाले राष्ट्रिय महिला लिग फुटबलमा पहिलो जित निकालेको छ ।

सातदोबाटोस्थित एन्फा कम्प्लेक्समा सोमबार भएको खेलमा चौदण्डीगढी नगरपालिकालाई ७-१ गोल अन्तरले पराजित गर्दै चन्द्रपुरले पहिलो जित निकालेको हो ।

चौदण्डीकीका लागि भने अन्जना थुलुङले एक गोल गरेकी थिइन ।

चन्द्रपुरको जितमा सबिता राना मगरले ह्याट्रिक गरिन् । यस्तै रजनी थोकरले दुई गोल गरिन् भने दिल कुमारी राना मगर र सुनिता भोलानले एक-एक गोल गरिन् ।

२३ औँ मिनेटमा चौदण्डीगढीका लागि अन्जना थुलुङले गोल गर्दै १-० को अग्रता दिलाएकी थिइन ।

तर अग्रता जोगाउन नसक्दा पहिलो हाफको थपिएको इन्जुरी टाइममा चन्द्रपुरको लागी  दिलकुमरी थापा मगर गोल गर्दै खेललाई १-१ को बराबरीमा ल्याएकी थिइन ।

पहिलो हाफमा १-१ को बराबरीमा सकिदा दोस्रो हाफमा भने चन्द्रपुरले ६ गोल गर्यो ।  खेलमा दोस्रो गोलको ४७ औँ मिनेटमा चन्द्रपुरको लागि रजनि ठोकरले गोल गर्दै टोलीलाई अग्रता दिलाएकी थिइन।

५१ औँ सबिता राना मगरले खेलको तेस्रो र आफ्नो पहिलो गोल गरिन । यस्तौ ५९ औँ मिनेटमा उनले आफ्नो दोस्रो र खेलको चौँथो गोल गर्दा ७८ औँ मिनेटमा खेलको पाँचौँ गोल गर्दै ह्याट्रीक पूरा गरिन ।

चन्द्रपुरका लागी खेलको छैँठौ गोल भने ८५ औँ सुनिता भोलानले गरेकी थिइन ।

यस्तै सातौँ गोल भने इजुरी टाइममा रजनी ठोकरले गरे पछि चन्द्रपुरले ७-१ को फराकिली जित हात पार्यो ।

दोस्रो चरणको खेलहरू सकिँदा ६ अंकको साथ एपिएफ शिर्ष स्थान , ४-४ अंक रहेको  आर्मी दोस्रो र पुलिस तेस्रो स्थानमा रहेको छ भने  चौँथोमा चन्द्रपुर रहेको छ ।

Continue Reading

Headline

पुलिस प्रधानमन्त्री कपको सेमिफाइनलमा

wesportz

Published

on

नेपाल पुलिस क्लब प्रधानमन्त्री कप राष्ट्रिय एकदिवसीय क्रिकेट प्रतियोगिताको सेमिफाइनलमा प्रवेश गरेको छ । पुलिसले मुलपानी क्रिकेट मैदानमा आफ्नो समुह बी को खेलमा प्रदेश २ लाई चार विकेटले पराजित गर्दै अन्तिम चारमा प्रवेश गरेको हो ।

पहिलो ब्याटिङ्ग गरेको प्रदेश २ ले ४७ ओभरमा छोट्याइएको खेलमा ९ विकेट गुमाई १ सय ६९ रन बनायो । जवाफमा अनिल साहले इनिङ्गस सम्हाल्दै खेलेपछि पुलिसले ३८ ओभरमा ६ विकेट गुमाउदै १ सय ७० रन बनायो । मङ्गलवार जितको आवश्यकता रहेको पुलिस समुह बी उपबिजेता बन्यो । यस समुहबाट बागमती सोमबार नै बिजेताको रुपमा सेमिफाइनलमा प्रवेश गरिसकेको छ ।

पुलिस पराजित भएको खण्डमा सोमबार बागमतीसँगको रोमाञ्चक खेलमा बराबरी गरेको लुम्बिनी सेमिफाइनलमा प्रवेश गर्ने थियो । समुह चरणमा पुलिससँग मात्र पराजित भएको लुम्बिनीको पाँच अंक रह्यो । पुलिसको ६ र बागमतीले ७ अंक बटुले ।

प्रदेश २ भने प्रतियोगितामा एक खेल पनि नजित्ने एक मात्र टोली बन्यो । यद्दपि उसले पुलिसमाथि भने दवाब राखेकै थियो । निकै सावधानीपुर्वक पहिलो विकेटका लागि ४६ रन जोड्दा सुनिल धमला ४५ बलमा १३ रन बनाई आउट भएका थिए ।

अमित श्रेष्ठले १७ रन बनाए भने अर्का ओपनर कुशल भुर्तेलले ४३ रनको योगदान दिए । उनले ५५ बलमा तीन चौका र एक छक्का प्रहार गरे । पुलिसले आरिफ शेख (शुन्य), दिपेन्द्र सिँह ऐरि (१७) र पवन शर्राफ (तीन) लाई पनि सस्तैमा गुमाएपनि अनिल टिकी रहन सफल भएका थिए ।

अनिलले ६९ बलमा चार चौकाको मद्दतमा ४७ रन बनाए । मञ्जित श्रेष्ठ पनि १२ मा नटआउट रहे । प्रदेश २ का लागि बिबेक यादव र कुमार थापाले ३–३ विकेट लिएका थिए ।

यसअघि प्रदेश २ का लागि हरिशंकर साहले ५३ रन बनाउदा अन्य ब्याट्स्म्यानहरुले २० रन पनि छुन सकेका थिएनन् । हरिले ८४ बलको इनिङ्गसमा पाँच चौका र १ छक्का प्रहार गरेका थिए । पुलिसका लागि बायाँ हाते स्पिनर ललित नारायण राजबंशीले चार विकेट लिएका थिए । सागर ढकालले पनि दुई विकेट लिए ।

Continue Reading
Headline13 mins ago

एपिएफको आर्मीमाथि रोमाञ्चक जित, सेमिफाइनलमा पुलिससँग खेल्ने

Headline40 mins ago

रौटहटको पहिलो जितमा सबिताको ह्याट्रीक

Headline1 hour ago

पुलिस प्रधानमन्त्री कपको सेमिफाइनलमा

Headline4 hours ago

एपिएफले आर्मीलाई दियो २ सय ४१ रनको लक्ष्य

Headline6 hours ago

‘बार्सिलोना टेर स्टेगनलाई पाएर भाग्यमानी छ’

Headline6 hours ago

भ्यालेन्सिया लाई हराउदै एट्लेटिको शिर्ष स्थानमा सात अंक अग्रता

Headline10 hours ago

एफए कपबाट बाहिरिएपछि क्लोपले झोक्किदै भनेः ‘हाम्रो चिन्ता नगर्नुहोला’

Headline20 hours ago

पन्जाबको गोलरहित बराबरी, किरणको अर्को क्लिनशिट

Headline20 hours ago

एपिएफको लगातार दोश्रो जित, आर्मीबिरुद्ध वालिङ्गको कमजोर प्रदर्शन

अन्तर्राष्ट्रिय21 hours ago

सन्दिपको दुई विकेटमा होबार्टको रोमान्चक जित

Headline1 month ago

१० फुटबलर जसले बार्सिलोना जान मानेनन्

Headline4 months ago

धेरै ऋणको भारी बोकेका पाँच युरोपेली क्लबहरु

Headline9 months ago

ब्राजिलले पाएको अहिलेसम्मकै उत्कृष्ट १० फुटबलर

Headline4 months ago

सात महादेशका सात उत्कृष्ट खेलाडीहरु

Headline5 months ago

सिटीको यस्तो आकर्षक प्रस्ताव जसलाई मेस्सीले नाई भन्नै सक्दैनन्

Headline8 months ago

ट्रान्सफर मार्फत सर्वाधिक कमाउने ५ खेलाडी

Headline4 months ago

कुनै समयका महँगा ब्राजिलियन स्टारको तलब अहिले महिनाको २ सय ५० डलर

Headline3 months ago

फेरि पनि टिममा अटाएनन् स्ट्राइकर बिमल

Headline7 months ago

हाम्रो सम्पर्कमा आउनुअघि नै नेपाली फुटबल भ्रष्ट भइसकेको थियोः कुख्यात म्याच फिक्सर

Headline5 months ago

एक युगको अन्त्य हुँदा बार्सामा क्रान्ति एक मात्र बिकल्प

Trending